و الله ما لقيت العنوان المناسب.....ادخل و شوف

الحالة
مغلق ولا يسمح بالمزيد من الردود.

amoula19

:: عضو مُشارك ::
إنضم
4 سبتمبر 2009
المشاركات
226
نقاط التفاعل
0
النقاط
6
العمر
31
صح فطوركم يا لخاوة ............ان شاء الله راكم ملاح
نبدا طول في الموضوع و ما نطولش عليكم
و من العنوان راني باينة وقيلا بلي راني حايرة صح صح
مناه راني نشوف في واحد الظاهرة رمضان هذا .......
والله غير يندى لها الجبين ............مناه راهي خطيرة فوق الحق
وهي انني شفت بنات بزاف يخرجو من ديارهم في الليل بحجة صلاة التراويح
ولا تروح مع أمها للمسجد من بعد تغفلها و تخرج من الجامع و تروح لل........
عمبالكم وين راهي رايحة تروح..........لأماكن الفساد واللهو
يعني تخرج من بيت الله و تروح لأماكن مشبوهة............والله غير
يعجز اللسان باش يعبر في مواقف مثل هاذو
و ما نقدرو نقولو غير ربي يهدينا و يهديهم..............آمين
أرجو منكم التفاعل مناه راهو موضوع خطيييييييييييييييييير بالبزاف
و صح سحوركم..........في الامان
 
السلام عليكم
صح اختي هادا موضوع جد خطير من الواقع
صلاة التراويح ولات حجة للخراج بصح لازم دير في بالها حاجة كاين لي راه يشوف فيها ربي سبحانه
احنا نطلبولهم الهداية فقط
ياربي اهدنااااااااااااااااا
وشكرا
 
واش تحبي امولة اللي متربي متربي ...هاذوا في رمضان وما عقلوش ...امالا في ليامات الاخرى حدث ولا حرج
صح هذا موضوع صعيب تحطيلوا عنوان لانوا الواحد يحتااااار اذا البنت تخرج للجامع ودورها للفساد مع الشلة
اللي كيفها .
ا
 
ااه صح صح لي متربي متربي واش نقولوا غير الله يهدي البنات وميرسي على الموضوع
 
الله يهدي كل مؤمن

هذا واش نقول

مي البنت المتربة ما عندي ما وش نقول عليها

شكرا اختي موضوع في غاية الاهمية

تقبلي مروري
 
السلام عليك اختي واشكرك على هدا الموضوع الدي هو بالفعل خطير اين اصبحت الفتياة يتحججن باية حجة للخروج من المنز ل نحو الرديلة والفساد ونحن في هدا الشهر المبارك علينا اغتنام صلاة التراويح والاعمال الصالحة وللاكن مانلاحضه العكس
 
الله يهدي الجميع ......لا تعليق
 
ربي يهدى ما خلق هذا منقدرو نقولو
موضوع فى القمة امولة
 
المتربي من عند ربي وهاذ البنات يجي نهار و يتقاسو و يندمو
شفناهم كيفاش كانو و كيفاش رجعو
 
نقولك الصح الصح
هادي اول مرة راني نسمع فيها
ربي يهديهم
ويهدينا اجمعين
 
السلام عليكمــ
اختي الاصل انه صلاة المرأة في بيتها خير لها

توجد فتوى لابن العثيمين اضعها كما وجدتها :



فضيلة الشيخ محمد بن صالح العثيمين
الفتاة الشابة المتحجبة والمتمسكة بالزي الإسلامي الشرعي وتستر كل جسمها عدا الوجه والكفين ،إذا رغبت أن تصلي كل أوقاتها في المسجد هل مسموح لها بذلك ؟ وهل لها أن تذهب له دائماً مع زوجها ؟
لا حرج على المرأة في أن تصلي إذا كانت متحجبة الحجاب الشرعي ساترة وجهها وكفيها ومتجنبة للطيب والتبرج لقول النبي -صلى اله عليه وسلم- *( لا تمنعوا إماء الله مساجد الله )* لكن بيتها أفضل لها لقوله -صلى اله عليه وسلم- في آخر الحديث المذكور *(وبيوتهن خير لهن )


انتهت





في نص الفتوى يجوز لها أن تصلي في المسجد بالشروط الآنفة الذكر ومع هذا تأكيد على أن المنزل أفضل لها فما بالك بمن تذهب للمسجد دون هاته الشروط وبحجة الصلاة تفعل ما لا يرضي الله والخلق
يعجز اللسان عن الكلام



شكرا على الموضوع
 
شكرا اختي على هاذ التوضيح
ومثل ما قال الخ تشي افضل مكان لعبادة المرأة هو بيتها
 
صدق الطالياني كي قال ( عيت ما نصبر واش يصبر قلبي لمعمر لوكان نهدر لحجر يتكسر كل من دمار) واش نقلك في لكاليتي هادي بناتى جايحاتما همش متربيات بصح كل واحد رايح يتعدب في قبرو ما نيش رايحة نتعدب انات في بلاصتهم
تقبلي مرور
 
عندك الحق اختي
هذي مصيبة بصح واش راح انديرو غير الدعاء ليهم بالهداية
 
سلام
الموضوع تم طرحه في قسم نفحات رمضانية
وش راح نقولك
كل واحد نيتو و كل واحد وتخمامو
وكل واحد راح يرقد في قبرو
ورانا نشوفو بلي وحدة تفزدها على عشرة
ومش معناها انو وحدة درتها لبنات كامل يديروهاا
ونزيدك
بنتك ربيهاا و سيبها و ين تروح متخافش عليهاا

والشاد لايقاس عليه​
 
شكرا إخوتي على المرور الطيب
 
حبيت نقول بلي بنات كيما هك ماعندهمش ضمير
خونو والديهم وربي
وزيد يخي رانا في رمضان من الحق شويى احترام
وكيفاه انا نرضى نبدل الطيب بالخبيت
عباد كيما هك راح الحيا منهم وبقاش في قلبهم درة ايمان
ربي يهديهم
 
السلام عليكم
صح اختي راكي تحكي جواهر ربي يهدي ما خلق
 
عندك الحق تحيري فالعنوان.....هههههه
 
سي فري اختي امولة موضوع جد خطير و كيما قالوا خاوتي لي سيقوني لي متربية متربية و لي دير هاد الخدمة و تغفل ماليها عليها ماتنساش يلي كاين واحد أحد لا يغفل ابدا ربي يهدينا و يهديهم هذا واش نقدروا نقولوا عير نطلبوالهم الهداية و نطلبوا حنا المعافاة في الدين و الدنيا في الدنيا و الآخرة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top