الدزيريين و الرومانسية.. !!!

[غادة اليم]

ادا ضربك زوجك.. تخلفي الضربة؟؟؟؟
و لا تقعدي غير تدمعي؟؟؟
و لا ترفدي قشك و تروحي لداركم؟؟؟
ولا واش يكون الموقف تاعك؟؟؟

الصراحة مانتصورش روحي في هاذ الموقف والله لا يوصلني كيما نظن ومتاكدة انب ماراحش نوصل روحي ونعطيلو سبة ولا فرصة يضربني دونـــك اذا دارها مانردش اكيد مانردهاش مي سور سور مانسمحش ومهما كان مانفوتهاش نورمال مريضة امبوسيبل :blink: اصلا مستحيل موراها نولي كيما بكري والمياه لمجاريها :cursing: سورتو الا كانت سبتو زعفان وجا فرغ زعاف بدبزة فيا هكذاك ههههه مليحة والله مليحة ني عذر ني هم يحزنون ماكان حتى عذر يعطيه الحق يدير هكذا من راسو بلا وصلت روحي لهكذا شيء ونظن تان الراجل لمسقم صح مايديرهاش

ربي يسترنا ويحفظنا ان شاء الله ويصلحنا امورنا برك
يعطيك الصحة ختيتاو على السوجي اللي يبريزي هههه
​

 

[killua0555]

ههههه هادى هى الرومانسية تاع الدزايريين هههه ....كف سقلة يتفاهمو ..دبزة دماغ يتحابو ماشى غير ههههه



* ادا ضربك زوجك.. تخلفي الضربة؟؟؟؟
زعما زعما يغلط ويديرها هههههه ضربة بضربة سن بسن
و لا تقعدي غير تدمعي؟؟؟

ندمع والو نحطلو سعدو فى يدو ههههه
و لا ترفدي قشك و تروحي لداركم؟؟؟
هادى حتى تقوليها
ولا واش يكون الموقف تاعك؟؟؟

نرد ضربتى و دار بابا ترفدنى ههههههه

 

[فؤاد الورقلي]

السلام عليكم

ان شاء الله مانوصلش هذا الشي والله يعافينا

شكرا على الموضوع

 

[** غزال الصحراء **]

تحشيمة و الله مرتك تضربك مي ما نضننش كون توصل لهاكا قاع هههه و على الايكيدو حابة تولي تايسي نتيا ههه عندك لا الشاب يكون كينغ فو , مي السوجي فور و الله نتي كتبتيه ؟
​

 

[aMiNa-K]

نرجعلو الدربة وبيانسير تغيضني روحي نولي نبكي وباه نروح دار ماليا لالا نواجه المشكل انا ونخرجلو قلبو

مدام ترجعي الضربة.. ابكي على روحك
هههههههه

ميرسي اختي​

 

[aMiNa-K]

في كل المناطق هاذ الضاهرة

راه مش حكاية باب الحارة أو مسلسل تاع مهند ​

راه واقع هافطنو ربي يخليكم ​

ايه راهي بارتو
بصح شي ناس عمباتلهم كما نور و مهند
افطنو و ارواحو عيشو في الواقع ههههه

ميرسي خويا
و صحا فطورك

​

 

[aMiNa-K]

الرجل ماعندوش الحق يظرب الزوجة تاعو ظرب مبرح
والراة تاني ماشي من حقها تردلو
الاسر تاعنا مبنية على ساس ديني ضيف برك
كون جاء الايمان قوي مانشوفوش هته المظاهر

ايه صح خويا عندك الحق
بصح ارواح و انت و فهم شي ناس

كاين اللي ولات عندهم نورمال.. الصباح لاباقر ولعشية يولو شغل ماصرا والو
ماشي تحير

الله يقوي علينا الايمان
ميرسي خويا
صحا فطورك​

 

[aMiNa-K]

يا خاوتي هذا الواقع وقع على روسنا ​

نورمال ​

كلشي ولا نورمال ​

واقع مرير.. القوي ياكل الضعيف

امالا المراة تضرب راجلها نورمال.. ايه نوووورمال :blink:

ميرسي خويا
و صحا فطورك​

 

[aMiNa-K]

الرجال تاعنا ماعندهومش رومنسيااا​

اييه انا مانوصلش روحي باه يضربني
وكان ضربني نردها فاسيلمون ههههه
ماضربنيش بابا يضربني هو​

مي ادا كنت نحبو
الضرب من عند الحبيب تفاحة ههه
مانقولكش نسكت مانسكتش
مي نقعد في داري مانروحش لدارناا هك راح تكبار الحكاية​

موضوع بااهيي​

اختي نقولو الصح.. لا الرجال تاوعنا رومانسيين لا النسا.. كامل كيف كيف

امالا تقبلي بالحب اللي يذلك؟؟؟؟؟

اختي مرورك هو اللي زاد بهى الموضوع
ميرسي اختي
صحا فطورك ​

 

[angel_fly]

* ادا ضربك زوجك.. تخلفي الضربة؟؟؟؟ لالا مستحيل
و لا تقعدي غير تدمعي؟؟؟ شوية
و لا ترفدي قشك و تروحي لداركم؟؟؟ لا اكيد
ولا واش يكون الموقف تاعك؟؟؟ نصبر و ربي يفرج عليا

 

[aMiNa-K]

ادا ضربك زوجك.. تخلفي الضربة؟؟؟؟ لالا امبوسيبل وعلاه سماوه راجدل باه تضربوا مرتو؟؟؟؟

و لا تقعدي غير تدمعي؟؟؟ مندمعش بصح منحكيش معاه ايامات حتى يجي هو هههههه
و لا ترفدي قشك و تروحي لداركم؟؟؟ لالا منديرهاش منحبش العفسة هادي
ولا واش يكون الموقف تاعك؟؟؟ والله نسكت ونتغشش ومنحكيش معاه ايامات حتى يبادر هو ويحكي معايا واذا كنت انا الغالطو نطلب السماح ​

امالا تبلعيها و تسكتي
نحكيلك حكاية و ان شاء الله تفهميها

قالك ماريكانية و فرنسية و دزيرية.. كرهو من ازواجهم في ثلاثة النهار كامل يخدمو في الدار كلمة صحا مايسمعوهاش من عندهم.. و تفاهمو فيما بيناتهم مايدريو والو حتى يفششوهم رجالهم.. و تفاهم يتلاقاو على سمانة
كي جازت السمانة تلاقاو.. الفرنسية قالتلهم نهار اللول قالي وين راه العشا.. قالتلو مكانش.. ناضت الصباح صابتو هو اللي طيب القهوة.. هادي تم تم فراتها
الماريكانية كيف كيف.. بصح هدي راجلها على 3 ايام وحدو ناض يخدم في الشغل في الدار
بصح الدزيرية.. جاتهم مضروبة كامل في وجهها.. قالولها وشبيك.. قالتلهم ماكملتش الهدرة معاه و راكم تشوفو كيفاش وليت

ان شاء الله تفهمي الحكاية

ميرسي اختي
و صحا فطورك

​

 

[@marwa@]

يا ختي ما نضربوش بصح نخلفهالو في حاجه اخرى نخليه يندم عليها

 

[aMiNa-K]

اصلا ولات هاده الضاهرة منتشرة بزاف في المجتمع

ونورمالموا العشرة الزوجية تكون مبنية على مودة ورحمة بين
الزوجين وسعات الشيطان يلعب عليهم برك ويرجعوا نورمال
اما في انو لمرا ترد للراجل الضربة نضن الحل اكم عارفينوا
مشكورة اختي على الموضوع وصحا صيامك​

للاسف غير الظواهراللي ماشي ملاح ولاو منتشرين
العشرة اللي راك تهدر عليها كانت بكري.. دوكا واحد مايكردي لواحد

و ادا صرا مشكل الزوج زعف و الزوجة خلفت الضربة ان شاء الله ماتروحش ديركت للحل اللي راك تمعني عليه.. كاين التفاهم مع شوية تنازلات

ميرسي خويا
و صحا فطورك​

​

 

[njouud]

nkarahle hyatou

 

[aMiNa-K]

* ادا ضربك زوجك.. تخلفي الضربة؟؟؟؟

بيانسور بلا هدرة هو يضرب و انا نضرب​

و لا تقعدي غير تدمعي؟؟؟

ما ندمعش باه ما يفرحش يقول راني غلبتها​

و لا ترفدي قشك و تروحي لداركم؟؟؟

ايه هادي لازم نديرها يرفد عليا يدو وانا نسكت عليه
لاكان سكت عليه يوالف و يعود يديرها دايما​

ولا واش يكون الموقف تاعك؟؟؟

عندي بنت عمتي تحبني كتر من عينيها و تدير الجيدو حزام بني قريب توصل للاسود قالتلي اذا قلقك كاش واحد عيطيلي برك مالا هادا هو الحل تاعي
ههههههههه
يعطيك الصحة اختي مواضيعك دايما فوور​

صحيتي هدا رد يعجب
بصح ماتتكليش بزاف على بنت عمتك.. اتعلمي وحدك الجيدو
و جيبي حقك بدراعك هههه

ميرسي اختي
و صحا فطورك​

 

[aMiNa-K]

ههههههههههههها اذا ضربني راجلي نحسسوا بالخطا نتاعو بصح ما نعاود نرجعلوا ما نروح لدارنا...هههها
نعرف واحد ضرب مرتو ياخي شدتو بعضة حتى سال الدم..هههههههههههههههههههههههههههههههههههههههههههههههههههههههههههههههههههههههههههههها
هم يضحك وهمك يبكي...

اها امالا انتي عندك مخططات اخرى.. ان شاء الله تكون مخططات فعالة.. انو دارو احصائية قالك كاين نوعية من الازواج مايجو غير بالعين الحمرة
موفقة و ان شاء الله ماتلحقيش هاديك اللي عضت راجلها حتى سال الدم هههههه

ميرسي اختي
و صحا فطورك​

 

[aMiNa-K]

اهلا امينة واش راكي ههههههههههه

اهلا مايا
ههههههههه

راني صافا و الحمد لله.. و انتي وشراكي؟
​

شفتي الرومانسية نتع الجزائريين
انا ولد خالي غير كيما تزوج قال لمرتو روحي غسلي لماعن قاتلو لالا
جاب بيدو ما و قاسو عليها و غسلتهم بحوايجها مشمخين

ههههههههه
هدي قمة الرومانسية.. و هدي تحمد ربي كي جات غير في الما ​

حنا الجزائريين معروفين بالتعصب الزائد و الهدرة بزوور و بالفوور​

يعني كل واحد يهدر يزقي

دمنا حامي :angel_not:​

استناي درك نجاوبك
* ادا ضربك زوجك.. تخلفي الضربة؟؟؟؟ هههههههه شوفي امونتي ادا كنت نستاهل هاديك الضربة و لا غلطت ما عليش مي لوكان يحقرني هههههههههه نخلفها و نزيد وحدة بونيس معاها
و انتي علاش توصلي روحك :glare:.. و ادا هو تبلاك عندك الحق ههههه
و لا تقعدي غير تدمعي؟؟؟ هي يقولك سلاح المراة سلاحها مي ماراهيش تفوت في هاد الوقت
ايه الدموع ولاو سلاح قديم.. دوك النسا ولاو بدراعهم :cursing:
و لا ترفدي قشك و تروحي لداركم؟؟؟ لالا جامي
اممممممم
ولا واش يكون الموقف تاعك؟؟؟ قتلك الحقرة ما نحبهاش ادا حقرني يا ويلو مي ادا انا غلطت غلطة الي نستاهل عليها ضربة فماعندي مشكل

امالا اللي يدنا ليك يندم على النهار اللي زاد فيه ههههه​

ههههههههههه​

مرسي امونتي موضوع فووور يستاهل التقييم​

صحا صحورك

انتي اللي مشكورة اختي مايا
صحا صحورك انتي تانيك
​

​

 

[Bob Marley]

* ادا جاك كاش نهار و كنت زعفان و غلطت ضربت مرتك.. بصح هي ماسكتتش رفدتلك مقلة و عطاتك بيها للراس.. وش رايح يكون الموقف تاعك قدام الامم المتحدة؟ :laugh:
الهرووووووب الى.............؟
​

 

[مايلي]

اواه مانبغيش الذل اكيد نرد الضربة حتان نسكره ونخليه يحللللللل هههههههههههههه

 

[aMiNa-K]

الصراحة مانتصورش روحي في هاذ الموقف والله لا يوصلني كيما نظن ومتاكدة انب ماراحش نوصل روحي ونعطيلو سبة ولا فرصة يضربني دونـــك اذا دارها مانردش اكيد مانردهاش مي سور سور مانسمحش ومهما كان مانفوتهاش نورمال مريضة امبوسيبل :blink: اصلا مستحيل موراها نولي كيما بكري والمياه لمجاريها :cursing: سورتو الا كانت سبتو زعفان وجا فرغ زعاف بدبزة فيا هكذاك ههههه مليحة والله مليحة ني عذر ني هم يحزنون ماكان حتى عذر يعطيه الحق يدير هكذا من راسو بلا وصلت روحي لهكذا شيء ونظن تان الراجل لمسقم صح مايديرهاش ​

ربي يسترنا ويحفظنا ان شاء الله ويصلحنا امورنا برك
يعطيك الصحة ختيتاو على السوجي اللي يبريزي هههه ​

ايه صح اختي راجل مسقم مايديرش وش قلتي
بصح وين راهم الرجال المسقمين هاد الوقت :huh:

الله يستر جميع المومنين
و صحيتي اختي كي درتي الكوراج و جاوبتي على موضوع يبريزي هههه

صحا صحورك
ميرسي​