السلام عليكم ورحمة الله تعالى وبركاته صح فطورك اختي الاميرة النائمة كيفك ان شاء الله تكوني بالف خير
اتمنى ان تكوني في اتم السعادة في هذه الاسرة المحترمة والبيت الثاني لكل عضو
وبعد:
و عليكم السلام اخي عبد الرحيم مرحبا بيك راك نورت الموضوع بطلتك تعرف انا تاني نحب نسمي اللمة البيت الثاني ربي يخليهالنا ان شاء الله
بسم الله نبداو
بسم الله
نطرح عليك شوية اسئلة ومنطولش عليك
تفضل خويا كي العسل طول على روحك
1-واش رايك في منتدانا واعضاءه؟
بصراحة منتدى هايل حبيتو بزاف و ارتحتلو بزاف كنت نتابع في منتديات اخرى بصح عمري ما سجلت فيها و هادالمنتدى جبدني كي المغناطيس
الاعضاء ربي يخليهم هم سبب رقيه
2-وهل الظروف هي التي ابعدتك عن الجزائر ام ماذا؟
نعم اخي ضروف عمل الوالد
3-واش هو شعورك عندما تاتين الى الجزائر؟
احساس هاااااااااااااااااايل نحب نجري و نعيط من الفرحة ههههه
4-في يوم من الايام المكتوب جابكم تسكنوا في الجزائر فهل تبقين في الجزائر ام تهاجرين الى ابوظبي؟
طبعا ابقى في الجزائر هادي بلا هدرة بصراحة مانقدرش على الغربة صعيبة بزاف
5-من هو قدوتك في هذه الدنيا؟
ابي
6-ماهي السمة او الصفة المعروفة بها في وسط عائلتك او صديقاتك(صفاتك )؟
انني نحب نضحك بزاف و مرحة كالطفلة الصغيرة
7-كيف جوزتي هذا الشهر الفضيل؟
الحمد لله يا رب عدى مليح لكن الوقت يجري سبحان الله
8-ماهو الشيء المفضل لديك في حياتك اليومية؟
كي ندخل للمة و كي نشعل التلفاز و يبدى فيلم رعب هههههه
9-كم لديك سنة وانت في الغربة؟من هي الاحسن هنا ام هناك؟
3 سنوات و عائلتي عندهم 7 بصراحة الجزائر احسن ماعلاباليش وعلاه انا نشوف هاكدا
وان شاء الله تكوني تعرفيني ماشي غير واحد تجاوبي على الاسئلة نتاعو وخلاص..........
بالتاكيد اخي انت على العين والراس و حتى اللي مانعرفهمش نجاوب عليهم وين راهو المشكل :angel_not:
10-ماهو الطبق او الاكلة المفضلة لكي في رمضان؟وفي باقي اشهر السنة؟
نحب المحجوبة و الرشتة و التريدة و نحب تاني البيتزا و الدولمة و اللازانيا و بزاف حوايج هههههه
11-ماهو حلمك الذي صعب عنك تحقيقه؟
يتلمو الناس اللي نحبهم كامل في بلاصة وحدة واحد ما يكون بعيد على لاخر بالاك يتحقق الحلم في الجنة ان شاء الله
12-لوكان يجيك نهار وماترقديش كامل واش هو احساسك؟
تصرالي ساعات يا اما من القلقة و التخمام او من افلام الرعب ههههههه نحس بالعيا و الفشلة في النهار
13-ماهو معدلك في شهادة البكالوريا؟وهل كنتي راضية بالنتيجة ام لا؟
جوزت الباك هنا في الامارات جبت نسبة 76 % كنت راضية نورمال هي صحيح هابطة شوية بالنسبة ليهم لكن انا كنت عندي عذر في 3 ثانوي باه جيت للامارات و المنهج تاعهم مختلف
14-كم عندك عام وانت في ابوظبي؟
كيما قلت جوزت الباك هنا وقعدت عام و مبعد وليت للجزائر و قريت في الجامعة و درك راني جيت يعني 3 سنين
15-اما الان نتحدث عن كرة القدم في حالة فوز فريق بلادك فهل تشجعيه؟
رغم انه خاطيني الفوت خلاص لكن طبعا نشجع المنتخب الوطني هههههههه نهار ربحنا مصر كانت 2 تاع الليل عندنا حلينا الطاقة انا و خويا و بدينا نعيطوا ما فهموا والو الجيران
16-ونفس السؤال عن منتخبنا (محاربي الصحراء)
ما فهمتش اي منتخب ؟
مانطولش عليك انتظر اجوبتك
