المرأة فالميزان...........والراجل خاطيه....

الحالة
مغلق ولا يسمح بالمزيد من الردود.

سماح4

:: عضو بارز ::
أحباب اللمة
إنضم
16 أوت 2009
المشاركات
3,189
نقاط التفاعل
108
النقاط
164
العمر
41
محل الإقامة
الجلفة.
الجنس
أنثى
السلام عليكم
اليوم راني جيت نهدر بصح ما نعرف تعجبكم هدرتي ولا لا ....راني يوميا ندخل لقسم واش راك تهدروندخل قسم فرغ واش كاين في قلبك ....لاحظت شيء مافهمتوش والحق زعفني شوية ..
كي لبنات كي الذراري كامل يهدرو على المرأة ...هذا موضوع على البنات الي دايرين علاقات وهذا موضوع يقطعوا فيه فالجامعيات وهذا موضوع يحكو فيه على عقلية لبنات ضرك وعقليتهم بكري وهذا موضوع يحكو فيه على اللبسة تاع لبنات ...وهذا واحداخر يحكو فيه على الثيقة الي ولى الشباب مايديرهاش فالبنات وهذا...وهذا ....
واش يا الخاوة ذرك ولات مواضيع المرأة حديث الساعة ولا واش ...الحق مانيش نقول ما تهدروش وما تناقشوش بصح راني نلاحظ فاللوم كامل يقع على عاتق المراة وعلاش ما نجبدوش عيوب الرجال وكيفاش تبدل بيهم الحال.....ما تزعفوش بصح راني نحكي عموما،وكيفاش شبابنا راهوفيه فئات ضايعة كي بناتو كي ولادو الا من رحم ربك....ما ترموش كلش على لبنات وخاصة الشباب راهم دايرين حالة....
الحاصول لازم ناقشوا المواضيع بحيادية مش الي ما ينجحش في علاقة عاطفية ولا تصرالوا حاجة يجي يتهجم على خلق ربي ....هذا الشيء راه يضر المجتمع كامل ويعطي أفكار سلبية للجيل الجديد.
للتذكير انا مانيش نقول كامل المواضيع ....لكن الأغلبية.... نتمنى تناقشوني وتقولوا رايكم..بكل صراحة وبحيادية بعيدا عن المناقشات السلبية...
 
H@teM، تم حظره "حظر دائم". السبب: مخالفة القوانين
اختي حبيت نقولك حاجة المواضيع في معضمها هادفة
خلينا من موضوع تاع الجامعيات هدا انا تاني معجبنيش
وكاين مواضيع على الشباب تاني .....
ولكن الصراحة مواضيع لبنات اكثر لاننا شايفين
كيفماه الحالة واصلا
مشكورة على الموضوع اختي
 
السلام عليكم سماح شكرا على الطرح ! و الله في وحد المدة كنا نحكيو غير على الشباب شباب

شباب حتى فضينا من لي سوجي تاعهم قاع و نضن هاذو ليامات لي راهم يحكو على مشاكل

لبنات مدة و يفوتو هاذي هي تصرى خطرات نطيحو على حاجة وحدة و خلاص و يعني المواضيع

هاذي ماهيش في الvيد حتى هي يعني نقاش هادف لاباس عليه و حوايج نشوفوها كل يوم و صح عندك

الحق في تاع لازم ناقشو المواضيع بحيادية هاذي كلمة يعني بمنظور منطقي و حيادي يرضي

الطرفين الله يهنيك موضوع مميز خاصة أنه من قلمك .

 
اختي حبيت نقولك حاجة المواضيع في معضمها هادفة

خلينا من موضوع تاع الجامعيات هدا انا تاني معجبنيش
وكاين مواضيع على الشباب تاني .....
ولكن الصراحة مواضيع لبنات اكثر لاننا شايفين
كيفماه الحالة واصلا
مشكورة على الموضوع اختي

شكرا ليك خويا عندك الحق لكن تبقى مشاكل المجتمع كاملة تقع على عاتق الطرفين مرأة ورجل
 
السلام عليكم سماح شكرا على الطرح ! و الله في وحد المدة كنا نحكيو غير على الشباب شباب



شباب حتى فضينا من لي سوجي تاعهم قاع و نضن هاذو ليامات لي راهم يحكو على مشاكل

لبنات مدة و يفوتو هاذي هي تصرى خطرات نطيحو على حاجة وحدة و خلاص و يعني المواضيع

هاذي ماهيش في الvيد حتى هي يعني نقاش هادف لاباس عليه و حوايج نشوفوها كل يوم و صح عندك

الحق في تاع لازم ناقشو المواضيع بحيادية هاذي كلمة يعني بمنظور منطقي و حيادي يرضي

الطرفين الله يهنيك موضوع مميز خاصة أنه من قلمك .

صحيت غزالنا على بالي مواضيع فيها فايدة بصح نضن كثير من المواضيع او تحديدا الردود تشوه صورة المرأة والفتاة الجزائرية تحديدا كي تشوف تقول واش راه صاري فالبلاد مع أنو هذي المواضيع تمس فئات قليلة ومتنوعة ....يعني لازم ما نمدوش صورة مشوهة للاجيال الجاية ...وكأنو الخير خلاص من لبلاد....هذا منتدى نناقشو فيه الايجابيات والسلبيات...لم نترك تقريبا مكانا للايجابيات من خلال الاحاديث السلبية..............شكرا ليك.
 
H@teM، تم حظره "حظر دائم". السبب: مخالفة القوانين
صحيت غزالنا على بالي مواضيع فيها فايدة بصح نضن كثير من المواضيع او تحديدا الردود تشوه صورة المرأة والفتاة الجزائرية تحديدا كي تشوف تقول واش راه صاري فالبلاد مع أنو هذي المواضيع تمس فئات قليلة ومتنوعة ....يعني لازم ما نمدوش صورة مشوهة للاجيال الجاية ...وكأنو الخير خلاص من لبلاد....هذا منتدى نناقشو فيه الايجابيات والسلبيات...لم نترك تقريبا مكانا للايجابيات من خلال الاحاديث السلبية..............شكرا ليك.
يااختي يسلم فمك اك قولتيها تمس فئات من المجتمع هادي المواضيع
ماشي لبنات كامل اما في قضية الردود فكل واحد وجهة النضر تاعوا
كاين لي مع ها الشي وكاين لي ضد وهادي هي التركيبة البشرية
مختلفة في الراي عندك الحق في حاجة وهي الرد دون تشويه
او الرد الخشن....
تقبلي مروري المتواضع
ووجهة نضري
 
يااختي يسلم فمك اك قولتيها تمس فئات من المجتمع هادي المواضيع

ماشي لبنات كامل اما في قضية الردود فكل واحد وجهة النضر تاعوا
كاين لي مع ها الشي وكاين لي ضد وهادي هي التركيبة البشرية
مختلفة في الراي عندك الحق في حاجة وهي الرد دون تشويه
او الرد الخشن....
تقبلي مروري المتواضع
ووجهة نضري

يا أخي رأيك على العين والراس ومرورك شرف ليا،هنا رانا نتبادلو أفكار وآراء لا أكثر ...شكرا ليك
 
عندك الحق حنونة
حتى انا لاحظت هاذ الشي جابلي ربي كاين بزاف قضايا في المجتمع يستحقو المناقشة بصح هنا الاغلبية على المراة .. و كيما قال هشام بلاك شوي برك و ينساو المراة و يدوروها حاجة خرى

تقبلي مروري

 
عندك الحق حنونة

حتى انا لاحظت هاذ الشي جابلي ربي كاين بزاف قضايا في المجتمع يستحقو المناقشة بصح هنا الاغلبية على المراة .. و كيما قال هشام بلاك شوي برك و ينساو المراة و يدوروها حاجة خرى

تقبلي مروري

شكرا ليك وبارك الله فيك ...صحيح كاين مواضيع ومشاكل كبيرة فالمجتمع غير المرأة.
 
اهلا سموحة ربي يبارك علابانا بلي رانا حاطين في الطفلة خاطر هي الرسمي
المرأة نصف المجتمع كيما يقولو..كي منهدروش على المرأة علاش يهدروا..علبالي المواضيع الاخرى متقاش اهتمام كيما المــــــــــــــــــرأة ..بصح معليهش كي نقولو المرأة مليحة المرأة نسحقوها ..المرأة داوي جراح الحنانة والتعب تاع زوجها..بصح ما يعجبكمش كي نقوو المرأة واعرة ..المرأة ..طايرة هههه
انا تاني معاك خاطر فيها وفيها ههههههه

شكرا منا وجاي نهدرو غير بالخير من عندي ههههه
راني مقيوس انا منهم
 
نسيت مقتلوكش شكرااااااا للموضوع.

المرأة تدي اهتمام الرجل خاطر راها عايشة معاااااااه كأم ولا اخت ولا زوجة ..وراها تأثر في قرارات هامة اذا عاد الرجل رح ينفذ قراروا ممكن يتغير اذا دخلت فيه المرأة هي حاجة مليحة اذا كان تغير القرار ينفع بصح ميش حاجة مليحة اذا كان القرار يخسر ويفسد.
ونلاحضوا بلي الراجل عاد ميعؤفش يصرف خاطر الله يبارك المرأة هي كلش..وطبعا احنا هنا في اللمة ما يعجبناش الحال اذا دات المرأة كلش رح يوليو يقطعوا خاطر مقدروش عليها في الدار يولي يفرغ كلش هنا
ههههههههه بصح نقولك الموضيع تتنوع مرة عليكم ومرة علينا منيش نقولك الرجال كامل ملاح
ولا النساء كاملا موش ملاح
ايا كثرت عليك صح ربي يعاااااااونك
 
نسيت مقتلوكش شكرااااااا للموضوع.


المرأة تدي اهتمام الرجل خاطر راها عايشة معاااااااه كأم ولا اخت ولا زوجة ..وراها تأثر في قرارات هامة اذا عاد الرجل رح ينفذ قراروا ممكن يتغير اذا دخلت فيه المرأة هي حاجة مليحة اذا كان تغير القرار ينفع بصح ميش حاجة مليحة اذا كان القرار يخسر ويفسد.
ونلاحضوا بلي الراجل عاد ميعؤفش يصرف خاطر الله يبارك المرأة هي كلش..وطبعا احنا هنا في اللمة ما يعجبناش الحال اذا دات المرأة كلش رح يوليو يقطعوا خاطر مقدروش عليها في الدار يولي يفرغ كلش هنا
ههههههههه بصح نقولك الموضيع تتنوع مرة عليكم ومرة علينا منيش نقولك الرجال كامل ملاح
ولا النساء كاملا موش ملاح

ايا كثرت عليك صح ربي يعاااااااونك

شكرا ليك مالك ...........
 
السلام عليكم
رايي هو معرفة كيفية طرح القضية و كيف التكلم فيها وكيف نناقش الوضع و لكن للاسف مازال النقاش في مثل هده المواضيع لم يعرف التطور
اما الفتاة المراد التكلم عنها فهي في الاخير مجرد اخت او ابنة الاقارب او الجيران او غيرها فهي لا تبتعد عن هده القوقعة فكل راع مسؤول عن رعيته
شكراااااااااااااااااااااااا لك
اختك في الله
الجميلة الحنونة
 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
السلام عليكم

رايي هو معرفة كيفية طرح القضية و كيف التكلم فيها وكيف نناقش الوضع و لكن للاسف مازال النقاش في مثل هده المواضيع لم يعرف التطور
اما الفتاة المراد التكلم عنها فهي في الاخير مجرد اخت او ابنة الاقارب او الجيران او غيرها فهي لا تبتعد عن هده القوقعة فكل راع مسؤول عن رعيته
شكراااااااااااااااااااااااا لك
اختك في الله

الجميلة الحنونة

بارك الله فيك أختي .........شكرا ليك
 
سماح زعمة كاين مواضيع يهدرو فيه بلا ميجبدونا.
لازم يلمحوا ولو موضوع ما يحتاجوش يذكرو فيه المرأة
لعلهم بموضوعك يبطلو
 
كلامكـ كامل صح..!!
اكيد لكل واحد له سلبيات واجابيات بالصح هوماا باش يغطواا سلبياتهم يرموهااا ع لبناات,
والنسا ماصاروش هكا غير كيشافواا واش جاهم من الرجال ,,,و الرجاآل يحبوا يفرضوا روحهم في كلش!!!
يخي عقليه !!!!!



 
يب والله غير عندك لحق راني نشوفهم زادو هادو ليامات
وبصراحه نقولك عقلية الدزيريين @______@
مافهمناهاااااااااش!!!!!!!!!
مرســي ع )توبيك ( نايس ..... ~
 
سماح زعمة كاين مواضيع يهدرو فيه بلا ميجبدونا.

لازم يلمحوا ولو موضوع ما يحتاجوش يذكرو فيه المرأة

لعلهم بموضوعك يبطلو

ايه شفتي ...انا قلت نجبد الموضوع بلاك يديرو تعديلات فالمواضيع ويتفكروا الاسباب الي خلات المرأة موضوع للحوار والنقاش!!!
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top