ناسنا بكري...و ناسنا ضرك...نخليلكم بقية الكلام

[aMiNa-K]

السلام عليكم

صح اختي عندك الحق وش قلتي

*بصح ناس بكري.. كانو ينوضو مع الصباح يشربو حليب البقرة و ياكلو خبز تاع الدار.. الهوا نقي مافيه والو.. ناشطين ينوضو بكري مع السردوك
كانو بصحتهم الله يبارك عليهم.. بالسيف الحيط كي يضربوه يريب

المرض مايعرفوهش كامل.. و ادا مرضت كاش عايلة موحال يعدو جيرانهم.. باسكو كانو بين جار و جار ياحصراه اراضي و اراضي.. هدا ادا مرضو
و عايشين في الوسع قلوبهم ترفد بلاد.. بشوشين دايما

*عمباتلك حنايا دوكا.. خبز تاع الزنقة.. حليب مكرر مليار باش يلحقونا هادوك الشكاير.. الخضرة و الفاكية تاع البيوت البلاستيكية.. الهوا ماشي نقي.. هادو الزيقوات حاشاكم.. الطونوبيلات.. المصانع

هكدا بالسيف نمرضو.. و نكملو عليها بالادوية.. غير اللي حاط قدامو شكارة تاع دوا.. و بالسيف يعدي جيرانو و جيرانو يعدو لخرين.. في يومين برك واحد يمرض لاقريب برك يعدي معاه حومة

و الواحد كي يمرض بزاف يتقلق.. و شوفة الغاشي دايما تانيك دير ضيقة الخاطر
علابيها نتقلقو بالخف و مانوسعوش خاطرنا

ولينا كي نوضو مع الصباح نوضو مدقدين.. شغل كاميو جاز علينا.. الصداع تاع الراس.. شغل مارقدناش كامل.. بورتو مانعياوش كامل.. مانمشو بزاف مانخدمو بزاف.. اللي يروح يخدم يروح فييكولي.. و النسا عندهم كلش المشينة تاع الحوايج.. المشينة تاع الماعن..كلش بالقفالي
بالسيف نهار نخدمو شوية نعياو

يا حصراه على بكري.. لوكان غير يولو نهارات بكري

موضوع بزاف شباب اختي.. صحيتي



​

 

[Silent Hill]

:: . :ّ بسم الله ّّ: . ::
:ّ ما شاء الله ّّ:
ربـ،ـي لقد مسـ،ـ،ـني الضـ،ـ،ـر:closedeyes: فإرحمـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
يا حسره راهم ساروا و قاموا
و خلوها ظلام
مشكوره على الطره الراقي
جزاكي الله كل الخير
في رعاية الرحمان
‘ــــرمضًان كريمــــ’
ــــروحي غزةــــ
تحياتي و احترامي و تقديري
ـــــسلامــــــــــــ

و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​

 

[safa rym]

مارسي ليكم كامل على المرور....فعلا واش قلتو كامل صح..و نهنيكم على مستوى نقاشكم...راكم فور...جزاكم الله عني كل خير...تقبلوا فائق تحياتي و تقديراتي..​

 

[رنيم الصمت]

:..................................................


ايه ... وش نقولك
صح تحيري
كلش تربا .. حتى الصحة
يعطيك الصحة على الطرح حنووووووووووووونتي وفاااء العزيزة الغالية
..................................................:
​

 

[safa rym]

:..................................................


ايه ... وش نقولك
صح تحيري
كلش تربا .. حتى الصحة
يعطيك الصحة على الطرح حنووووووووووووونتي وفاااء العزيزة الغالية
..................................................:
​

مارسي عزيزتي بزاااااااااف....منورة الموضوع والله....يعيشك​

 

[safa rym]

زعمــــــا
​

هيه صح ماشي زعما...و انت اولهم ردّك عجبني بزاف...ربي يبارك و يعيطك الصحة​

 

[Mr mino]

موضوع مليح

انا في راي مانقدروش نديروا مقارنة بين ناس بكري وناس ضركا بويسكو الوقت تبدل بزاف

والدنيا تبدلت

صح راني معاك كي قلتي كانو عايشين صحاح بلا دواء بلا والو مي لوكان تهزي واحد من نتع

بكري وتعيشيه في الوقت هذا والله كل يوم عند الطبيب الفرمسيان يخدم غير معاه غير الفيتامينات

يشري بالقنطار

ولوكان تهزي واحد من نتع ضركا وتعيشيه في الوقت نتع بكري يعيش غير باكسرة والماء

تلقايه صحيح بصحتو لباس عليه

المشكل في وقتنا هو لحوايج اللي فيه كثروا هذي مواكل بذراع تدير الامراض

حليب لحظة ياورت فرماج كشير صابون اييييييييي بزاف صوالح الدنيا كامل فابريكاسيو كلش

مخدوم مي بكري كلش ناتيرال لحليب من البقرة الفرماج تاني الصابون يخي مايستعملوهش

خلاص الماء واجري المهم هذو الصوالح قاع ماكانوش عدهم

الزيت زيتونة بكري من الشجرة دوريجين ضركا نحلف عليه غير يزيدولوا في زيت

الطومابيلات ويقلك هاو زيت زيتونة دوريجين

قوليلي حمبوك كيفاه تحكمي صحتك مع هذا التخلاط

شتي الفرق وراه هيه هاو باه نقلك انا

ناس بكري اللي مزالو حيين يقولوا على وقتنا يخي وقت معجب يخي ومعلبالهمش بلي الدنيا طورت

وحنا تاني بعد مانعرف انا 50 سنة نولوا نقولوا تاني يخي وقت معجب يخي

هيا راهي افار تطور برك لا معجب لا والو

على العموم مارسي اختي صفا على الموضوع ربي يشدلك في صحتك وان شاء الله ديما كيما

ناس بكري مي في الصحة برك العقلية لازم مودارن سايري العصر

ربي يبارك فيك اختي

​

 

[titou_le_roi2009]

الله غالب ...........................نحب بلادي

والله يا ختي ماعندي ما نقول الموضوع الله يبارك فوررررررررر بزاف :001_wub:
والله يرهم ناس بكري والعقلية نتاع بكري و النيف نتاع بكري :001_wub:

 

[إيـــ م ـــآن]

رأي في هذا الموضوع باختصار هو رأي ماني

دارت مقارنة شاملة بين بكري واليوم

بكري كانو كاينين الرجال مي دوك خلااااصوووو

ومشي جميع من لبس سروال راجل ولا جميع من حزمت مرا ​