:: .. حالة وحد البنات دزيريات !! .. ::

[aMiNa-K]

موضوع شباب بزاف اختي بارك الله فيك ​

منكذبش عليك اختي انا وحدة من هاذ لبنات من صغري حاطة في بالي قرايتي قبل اي شيء وماشكيتش هاذ الشيء راح يضرني لكن انا مانيش مع هاذ الفئة في الشروط نتاعها والتقلاش ومنعرف واش هي البنت اكيد راهي عارفة الدنيا شحال راهي صعيبة وزيد حال ليجان كيفاش يعني انا بعد قرايتي اللي يهني في زوجي المستقبلي او يكون خدام ومتخلق ومتدين اما على المصرورف انا وهو واحد مافيهاش عيب اذا هو صرف عليا ولا انا عاونتو شوية واما على الدار على قد مايقدر اذا كان مع والديه علاه لالا ونحمد ربي على هاذ الشيء واذا كنت حابة داري وحدي بلعقل ومع شوية صبر يفرج ربي وعلاه لالا ​

واش نقولك اذا كان على القراية انا موافقة هاذ الفئة ​

اما على شروطهم لالا الانسان لازم يحمد ربي على ماعطالو وكل شيء بالمكتوب قادرة تحقق كامل واش شارطة هيا ويجي نهار يتهد فيه كلش ​

اما على باقي لبنات ماشكيتش يكون عندهم نفس العقلية اكيد بنات ميحوسوش يقرا ويتزوجو قبل ما يكملو قرايتهم ومايتشرطو ماوالو ​

اما هاذ العقلية صح هي سبب من اسباب العنوسة ​

بارك الله فيك ​

في انتضار جديدك ​

ايبارك فيك اختي

ايه اختي القرايا قلنا ماعليناش
و كاين اللي متزوجات و يقراو نورمال.. و كاين اللي ماكملوش قرايتهم
و كاين اللي ميبسين ريسانهم.. حتى تقرا و تخدم.. و كي تتزوج تشرط الخدمة و معاها مليار شرط

لازم نرضاو بقسمة ربي سبحانو

بارك الله فيك اختي
الله يبعثلك ولد الحلال
​

 

[aMiNa-K]

السلام عليكم

نقول رايي بكل الصراحة و ماكاش قد الصراحة
:biggrin::biggrin::biggrin:
المهم
الي قلتيها كومبلي صح و راني معاك اوكي بصح
مي
الناس ديفيرونس مع بعضاهم
بالاك هادي هي السبة تاع العنوسة بلاك :sad::sad:
مي
لاعادو كل بنت تعمل هكدا خلات البلاد و حنا كيما نعرف
الشباب لازم يخطب طفلة
1- قل منو في العمر
2- تكون رقيقة و بيضة و ناعمة و فاهمة سو بروبلام قرات و لا لالالا المهم تكون
زينة جميلة
***************************
رايي بلي لبنات بطلوا الزوخ بزااااااااف و خلونا نتزوجوا خير
هههههههههههههههههه
و باي
تحيات

**--// غزااااااااااال الجزائـــــــــ:001_wub:ـــــــر //--**​

و عليكم السلام و رحمة الله

لالا خويا هدي سبب من اسباب العنوسة عندنا
و الحمد لله ماشي كامل البنات يخممو هكدا

و الشاب كي يكون رايح يخطب يشوف للمظهر مع اللول بصح ماشي لازم تكون الوحدة مانكا باش يروح يخطبها.. الكاركاصة وحدها ماتدير والو :thumbdown:

مشكور خويا على المرور​

 

[aMiNa-K]

:..................................................

.. تحبي نصارحك ..
كاين هاذ النوع من البنات و أنا منهم و نقول الرجال مفيهمش لامان (راني عارفة مش كامل الرجال هاك ، بصح ضرك متعرفي لا المليح فيهم و للا لي مش مليح) على بيها شرطي الوحيد أنو الراجل يكون اختياري و نكون دايرة فيه الثقة .. ومنبعد أنا نتحمل مسؤولية اختياري
مشكورة على الطرح المميز​

..................................................:​

اهلا اختي رنيم الصمت
مكانش خيرمن الصراحة

هدي حاجة باينة ماتقبلي بحتى واحد حتى تقتنعي بيه مليار في المية و تاع الصح تتحملي مسؤولية اختيارك
بصح اسكو تقعدي تشرطي عليه.. الخدمة الدار وحدك و و و ...
و اسكو انتي من النوع اللي يحب يكمل القرايا و تخدمي.. تماك تخمي في الزواج؟

بارك الله فيك اختي رنيم على الصراحة ديالك
الله يبعثلك ولد الحلال​

 

[باحثة عن السلام]

بالنسبة لياانا نعارض شوية هادو لبنات مالقري راني نقر وحابة اكيييييييييد نكمل مي كون نلق راجل يامنلي حياة محترمة ويوفر عليه عناء رحلة دراسة طويلة اكيد نقبل
انا مشي ضد لقراية لكن لقراية في بعض الاحيان ما هيش كل شيء

 

[aMiNa-K]

ياختي من جهة لرجال مفيهمش لمان هادي سير

وانا نظن مكانش طفله ظرك تتخمم باه تبطل قرايتها وتزوج
نبني مستقبلي ونعدل روحي ومباعد ربي يسهل
مرسي ع لموضوع شباب:biggrin:

ختي اديري مزيه تعودي تكبر لخط شويه وتكتبي بلون وحد لخره باسكو راهم عينيا فلخطر:biggrin:​

اهلا اختي ناريمان

ايه هكدا يقولو.. مكانش لامان في الرجال..بصح ماتنسايش بين الرجال هادو كاين باباك و خوك و زوجك و وليدك.. الرجال ماشي كامل كيف كيف

قلتي تبني المستقبل تاعك.. قوليلي برك المستقبل عندك هو تكملي قرايتك و برك؟؟؟؟.. هدا هو المستقبل عندك؟؟؟؟

و صحيتي على الملاحظة.. هاني كبرت الخط و غيرت اللون

بارك الله فيك اختي



​

 

[aMiNa-K]

حابة تدي كورونال​

ياخي هكا​

مشكورة اختي مضوضوع انتيليجونة​

ـالْفـَ اهِمْ يَفـْ ـهَـ مْ
سَامِـ حُونِي عَلَى الِإزْعَ ـاجْ
لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ
اللـهم أَعِ ـنِ عَلـ َى ذِكْرِكَ وَ شُـ كْرِـكَ​

إِقْرَا جَيـِ ـ دًا مَا بَيـْ نَ السُـ ـطُورْ​

:confused1: :confused1: :confused1:​

على العموم مشكور خويا​

 

[brahimalg]

صايي

يليق يديرولك تشريف و لا رائيسة المنتدى كامل

هذا موضوع ولا بطل .. و الله فووووووووور


و الا جابة منقدرش نجاوب لانو ممكن نجرح بعض البنات

 

[aMiNa-K]

والله يا ختي منكذبش عليك انا تاني وحدة من هاذو لبنات نكمل قرايتي وندبر فيها خديمة ان شاء الله ومبعد يرحمها ربي واللي مكتبو ربي هو اللي رايح يصرا

وعندها الحق الطفلة تتشرط ماشي تقرا تقرا تقرا حتى تخلى عليها وفاالاخير تدي واحد ما كملش قرايتو والا حيطيسط هاذي واحد ما قال عليها

يعطيك الصحة ختي على الموضوع الرائع​

اهلا اختي عطر الندى

اختي احسبيها مليح.. كي تكملي قرايتك و ماتجي تصيبي خديمة مليحة و تبداي تخدمي.. شحال يكون في عمرك؟؟؟؟.. تكوني قريب تلحقي للثلاثين.. ادا مالحقتيهمش صح
اللي يلحقو للثلاثين علابالك شكون اللي راهم يخطبوهم؟؟

احسبيها مليح برك

بارك الله فيك اختي.. الله يبعثلك ولد الحلال

​

 

[aMiNa-K]

صح الرجال ما فيهمش لامان بصح ماشي كامل

المهم هي لقراية خاصة للطفلة ومن بعد الزواج
خاصة اذا كانت ناجحة في قرايتها ولا خدمتها
بصح هذا ما يمنعش ثاني انو كي يجيها واحد خدام و قاري و يقدر يعيشها مليح انها تقبل
يعني على حساب الظروف

و ربي يقدم الي فيه الخير للجميع​

اهلا امولة
ايه اختي على حساب الظروف.. و الوحدة لازم تحسبها مليح

بارك الله فيك اختي​

 

[aMiNa-K]

السلام عليكم​

و الله عجبني هاذا الطرح مليار !! يعني كيما الشجرة في الخريف تكون زاهية و بوردودها و ​

الناس قاع رايحين جايين عليها و مبعد تبدى طيح كعبة كعبة حتى تقضى قاع و واحد ما يزيد و​

الله لا قلتي صح على هاكا يا بنات يليق ترضو بلي كاين حتى يفرج ربي ايه في لخر صح يدور​

بيها الحال و الشابة تاع بكري تولي وحدة ماشي دايرين عليها قاع ما دارت ولاد لا تاويل و ​

كون كثرت يديها gروم بقاتولو كعبات في حياتو تلقى عندو المال ربي يصلح لحوال و يكون ​

لخير هاذا ما نقولو .​

و عليكم السلام و رحمة الله و بركاته
اهلا خويا غزال الصحراء

و الله غير مثل في محلو :thumbup:
الزين مادايمش.. و القرايا تقولك نبني المستقبل تاعي باش تولي تخدم.. مي اسكو الخدمة هي كلش

و ديجا ماتجي تكمل قرايتها حتى تلحق 24 او 25.. ماتجي تلقى خدمة حتى بالسيف.. تزيد تقولك نخدم باش نتول روحي.. ماتجي تول روحها حتى تلقى روحها لحقت لل 30.. و تزيد تتشيكع تقولك مانتزوجش باي واحد و تتشرط تانيك

و رانا نشوفو هاد النوعية وش صرالهم

الله يهدينا برك
بارك الله فيك خويا غزال​

 

[aMiNa-K]

ya3tik saha khti lazem lbnat yhoto fi balhom bli azawaj la ya3ni nihayat elmachari3 tokder tetzowej w mba3ad bichtaretha tekleb rajelha y3awenha thakek ahlemha

اهلا اختي نعم الرحمان

عندك الحق اختي.. الوحدة تقدر تتزوج و تكمل مشارعيها
لازم يكون التفاهم بينها و بين زوجها

بارك الله فيك اختي على المرور​

 

[** غزال الصحراء **]

و عليكم السلام و رحمة الله و بركاته
اهلا خويا غزال الصحراء

و الله غير مثل في محلو :thumbup:
الزين مادايمش.. و القرايا تقولك نبني المستقبل تاعي باش تولي تخدم.. مي اسكو الخدمة هي كلش

و ديجا ماتجي تكمل قرايتها حتى تلحق 24 او 25.. ماتجي تلقى خدمة حتى بالسيف.. تزيد تقولك نخدم باش نتول روحي.. ماتجي تول روحها حتى تلقى روحها لحقت لل 30.. و تزيد تتشيكع تقولك مانتزوجش باي واحد و تتشرط تانيك

و رانا نشوفو هاد النوعية وش صرالهم

الله يهدينا برك
بارك الله فيك خويا غزال​

و فيكي بركة أمينة ! ايه و الله لا عمر غدار و ( لا يصلح العطار ما أدفسده الدهر )

يعني لي فاتو وقتو ما يطمع في وقت الناس حنا رانا قاع pاساجي لازم نوزنو لزمان

عقوبة و ماناش ضد الخدمة تاع المرا و لا قرايتها لعكس مي وشيه يليق توفق بين هاكا

و هاكا خير من لي تخرج بوالو ... و لا نعرفو كيفاش نشوفو حياتنا بعقلانية

و هاكا نمشو فيها بلي كتب ربي الله يهنيك تحياتي .
​

 

[aMiNa-K]

يا ختي طرح راه هايل
القراية مليحة صح للطفلة بصح انا الصح راني نشوف في شبابنا معدش تهمو جامعية ولالا المهم زينة وتعرف الطيب وتعرف تقوم بدارها
دونك يلي راهي حاطة في بالها تتشرط خاطر راهي قارية ونيفو غير تحط من روحها ونقلها ازربي احكمي واحد قبل ما يطيرو كل
يعطيك الصحة

اهلا اختي لحن السعادة.. و ردك هو الهايل

هاد البنات شايفين رواحتيهم.. غير تكمل قرايتها تبدا تتشرط.. وشبيك مثقفة و قارية و فاهمة لازم تتشرط .. يبقاو يتشرطو حتى يعشيو وحدهم :scared:

ان شاء الله يفيقو برك
بارك الله فيك اختي.. و انتي اللي يعطيك الصحة على الرد ديالك​

 

[aMiNa-K]

شكرا ليك امينة فعلا هذا احد اسباب العنوسة ...القراية والخدمة تاع المراة ....والله كون تجي تشوفي من جهة ربي تلقاي بيلي المراة مكوثها في بيتها احسن ليها وزواجها وسترها اطهر وانظف ليها وتربيتها لاطفالها وتكوين اسرة اسمى رسالة تديرها في حياتها ...بصح مايمنعش انها تقرا وتتعلم ولا تعمل بصح لازم يشوف الواحد الاقرب والافيد ليه ..انا عن نفسي نفضل نكون اسرة ويكون عندي زوج يحبني ويعيش معايا على اني نقضي حياتي وحيدة ........

اهلا اختي سماح

صح عندك الحق اختي
بصح كاين شي بنات تقولك نكمل قرايتي و نخدم علاخطرش الرجال مافيهمش لامان.. تقولك مانتكلش على الراجل.. باسكو شافو نسا خلاو كلش علاجال الزواج و مع اللخر عشاو في الزنقة.. و يولو يقولو لوكان كملنا قرايتنا لوكان ماطاحتش بينا هكدا
و صح كاين رجال خسارة فيهم كلمة راجل

اختيارك مليح.. ان شاء الله طيحي في ولد الحلال
رد رائع..صحيتي اختي سماح​

 

[titou_le_roi2009]

الله غالب ...........................نحب بلادي

والله موضوع في القمة
و أنا تبانلي هاد الوقت لي قبدت في شي راجل تشد فيه وتتكل على ربي
وطبعا تكمل قرايتها :biggrin:

 

[aMiNa-K]

salut !

hiya biensure tekhamem 3la l'avenir ta3ha
sah te3 rabi ana nkhamem ki had lebnet
machi netcharet
mè nhab n3ich la belle vie
w hadi lazemelha nakhdem
w n3ich m3a wahed kari
dari wahdi (ghir ida kan 3andou waldih whadhom ma3lich
w hakda machi ya3ni neg3od bayra mè nebni hyati 3la sah
w zwaj mahouch rah ytir bessah li yesema zwaj sah houwa li yetebna 3la sah mach tahchi lroheha w t9oul hat nezewej bark hadi rahi tedlom f roheha​

w kima rahom kaynin l bayret bezzzaf
kaynin li yezewjou f sayf w yetalgou f chta
j vx dire li bnaw zwajhom 3la l hef​

mercii amina pour ce beau sujet​

اهلا اختي باربي
هاني لحقت ليك انتيا.. ارواحي لهنا تشوفي :angry:

امالا عندك la belle vie هي الخدمة و تعيشي مع واحد قاري :confused1: :confused1:
هدامكان؟؟؟؟.. مكانش حاجة وحدخرة :confused1: :confused1:

ماعلابالكش بلي الخدمة تعيي.. سورتو ادا كانو عندك دراري.. و الله ماتصيبي روحك.. و روحي شوفي المتزوجات و يخدمو كيفاش راهي حالتهم

و ماشي كل واحد قاري يهنيك.. كابابل طيحي فواحد قاري بصح يمرضك حياتك كامل.. و كاين اللي ماقراوش و معيشين نساهم la belle vie.. و ماغلطوش ناس بكري كي قالو (اعطيهولي فاهم و الله لا قرا)

و دارك وحدك تانيك.. وقيلا ماسمعتيش بازمة السكن في الجزائر

اختي la belle vie ماشي في الخدمة و تتزوجي بواحد قاري..



مشكورة على المرور


​

 

[aMiNa-K]

ياختي عندك كامل في لي قولتيه
بصح هنا احسبي وكتاش تكملي لقراية تاعك زكتاش تلقي خدمة
تكوني وصلت 30واكثر
فاتك الزواج خلاص عليك
مع شوي شروط ديريها تلقي روحك برا
هدا رايي [/QUOTE]

اهلا خويا حاتم
راك تشوف كيفاش يخممو.. قالتك تكمل قرايتها و تخدم و تزيد تعيش la belle vie ههههه

للعشرة مايعرفوش يحسبو كيفاش يحسبوها للبعيد

رايك في محلو.. بارك الله فيك خويا

​

 

[aMiNa-K]

ههههههههههههههههه يسلم فمك اختي ​

قوليلهم خبريهم بالعفسه...ههههه​

الله يسلمك خويا

الله غالب حتى تطيح الفاس في الراس تماك يعرفو وشنو هي العفسة :crying:
مشكور على المرور​

 

[Adel Adel1]

لي كوات الخطابة بارت
​

 

[aMiNa-K]

واش نقول فيف القراية و القعدة مع ماما ربى يخليهالى و يخلنى ليها هههههه هادى انا برك خخخخخ

و الناس جابلى ربى كل وحدة عندها عقلها و تشوف طريق الى تسلكها بقراية ولا بزواج وين مكتوبها تروح هههه

اهلا اختي كيلوا​

راني لحقت ليك انتيا تانيك.. ارواحي لهنا تشوفي :cursing:​

شحال تعيا يماك تدوملك.. خسارة الوالدين مايدوموناش :crying:
يظهرلي راكي ضاربتها جمونفو.. و خليها كما جات جات.. علابيها قلتي وين مكتوبها تروح​

روحي اتعلمي تحسبي شوية.. و احسبيلها مليح مليح ​

صحيتي اختي على المرور​