الخبز أو الحب خير واحد منهم ............

[السوفي حمة]

بسم الله الرحمن الرحيم
رايح نستسمح أعضاء القسم ونتكلم في حاجة
لكن نقوللهم كلامي هذا هو كلام أخ كبير لخاوتو الصغار
ودرس من انسان فات مرحلة المراهقة والأحلام الوردية
وتفتحت عينيه على الواقع المر والمر خلاص

اليوم لما ندخل لهذا القسم أو قسم آخر من اللمة وين نقدروا نتكلموا على مشاكل الشباب والمراهقة نلقاو كل المواضيع تتكلم عن الحب ومشاكل الحب من خيانة وخداع واشتياق وغيرها من مصطلحات الفلام والمسلسلات والكتب القديمة وين الانسان يقول راهو عايش في عصر شكسبير وروميو وجوليات
ونظن أن الحمد لله كل المشاكل خلاصت وما بقالنا غير مشاكل الحب، وحتى من يدخل المنتدى من غير الجزائريين يظن أن لا هم لشبابنا غير الحب.
لكن هل حقيقة خلاصو كل المشاكل نتاع الشباب، يعني الحمد لله الشباب البطال إلي راهو مرمي في الزنقة لقى الخدمة، والشاب إلي مازال مفراهاش مع الخدمة الوطنية جاب كواغطو، وزيد وزيد من المشاكل ............ الكل خلاصت وبقى الحب هو المشكل
يا اخواني أغلب الشعب الجزائري فقير، وكاين ناس ميقدروش يوفرو الخبز حاف لعائلاتهم
كاين شباب صغار في أعماركم راهم ينحتو في الصخر باش يوفرو الخبز لعائلاتهم
كاين شباب صغار يدورو في الشوارع يبيعو الجرائد من أجل الخبزة

والخلاصة رانا كامل أولاد زواولة الخبزة عندنا لازم نخمو فيها قبل الحب
قولولي ضرك صح خلاصو مشاكلكم وما بقى غير الحب

معليش عارف أن الموضوع مهوش مرتب
لكنها أفكار وكيما جات في راسي كتبتها

​

 

[سوميثا]

موضوعك ماشي مرتب مبصح الأفكار راهي وصلت و مرتبة تاني وعندك الحق خويا

 

[اماني12]

خويا حمة بلاك هما كي يحكيو على الحب والاشتياق .و و ............... باه ينساو الهم لكبير الي عايشينو طول اليوم وما يحبوش يزيدو يحكيو فيه كي يحبو يريحو . صح هو مش حل . نقدرو نقولو عليه هروب من الواقع
على خاطر كل واحد يقول انا ما نقدر ندير والو . خاطيني تخطي راسي . والدنيا ماشية الي اين ............... الى الهاوية . احنا عندنا امل في الشباب الواعي . الي يقدر يغير حتى لو شئ بسيط . وكل واحد ياخد على عاتقه المبادرة . وهكاك نبداو في التغير الى الاحسن ان شاء الله .

 

[Adel Adel1]

بارك الله فيك على الموضوع هادا
​

 

[السوفي حمة]

موضوعك ماشي مرتب مبصح الأفكار راهي وصلت و مرتبة تاني وعندك الحق خويا

شكرا أختي وأفكاري نابعة من قلب أخ كبير ليكم
عاش وشاف وإن شاء رايحة توصل لقلوبكم
ومتأكد أن الشاب الجزائري معدنو من ذهب
وفاهم وواعي
​

 

[السوفي حمة]

خويا حمة بلاك هما كي يحكيو على الحب والاشتياق .و و ............... باه ينساو الهم لكبير الي عايشينو طول اليوم وما يحبوش يزيدو يحكيو فيه كي يحبو يريحو . صح هو مش حل . نقدرو نقولو عليه هروب من الواقع
على خاطر كل واحد يقول انا ما نقدر ندير والو . خاطيني تخطي راسي . والدنيا ماشية الي اين ............... الى الهاوية . احنا عندنا امل في الشباب الواعي . الي يقدر يغير حتى لو شئ بسيط . وكل واحد ياخد على عاتقه المبادرة . وهكاك نبداو في التغير الى الاحسن ان شاء الله .

اختي أماني أحسنت الحكم صح هذا هروب من الواقع
لكن إلى متى الهروب ؟؟؟؟؟
العمر ما يستناش والشاب يبقى هارب ونهار إلي يحب يرجع للواقع يلقى كلشي راح من يدو
أما المبادرة فأملنا كبير نكون يد وحدة ننصح بعضانا بمحبة وأخوة، يعني الكبير ينصح الصغير والصغير يتقبل النصيحة ويتأكد أننا ننصحه لمصلحته هو ولمصلحة هذا الوطن
​

 

[Adel Adel1]

علابالك بلي نهار ستلمت مسؤولية القسم هاذا نشوف غير فالمواضيع تاع الحب هادي لي هي تافهة و فيهاش فايدة غير لي يقولك راني نحب و راهي تحب و راو خلصها و كذا و كذا بزاف و صراحتا شي محزن جدا تاع شبيبة بأكملها همها غير هادا الفكرة لي ما تنفعش خلاص

تـبـهـديـلـة
​

 

[السوفي حمة]

بارك الله فيك على الموضوع هادا
​

وفيك بارك الله أخي الكريم
وأعرف أنها أفكار تجول في خاطرك أيضا لكنني ربما سبقتك إليها كتابة

​

 

[safa rym]

صح عندك الحق خويا كمال...لأنو ساعات كاين لي تلقاه الخبز ماعندوش و يقولك أنا نحب...
مي هاذي الظاهرة خلاص تفشّات في المجتمع و تغلغت فيه...ولات كي شغل حاجة نورمال...المهم واش نقولك خويا ان شاء الله برك تلقى الآذان الصاغية..مابقالنا غير الهدرة و الدعاء..وان شاء الله ربي يوفّقك و يقدملك مافيه الخير كي راك تفكّر في ولاد بلادك...تحياتي ليك خويا لكبير​

 

[Adel Adel1]

وفيك بارك الله أخي الكريم
وأعرف أنها أفكار تجول في خاطرك أيضا لكنني ربما سبقتك إليها كتابة

فعلا كنت رايح نكتب موضوع كيما هادا مي الله غالب سبقتني ليه ههههههههههه
المهم كتبها واحد فينا و نقولك نتفاهمو انا و ياك و نسقو مع الإدارة و نديرو حملة توعية فالمنتدى ضد الضاهرة تاع كترة المواضيع هادي
​

 

[السوفي حمة]

علابالك بلي نهار ستلمت مسؤولية القسم هاذا نشوف غير فالمواضيع تاع الحب هادي لي هي تافهة و فيهاش فايدة غير لي يقولك راني نحب و راهي تحب و راو خلصها و كذا و كذا بزاف و صراحتا شي محزن جدا تاع شبيبة بأكملها همها غير هادا الفكرة لي ما تنفعش خلاص

تـبـهـديـلـة
​

نعم أخي كلنا لاحظنا هذا الشيء
لكن كما قالت الأخت من قبل المشكل في هذا الجيل أنه يهرب من واقعه ليعيش أحلام اليقظة
أحلام وردية كل ما فيها جميل حب على شاكلة ما يراه في المسلسلات والأفلام ويتناسى واقعه وهموم يومه
تعرف أنا أشفق على هذا الجيل
وربي يكون في عونه فقط لأنه عدو نفسه
​

 

[اسمه_ان]

شكرا لك خويا على طرح هذا الموضوع

انا تاني لاحظت هاذ الشي

على حساب مانشوف حاطين الحب هو المرتبة الأولى في كلش

وتلقا كل واحد يشكي بمجرد علاقة صغيرة مانجحتش ولا حب من طرف واحد وواحد خيانة ...الخ

في الوقت لي لازم نهتمو بأشياء أكثر أهمية ونحاولو نكونو أكثر نجاحا في الحياة

رغم كل الظروف والفقر والحقرة لازم علينا نفرضو رواحنا ونكونو ناجحين قبل كل شيء​

 

[السوفي حمة]

صح عندك الحق خويا كمال...لأنو ساعات كاين لي تلقاه الخبز ماعندوش و يقولك أنا نحب...
مي هاذي الظاهرة خلاص تفشّات في المجتمع و تغلغت فيه...ولات كي شغل حاجة نورمال...المهم واش نقولك خويا ان شاء الله برك تلقى الآذان الصاغية..مابقالنا غير الهدرة و الدعاء..وان شاء الله ربي يوفّقك و يقدملك مافيه الخير كي راك تفكّر في ولاد بلادك...تحياتي ليك خويا لكبير​

نبدأ بأحلى كلمة قريتها
خويا لكبير
ربي يبارك فيك وشرف كبير ليا نكون خوك
نقلك خيتو والله الشباب نتاعنا يسمع مليح لكن المشكل مكاش شكون يوعيه صح ويحس بيه
قبل ما تناقشه أفهمه وأفهم علاه راه يعيش هكذا
لازم الحوار والنقاش ومن بعد كل شيء ساهل
​

 

[السوفي حمة]

فعلا كنت رايح نكتب موضوع كيما هادا مي الله غالب سبقتني ليه ههههههههههه
المهم كتبها واحد فينا و نقولك نتفاهمو انا و ياك و نسقو مع الإدارة و نديرو حملة توعية فالمنتدى ضد الضاهرة تاع كترة المواضيع هادي
​

على بركة الله أخي الكريم
يدي في يدك ومعانا الكثير من الأخوة
ونبدأ الحملة التوعوية خدمة لهذا الجيل
​

 

[Adel Adel1]

نعم أخي كلنا لاحظنا هذا الشيء
لكن كما قالت الأخت من قبل المشكل في هذا الجيل أنه يهرب من واقعه ليعيش أحلام اليقظة
أحلام وردية كل ما فيها جميل حب على شاكلة ما يراه في المسلسلات والأفلام ويتناسى واقعه وهموم يومه
تعرف أنا أشفق على هذا الجيل
وربي يكون في عونه فقط لأنه عدو نفسه

بصراحة لا احلام و ردية و لا ماشابه

لاحضت كثرت المواضيع النفسها من الدكور اكثر من الإيناث
مواضيع هادي تبعث الراحة في نفس الفتات
و دكور يبجلو فالمرأة و غير يطلعولها فالمورال و انتي و أنتي نص الغاشي رايحين يعبدوها
و يزيدو يكونو معاها فالمواقف كاملة باه يبينو راهم مثقفين و عقية تاع الخارج ماريكان و يعطو المرأة أكثر من حقوقها هكذا
معنتها يحوس يشوفو معاه و تعجبهم عقليتو

ماعرفتش نوصلك الهدرة

راو جاي يصيد هنا راو باعت صنارة و معلق بلاكة تقربي يحكمك اللامصو تاع الصياد صغير

أصلا رام بكل تحت العشرين سنا و يهدرو على زواج و محبة و خطبة .... بكل في سن المراهقة
​

 

[السوفي حمة]

شكرا لك خويا على طرح هذا الموضوع

انا تاني لاحظت هاذ الشي

على حساب مانشوف حاطين الحب هو المرتبة الأولى في كلش

وتلقا كل واحد يشكي بمجرد علاقة صغيرة مانجحتش ولا حب من طرف واحد وواحد خيانة ...الخ

في الوقت لي لازم نهتمو بأشياء أكثر أهمية ونحاولو نكونو أكثر نجاحا في الحياة

رغم كل الظروف والفقر والحقرة لازم علينا نفرضو رواحنا ونكونو ناجحين قبل كل شيء​

أختي اسمهان الفقر عمرو ما كان عائق
أمام النجاح بل العكس أكبر عظماء العالم أجمع هم أبناء الفقراء، لكن المشكل في الهروب من الواقع والعيش في حياة افتراضية نصنعها من خيالنا وفق مقياس كيف أرغب أن أعيش
معناها نكذب كذبة ونامنها
​

 

[السوفي حمة]

بصراحة لا احلام و ردية و لا ماشابه

لاحضت كثرت مواضيع النفس من الدكور اثر من الإيناث
مواضيع هادي تبعث الراحة في نفس الفتات
و دكور يبجلو فالمرأة و غير يطلعولها فالمورال و انتي و أنتي نص الغاشي رايحين يعبدوها
و يزيدو يكونو معاها فالمواقف كاملة باه يبينو راهم مثقفين و عقية تاع الخارج ماريكان و يعطو المرأة أكثر من حقوقها كذا
معنتها يحوس يوفو معاه و تعجبهم عقليتو
ماعرفتش نوصلك الهدرة
راو جاي يصيد هنا راو باعت صنارة و معلق بلاكة تقربي يحكمك اللامص تاع الصياد صغير

أصلا رام بكل تحت العشرين سنا و يهدرو على زواج و محبة و خطبة .... بكل في سن المراهقة
​

فاهمك أخي
وبمعنى أوضح الجماعة انتقلت من أمام الثانويات إلى أقسام المنتديات
عرفت بلي راني فاهمك ؟؟؟
المهم كل الأصناف موجودة وكل واحد كاين دواه
​

 

[safa rym]

على بركة الله أخي الكريم

يدي في يدك ومعانا الكثير من الأخوة
ونبدأ الحملة التوعوية خدمة لهذا الجيل​

ان شاء الله..و أنا معاكم ثاني...لازم المراهقين خاصة يتوعّاو..
​

 

[Adel Adel1]

فاهمك أخي
وبمعنى أوضح الجماعة انتقلت من أمام الثانويات إلى أقسام المنتديات
عرفت بلي راني فاهمك ؟؟؟
المهم كل الأصناف موجودة وكل واحد كاين دواه

نعم هاذاك هو قصدي

و عبارت من أمام ليسيات إلى أقسام المنتديات رايعة خلاص هههههههههه
ربي يعيشك
​

 

[Adel Adel1]

لازم يكون في كل قسم من الأقسام العامة موضوع عن هاذ الأمر و يتثبث كما يبادرو الأعضاء و يديرو مواضيع تشبهلها يردو عليها الأعضاء
لازم تكون المواضيع تخجلهم لتم يحبسو الشي هاذا
كي يلقاونا نقولولهم مامش رجالا لي يكترو من شي هادا ينقاطعو خلاص على هاذي المواضيع
​