الخبز أو الحب خير واحد منهم ............

[سماح4]

الله يبارك ....والله غير نستعرف بيك خويا رانا كامل نلاحظو في هذي الظاهرة كامل يحكيو غير على مواضيع الحب بكل أنواعو .......والمشاكل تاع لبلاد تحديدا مشاكل الشباب ناسيينها تقريبا
وهذا شيء ما يفرحش بزاف ...اليوم نخمم في نفسي وقلت شبابنا تقريبا كامل تلقاه بسيط يخمم غير فالسطحيات... الحب... الغنا ...الزهو ...اللعب ...الماكلة ...(بعد ما شفت احد افراد الاسرة يشوف فالنات الجديد في اختراع الالعاب قلت هما يسهرو باش ينتجو ويخترعو وحنا نسهرو باش غير نشوفو واش اخترعولنا )..تلقاه حتى قرايتو ماشي مسقمة...يدي عامو بالدحي ...مع اننا مسلمين خير من في الارض من الامم ، في حين تلقى ابناء الغرب (عقلية هاربة)يخترعو ويطورو في كل المجالات وتلقاهم ما يتعبوش ...واحنا الخبز ما هوش متوفر عندنا ولاتيين نهدرو على الحب بل ماديلنا اغلب وقتنا ان لم نقل كلو.... اسمحلي نضن أفكاري أنا ثان راهي مخلطة بصح خرجت عفوية.أرجو ان تتقبلها.

 

[Adel Adel1]

غزال راو هنا ؟؟؟؟
أهلا غزال حبيبي راني نستنا فيك تكتب برك ههههه فقتلك راك هنا
وش رايك فالهدرة هادي تدخل نتا تاني و نتفاهمو على طريقة
قلت نديرو فالأقسام تاعنا موضواضيع على الشي هادا و نتبتوها ممكن تنقص الحالة هادي
​

 

[** غزال الصحراء **]

السلام عليكم

و الله لا سلم قلمك ! و كيما قالت الأخت هو هروب من الواقع و بزيادة على ذلك التأثر بالأفلام

خاصة عند البنات فتلك تعشق مهند و هذه طوم كروز ..إلخ ايا راهم يحوسو على الرمنسية

بريق الناشف و ما ننساوش لغناء تاع اليوم لي راه يشجع في الظاهرة في بلاصت لي يعالج

"المشاكل لي راهي ممردة الناس يبدا بلحبيبة قولي جوتام !!!!!! و زيد في هاذ الوقت لي ما

يحبش و لا نقولو ما يخرجش مع وحدة و لا هي ما تخرجش مع واد يسموها كافية راك شايف

حابين يديروها ثقافة واش نقولك ربي يكون الخير و خلاص .
​

 

[طارق القبطان]

السلام عليكم
يعطيك الصحة خويا حمة
انا اختلف معك قليلا لان المفاهيم انقلبت
يعني خويا السوفي هذي العلاقات عند الكثيرين ليس هدفها الوصال والزواج راه غير تقليد
ماعندوش حق خبزة وتلقاه مع عشر بنات والطفلة كيف كيف كل يوم مع واحد تلقاها تتنقل من شاب الى اخر مثلما تنتقل النحلة بين الازهار
خاوتي راها قصة الذئب الصنارة والمفترس والفريسة خلاصت ومابقات حتى طفلة مغفلة يعني مباشرة تفهم واش حاب الشاب منها .
هذو رام يديروا في الحوايج هاذو باش يكونوا عصريين
تهدر معاها ولا معاه يقلولكم واش من زواج تقلهم واش تحوسوا يقلولك pad tehlab رانا في 2010
ويا ربي وماتجعلنيش منهم​

 

[السوفي حمة]

الله يبارك ....والله غير نستعرف بيك خويا رانا كامل نلاحظو في هذي الظاهرة كامل يحكيو غير على مواضيع الحب بكل أنواعو .......والمشاكل تاع لبلاد تحديدا مشاكل الشباب ناسيينها تقريبا
وهذا شيء ما يفرحش بزاف ...اليوم نخمم في نفسي وقلت شبابنا تقريبا كامل تلقاه بسيط يخمم غير فالسطحيات... الحب... الغنا ...الزهو ...اللعب ...الماكلة ...(بعد ما شفت احد افراد الاسرة يشوف فالنات الجديد في اختراع الالعاب قلت هما يسهرو باش ينتجو ويخترعو وحنا نسهرو باش غير نشوفو واش اخترعولنا )..تلقاه حتى قرايتو ماشي مسقمة...يدي عامو بالدحي ...مع اننا مسلمين خير من في الارض من الامم ، في حين تلقى ابناء الغرب (عقلية هاربة)يخترعو ويطورو في كل المجالات وتلقاهم ما يتعبوش ...واحنا الخبز ما هوش متوفر عندنا ولاتيين نهدرو على الحب بل ماديلنا اغلب وقتنا ان لم نقل كلو.... اسمحلي نضن أفكاري أنا ثان راهي مخلطة بصح خرجت عفوية.أرجو ان تتقبلها.

معليش الأفكار لمخلطة دليل على أنها تخرج من القلب، وهذي حاجة تفرح
وتخلينا نقول الحمد لله مازال كاين أمل مادام كاين ناس كيفك وكيف إخواننا الذين تفاعلوا مع الموضوع أختي سماح.

​

 

[السوفي حمة]

السلام عليكم

و الله لا سلم قلمك ! و كيما قالت الأخت هو هروب من الواقع و بزيادة على ذلك التأثر بالأفلام

خاصة عند البنات فتلك تعشق مهند و هذه طوم كروز ..إلخ ايا راهم يحوسو على الرمنسية

بريق الناشف و ما ننساوش لغناء تاع اليوم لي راه يشجع في الظاهرة في بلاصت لي يعالج

"المشاكل لي راهي ممردة الناس يبدا بلحبيبة قولي جوتام !!!!!! و زيد في هاذ الوقت لي ما

يحبش و لا نقولو ما يخرجش مع وحدة و لا هي ما تخرجش مع واد يسموها كافية راك شايف

حابين يديروها ثقافة واش نقولك ربي يكون الخير و خلاص .
​

أنا نقللكم حاجة والله البذرة نتاع الخير مازالت موجودة في شباب الجزائر لكن لازم نسقوها باش تنمو وتكبر،
الشباب نتاعنا يحب شكون يفهمو برك
ونظن الله إبارك أنتم شباب واعي وتفهمو العقلية
مليح بشوي وإن شاء الله ربي يجيب إلي فيه الخير
​

 

[Adel Adel1]

و الله تحلاب لي كيما هكا ربي يبعد بلادنا على بلادو
عندك حق قبطان في كملامك و هادا مقصوديأيضا في رودودي
​

 

[السوفي حمة]

السلام عليكم
يعطيك الصحة خويا حمة
انا اختلف معك قليلا لان المفاهيم انقلبت
يعني خويا السوفي هذي العلاقات عند الكثيرين ليس هدفها الوصال والزواج راه غير تقليد
ماعندوش حق خبزة وتلقاه مع عشر بنات والطفلة كيف كيف كل يوم مع واحد تلقاها تتنقل من شاب الى اخر مثلما تنتقل النحلة بين الازهار
خاوتي راها قصة الذئب الصنارة والمفترس والفريسة خلاصت ومابقات حتى طفلة مغفلة يعني مباشرة تفهم واش حاب الشاب منها .
هذو رام يديروا في الحوايج هاذو باش يكونوا عصريين
تهدر معاها ولا معاه يقلولكم واش من زواج تقلهم واش تحوسوا يقلولك pad tehlab رانا في 2010
ويا ربي وماتجعلنيش منهم​

أخي طارق القبطان كيما قلت لأخي عادل الأمور واضحة والجماعة راهي مكشوفة وأحيانا ندخل موضوع تلقاه دراgاج
عيناني بين الطرفين، لكن المؤمن لازم ينصح ويدل على طريق الخير، وهاؤلاء نعتبروهم خاوتنا الصغار وننصحوهم
وأنا أعرف أنك محب لفعل الخير فكن معنا بارك الله فيك

​

 

[Adel Adel1]

قد ثبت الموضوع و الحمد لله هكا يتولهو ليه بكل

 

[لحن السعادة]

اخي يعطيك الصحة عجبتني بزاف عفويتك في طرح الموضوع
انا لا حظت في المنتدى ماشي المواضيع بزاف على الحب المواضيع راهي على علاقة بين الشاب والشابة هذي علاقة فاشلة وهذي خيانة وهذي هدرة فيلمات تركية ومدبلجة
علبالك كون جيينا نحكيو على الحب تع وقت شكسبير يعني مشاكلنا خلاصت منحكيوش على البطالة خاطر الي يحب على جال حبيبتو يحرث الجبل ومنحكيوش على مشكل الاخلاق عند الطفلة خاطر هي على جال حبيبها تحافظ على روحها وتصون اخلاقها ومنحكيوش على وعلى وعلى ...........
موضوعك اكثر من رائع

 

[السوفي حمة]

اخي يعطيك الصحة عجبتني بزاف عفويتك في طرح الموضوع
انا لا حظت في المنتدى ماشي المواضيع بزاف على الحب المواضيع راهي على علاقة بين الشاب والشابة هذي علاقة فاشلة وهذي خيانة وهذي هدرة فيلمات تركية ومدبلجة
علبالك كون جيينا نحكيو على الحب تع وقت شكسبير يعني مشاكلنا خلاصت منحكيوش على البطالة خاطر الي يحب على جال حبيبتو يحرث الجبل ومنحكيوش على مشكل الاخلاق عند الطفلة خاطر هي على جال حبيبها تحافظ على روحها وتصون اخلاقها ومنحكيوش على وعلى وعلى ...........
موضوعك اكثر من رائع

أختي الكريمة موضوعي هو كلام أخ كبير لخاوتو الصغار
حبيت نهدر معاهم بكلام القلب مهوش لكلام لمزوق لأنني كنت قادر نكتب مقالة أدبية أو فلسفية لكنها متدخلش القلب كيما لكلام العادي، وأنا هذبت المصطلحات وسميت واش يتكلمو عليه خاوتنا حب ومقلتش تفاهات ونظن أنني وضحت في ردودي السابقة، المهم نحن ضد التفاهات و نسعى لمد يد العون لأخوتنا الأصغر منا سنا وعقلا من أجل الخروج من سجن الأحلام التي وضعوا انفسهم فيه.

​

 

[ايروكا]

جزاك الله خير
نصيحتك و صلت لأعماق القلب
بارك الله فيك

 

[طارق القبطان]

أخي طارق القبطان كيما قلت لأخي عادل الأمور واضحة والجماعة راهي مكشوفة وأحيانا ندخل موضوع تلقاه دراgاج

عيناني بين الطرفين، لكن المؤمن لازم ينصح ويدل على طريق الخير، وهاؤلاء نعتبروهم خاوتنا الصغار وننصحوهم
وأنا أعرف أنك محب لفعل الخير فكن معنا بارك الله فيك​

إن شاء الله خويا حمة
سأكون معكم
وان شاء الله اي موضوع مثل الذي ذكرت نديرو فيه ردود توجيهية​

 

[السوفي حمة]

جزاك الله خير
نصيحتك و صلت لأعماق القلب
بارك الله فيك

وفيك بارك أختي الكريمة
وجزاك الله كل خير
وكلامك يشجعني والأخوة على مواصلة ما نويناه
​

 

[بلد الوليد]

الحب عمرو ما كان ينسي الهم بالعكس هو يزيد الهم وينسيك في روحك حتى تلقى روحك كبير وما درت والو في حياتك . هدي هي الدنيا طيحة ونودا وما راهيش ساهلة لازم تكافح باش تنال ماشي تحبس وتستسلم للماشاكل تاوعك

 

[السوفي حمة]

الحب عمرو ما كان ينسي الهم بالعكس هو يزيد الهم وينسيك في روحك حتى تلقى روحك كبير وما درت والو في حياتك . هدي هي الدنيا طيحة ونودا وما راهيش ساهلة لازم تكافح باش تنال ماشي تحبس وتستسلم للماشاكل تاوعك

لكن يا أخي أيهما أولى تكافح من أجل حياتك ومستقبلك وإلا تسهر الليالي سارح في ملكوت الوهم، وتنسى روحك حتى وين ينطحك السقف وتلقى العمر فات، وكيما يقولو أخدم يا صغري على كبري والشباب نتاع ضرك راهو يودر في صغرو في أشياء تافهة وياليتها كانت حب حقيقي
شكرا أخي على ردك المميز
​

 

[البسكرية1990]

اولا موضوع في محلو انا تقبضني الغمى كي ندخل لهذا القسم لاخاطر مواضيعو قع عندها نفس الهدف ممكن تريح صاحبها لاخاطر لي جون نتاوعنا مش ماعندهمش هموم اخرى لا عندهم بصح غير موضوع الحب الي قليل وين واحد يعبر مع شخص قاعد معاه فما يلقاوش غير كاش ورقة ولا منتدى ويتفجرو فيه ويخرجو وش يحسو ولا وش حابين يقولو اما لهموم الاخرى فراهم يهدرو فيها مع خواتهم ومع صحابهم وانا شايفة بلي الظاهرة هذي سببها نقص التواصل بين الاهل والشاب او البنت يعني لوكان هاذ الناس لقاو واحد كونفيونس يحكو معاه ماكانوش جاو للمنتدى باه ما يعرفهم حتى واحد غير الشخص الي موجه ليه الموضوع
تقبلو مروري

 

[السوفي حمة]

اولا موضوع في محلو انا تقبضني الغمى كي ندخل لهذا القسم لاخاطر مواضيعو قع عندها نفس الهدف ممكن تريح صاحبها لاخاطر لي جون نتاوعنا مش ماعندهمش هموم اخرى لا عندهم بصح غير موضوع الحب الي قليل وين واحد يعبر مع شخص قاعد معاه فما يلقاوش غير كاش ورقة ولا منتدى ويتفجرو فيه ويخرجو وش يحسو ولا وش حابين يقولو اما لهموم الاخرى فراهم يهدرو فيها مع خواتهم ومع صحابهم وانا شايفة بلي الظاهرة هذي سببها نقص التواصل بين الاهل والشاب او البنت يعني لوكان هاذ الناس لقاو واحد كونفيونس يحكو معاه ماكانوش جاو للمنتدى باه ما يعرفهم حتى واحد غير الشخص الي موجه ليه الموضوع
تقبلو مروري

نظرة صائبة جدا فقلة التواصل مع الأهل يولد كبت عند الطفل أو الطفلة والمنتدى خير مكان لإفراغ المكبوتات، لكن الأمر زاد عن حده، ولعلي شخصيا تعديت مرحلة المراهقة والأحلام الوردية وأعرف أن ما يتكلم عنه صغارنا في المنتدى هو عالم خيالي نسجوه لأنفسهم وسجنوا فيه بمحض إرادتهم
وواجبنا إخراجهم من هذا السجن، ونصحهم وإفهامهم أن الدنيا ليست كما صوروها لأنفسهم
​

 

[ابتسام جزائريه]

عندك حق فعلا بس ياخوفي من الي جاي يكون مطالب الشعب هو الخبز بس لان ممكن نعيش من غير حب بس مش ممكن نعيش من غير خبز
مشكورررررة على موضوع
​

 

[السوفي حمة]

عندك حق فعلا بس ياخوفي من الي جاي يكون مطالب الشعب هو الخبز بس لان ممكن نعيش من غير حب بس مش ممكن نعيش من غير خبز
مشكورررررة على موضوع
​

أختي الكريمة، الشعب الآن يطالب بالخبز بمعناه الحقيقي والرمزي، لأننا نطلق على العمل والأجر كلمة الخبزة
في رأيك لماذا الشباب يحرق ؟؟؟ أليس من أجل الخبزة ..
الخبزة تعني المعيشة الكريمة التي هي محرمة على أغلب الشعب اليوم ويحضى بها قلقة قليلة من المحظوظين.
​