شكون عنده معريفة في la cademy تاع باتنه يقولي

ض

ضربة حظ

:: عضو منتسِب ::
:001_unsure: السلام عليكم اختكم ضربة حظ متخرجة من الجامعة وعندي ديبلوم تاني تاع informatique بصح حبس راسي مع الناس لي تخدم في lacademy كي تقرب من الباب مازال مابديتش تسقسي يقولك من لبعيد ما كاين حتى جديد كي يكون الجديد راكم نتلقاوه مافيشي في الباب والله تعبت من الجري بالدواصة راني اليوم نكتب في هاذ الموضوع لكل واحد عندو معريفة ثم يكلمني راني محتاجاته :thumbup1:
 
wellah ya hanouna m3andii psk ana brayjia machii men batna
rabi y3awenek hbibti testahli kol khiiir
 
ههههههههههه شفتي المعريفة واش دارت فينا

انا جبت وراقي من دزاير قالك كاين كونكور نتاع اساتذة مهندسين

و عندي معريفة ف لكاديمي و رحت سقسيت قالولي مازال ما بعثولنا والو

غير الصبر يا اختي
ان شاء الله ربي يفرج
 
من فضلكم الي عندو معرفة ايرد الي ما عندوش مايردش
و انا ما عنديش
تسجيل مرور
 
يا أختي المعريفة في باتنة ولات متنفعش

لوكان تشوفي خدمة في وحدة من ولايات الجنوب كيما دارت بنت عمتي قبلوها بديبلومها مايش بالمعريفة
خدمت أستاذة فالجامعة في غرداية عام وضرك رايحيين يحولوها لباتنة
مع الاول تعبك مي من بعد توالفي
ضرك حاجة مراهي بالساهل في باتنة
ربي يوفقك
 
كلامك واقعي اختي هيلدا

حتى المعريفة في باتنة ما تنفعش
 
وعله في كل 48 ولاية كاين معرفة وعله وشبيهاا باتنة ههههههه وشبيكم مركمش تشوفوو
 
ايه صح في 48 ولاية كاينة معريفة مي راهي تحكي على المعريفة في باتنة

هنا عندنا لا معريفة لا سيدي زكري مينفع والو
 
ما تقوليليش رحتي للacademy الجديدة ولقيتي العساس الشايب الرقيق هذاك
اللي على بعد كلم يقلك وين رايح؟؟ ماكان والو ... اذا كان جديد راح تلقاه معلق في السبورة
ربي يقدرك عليه لازملو الدبزة ولا ماكانش!!
 
مارسي خوي على الاهتمام مي راني مازال ما قطعتش لياس وانشلء الله ربي يرزقنا بخدمة زكارة في هاذوك لي قاعدين فالبيرووات مي راني نروح لاكاديمي القديمة نلقى واحد الطويل ما علابالو بوالو ولا واحد الرووج قاعد يحكي ف البورتابل ربي يسترنا من لي جاي مي ما تنسانيش ما دامك باتني اذا طارتلك معريفة راني هنا اتهلى في روحك مارســــــــــــــــــــــــــــــــــــــــــــي
 
مشكورين على الاهتمام ربي يحفضكم رانا صابرين مي والله المعريفة في باتنة راهي دايرة رايها ومازال نشارشي لي عندو معريفة يعيطلي
 
الله غالب ...........................نحب بلادي


يا ختي والله الخدمة راها في الجنوب
الا بغيتي تخدمي تم قوليلي نعاونك تم عندي حبابي :cool:
 
نسيتي بلي راكي فالجزاير

كلش بالمعارف :crying::crying:

ماعنديش معريفة ماعنديش حق المارياج

انا زوالي كونداني فالشوماج :crying:

:biggrin:


​
 
قال هشام رضا:
so good
بصح خويا كاين غلطة في كلامك الرجال كي يعود معندوش معريفة يديرها وحدو ويكسر كل القيود تاع الدولة
إضغط للتوسيع...

انت تشوف هكذا بصح انا نقلك

كي يكون كونكور مثلا تاع حاجة و تتخدم قائمة الناجحين قبل ما يديرو الكونكور

منين راح تكسر القيود برك !!

هاذي هي بلادنا كلش معارف و مايكونوش عندك كتاف راح تموت وحدك
​
 
لليوم راني نحوس على المعريفة مي سمعت بلي النتائج راهي باينة خاطر راهم طولوا ما اعلنوش على المسابقات قالوا عندهم مشاكل اكيد مشاكلهم راهي في ولد من و بنت من لي راح تنجح ربي يسترنا من لي جاي المعريفة هي لي راهي ماشية فلبلاد
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom