الحلو الأول...
ميني تشيز كيك
هذا التشيز كيك ما ياخذ منكم غير نص ساعة من تجهيز و طبخ... سهل و خفيف و لذيذ جداً
بنحتاج:
علبة بسكوت Hit minis بنكهة الليمون (في منه بنكهة الكابتشينو لكن ما جربته)
و هذي هي الحركة الجديدة... كان عندي عزيمة و ما عندي عندي وقت أسوي القاعدة، فتذكرت إن عندي هذا البسكوت و لمعت في راسي هالفكرة
و هذي صورته...
مقادير التشيز كيك:
12 حبة كيري بحرارة الغرفة (ضروري تكون بحرارة الغرفة، لأنها لو كانت باردة ما راح تندمج زين مع باقي المقادير)
4/3 كوب سكر
بيضتين
1 ملعقة صغيرة فانيلا
أول شي نحمي الفرن على حرارة 350، و نجيب صينية الميني كب كيك و نصف فيها القوالب الورقية، و ناخذ البسكوت و نفتحه و نحط القطعة اللي فيها الزبدة داخل القالب...
الحين نخلط الكيري و السكر لين يندمجون زين...
بعدين نضيف لهم البيض وحدة ورا وحدة مع الفانيلا...
نعبي القوالب بالخليط، عبوها فُل للأخير تقريباً...
ندخل الصينية الفرن لمدة ربع ساعة بالضبط، بعدين نطفي الفرن و نفتح الباب شوي و نخلي التشيز كيك 5 دقايق زيادة...
و هذا شكله بعد ما طلعته...
أما التوبينغ، لكم الحرية تستخدمون اللي تبون، أنا حطيت عليه توفي و مكسرات نفس حركة منال العالم، و اللي حابة تحط من الصوص الجاهز الفراولة أو الكرز أو التوت براحتكم...
و هذا شكله النهائي...
الحلو الثاني...
بسكويت السمسم
هذا البسكوت يشبه كثير البرازق، و قريب منه في الطعم...
90 غ زبدة = 9 ملاعق كبيرة
2/1 كوب سكر
بيضة
1 ملعقة كبيرة طحينية
1 ملعقة كبيرة عصير برتقال
4/1 ملعقة صغيرة هيل مطحون
4/3 كوب طحين
2/1 كوب لوز مطحون
4/1 كوب فستق محمص و مجروش خشن
سمسم
في وعاء عميق نخلط الزبدة و السكر و البيضة و الطحينية و عصير البرتقال و الهيل لحد ما يصير عندنا قوام كريمي...
هنا أنا نسيت البيضة و حطيتها بعدين :P
نضيف للخليط الطحين و اللوز و الفستق...
هذي يد شوشو عشان تتبارك الطبخة
نعجن لين تصير عندنا عجينة ناعمة كثير و تلزق باليد... ممكن تضيفون شوية طحين عشان تتماسك شوي بس لا تكثرون... العجينة لازم تكون لينة...
الحين نجيب ورق نايلون و نفرشة عالكاونتر و نرش فوقه كمية محترمة من السمسم
ناخذ العجينة و نشكلها على شكل اسطواني بطول 24 سم تقريباً، و ندحرجها فوق السمسم لين تتغطى بالكامل...
إذا العجينة لينة كثير و ما قدرتوا تتحكمون بالشكل، حطوها بالثلاجة لمدة نص ساعة عشان تتماسك و يسهل علينا التشكيل...
الحين نغلفها بورق النايلون و ندخلها الثلاجة لحد ما تتماسك تماماً... تاخذ تقريباً ساعة... إذا ما عندكم وقت، حطوها بالفريزر لمدة ربع ساعة...
نحمي الفرن على حرارة 350، و نجهز الصواني و ندهنها بالزبدة أو الزيت...
نطلع العجينة من الثلاجة و نبدا نقطعها حلقات بسمك 5 ملم تقريباً...
نصفهم بالصواني و ندخلهم الفرن في الرف الأوسط لحد ما يتحمرون... من 7 إلى 10 دقايق...
بعد ما نطلعهم من الفرن، نخليهم دقيقتين عشان يتماسكون قبل ما نشيلهم...
و هذا شكلهم النهائي...
الطعم و الريحة شي خيااال لازم تجربونه
الحلو الثالث...
جواهر التمر و اللوز...
أول شي نحمي الفرن على حرارة 350... و نجهز الصواني...
2 كوب لوز مطحون
2/1 كوب تمر منزوع النواة
3/1 كوب سكر
1 ملعقة صغيرة بشر برتقال (الطعم مركز كثير ممكن تقللون الكمية)
4/1 كوب شراب الميبل maple syrup
بياض بيضة
1 كوب شرايح جوز الهند
نخلط كل المقادير مع بعض ما عدا جوز الهند (بنستخدمه بعدين)، و نحاول نفرك التمر بأصابعنا عشان يندمج مع باقي المقادير، لحد ما نحصل على عجينة لينة...
نحط جوز الهند في صحن، و ناخذ مقدار ملعقة صغيرة من العجينة و نغطيها بجوز الهند...
لأن شرايح جوز الهند كبيرة، نحاول نضغط عليها عشان تمسك في العجينة...
نصف الكور في الصينية و نحمرها بالفرن لمدة 10 دقايق...
و هذا شكلها النهائي... حلو غريب و طعمه مميز... و خلّو ضيوفكم يخمنون المكونات
الحلو الرابع و الأخير...
الماكاروونز بجوز الهند
هذا الحلو جداً هش و خفيف و الكل بيحبه
بياض بيضتين
4/3 كوب سكر
4/3 كوب مكسرات مجروشة أي نوع تفضلون (إختياري)
3/2 كوب جوز هند
و كاكاو سايح لتزيين
طبعاً ما ننسى نحمي الفرن و نجهز الصواني
أول شي نضرب بياض البيض في الخلاط لحد ما ينفش، بعدين نضيف له مقدار السكر بالتدريج و الخلاط شغّال لين ما يصير عندنا مارينغ متماسك...
نضيف له المكسرات (أنا ما استخدمتها) و جوز الهند و نحرك بملعقة خشب أو السباتولا من فوق لتحت لين تندمج المكونات...
ناخذ مقدار ملعقة صغيرة من الخليط و نسقطهم في الصينية... أو ممكن تستخدمون كيس الكريمة إذا تحبون... أنا شكلتهم بين ملعقتين صغار و صار عندي شكل بيضاوي...
ندخلهم الفرن لمدة ربع ساعة، لحد ما يتحمرون، و نتركهم يبردون بعدين نزينهم بالكاكاو... و هذي النتيجة النهائية...
هذي تشكيلة الحلويات اللي عندي و إن شاء الله تعجبكم وعوافي على قلوبكم
ميني تشيز كيك
هذا التشيز كيك ما ياخذ منكم غير نص ساعة من تجهيز و طبخ... سهل و خفيف و لذيذ جداً
بنحتاج:
علبة بسكوت Hit minis بنكهة الليمون (في منه بنكهة الكابتشينو لكن ما جربته)
و هذي هي الحركة الجديدة... كان عندي عزيمة و ما عندي عندي وقت أسوي القاعدة، فتذكرت إن عندي هذا البسكوت و لمعت في راسي هالفكرة
و هذي صورته...
مقادير التشيز كيك:
12 حبة كيري بحرارة الغرفة (ضروري تكون بحرارة الغرفة، لأنها لو كانت باردة ما راح تندمج زين مع باقي المقادير)
4/3 كوب سكر
بيضتين
1 ملعقة صغيرة فانيلا
أول شي نحمي الفرن على حرارة 350، و نجيب صينية الميني كب كيك و نصف فيها القوالب الورقية، و ناخذ البسكوت و نفتحه و نحط القطعة اللي فيها الزبدة داخل القالب...
الحين نخلط الكيري و السكر لين يندمجون زين...
بعدين نضيف لهم البيض وحدة ورا وحدة مع الفانيلا...
نعبي القوالب بالخليط، عبوها فُل للأخير تقريباً...
ندخل الصينية الفرن لمدة ربع ساعة بالضبط، بعدين نطفي الفرن و نفتح الباب شوي و نخلي التشيز كيك 5 دقايق زيادة...
و هذا شكله بعد ما طلعته...
أما التوبينغ، لكم الحرية تستخدمون اللي تبون، أنا حطيت عليه توفي و مكسرات نفس حركة منال العالم، و اللي حابة تحط من الصوص الجاهز الفراولة أو الكرز أو التوت براحتكم...
و هذا شكله النهائي...
الحلو الثاني...
بسكويت السمسم
هذا البسكوت يشبه كثير البرازق، و قريب منه في الطعم...
90 غ زبدة = 9 ملاعق كبيرة
2/1 كوب سكر
بيضة
1 ملعقة كبيرة طحينية
1 ملعقة كبيرة عصير برتقال
4/1 ملعقة صغيرة هيل مطحون
4/3 كوب طحين
2/1 كوب لوز مطحون
4/1 كوب فستق محمص و مجروش خشن
سمسم
في وعاء عميق نخلط الزبدة و السكر و البيضة و الطحينية و عصير البرتقال و الهيل لحد ما يصير عندنا قوام كريمي...
هنا أنا نسيت البيضة و حطيتها بعدين :P
نضيف للخليط الطحين و اللوز و الفستق...
هذي يد شوشو عشان تتبارك الطبخة
نعجن لين تصير عندنا عجينة ناعمة كثير و تلزق باليد... ممكن تضيفون شوية طحين عشان تتماسك شوي بس لا تكثرون... العجينة لازم تكون لينة...
الحين نجيب ورق نايلون و نفرشة عالكاونتر و نرش فوقه كمية محترمة من السمسم
ناخذ العجينة و نشكلها على شكل اسطواني بطول 24 سم تقريباً، و ندحرجها فوق السمسم لين تتغطى بالكامل...
إذا العجينة لينة كثير و ما قدرتوا تتحكمون بالشكل، حطوها بالثلاجة لمدة نص ساعة عشان تتماسك و يسهل علينا التشكيل...
الحين نغلفها بورق النايلون و ندخلها الثلاجة لحد ما تتماسك تماماً... تاخذ تقريباً ساعة... إذا ما عندكم وقت، حطوها بالفريزر لمدة ربع ساعة...
نحمي الفرن على حرارة 350، و نجهز الصواني و ندهنها بالزبدة أو الزيت...
نطلع العجينة من الثلاجة و نبدا نقطعها حلقات بسمك 5 ملم تقريباً...
نصفهم بالصواني و ندخلهم الفرن في الرف الأوسط لحد ما يتحمرون... من 7 إلى 10 دقايق...
بعد ما نطلعهم من الفرن، نخليهم دقيقتين عشان يتماسكون قبل ما نشيلهم...
و هذا شكلهم النهائي...
الطعم و الريحة شي خيااال لازم تجربونه
الحلو الثالث...
جواهر التمر و اللوز...
أول شي نحمي الفرن على حرارة 350... و نجهز الصواني...
2 كوب لوز مطحون
2/1 كوب تمر منزوع النواة
3/1 كوب سكر
1 ملعقة صغيرة بشر برتقال (الطعم مركز كثير ممكن تقللون الكمية)
4/1 كوب شراب الميبل maple syrup
بياض بيضة
1 كوب شرايح جوز الهند
نخلط كل المقادير مع بعض ما عدا جوز الهند (بنستخدمه بعدين)، و نحاول نفرك التمر بأصابعنا عشان يندمج مع باقي المقادير، لحد ما نحصل على عجينة لينة...
نحط جوز الهند في صحن، و ناخذ مقدار ملعقة صغيرة من العجينة و نغطيها بجوز الهند...
لأن شرايح جوز الهند كبيرة، نحاول نضغط عليها عشان تمسك في العجينة...
نصف الكور في الصينية و نحمرها بالفرن لمدة 10 دقايق...
و هذا شكلها النهائي... حلو غريب و طعمه مميز... و خلّو ضيوفكم يخمنون المكونات
الحلو الرابع و الأخير...
الماكاروونز بجوز الهند
هذا الحلو جداً هش و خفيف و الكل بيحبه
بياض بيضتين
4/3 كوب سكر
4/3 كوب مكسرات مجروشة أي نوع تفضلون (إختياري)
3/2 كوب جوز هند
و كاكاو سايح لتزيين
طبعاً ما ننسى نحمي الفرن و نجهز الصواني
أول شي نضرب بياض البيض في الخلاط لحد ما ينفش، بعدين نضيف له مقدار السكر بالتدريج و الخلاط شغّال لين ما يصير عندنا مارينغ متماسك...
نضيف له المكسرات (أنا ما استخدمتها) و جوز الهند و نحرك بملعقة خشب أو السباتولا من فوق لتحت لين تندمج المكونات...
ناخذ مقدار ملعقة صغيرة من الخليط و نسقطهم في الصينية... أو ممكن تستخدمون كيس الكريمة إذا تحبون... أنا شكلتهم بين ملعقتين صغار و صار عندي شكل بيضاوي...
ندخلهم الفرن لمدة ربع ساعة، لحد ما يتحمرون، و نتركهم يبردون بعدين نزينهم بالكاكاو... و هذي النتيجة النهائية...
هذي تشكيلة الحلويات اللي عندي و إن شاء الله تعجبكم وعوافي على قلوبكم
