واش تكره فالمرأة وأنت واش تكرهي فالراجل

[abidou 20081]

انا خويا نكره الكذب الخيانة و البخل

تحية طيبة وعطرة أختي العزيزة مارجوري

ونقولك ختي تقريبا كامل يكرهو هذ الصفة وحتى حنا الرجال ونكرهو هذ الصفة
سواء من الذكر أو الأنثى كامل كيف كيف لي فيه هذ الصفات هذا ماشي عبد كامل
والله غير الحيوان وخير منو ربي يبارك فيك وربي يعطيك ماتتمني دمتي بألف خير وهناء إن شاء الله ​

 

[abidou 20081]

مرسي خويا عبيدوا على الموضوع المميز من عضو اقل مايقال عنه انه مميز في مواضيعه وردوده

نكره في الراجل كي يكون


يكذب بزاف و منافق

و يخوني

وكي مايكونش عندوا كلمة

ربي يحفظك خويا و يعطيك ماتتمنى

:biggrin:


​

تحية طيبة وعطرة أختي العزيزة بلقيس رانا

ربي يخليك وربي يحفظك على الشهادة ااتي قلتيها في حقي والذي أعتز وأفتخر بها من عضوة مميزة
وأكن لها كل الإحترام والود ربي ينورك
في مايخص واش تكرهي فالراجل نقولك كيما قلت فايت هذي لي ذكرتيهم عندك الحق وماراهمش صفات الرجل الكذب والنفاق يكفيه عقاب الله والرجل يقولك نتيجتو كلمتو وإذا كان ماعندوش كلمة هذا ماشي رجل تاع الصح والرجل بلا كلمة واش من رجلة فيه الخيانة لي البعض حب يعطيلها أسم أخر وهو لقفازة يعني عندو بزاف لكن الخيانة تبقى خيانة مهما حاول بعض الخائنين تغير مفهوم الخيانة
ربي ينورك وربي يعطيك ماتتمني وربي يوفقك في كل أمورك مرورك أسعدني حقا دمتي بألف خير وهناء إن شاء الله ​

 

[أم عبد الرحمان]

تحية مجددة أختي العزيزة أم عبد الرحمن وربي يخليك ودمت متابعة للموضوع مشاركتك زادت النص فالموضوع ربي يزيدك من خيرو ​

كاين منها واش راكي تقولي وتاع الصح وكاين هذا النوع لي يكره النسا ولا بعبارة صحيحة أفعال النسا ​

وكل واحد واش سبتو كاين لي مصدوم وكاين من الشوفات لي قلتيهم ركبلو مركب نقص إتجاه الجنس اللطيف ورجع مايحملهومش لكن ظروف مؤقتة وتعيا وتزول لأنه مهما كرهم يبقى دائما بحاجة لنصفه الثاني وحتى واحد ماكمل حياتو وحدو غير لي ظروف أجبرته على ذلك وأخي عمر نظن تاني أنا يقصد عمايل النسا وعلى حساب معرفتي بيه الجيدة تاني مايعممش يعني على بالو كاينين لي ماشاء الله عليهم غير واش مازال ماصدفش برك و تلقايها من خلال المواضيع المميزة لي دايرها تقدري تجبدي منها واش يحوس قد قد ونتمناولو ربي يرزقو بالزوجة الصالحة والذرية الطيبة وللجميع كذلك ونتمنالك كل الخير وربي يحفظك ويعطيك ماتتمني دمتي بألأف خير وسعادة إن شاء الله ​

شكرا لك أخ عبيدو و أنا دائما متابعة للمواضيع اللي نشارك فيها
أمّا بالنسبة للأخ عمر أنا أعلم أنّه لا يقصد فهو أكيد كأخي يقول ما نحملش النسا و النسا سباب المشاكل بصّح راه حاب يتزوّج:biggrin:يعني علابالو بلّي مازال كاين اللي تصلح
حبّيت برك ندير ملاحظة على الناس اللي بسبب أحد العلاقات الفاشلة يكرهو النسا و يولّو يشوفو فيهم غير النقص مثلا:
عندنا جارنا شيخ في 70 من عمرو بعد الإستقلال خطب وحدة و نوى يتزوج بيها بصّح لعبتهالو هو يقول خانتني و الله أعلم نوع الخيانة من بعد خلّاها و تزوّج بهاد الإنسانة اللي عاشت معاه و جاب معاها 8 دراري و رغم هاذا كان يشوف فيها صفة الخيانة و يقوللها كامل كيفكيف يعني عاشو 40 سنة كيفكيف و المرأة طاهرة و صالحة و بقى يكرّهلها في حياتها بهاد السيرة و يشك فيها حتى في كبرهم يعني الآن داير عليها حراسة رغم أنها راهي في 60 سنة تصوّر!!
الصفة القبيحة التي وجدها في المرأة التي تعلّق بها في الأوّل أثّرت فيه و دمّرت حياته و تفكيره و أصبح عندو مرض الوسواس و يجبد لأولادو حكايات ماكانش منها على مرتو و دايما يقوللها أنتنّ الجنس الخبيث !حتى أنّو في أحد الأيام غلق عليها بالمفتاح و قاللهم كي نخرج دخل راجل في الدار! قالولو روح شوف طبيب نفساني و هو رفض و ما زالهم عايشين في هاذ الجحيم لحدّ الآن.
هذه قصّة تذكرتها فقط بمناسبة الموضوع و معذرة على الإطالة .
ربي يرزقك و الأخ عمر و كامل شباب المسلمين بالزوجة الصالحة
إحترامي أخي ...

 

[souss]

أولا شكرا أخي على الموضوع و ثانيا حبيت نضيف حوايج ما نحبهمش في الراجل منهم اللي ينشع مرتو ولا يهز عليها صوتو قدام لخرين مهما كانو هادو لخرين حبابو ولا حبابها و تاني الراجل اللي قبل الزواج يديرها هي حياتو و كل اهتماماتو و بعد الزواج ينساها و يعود قليل ما يهدر معاها

 

[abidou 20081]

شكرا لك أخ عبيدو و أنا دائما متابعة للمواضيع اللي نشارك فيها
أمّا بالنسبة للأخ عمر أنا أعلم أنّه لا يقصد فهو أكيد كأخي يقول ما نحملش النسا و النسا سباب المشاكل بصّح راه حاب يتزوّج:biggrin:يعني علابالو بلّي مازال كاين اللي تصلح
حبّيت برك ندير ملاحظة على الناس اللي بسبب أحد العلاقات الفاشلة يكرهو النسا و يولّو يشوفو فيهم غير النقص مثلا:
عندنا جارنا شيخ في 70 من عمرو بعد الإستقلال خطب وحدة و نوى يتزوج بيها بصّح لعبتهالو هو يقول خانتني و الله أعلم نوع الخيانة من بعد خلّاها و تزوّج بهاد الإنسانة اللي عاشت معاه و جاب معاها 8 دراري و رغم هاذا كان يشوف فيها صفة الخيانة و يقوللها كامل كيفكيف يعني عاشو 40 سنة كيفكيف و المرأة طاهرة و صالحة و بقى يكرّهلها في حياتها بهاد السيرة و يشك فيها حتى في كبرهم يعني الآن داير عليها حراسة رغم أنها راهي في 60 سنة تصوّر!!
الصفة القبيحة التي وجدها في المرأة التي تعلّق بها في الأوّل أثّرت فيه و دمّرت حياته و تفكيره و أصبح عندو مرض الوسواس و يجبد لأولادو حكايات ماكانش منها على مرتو و دايما يقوللها أنتنّ الجنس الخبيث !حتى أنّو في أحد الأيام غلق عليها بالمفتاح و قاللهم كي نخرج دخل راجل في الدار! قالولو روح شوف طبيب نفساني و هو رفض و ما زالهم عايشين في هاذ الجحيم لحدّ الآن.
هذه قصّة تذكرتها فقط بمناسبة الموضوع و معذرة على الإطالة .
ربي يرزقك و الأخ عمر و كامل شباب المسلمين بالزوجة الصالحة
إحترامي أخي ...

العفو أختي الكريمة وربي يبارك فيك أم عبد الرحمن وهذا دليل على نبلكوحسن خلقك
طبيعة البشر هذي هي وبالأخص الذكر لي فيه هذا الطبيعة يقول أنا نكره كامل النسا لكن دائما لديه
ثقة بيته وبين نفسه على أنه مازال كاين هناك بنات الفاميليا المشكلة لو تواصل هذا المرض النفسي يعني قلة الثقة بين الرجل وزوجته ولي مشكلة تاع الصح كبيرة مايعيش هو لاباس عليه ماتعيش هي لا باس عليها وترجع لمعيشة على شكل صراع دائم وخاصة إذا طاح في وحدة ماشي مثقفة وماتعرفش كيفاش تسايرو وتنحيلو الشك هذا ولي هو مشكل نفسي لا أكثر ولا أقل وخاصة منين يكون تزوج وحدة ماعندو حتى حاجا عليها مجرد شك وتوسويس وخلاص والقصة لي قلتيها أكبر مثال على ذلك
وكاين من أمثالها بزاف وهنا نقدر نضيف نقطة أن الكثير من الفتيات تممت بعد مجرد صراع أول ترجع حتى هي في موقع المظلوم وموقع رد الفعل لكن تنسى بلي قادرة تواجه المشكلة بطريقة أخرى باش تتهنى من المشكل بصفة نهائية وعلى هذي لازم يكون عندها الرزانة في مثل هته المواقف
الخيانة صح صعيبة بالنسبة للذكر ولا الأنثى و تبقى النتائج تاعها بشكل سلبي متواصلة مع الشخص
لي ماقدرش يعالج نفسو بنفسو ولا ماطاحش فلي تقدر تبدلو النظرة تاعو
ربي ينورك كيما راكي منورة الموضوع وربي يعطيك ماتتمني دمتي ​

 

[ملكة زماني]

انا نكره التكبر وكي يعود حاط روحي مايمشيش فوق الارض

 

[khawla92]

الغرور بلا ما يكون فيه حاجة تدعي للغرور
العيون الزايغة في بنات اخرين
الكذب والخيانة بكل انواعها
وشكرا على الموضوع الذي يستاهل الرد

 

[ابتسام 2]

تحية طيبة وعطرة أختي العزيزة إبتسام ​

قانون الأسرة أو غيرها من القوانين هذفها واضح وجلي ولو كانو حقا يريدون حقا المرأة يستمدوه من الشريعة الإسلامية فقط والمرأة تأخذ كل حقوقها مع حفظ للكرامة والقيمة الحقيقية لكنهم لا يريدون حقوق المرأة بالعكس يريدون تفسيخها وجعلها أداة لنشر الفساد وللأسف هناك ضعيفات العقل ينجرون وراء ذلك بدون تفكير أو تمييز وحتى الدراسات التي نسمع بها من هنا وهناك حول المرأة كلها تحرف لأمور الغرض منها إخراج المرأة وفقط ولو طبقت على الشرع نجد فيها الكثير من التناقض وحتى لو أخذنا الدراسة فس حذ داته نجد التناقض واضح وذلك لطمس الحقائق فقط وحتى أنهم إذا لاحظتي شنو حملة على الإسلام على أنو يستعبد المرأة ويهضم حقوقها لكنهم إصطدمو بواقع مر وجدو أنفسهم هم الذين جعلو المرأة كسلعة للعرض فقط والإسلام يعاملها ككائن يحفظ حقوقها غيرو طريقة تفكيرهم وبدل شن الهجوم يجعل الناس تتصدى لهم قالو نخلو المرأة من الداخل تخدم خدمتها وهما عليهم نشر الأفكار والدراسات وتمرير ثقافتهم لنا وأخذ ثقافتنا لذلك أنقلبت الأمور في المعاملات وحتى أخر إستطلاع للرأي جعلوه في فرنسا في سؤال حول اللباس المفضوح وجدو أغلبية ساحقة من النساء رفضن هذا ورفضن أن يكونو سلعة وقالو إن لباسنا إن كان مفضوح لن يحفظ لنا قيمتنا بالعكس يجعلنا كسلعة معروضة للجميع ألا يكفي هذا لماذا هذ الدراسة لم تنشر عندنا كذلك للأسف يعرفو ما يقدمو لنا وما يأخذو لهم في ما يخص القدرة العلمية التي أنت في صدد كل مرة إعادتها لي أقول لك شيئا واحد حاولي الحصول على شريط للشيخ الفاضل والعالم الإسلامي الزنداني *حول عقل الرجل وعقل المرأة تفهمين منه جيدا الفرق الكبير بينهم ومن الأية الكريمة وحديث الرسول عليه الصلاة والسلام
وسوف تجدين الجواب على كل التساؤلات حول هذه النقاط

حفظك الله ورعاك وحقق كل أمنياتك دمتي بألف خير وهناء إن شاءالله ​

السلام عليكم حقيقة كل ما تقوله صحيح وانا اوافقك الراي فيما تقوله واحس دليل أن عزة وكرم المرأة هو بقاؤها في البيت قوله تعالى وقرن في بيوتكن لانه هو من خلقنا ويعرف كيف نتعامل والشيء الذي يصلح لنا والي ما يصلحش وخروج المرأة الى الخارج هو سبب كل المشاكل والفساد الحاصل ..نسأل الله فقط الستر والحفظ الى يوم القيامة
شكر ااخي عبيدو على نقاشك الراقي ​

 

[MANMONA]

اهلا وشكرا على الموضوع الذي اثار جدل كبير صحيت خؤرجتلهم قلوبهم بالهدرة مسكان جبدو كلشئ يكرهوه ماما انا حبيت نجبد وش في قلبي
انا نكره الراجل الخوااااااااااااااااااااف بزاااااااااف نحبو قاوي او عندو هيبتو او صحكتو قليل وين يبينها حتى تولي صحكتو عزيزة او يكون جرئ ويكون يدافع عليا او ما يهربش من الخوف او ما يكونش بخيل نكره بزااااااااف البخل او ما نحبوش يدخل في الامور تاع النساء او بالاحرى مايفهمش في سواق تاع النسا او نحبو ايكون حنين نظيف او ايحب النظافة غيار قوي ...........

 

[abidou 20081]

أولا شكرا أخي على الموضوع و ثانيا حبيت نضيف حوايج ما نحبهمش في الراجل منهم اللي ينشع مرتو ولا يهز عليها صوتو قدام لخرين مهما كانو هادو لخرين حبابو ولا حبابها و تاني الراجل اللي قبل الزواج يديرها هي حياتو و كل اهتماماتو و بعد الزواج ينساها و يعود قليل ما يهدر معاها

تحية طيبة وعطختي العزيزة سوس

العفو أختي الكريمة ونورتي الموضوع ربي ينورك وراكي أضفتي نقاط أخرى
منها الرجل لي يعيط على مرتو قدام الناس مهما كانو وإذا كان من أداب التربية الرجل مايرفدش صوتو أمام زوجتو قدام الدراري باش ما يأثرش عليهم في تربيتهم كيفاش يرفد صوتو أمام غاشي أخر
وحتى وإن غلطت كاين إشارات يستعملهم ومنين يكونو وحدهم يتحدثو في هذا الخطأ
لكن البعض يحب يبين روحو شوية ويخسر أمور كثيرة
مسألة الرجل لي يدير الطفلة قبل الزواج حياتو وبعد الزواج يتقلب نقولك هذا النقطة تدخل فيها عوامل
كثيرة نذكر منها زوج حوايج ولي هي عقلية لازم ماتطمعهاش وهي تدخل بفكرة نحطو خاتم في صبعي والنقطة التانية والمهمة ولي متغافلين عليها بزاف هي قبل الزواج يقعدو لابسين لي ماسك يعني كل واحد يزوق في روحو للأخر تقول هذو متفاهمين في كل شيء وبعد الزواج يدفعو ثمن هذ لي ماسك لي كانو لابسينهم وماكانش قد العقلية والشخصية الحقيقية في علاقتك قبل الزواج هكذا كل واحد يعرف الأخر على حقيقتو وإذا عجبو الله يبارك وغذا ماعجبوش يخسر درك خير ملي يخسر بعد الإرتباط لأن الخسارة في ذلك الوقت تكون كبيرة بزاف سواء للرجل أو المرأة
ربي يخليك وربي يعطيك ما تتمني دمتي بألف خير وهناء إن شاء الله ​

 

[Mr Lonely]

نكره الكذب و الخيانة

 

[شهد .]

انا نكره واحد الصفة في الرجال وهي رجال غير بلسمية
يعني ما عندو حتى صفة تاع راجل
الغيرة الزايدة
الاستغلال
النفاق و الكذوب

 

[غادة اليم]

السلام عليكم ورحمة الله ....
والله موضوع مميز وفي القمة كما عودتنا خويا عبيدو خسارة ماقدرتش نقرى كامل الردود مي ماعليش نعطي رايي ونكملهم في وقت لاحق ان شاء الله ..

اممم اول حاجة مانحبهاش ونكرها ونبغضها اشد البغض الراجل الحقار المتجبر اللي يتنوفخ غير على المراة عامة وخاصة مرتو ويتفنن في عفسها اذا صح التعبير يااااااااااه شحال نحتقرو وكون يديرها واحد معايا نقتلو !!

الرجل اللي برا وجه وفي الدار وجه اخر ومشرب لعايلتو لمرار ومكرهلهم حياتهم يحيرون الرجال اللي يديرو هكذا انا نعرف الواحد اللي يدير الخير يبداه بأهلو بل كل الخير اللي يديرو فيهم ماشي في البرانيين نحسلو منافق البراني شايفو ملايكة وكون يروح لدارو يلقى شيطان !!

مانحبش الراجل اللي ماعندوش روح النقاش وغير رايو اللي يجوز مليح ولا حاير مايخليكش مامبا تخرج النفس باه تجي تهدر وملفوق داير كلش واحد يقولو هو صح ومن المسلمات اللي لازم تسلم بيها وتسكت هذا كيف كيف حلال فيه القتل هههههه

مانحبش اللي يكذب ووجهز مطلس مامفقتلو بلي كذب في هاذيك الحاجة يبقى شاد في رايو وهو وجهو زرق وخرج فيه ربي عمايلو سبحان الله مي هاذا نورمال يموت وحدو مقنوط ولا جايف ههه

ااااااااه شحال نحب واحد شايف روحو ههه على خاطر انا يكون عندي انفيزيبل ههه

مانحبش واحد تان يهدر كلي هو حاجة ويقولك نعرف كذا وكذا وانا عامل هكذا وقريت لحاجة لفلانية وعندي اطلاع جيد عليها وووو مي نهار تطل عليه ولا تناقشو ولا تسقسيه تلقاه والو يعيـــــــني

مانحبش واحد نسوانجي ولسانو مطلوق يظل من هاذي لهاذي وبلعاطي قد الدنيا مانشموش كامل لاني بطريقة اخرى لو فعلت نحس روحي من الحاشية ديالو هههه وهاذي موحاااااااال وتاني اللي عينيه ماسي معاه وهو يمشي !!!!!

مانحبش واحد يدور ويلف في الهدرة الف لفة وختها بلا فايدة مي تكسار راس برك وساعات بطريقة عاطفية لاتسمن ولاتغني من جوع قول واش حاب ديراكت بموضوعية وباختصار ولا روح تلعب

مانحبش واحد لاعبها حاجة وجايبها عقلية تجواك زعمة وهو والو والمشكل ساعات يطيح في ناس نية مساكن يخدم فيهم رايو حتى كاين اللي يعقدهم وهاذي كاين حتى بين الراجل ومرتو ويرهبها منو مسكينة هذا لازملو طريحة من لكبار

نكره الراجل اللي يتزوج بوحدة يبدا معاها حياتو في اول المشوار وروح ياسيدي تكافح معاه وتصبروتسوفري وتحمل كل الظروف من فاميلتو ساعات من ظروفو المادية ووو كلي تبدا معاه من الصفر وتساندو نهار يهز روحو وتضحكلو الدنيا يعطيها بكوتبيي ويروح يشوف وحد اخرى اللي تلقاه واجد ويعاود حياتو كواحد متحضر زعمة ومانعرف كلي مرتو لقديمة وحياتو كيفاه بداها مانو من الماضي من الوقت اللي كان مغبون فيه نكرهوووو هذا واحد ماعندوش قلب ني هو ني لمرا اللي تديه الا كان عندها يد في الامر

امممم هذا ماكان المرة الجاية نزيد نشوف واش نتفكر هههه بصح عكسهم نحب الراجل اللي يكون سيس حليم مثقف متخلق ذكي منرفي وفي نفس الوقت طيب اهم حاجة اللي يعرف ربي ماراح يخصو والو لانو اكيد ماراحش يدنى لتلك الصفات

بـــارك الله فيـــــــــك على الموضـــــــــوع
​

 

[abidou 20081]

انا نكره التكبر وكي يعود حاط روحي مايمشيش فوق الارض

تحية طيبة أختي العزيزة ملكة زماني

التكبر لبليس لعنة الله عليه ورجل كيما هذا تجوز فيه اللعنة
التكبر خرج بليس لعنة الله عليه من الجنة وهذي كامل ماخلاتش
الشخص يفيق واش هو التكبر البعض يحسب روحو حاجا وهو ماكان والو
حتى لوكان شخصية بالتكبر مايولي يسوى حتى حاجا
ربي يخليك وربي يعطيك ماتتمني
دمتي بألف خير وهناء إن شاء الله​

 

[abidou 20081]

الغرور بلا ما يكون فيه حاجة تدعي للغرور
العيون الزايغة في بنات اخرين
الكذب والخيانة بكل انواعها
وشكرا على الموضوع الذي يستاهل الرد

تحية طيبة وعطرة أختي الفاضلة خولة

نقولك حاجا حتى لو كان عندو حاجا لي تغرو وماشي مليح الغرور
الغرور يفسد الطبايع والمغرور ديما يقعد في بلاصتو
العيون الزائغة نقولك كاين لي عينيه زايغين والمشكلة الأكبر لي يكون عندو
ومازال عينيه زايغين هذا عندو مرض في قلبو ولازملو علاج التفكير تاعو
هذا واش جابلو وكاين البعض يشوف فيها قفازة كيما سبق وقلت
بصح منين يموت الضمير يسمح لشخص يدير كل شي بلا مايحاسب روحو
الكذب والخيانة وهذو من أقبح الصفات والكاذب والخاين مكروه من عند الناس كامل ماشي
غير من عند المرأة الشكر لك اختي العزيزة على المرور الكريم الذي زاد الموضوع إشراقا
ربي ينورك وربي يعطك ماتتمني دمتي بألف خير وهناء إن شاء الله ​

 

[abidou 20081]

السلام عليكم حقيقة كل ما تقوله صحيح وانا اوافقك الراي فيما تقوله واحس دليل أن عزة وكرم المرأة هو بقاؤها في البيت قوله تعالى وقرن في بيوتكن لانه هو من خلقنا ويعرف كيف نتعامل والشيء الذي يصلح لنا والي ما يصلحش وخروج المرأة الى الخارج هو سبب كل المشاكل والفساد الحاصل ..نسأل الله فقط الستر والحفظ الى يوم القيامة
شكر ااخي عبيدو على نقاشك الراقي ​

تحية مجددة مرة أخرى وفي كل مرة لقد نورتي الموضوع وربي ينورك ختي إبتسام
أضم صوتي لصوتك وأقول يارب أمين فما نراه يحدث من أشباه الإناث أفسدو الأمر
على باقي الإناث وتخلطت الأمور حتى بدينا نسمعو في تبادل التهم بين الجنسين
مع ان الله خلقهم لبعضهم وكل طرف يكمل الثاني لكن أصبحو مثل جنسين
متنافسين وليس متوافقين وتواصل هذا التنافس حتى في الحياة الزوجية بحيث يدخل الرجل بعقلية
المرأة مانحللهاش عينيها والمرأة تدخل بعقلية نحط الرجل خاتم في صبعي وهكذا
في بلاصت مانزرعو الحب والتفاهم ولينا من البداية نزرعو النزاع و الصراع
وتفككت الكثير من الأسر بهذه المعتقدات الخاطئة وماعلينا غير نقولو الله يصلح الأحوال برك
ربي يخليك وربي يعطيك ماتتمني دمتي بألف خير وهناء إن شاء الله ​

 

[abidou 20081]

اهلا وشكرا على الموضوع الذي اثار جدل كبير صحيت خؤرجتلهم قلوبهم بالهدرة مسكان جبدو كلشئ يكرهوه ماما انا حبيت نجبد وش في قلبي
انا نكره الراجل الخوااااااااااااااااااااف بزاااااااااف نحبو قاوي او عندو هيبتو او صحكتو قليل وين يبينها حتى تولي صحكتو عزيزة او يكون جرئ ويكون يدافع عليا او ما يهربش من الخوف او ما يكونش بخيل نكره بزااااااااف البخل او ما نحبوش يدخل في الامور تاع النساء او بالاحرى مايفهمش في سواق تاع النسا او نحبو ايكون حنين نظيف او ايحب النظافة غيار قوي ...........

تحية طيبة وعطرة أختي العزيزة منمونة

أهلا بك والعفو أختي الكريمة والشكر لك على مشاركتك التي أنارت الموضوع وزادته إشراقا

عندك الحق ختي خلي يتنفسو من خلال الموضوع وكل واحد يقول واش يكه في الطرف الأخر
ممكن هكذا كل واحد يدرس أمور بالاك راهي غايبة عليه ويصحح نفسو بنفسو غير لي
متعمد على هذ الأمور هذا راه مريض ماعندوش دواء ربي يهديه وخلاص
أنت أضفتي لنا نقطة أخرى ولي هي الرجل الخواف بالرغم من أني أحترم هذا الصنف يعني الله غالب
عليه فيه مركب نقص وكل واحد كيفاش أصيب به لكن الرجل الخواف غير أهل للمرأة بحيث المرأة
يجب أن يكون لها رجل الذي يحميها وليس الذي تحميه هي والرجل لازمتكون عندو كلمتو ومكانتو في المجتمع ماشي شرط يكون حاجا لكن عندو شخصية قوية
النقطة الثانية لي أضفتيها هي الرجل لي يدخل في أمور النسا هذا يتسمى نسواني أمور النساء تبقى للنساء ماعليش يكون مطلع على البعض منها حتى يعرف كيف يتعامل معها لكن لا يجب ان يحشر نفسو فيها
في مايخص لحنانة ونظافة هذه أمور محببة وحتى إسلامنا يأمرنا بها وخير مثال لنا الرسول عليه أفضل الصلاة والسلام والمعاملات تاوعو ولوكان نتعلمو غير شوية من هذه الأمور تخلينا نعرفو كيفاش نعيشو كامل حياتنا في سعادة وتفاهم
ربي يخليك وربي ينورك ويعطيك ماتتمني دمتي بألف خير وهناء إن شاء الله ​

 

[abidou 20081]

نكره الكذب و الخيانة

تحية طيبة أخي العزيز Mr Lonely


والله ياخويا لعزيز هذ الزوج صفات بالرغم من أنهم تكررو كثيرا بالموضوع
بصح لازم يتكررو ويتعاودو في كل مرة على خاطرش أقبح وأسوأ الصفات هذي هي
الكذب والخيانة وهما لي فسدو الكجتمع كامل ويكفي عقاب الله فيهم
لأن الكذب والخيانة حوايج ماشي ساهلين وكاين البعض يستهان بيهم ويحسبهم
قفازة لكن الكذب والخيانة بعاد على لقفازة بزاف وعمرهم مارايحين يكونو قفازة
ولا شطارة وهذ الكلمة الكذابين والخائنيين يصبرو رواحهم بها
ربي ينورك خويا كي ما نورت الموضوع وربي يعطيك ماتتمنى دمت بألف خير وهناء إن شاء الله​

*

 

[abidou 20081]

انا نكره واحد الصفة في الرجال وهي رجال غير بلسمية
يعني ما عندو حتى صفة تاع راجل
الغيرة الزايدة
الاستغلال
النفاق و الكذوب

تحية طيبة وعطرة أختي العزيزة شهد

وراكي قلتيها الرجل غير بالسمية وهذا أصلا ماشي راجل
كاركاس رجل برك كاينين منهم بزاف والله غير حنا وحصلنا معاهم
الغيرة الزايدة وهذي تجيب قلة الثقة وتسبب المشاكل بزاف
ولازم الغيرة تكون في محلها وفي مكانها الطبيعي هكذا تزيد لمحبة
بصح الغيرة الزايدة تفسد العلاقة وتقيد حرية الشخص حتى مايعرفش كيفاش يتعامل
مع روحو ماشي غير مع الناس
الإستغلال وهذي طبيعة خاسرة ولي سكنت فيه فسد هو في روحو
الرجل الإستغلالي ماشي رجل تاع الصح
النفاق والكذوب وهذي صفات أعود بالله تاع واحد في جهنم ونظن هذي تكفيه
ربي ينورك ويعطيك ماتتمني ويفتح في وجهك كل بيبان الخير دمتي بألف خير وهناء إن شاء الله ​

 

[abidou 20081]

السلام عليكم ورحمة الله ....

وعليكم السلام ورحمة الله تعالى وبركاته ​

والله موضوع مميز وفي القمة كما عودتنا خويا عبيدو خسارة ماقدرتش نقرى كامل الردود مي ماعليش نعطي رايي ونكملهم في وقت لاحق ان شاء الله ..

تحية طيبة وعطرة أختي العزيزة غادة اليم
ونقولك والله غير الموضوع مميز بكم أنتم وبلا بكم مايسوى والو ربي ينورك وربي يخليك في ما يخص الردود وحدة وحدةوأ،ت قريتيهم ولو نعطيك نبدة على أنها الأغلبية تاع الردود ركزت على نقطتين ولي هي الكذب والنفاق والعياذ بالله منهم نرجع للمشاركة القيمة تاعك ولي تاع الصح زادت اكثر من النص فالموضوع ونبداوها منين بديتي أنت ​

اممم اول حاجة مانحبهاش ونكرها ونبغضها اشد البغض الراجل الحقار المتجبر اللي يتنوفخ غير على المراة عامة وخاصة مرتو ويتفنن في عفسها اذا صح التعبير يااااااااااه شحال نحتقرو وكون يديرها واحد معايا نقتلو !!

الرجل الحقار وهذ النوع من الرجال حنا في بعضنا ومانحملوهش لأن صفة الرجل الحقيقي يدافع على المحقور ماشي هو يحقر والله لا يوريك واحد حقار وأنت ماتقتليه هههههههههههه​

الرجل اللي برا وجه وفي الدار وجه اخر ومشرب لعايلتو لمرار ومكرهلهم حياتهم يحيرون الرجال اللي يديرو هكذا انا نعرف الواحد اللي يدير الخير يبداه بأهلو بل كل الخير اللي يديرو فيهم ماشي في البرانيين نحسلو منافق البراني شايفو ملايكة وكون يروح لدارو يلقى شيطان !!

الرجل تاع زوج وجوه هذا رجل خبيث ومنافق وإذا قدرت شخصيتو تسمحلو باش يمشي بزوج وجوه
هذا مافيهش الخير ولكن كاين لي رايح غلاط في فكرة المرأة لازم مايحللهاش عينها وهذ النقطة راني تحدث عليها ولي سببت الكثير من المشاكل ​

مانحبش الراجل اللي ماعندوش روح النقاش وغير رايو اللي يجوز مليح ولا حاير مايخليكش مامبا تخرج النفس باه تجي تهدر وملفوق داير كلش واحد يقولو هو صح ومن المسلمات اللي لازم تسلم بيها وتسكت هذا كيف كيف حلال فيه القتل هههههه

الرجل لي ماعندوش تقافة النقاش وهذا مشكل لي رانا واقعين فيه بزاف ومشكل أغلب الأسر الجزائرية هذ النقطة ولي هي تقافة الحوار والنقاش وكاين البعض مسني نلصق يعني بمجرد يتفتح مجال للنقاش مايزيدش كلمتين تولي فيها سلك يا سلاك وكاين لي تاني رايح كيما قلت في العقلية لقديمة تاع ماتحلش عين المراة والفكرة هذي كيما سبق وقلت تاع ماتحلش عين لمرا والمرأة تقولك نجط الرجل خاتم في صبعي هي من أكبر مشكلات الأسر الجزائرية ولوكان يعرفو كيفاش يسايرو هذ النقطة تأكدي بلي أغلب الأسر رايحة ترتاح من عدة مشاكل بصح عليك أنت نقولك الله يبعدهم عليك وماتدخليهاش غير قتيلة ههههههههههههههههههههه​

مانحبش اللي يكذب ووجهز مطلس مامفقتلو بلي كذب في هاذيك الحاجة يبقى شاد في رايو وهو وجهو زرق وخرج فيه ربي عمايلو سبحان الله مي هاذا نورمال يموت وحدو مقنوط ولا جايف ههه

الرجل الكذاب والله من أقبح الصفات هذي تاع الرجل لي يكذب يسقط من العنين تم تم ومايوليش أهل للثقة يعني عيب كبير قبل مانقولو حرام وهذا يتسمى ماتقتليهش يموت وحدو ههههههههههههه​

ااااااااه شحال نحب واحد شايف روحو ههه على خاطر انا يكون عندي انفيزيبل ههه

وهذا لي شايف روحو واش يكون قبل بنادم ولا لالا إذا كان ماشي عبد حاجا أخرى وإذا كان عبد لازم يعرف بلي التكبر لبليس لعنة الله عليه وهو حب يشبه روحو ليه عاجباتو حالتو واش تحبي تديري ليه
بصح لوكان يعاملوه كيما قلتي يفيق لروحو للأسف كاين ناس تقيموهي لي خلاتو يدير هكذا ​

مانحبش واحد تان يهدر كلي هو حاجة ويقولك نعرف كذا وكذا وانا عامل هكذا وقريت لحاجة لفلانية وعندي اطلاع جيد عليها وووو مي نهار تطل عليه ولا تناقشو ولا تسقسيه تلقاه والو يعيـــــــني

هذا يسموه عاطي لفهامة بزاف لروحو وهذ النوع يوجعوالراس حتى معانا حنا الرجال يعني في كل شيء فاهم ولوكان تفتح معاه موضوع تقعد غير تضحك من الجياحة تاعو ربي يفيقو بعيبو برك والواحد لازم يعرف بلي مهما تعلم يبقى مازال يتعلم والكامل ربي سبحانو ​

مانحبش واحد نسوانجي ولسانو مطلوق يظل من هاذي لهاذي وبلعاطي قد الدنيا مانشموش كامل لاني بطريقة اخرى لو فعلت نحس روحي من الحاشية ديالو هههه وهاذي موحاااااااال وتاني اللي عينيه ماسي معاه وهو يمشي !!!!!

النسوانجي هذا كيما سبق وقلت عندو مرض في قلبو ويقولك لي بغاها كامل يخليها كامل وحتى بهذ الطريقة يفقد الشخصية تاعو كامل ويسقط في عينين الناس لكن كيما سبق وقلت هذ النوع كاين لي يشوف فيها قفازة وهذا عقليتو وين وصلاتو ​

مانحبش واحد يدور ويلف في الهدرة الف لفة وختها بلا فايدة مي تكسار راس برك وساعات بطريقة عاطفية لاتسمن ولاتغني من جوع قول واش حاب ديراكت بموضوعية وباختصار ولا روح تلعب

اللف والدوران في هذ النقطة ممكن نختالفو على أمر لي يلف ويدور على نية التلاعب هذا صفتو من صفات الخبث لكن كاين نوع لي ماعندوش الشجاعة باش يواجه مباشرة الفتاة هذي وهذا على خاطرش ماشي موالف وتجيه صعيبة وعلى هذي يكون في حالة لف ودوران يعني فرق بين النقطتين فرق كبير ​

مانحبش واحد لاعبها حاجة وجايبها عقلية تجواك زعمة وهو والو والمشكل ساعات يطيح في ناس نية مساكن يخدم فيهم رايو حتى كاين اللي يعقدهم وهاذي كاين حتى بين الراجل ومرتو ويرهبها منو مسكينة هذا لازملو طريحة من لكبار

النوع لي يبلوفي إذا قدرت نفهم منك هذ النقطة يعني تاع نفيخ ولا النوع الإستغلالي يعني يكثر التزربيط ويتلاعب بالناس وهذا نوع حقير تاع الصح ونوع خطير على المجتمع ماشي غير على المرأة
وهذ النوع ربي يطهر منهم الأرض هما سباب الكوارث لي رانا فيها يعني ماعندو ضمير ماعندو قلب
مصلحتو يدبح عليها كامل الناس وحتى إذا طاح في مولا نية مسكين ياكلو بلا رحمة ولا شفقة وهذا
لقتيلة فيه وقليل ​

نكره الراجل اللي يتزوج بوحدة يبدا معاها حياتو في اول المشوار وروح ياسيدي تكافح معاه وتصبروتسوفري وتحمل كل الظروف من فاميلتو ساعات من ظروفو المادية ووو كلي تبدا معاه من الصفر وتساندو نهار يهز روحو وتضحكلو الدنيا يعطيها بكوتبيي ويروح يشوف وحد اخرى اللي تلقاه واجد ويعاود حياتو كواحد متحضر زعمة ومانعرف كلي مرتو لقديمة وحياتو كيفاه بداها مانو من الماضي من الوقت اللي كان مغبون فيه نكرهوووو هذا واحد ماعندوش قلب ني هو ني لمرا اللي تديه الا كان عندها يد في الامر

وهذي نقطةمهمة ونقطة تاع الصح مليحة دكرتيها فالموضوع لأنها نقطة لاحظناها في الكثير من المرات وين وحدة مسكينة تشرب المر مع زوجها تطيح وتنوض ومنقصتها في عمرها غير على جالو منين يرفد روحو يبيعها بالباطل وهذا رخيس تاع الصح ومافيهش ريحة الرجلة بصح هذ النوع يندم بزاف بزاف بعدما يدير هذ الغلطة وبزاف لي صراتلهم وبزاف يكون السبب بمشاركة إمرأة أخرى يعني تلقاه واجد تدور بيه منا ومنا حتى تجيبو فالفخ وهذي النقطة مهمة تاع الصح والحديث عليها يطول بزاف لكن خلاصة القول أن الكثير لي دارو هذ التصرف والله غير خلصو غالي ​

امممم هذا ماكان المرة الجاية نزيد نشوف واش نتفكر هههه بصح عكسهم نحب الراجل اللي يكون سيس حليم مثقف متخلق ذكي منرفي وفي نفس الوقت طيب اهم حاجة اللي يعرف ربي ماراح يخصو والو لانو اكيد ماراحش يدنى لتلك الصفات

النوع لي تحبيه كامل الناس تحبو ونتمنى ربي يرزقك بزوج صالح وذرية طيبة وهذو نعمة من نعم مولانا إذا الواحد صحولو أما حوايج الفانية تبقى فانية
الموضوع موضوعك وخذي راحتك ختي في كل وقت والوقت لي تحبي وزيدي تفكري بحال أنت خليتي حاجا ماقلتيهاش هههههههههههههههه ​

بـــارك الله فيـــــــــك على الموضـــــــــوع


​

ربي يبارك فيك ويعطيك ماتتمني ويسعد حياتك دمتي بألف خير وهناء إن شاء الله ​