واش تكره فالمرأة وأنت واش تكرهي فالراجل

[a7la-Mooca]

سؤال جميل ويستدعيني أن اكون صريحة ولابعد حد
أكيد ان لست ملاك ولا الرجل يدعي المثالية لكل منا نقائصه وعيوبه التي من الممكن ان لايراه الا غيره
وما أكرهه ربما اشياء ان اسميعها اشياء تمس اخلاقياتنا
فعيب الرجل اخلاقو من بينها جملة ما ذكر الزملاء قبلي
وربما اعظم شئ لايمكن ان تغفره امرأة لرجل هو ان يكذب عليها وأن يخونها
وياويلو لو اكتشفت ذالك
مانقلكش واش يصرا نصيحة ماجربهاش
بصح ما سألتناش واش نحبو في الرجل؟
نقلك مانحب ولوههههههه
لالا الحقيقة كاين رجال فعلا تفتخر أنك تعرفهم
امممممممم
كيما خويا وبابا
كل الشكر علي الطرح
تقبل مروري

 

[abidou 20081]

بارك الله فيك حبيبنا

راك هايل ياخويا
وانا الحوايج لي تنكرهم في المراة مثلك تماما

يعطيك الصحة​

تحية مجددة أخي عامر

ربي يبارك فيك خويا وربي يخليك

ربي يسلمك ويعطيك ماتتمنى

دمت بألأف خير وهناء إن شاء الله​

 

[abidou 20081]

سؤال جميل ويستدعيني أن اكون صريحة ولابعد حد
أكيد ان لست ملاك ولا الرجل يدعي المثالية لكل منا نقائصه وعيوبه التي من الممكن ان لايراه الا غيره
وما أكرهه ربما اشياء ان اسميعها اشياء تمس اخلاقياتنا
فعيب الرجل اخلاقو من بينها جملة ما ذكر الزملاء قبلي
وربما اعظم شئ لايمكن ان تغفره امرأة لرجل هو ان يكذب عليها وأن يخونها
وياويلو لو اكتشفت ذالك
مانقلكش واش يصرا نصيحة ماجربهاش
بصح ما سألتناش واش نحبو في الرجل؟
نقلك مانحب ولوههههههه
لالا الحقيقة كاين رجال فعلا تفتخر أنك تعرفهم
امممممممم
كيما خويا وبابا
كل الشكر علي الطرح
تقبل مروري

تحية طيبة وعطرة أختي العزيزة مغرورة

وأنا بدوري أشكرك على المشاركة القيمة وعلى صراحتك ونقولك تاع الصح لكل واحد نقائصه
والكمال لله سبحانه وتعالى بصح كاين أمور ربما البعض يحسبهم صفات تحبهم المرأة وهي
ماتحملهمش وكاين صفات تاني يقولك المرأة أن الرجل يحب هذ الأمور وهو تاني يكرهم
ومنها يقدر كل واحد يقول واش يكره في الطرف الأخر لكن كلنا متفقين على نقطة واحدة
ولي راكي ذكرتيها ولي هي الكذب والخيانة وهذ الصفة الخبيثة لي رانا نشوفو فيها كثرت
والأسباب متعددة والمشكلة أن البعض من الخونة والكذابين أصبحو يعطو للخيانة والكذب مسطلحات أخرى وهي القفازة ولا التبلعيط ولا غيرها وتبقى الخيانة هي خيانة مهما حاولو تبسيط هذا الأمر
أما في ما يخص وعلاش ما سألتش واش تحبو فالرجل لوكان تتمعني فالسؤال تلقايو مايفرقش
يعني كي تقولي واش تحبي فالرجل إذا عكستيها تلقاي واش تكرهي وإذا كاين الجميع يتفق على ان
واش تحب في الطرف الأخر شيء تقريبا يشترك فيه الجميع رايح تنحصر الردود على زوج ولا ثلاثة نقاط برك بصح واش تكره هي النقطة المهمة كثر على خاطرش كاين أمور ممكن أي طرف يشوفها مليحة في نفسو وهي بالعكس تكره الطرف الأخر وتنقص من قيمتو عند الطرف الأخر والنقطة لي مهمة تلقاي إختلاف في هذ النقطة يعني ممكن كاين بعض الطفيلات تقولك نحب الرجل لي يكون منرفي وعاقل يعرف كيفاش يتكم في نفسو وكاين لي تقولك مانحملش الرجل لمنارفي يعني تلقاي بعض
الأمور يختلفو فيها نفس الشيء بالنسبة للرجل كاين لي يحب الطفلة لي تفرض رأيها على الرجل وكاين لي مايحملهاش وهذ الإختلاف في الأراء يمكن يخلي البعض يعرف نقاط ممكن تكون غايبة على
عقليتو وممكن تخلي البعض يصححو بعض النقائص يعني الهدف من الموضوع تصحيح بعض المفاهيم لي البعض بالاك قدام عينيه ومايشوفهاش
ربي ينورك وربي يبارك فيك ويعطيك ماتتمني دمتي بألف خير وهناء إن شاء الله ​

 

[أميرة العيون]

أكيد كاينين صفات اي انسان مايحبهمش سواء كان امراة او رجل وهد الصفات هي كل الصفات اليئة والسلبية وهي معروفة عند الجميع كالكذب...الخيانة....الحقرة....اما اكره صفة عندي هو الراجل الي يهدر في أعراض بنات الناس يعني تلقاه اليوم يحكي مع واحدة بصفتها صديقة وكي يروح للقهوة مع أصحابو يبدى في التمنشير خت فلان ابنت فلان ولا هات برك مايلمحها مع واحد انشالله كان يقرى معاها ايييييه تلقاه خص غير الجريدة مانشرهاش فيها ونسى بلي حتى هو راهو عندو اخت يعني الواحد لازم يفكر ولي دارو من زجاج مايضربشديار لخرين بالحجر انا بالنسبة لي هذا ماهوش راجل امايستاهلش يتقال عليه هكذا.......
المهم خويا عبيدو اسمحلي الا طولت عليك وتقبل مروري..... في انتضار جديدك دائما.

 

[lamilam88]

السلام عليكم
ربي خلق الرجل و المرا و كامل فينا المليح و الماشي مليح
كيما المرا عندها ميول للكذب و الغباء لكن هي اللي تتحكم في درجة الغباء تاعها
و تتحكم في أخلاقها و طبايعها و المحيط اللي عاشت فيه عندو دور تاني ينعكس على تصرفاتها مع الرجل
و صح عموم البنات فيهم هاد الصفات الا قليل
و تاني الرجل فيه ميول للخداع و الخيانة و هو اللي يتحكم في روحو
و يبقى الامر راجع للشخص ص نفسه و كيفاش راهي النظرة تاعو للأمور
و شكرا على طرح الموضوع تقبل مروري

 

[mimi-khouloud]

نكره واحد حاسب روحو بزاف ............

 

[abidou 20081]

أكيد كاينين صفات اي انسان مايحبهمش سواء كان امراة او رجل وهد الصفات هي كل الصفات اليئة والسلبية وهي معروفة عند الجميع كالكذب...الخيانة....الحقرة....اما اكره صفة عندي هو الراجل الي يهدر في أعراض بنات الناس يعني تلقاه اليوم يحكي مع واحدة بصفتها صديقة وكي يروح للقهوة مع أصحابو يبدى في التمنشير خت فلان ابنت فلان ولا هات برك مايلمحها مع واحد انشالله كان يقرى معاها ايييييه تلقاه خص غير الجريدة مانشرهاش فيها ونسى بلي حتى هو راهو عندو اخت يعني الواحد لازم يفكر ولي دارو من زجاج مايضربشديار لخرين بالحجر انا بالنسبة لي هذا ماهوش راجل امايستاهلش يتقال عليه هكذا.......
المهم خويا عبيدو اسمحلي الا طولت عليك وتقبل مروري..... في انتضار جديدك دائما.

تحية طيبة وعطرة أختي العزيزة أميرة العيون

صفة الكمال لله سبحانه وتهالى وهذي متفقين عليها كامل وكيما قلتي الصفات السلبية لي لازم الإنسان يحاول يصححهم في نفسو وإلا مايكونش أصلا إنسان صحيح الواحد مايزيدش متعلم مع الوقت ومع التفكير لي ربي سبحانه وتعالى دارو عند العبد نظن يعرف الصح من الغالط وإلا يرجع كيف الحيونات لاتفكير ولا هم يحزنون ومن بين الصفات لي متفقين عليهم جميع الأعضاء سواء ذكور ولا إناث ويعني من اقبح الصفات هما الكذب والخيانة والحقرة ولي تاع الصح ترجع الشخص منبوذ في وسط المجتمع وطيح من قيمتو بزاف بلا ملنزيدوها بلي حرام وعقابها كبير عند مولانا
كيما قلتي الصفة لي أضفتيها ولي يعطيك الصحة عليها وربي يبارك فيك هي صفة الرجل ولي مايتسماش رجل لي يقعد في معاودت الهدرة ومهما كانت يعني بغات كاين منها هذ الهدرة ولا غير هكذا
هذ لعفايس تاع واحد رخيس ماشي رجلة لأنه مهما كان هذ الطفلة راهي معاه هو ماشي مع صحابو
ويحترم غير هذيك الثقة لي دارتهات فيه ماشي حاجا ساهلة ويعرف بلي حتى وإذا شاف حاجا بعينيه
الشرع يحرم عيه يهدر عليها غير بأربع شهود وهذا دليل على أن السترة مشدد فيها الإسلام باش مايشجعش على الفساد وغيرها من الأمور الشرعية وين إذا كان هو يشهد على روحو والله غير البعض مانيش عارف كيفاش تبانلهم ولا بالاك يشوفو فيها زوخ ونفيخ بلي عندو وراه حاجا وينسى بلي هذي أمور شخصية بينو وبين هذ الطفلة وفي معاودت الهدرة رجع روحو رخيس وهو يشوف في روحو حاجا
وصرات هذ لعفايس بزاف ونصرى معانا بكل صراحة وين تكون قاعد لاباس عليك يجيك واحد يبدى ينفخ شفت فلانة ولا كنت مع فلانة لكن بكل صراحة نحتقر هذا النوع من الأشخاص بزاف وكاين نوع أخر من الرجال يجي تاني يحفر تحتك مع من راك وهذا نوع أخر ممكن ماتعرفوهش لكن يبقى كي النوع الأول تاع رخس وخلاص والهدرة مهما كانت في أمور كيما هذي ماشي مليحة وهي أمور شخصية لكن البعض والله غير نقولهالك صراحة حتى على مرتو ويحكي ربي يهديهم وخلاص أشباه رجال
ربي يخليك ونقولك ماطولتي ماوالو خذي راحتك وربي يخليك وربي يحفظك ويعطيك ماتتمني نورتي الموضوع وربي ينورك دمتي بألف خير وهناء إن شاء الله ​

 

[abidou 20081]

السلام عليكم
ربي خلق الرجل و المرا و كامل فينا المليح و الماشي مليح
كيما المرا عندها ميول للكذب و الغباء لكن هي اللي تتحكم في درجة الغباء تاعها
و تتحكم في أخلاقها و طبايعها و المحيط اللي عاشت فيه عندو دور تاني ينعكس على تصرفاتها مع الرجل
و صح عموم البنات فيهم هاد الصفات الا قليل
و تاني الرجل فيه ميول للخداع و الخيانة و هو اللي يتحكم في روحو
و يبقى الامر راجع للشخص ص نفسه و كيفاش راهي النظرة تاعو للأمور
و شكرا على طرح الموضوع تقبل مروري

وعليكم السلام ورحمة الله تعالى وبركاته

تحية طيبة وعطرة أختي الكريمة lamilam88

وهذي مافيها شك ختي كاين لمليح ولقبيح ملي خلقت الأرض حتى تخلاص الدنيا
و كيما كاين طبايع ماشي ملاح في المرأة كاين طبايع ماشي ملاح فالرجل
لكن تفترق نوع هذ الطبايع والصفات كاين لي يقدر الواحد يتجاوز عليهم وكاين أمور
يعني ماتقدرش تتجاوز عليهم وكل واحد على حساب الشخصية لي يملكها
ويقولك لمليح لناس كامل ولي ماشي مليح ماشي مليح لروحو برك
الخيانة والغدر هذو رجعو طبيعة سواء عند الذكر أو الأنثى ماشي غير الرجل
وكلها أمور تدي غير لقلة الثقة وتفسخ المجتمع الله غالب البعض يحسبها قفازة
والبعض يقولك الطرف الأخر مايفقليش ويبقى الغدر هو الغدر والنفاق هو النفاق مهما
حاول البعض يغير من المصطلح تاعهم
ربي يبارك فيك وربي يعطيك ماتتمني دمتي بالف خير وهناء إن شاء الله ​

 

[abidou 20081]

نكره واحد حاسب روحو بزاف ............

تحية طيبة وعطرةأختي العزيزة ميمي خلود

واش نقولك والواحد هذا لي حاسب روحو ياك يمشي فوق لرض
كيما هو كيما الناس ولازم يعرف بلي من تواضع لله رفعه
ولكن لي يتكبر يعرف روحو بلي راه أخ لبليس لعنة الله عليه
ونظن هذي تكفيه وهذا لي حاسب روحو دواه ساهل ولي هو يقعد كيما راه
مايتقيمش لكن للأسف البعض تقيمو وهكذا يشوف في روحو حاجا
ربي يبارك فيك وربي ينورك ويعطيك ماتتمني دمتي بألف خير وهناء إن شاء الله​

 

[leyla]

اوووووووه

جيتوني في وقت راني معمرة فيه من جهة الرجال

وش نقول وش نخللي

كلهم عيوب

​

نكره مخلوق اسمه راجل أيا مليح ؟؟؟

هههههههه

مشي لهاد الدرجة

لكن نكره الرجل المغرور

النسونجي اللي مخه حابس فيه غير النسا

القليل الأدب
و
و
و


عيييت

كاين بزاف حوايج نكرهها تكون فالرجل بصح أهمها ماذكر


شكراااااااا على المساحة اللي سمحتنا بش نطلعو وش كاين فالقلب

​

 

[غادة اليم]

ربي يبارك فيك ويعطيك ماتتمني ويسعد حياتك دمتي بألف خير وهناء إن شاء الله ​

بارك الله فيك خويا الرد الاروع والله والدعاء ولك بالمثل وزيادة ان شاء الله
فيما يخص ...
​

اللف والدوران في هذ النقطة ممكن نختالفو على أمر لي يلف ويدور على نية التلاعب هذا صفتو من صفات الخبث لكن كاين نوع لي ماعندوش الشجاعة باش يواجه مباشرة الفتاة هذي وهذا على خاطرش ماشي موالف وتجيه صعيبة وعلى هذي يكون في حالة لف ودوران يعني فرق بين النقطتين فرق كبير

صح فرق كبير بصح جربتها ونقصد الشخص اللي يدير هكذا بدافع خفي حتى يوجعلك راسك اومبعد تمتم توافقو انت فواش حاب ولا كيما نقولو ساعات في صمن هذاك اللف راه يتمسكن عليك وكلي يحاول يلعبلك بعواطفك لهدف خبيث فهمتني ...

نزيد زوج صفات تفكرتهم ...
اللي ماشي قنوع مام ربي عاطيلو وراه في نعمة يفلفني لاني ساعات نحس ويارب اغفرلي انو بشكواه الدائمة ووووخاصة تاع ماعنديش ماما عندو كان يمنع بركة ورحمة انها تنزل عليه عليها تلقاه اللي عندو كامل تمتم يروح ربي ماباركلوش فيهم وساعات واخد ياربي قيسو قيس روحو مي كي حامد ربي طرحلو بالركة فيهم ويكفوه يدير واش يحب

الراجل المتسرع الطاير واللي تمتم يفهم النقصان ديما يغلط ويعاود يغلط بسبب تسرعو حتى تكره ولو اعاذر مي المصيبة ساعات مايعتذر ماهم يحزنون نووورمال

اخر حاجة ... في الردود شفتم يهدرو بزاااف على التورنوفيسات هههه اناوحدة نحب بزااف هاذ لعفايش سورتو تاع الكهرباءمي قيسي قيس روحي بزاااف عليا لباة تاع التيليفون اللي نظل نكرر فيها مع المودام فالدار ههه حتى خسرتها مي درت لقلب وخدمتها وحدي نحب تان نركب لخيوط على خاطر بابا علمني:biggrin: دوك منين يخسر واحد نكون فيه هههاايه وغير كيما صبغنا وبدلنا ليبريز وتاع الضوء انا بدلتهم بسلامتي :angel_not: نموت على ليبوات واخواتهم على حساب الشوفة ههه ايه تاني نعرف نسمر ههههههههههههه
مي كاين نسا والله قادرين على شقاهم صح في هاذ المجال مثلا صحبتي لانتيم فينومان هاذ الطفلة هههه ماكاش حاجة في الدار ماحلتهاش وماخنتشتش فيها من البوست وطلع هاذا تليفيزيون ديمو لي باف والميكرو مانحكوش نهار يخسر تكون فلونيتي تحل وتخرب وتسقم ههه ديما تحيرني :scared: هههه
مي افضل مثال عندي ماما ربي يحفظهالي ماشي تورنوفيس ولومبات وماجاوره برك عيات بلاشنيول تثقب في الحيط :crying:

اممم بــــــــارك الله فيــــك مرة اخرى وكي لعادة لقيت راحتي في موضوعك هههه ربي يجازيك يارب
لك خالص تحيتي وتقديري اخي عبيدو ودمت بكل ود :angel_not:
​

 

[Moha le sage]

صح فرق كبير بصح جربتها ونقصد الشخص اللي يدير هكذا بدافع خفي حتى يوجعلك راسك اومبعد تمتم توافقو انت فواش حاب ولا كيما نقولو ساعات في صمن هذاك اللف راه يتمسكن عليك وكلي يحاول يلعبلك بعواطفك لهدف خبيث فهمتني ...

نزيد زوج صفات تفكرتهم ...
اللي ماشي قنوع مام ربي عاطيلو وراه في نعمة يفلفني لاني ساعات نحس ويارب اغفرلي انو بشكواه الدائمة ووووخاصة تاع ماعنديش ماما عندو كان يمنع بركة ورحمة انها تنزل عليه عليها تلقاه اللي عندو كامل تمتم يروح ربي ماباركلوش فيهم وساعات واخد ياربي قيسو قيس روحو مي كي حامد ربي طرحلو بالركة فيهم ويكفوه يدير واش يحب

الراجل المتسرع الطاير واللي تمتم يفهم النقصان ديما يغلط ويعاود يغلط بسبب تسرعو حتى تكره ولو اعاذر مي المصيبة ساعات مايعتذر ماهم يحزنون نووورمال

اخر حاجة ... في الردود شفتم يهدرو بزاااف على التورنوفيسات هههه
المتحدث هو لي هدر عليهم

اناوحدة نحب بزااف هاذ لعفايش سورتو تاع الكهرباءمي قيسي قيس روحي بزاااف عليا لباة تاع التيليفون اللي نظل نكرر فيها مع المودام فالدار ههه حتى خسرتها مي درت لقلب وخدمتها وحدي نحب تان نركب لخيوط على خاطر بابا علمني دوك منين يخسر واحد نكون فيه هههاايه وغير كيما صبغنا وبدلنا ليبريز وتاع الضوء انا بدلتهم بسلامتي نموت على ليبوات واخواتهم على حساب الشوفة ههه ايه تاني نعرف نسمر ههههههههههههه

راكي جايباتيها بيان يعطيك الصحة راح نديرلك تاست في المهرجان تاع اللمة كي تجي ان شاء الله .. نتي لي ركبي لانصطالاسيون تاع التريسيتي :biggrin:

مي كاين نسا والله قادرين على شقاهم صح في هاذ المجال

مثلا صحبتي لانتيم فينومان هاذ الطفلة هههه ماكاش حاجة في الدار ماحلتهاش وماخنتشتش فيها من البوست وطلع هاذا تليفيزيون ديمو لي باف والميكرو مانحكوش نهار يخسر تكون فلونيتي تحل وتخرب وتسقم ههه ديما تحيرني :scared: هههه

اعطيني تلفون تاعها :001_wub:



مي افضل مثال عندي ماما ربي يحفظهالي ماشي تورنوفيس ولومبات وماجاوره برك عيات بلاشنيول تثقب في الحيط

باباك يعرف يخير نستعرف بيه :angel_not:

​

تحياتي ليك ختي غادة راكي ماركية في الكارني ابصونت :biggrin:

اسمحلنا خوا عبيدو على الاقتباس :blushing: ان شاء الله منعودوهاش غير اذا تحتمت :biggrin:

 

[abidou 20081]

اوووووووه

جيتوني في وقت راني معمرة فيه من جهة الرجال

وش نقول وش نخللي

كلهم عيوب

​

نكره مخلوق اسمه راجل أيا مليح ؟؟؟

هههههههه

مشي لهاد الدرجة

لكن نكره الرجل المغرور

النسونجي اللي مخه حابس فيه غير النسا

القليل الأدب
و
و
و


عيييت

كاين بزاف حوايج نكرهها تكون فالرجل بصح أهمها ماذكر


شكراااااااا على المساحة اللي سمحتنا بش نطلعو وش كاين فالقلب

​

تحية طيبة وعطرة أختي العزيزة ليلى

ماعليش ختي غير فرغي قلبك وخذي راحتك ومن وجهة نظرك الرجل كله عيوب
ماعليش مقبولة منك وهذا رأيك ونحترمه مهما كان
ولو أني نرد عليك بكلمة تكون مليحة في مكان كلمة نكره مخلوق إسمه راجل
وبدلتيها بنكره مخلوق إسمه شبه رجل لأن قبل كل شيء وحتى وإن كنا في زمننا هذا
حناماراناش ملاح ولا فينا نقائص ماننساش ديما بلي الرجل فيه سيد الخلق عليه أفضل
الصلاة والسلام والصحابة الكرام وأولياء الله الصالحين لي مازالهم لليوم بلا مانقول خوك وباباك ممكن هذك تاني يطيروهالك وضميهم معانا لكن كاين رجال لازم مكانهم يبقى محفوظ وعلى بالي ماشي قصدك هكذا لكن غير تصحيح في معنى الهدرة فقط
نرجع لأشباه الرجال كيما لي ذكرتيهم في بعض الأوصاف وا،ا منين قريت من اللول بلي تكرهي مخلوق إسمه رجل قلت نلقى القائمة تاعك معمرة بصح لقيت غير ثلاثة نقاط برك ههههههههه
النقطة اللولة الرجل المغرور كيما سبق وقلت هذا مايتغرش وحدو كاين ناس تقيمو هذا وعلاش يتغر
وديري في بالك بالاك مغرور مع طائفةوالطائفة لي ماشي مقيماتو هو لي يشيت ليها إذاصحت هذ المعنى ومنها نعرف بلي المغرور مفريني ويتغر على البعض برك البعض لي حافظينو مايزغدش معاهم النقطة الثانية النسوانجي وهذا نوع لي عندو مرض في قلبو النسوانجي هذا أصلا في لغة الرجال مكانش الرجل نورمالمون عندو مرأة وحدة ماشي غير لي جات وزيد عندنا قيمتو طايحة يعني مادارش قيمة لروحو وفي الكثير من الأحيان نسموه حشاك الكلب يظل يتبع من وحدة لوحدة ومنهذا الصفات تعرفي بلي النسوانجي ماعندو حتى قيمة وكاين البعض يصوروهاعلى انها قفازة كيما سبق وقلت
لكن هذو لي يشوفو فيها قفازة هما من نفس النوعية باش مايحسوش بالرخس تاعهم يبداو يصورو في روحهم على أنهم محبوبين وقافزين ويطيحو بزاف الطفيلات في الشباك تاعهم لكن الحقيقة مايقدر يغطيها حتى واحد تباع يبقى تباع خدمة كلب حشاك
النقطة الثالثة قليل الأدب هذا أصلا كيفاش يتسمى رجل وهوناقص تربية وقليل الأدب مايعشر رجل كيفو مايعشر إمرأة يعني مع الناس كامل خبيث يبقى خبيث مايقدر لا لكبير ولا صغير وهذي صفة قبيحة
منبوذة من الجميع
قلتي غير زوج كلمات وعيتي ههههههه تقدري تتنفسي وترجعي خذي راحتك والحمد لله لي وهذا الهدف من الموضوع كل واحد يفرغ واش في قلبو ونقولك ختي وربي يبارك فيك وربي يعطيك ماتتمني
دمتي بألف خير وهناء إن شاء الله *​

 

[abidou 20081]

بارك الله فيك خويا الرد الاروع والله والدعاء ولك بالمثل وزيادة ان شاء الله
فيما يخص ...
​

[font=courier

[center]تحية مجددة مرة أخرى وأخرى وفي كل مرة أختي العزيزة غادة اليم وربي يبارك فيك ونقولك أجمعين إن شاء الله على الدعاء ​

صح فرق كبير بصح جربتها ونقصد الشخص اللي يدير هكذا بدافع خفي حتى يوجعلك راسك اومبعد تمتم توافقو انت فواش حاب ولا كيما نقولو ساعات في صمن هذاك اللف راه يتمسكن عليك وكلي يحاول يلعبلك بعواطفك لهدف خبيث فهمتني ...

فهمت قصدك ختي وهذ النوع يسموه البلعاط يعني يقعد غير يبلعط ويهف لغرض ما يحوس يوصل ليه والنية غير صادقة كاينين هذا النوع لي يحوس يلعب على عواطف الفتيات وبعد ما يصورلها منامات
يرجعها نادمة على نهار لي عرفتو فيه ماشي غير النهار لي أمناتو فيه وهذا النوع من الناس هو لي خلق قلة الثقة لي رانا نشوفو فيها في وقتنا هذا ونقدر نقول ساهم بزاف في نشر الفساد ورجع كل واحد يحوس يعامل بالمثل وكل مرة ضحية جديدة لكن الرخيس عمرو مايكون رجل ​

نزيد زوج صفات تفكرتهم ...

النسيان بداك من صغرك هههههههه ماعليش الحمد لله لي تفكرتيهم ​

اللي ماشي قنوع مام ربي عاطيلو وراه في نعمة يفلفني لاني ساعات نحس ويارب اغفرلي انو بشكواه الدائمة ووووخاصة تاع ماعنديش ماما عندو كان يمنع بركة ورحمة انها تنزل عليه عليها تلقاه اللي عندو كامل تمتم يروح ربي ماباركلوش فيهم وساعات واخد ياربي قيسو قيس روحو مي كي حامد ربي طرحلو بالركة فيهم ويكفوه يدير واش يحب

والله غير نستعرف بيك تاع الصح وهذ الصفة والله غير حنا الرجال ومانحملوهاش تاع الصح تلقاي واحد ربي فاتح عليه يظل يشكي غير راني وراني ويظل كل يوم يتمسكن ويدلل في روحو قدام الغاشي مايحمدش النعمة لي راهي عندو والبعض مساكن خبزة يابسة وكاس ما تهدر معاه يقولك الحمد لله مستورة بصح هذا النوع لي يظل يشكي أقسم بالله غير مع الرجال ويكرهوه تاع الصح والدورة لي يدور فيها يقولو أعوذ بالله منو يعنو مرخس بروحو وهو عندبالو بشكوى تاعو هذي رايحين الغاشي تحن عليه حتى يجي النهار وين ربي يرفد عليه هذ النعمة لي ماحمدوش عليها ​

الراجل المتسرع الطاير واللي تمتم يفهم النقصان ديما يغلط ويعاود يغلط بسبب تسرعو حتى تكره ولو اعاذر مي المصيبة ساعات مايعتذر ماهم يحزنون نووورمال
هذا النوع لي عاطي لفهامة لروحو بزاف وهذا النوع وجهو صحيح يعني بالرغم من أنه يديرها قد راسو ويقدر يقابل عادي ومادام عاطي لفهامة لروحو كيفاش تحبي يستعرف بغلطو وحتى وين تكون الغلطة قد سخط يقولك لالا أنا مارانيش نقصد هذي راني نقصد هذي مخك يحبس معاه هذ النوع خليه في فهامتو حتى يفوت شوية لفهامة من لهيه والمشكلة كامل يعرفو بلي صفة الكمال لله سبحانو لكن هما كاملين مايغلطوش كامل ربي يهديهم وخلاص

اخر حاجة ... في الردود شفتم يهدرو بزاااف على التورنوفيسات هههه اناوحدة نحب بزااف هاذ لعفايش سورتو تاع الكهرباءمي قيسي قيس روحي بزاااف عليا لباة تاع التيليفون اللي نظل نكرر فيها مع المودام فالدار ههه حتى خسرتها مي درت لقلب وخدمتها وحدي نحب تان نركب لخيوط على خاطر بابا علمني:biggrin: دوك منين يخسر واحد نكون فيه هههاايه وغير كيما صبغنا وبدلنا ليبريز وتاع الضوء انا بدلتهم بسلامتي [/color][/size][/font]:angel_not: نموت على ليبوات واخواتهم على حساب الشوفة ههه ايه تاني نعرف نسمر ههههههههههههه
مي كاين نسا والله قادرين على شقاهم صح في هاذ المجال مثلا صحبتي لانتيم فينومان هاذ الطفلة هههه ماكاش حاجة في الدار ماحلتهاش وماخنتشتش فيها من البوست وطلع هاذا تليفيزيون ديمو لي باف والميكرو مانحكوش نهار يخسر تكون فلونيتي تحل وتخرب وتسقم ههه ديما تحيرني :scared: هههه
مي افضل مثال عندي ماما ربي يحفظهالي ماشي تورنوفيس ولومبات وماجاوره برك عيات بلاشنيول تثقب في الحيط :crying:

قبل كل شيء تقولك ربي يحفظك ويحفظلك ميمتك ويخليهالك ولجميع الأمهات ونفولك كاين النوع لي يحب يبريكولي ساعة على ساعة والبريكول مليح في أي مجال كان لازم الواحد يعتمد على نفسو شوية مسألة التورنفيس ذكرها خويا محمد ولي فهمت قصدوأنو كاين نوع من النساء لامبا ماتبدلهاش يعني تاكلة غير على راجلها يبدلها بالرغم من أن اللمبة ماشي حاجا لي صعيبة وأنت على حساب هدرتك راكي إليكتريسيان تاع الصح هههههههههه ربي يعاونك وربي يوفقك وهذي هي لقفازة تاع الصح ماشي لقفازة فالهف والتبلعيط كيما البعض لي حب يصورها هكذا ​

اممم بــــــــارك الله فيــــك مرة اخرى وكي لعادة لقيت راحتي في موضوعك هههه ربي يجازيك يارب
لك خالص تحيتي وتقديري اخي عبيدو ودمت بكل ود :angel_not:
[/center]

فيك بركة أختي العزيزة ومنين لقتي راحتك والله غير هذي الفايدة لكبيرة ربي ينورك كيما نورتي الموضوع وربي يعطيك ماتتمني ودمتي بألف خير وهناء وسعادة وتحية متبادلة ولو من عندي أكثر بكثير ​

 

[abidou 20081]

تحياتي ليك ختي غادة راكي ماركية في الكارني ابصونت :biggrin:

اسمحلنا خوا عبيدو على الاقتباس :blushing: ان شاء الله منعودوهاش غير اذا تحتمت :biggrin:

والله ياخويا محمد قلتهالك المرة لي فاتت وراك تعاود فيها
وعلاش ماراكش مأمني كي قلتلك خذ راحتك فالموضوع ولا كيفاش
وعلاش نسمحلك خويا محمد راك منور ربي ينورك
والحمد لله راك عضو ماشاء الله في المنتدى وكل الأعضاء
يكنون لك الإحترام والود ومانقعدش كل مرة نقولك خذ راحتك
وراك عارفها خارجةمن القلب وعلى هذي نقولك تصرف بكل حرية
خويا محمد وبدون أي إحراج وحتى الإقتباسات لي راك تهدر عليهم
مافيهم لا تجريح ولا إنقاص من قيمة الأعضاء لي تخليني ممكن
نقولك واش راك تدير لكن الحمد لله فيه تجاوب معاك وفيه إحترام متبادل
بينك وبين الأعضاء زاد أكثر من النص في الموضوع ربي يوفقك وربي
ينورك دمت بألف خير وسعادة إن شاء الله ​

 

[aMiNa-K]

السلام عليكم
راني وليت.. :angel_not:
بصح يظهرلي وليت روطار.. الصفات اللي ماشي ملاح كامل قالوهم.. ماخلاولي والو هههههههه

الراجل الحقار في هذي عندك الحق وهذا مايتسماش راجل أصلا ونقول عليه رخيس مافيهش ريحة الرجلة والحقرة وين كانت بغات مع لمرى ولا مع الراجل ماشي رجلة ويقولو الحقار يموت عمى ربي يعميه دنيا وأخرة
كاين حقار من حقار.. كاين اللي مع الناس كامل مشرار.. و كاين اللي في الدار زعمة سبع و كي يخرج يولي جاجة.. و النوع الثاني لوكان نصيب نقتلهم.. برك :angel_not:
الراجل لي مايشدش السر هو راجل هذا كاين البعض لي يحط مع صحابو كل شيء يحسبها زوخ وهذي
جياحة وتاني من صفات الرخس نقولو لمرى ضعيفة بصح الراجل ماعندو حتى حجة والسر يبقى سر
وكاين غير لي يمشي مع وحدة يفضحها في كل بلاصة راه يزوخ زعما راه عندو ربي يجيب الشفى
المراة ضعيفة :glare:..كاين نسا اسرار الدولة و مايخرجوهمش.. هادو يفرحوني.. و اللي ماتقدرش تخبي سر نغطو عليها و نقولو ضعيفة .. حالا علابالك ههههه
بصح راجل مايخبيش سر عندو.. :thumbdown:.. و ابكيلي اللي يشيع بمرتو :thumbdown:
fils à maman هذي أنقرضو ماراكيش عايشة فالدزاير وقيلا راهم كثرو ماشي إنقرضو بصح كاين البعض ماشي كيما قلتي لكن حجة يستعملوها باش يتهربو من حوايج يعني الرجلة تاعو هذا واش حلبت يروح ليماه يشاورها ونهار اللول وعلاش ماشاورهاش قبل الديماراج
عمباتلي انقرضو باسكو هاد الوقت كل واحد يحب يدير وشش كاين في راسو.. قليل وين نشوفو واحد يشاور.. و انا تشوكيت كي شفت هاد النوعية مازالها تدور في السوق ههههههه
جماعة النورمال يالنورمال منين نوصل عند هذ الفئة مخي يحبس سي نورمال مخي يحبس على خاطرش هما تاني نورمال خليهم في نورمال تاعهم
جماعة النورمال شيبونا.. الله يبعدهم علينا
قليب السؤال ولا السؤال كيما راه كيف كيف يعني لي ماتحبيهم يتقلبو عكس تحبيهم وخلاص مايفرق والو
ولا راحتلك هذي هههههههههههههههههه
راك تشوف.. هربتلي يا خو ههههه
ماشي هكذا ولا ماحبيتش نجاوب كنت حاب من اللول نجاوب لكن قلت مع الردود والمشاركات رايح اصلا نجاوب ورانا تقريبا كامل متفقين في الصفات لي مانحبوهمش والصفات لي نحبوهم
بصح كاين صفة مازال ماتذكرتش لحد الساعة ولي هي بعض الطفيلات يحبو يبينو رواحهم بلي شابات يقعدو يغرو في الشباب من واحد لواحد يحبو يطيحوهم كامل وهذي صفة قبيحة تاع الصح ومانحملهاش
هاد النوعية النسا بيناتهم و مايحملوهاش.. و اللي تدير هكدا يجيبهالها ربي.. شحال تعيا تخلط .. ربي يطيحها في العرة

ربي ينورك كيما نورتي الموضوع وربي يعطيك ماتتمني أسعدني مرورك حقا دمتي بألف خير وهناء إن شاء الله ​

و كاين وحد الفئة تانيك
* الحجرة ههههه.. مايهدر مايقصر مايتقلق مايزعف ما والو.. tout simplement حجرة.. الحجرة تنطق و هو لالا.. عايشة هكدا برك.. شاكة فيهم عندهم عقدة
و لا راني غالطة مكانش منها هاد النوعية؟​

 

[لحن الذكريات]

انا نكره في الراجل اللي تصرفاتو كيما المرا وحاسب روحو حاجة كبيرة وزيد على ذلك الخيانة والكذب والعكسي

 

[abidou 20081]

السلام عليكم
راني وليت.. :angel_not:
بصح يظهرلي وليت روطار.. الصفات اللي ماشي ملاح كامل قالوهم.. ماخلاولي والو هههههههه

وعليكم السلام ورحمة الله تعالى وبركاته
مرحبا بيك في كل وقت ماراكي روطار ماوالو الصفات لي ماشي ملاح لي فالرجل على بالي مايخلاصوش ياك رانا كي القط والفار غير فرغو قلوبكم ههههههههههههههه مادام راهم الذكور غايبين ههههه

كاين حقار من حقار.. كاين اللي مع الناس كامل مشرار.. و كاين اللي في الدار زعمة سبع و كي يخرج يولي جاجة.. و النوع الثاني لوكان نصيب نقتلهم.. برك
في هذي عندك الحق كاين حقار من حقار لكن النوع لي راكي تهدري عليه ولي يحقر لمرى ولا النوع الأخر بالنسبة ليا ماشي رجل أصلا وراني سبق وقلتها بلي الرجل هو لي يدافع على المحقور ماشي يحقر وقالك لي يحقر يموت عمى ولي يدعى بالقوة يموت بالضعف

المراة ضعيفة ..كاين نسا اسرار الدولة و مايخرجوهمش.. هادو يفرحوني.. و اللي ماتقدرش تخبي سر نغطو عليها و نقولو ضعيفة .. حالا علابالك ههههه
بصح راجل مايخبيش سر عندو.. .. و ابكيلي اللي يشيع بمرتو

لالا منين نهدرو مانجمعوش كاين النسا ماشاء الله عليهم يعني السر يموت في بلاصتو بصح الأغلبية زربع زربع ماكانش حاجا تحكمها وهذ النوع راكي عارفة تقدري تقولي عليهم ضعاف ولا تقدري تقولي يحبو يبينو رواحهم بلا مايفقو يزربعو كل شي
والرجالة تاني ماشي كيف كيف كاين لي والله مايخرج كلمة وكاين لي زربع زربع تاني هو
والنوع لي يشيع بغات مرتو ولا بنات الناس هذا من النوع الرخيس تاع الصح والنوع لي مايستاهلش
حتى يتسمى رجل ​

و كاين وحد الفئة تانيك
* الحجرة ههههه.. مايهدر مايقصر مايتقلق مايزعف ما والو.. Tout simplement حجرة.. الحجرة تنطق و هو لالا.. عايشة هكدا برك.. شاكة فيهم عندهم عقدة
و لا راني غالطة مكانش منها هاد النوعية؟​

لالا كاين منها وشفنا منهم بزاف والله ماني عارف كيفاش مخدومين والله غير نحير فيهم تاع الصح قاع مايتحركش ماتشوفو نهار ضحك ولا تشوفو نهار تقلق عادي عندو كل شي عادي أتقلق ولا عيط ولا هد الدنيا مايتحركش تاع الصح هد النوع لي يدوخني ويحبسلي مخي لكن على حساب مانعرف ممكن هذا
عندو عقدة كيما قلتي ولا ماعاشش حياة عادية بصح الحاجا الوحيدة لي لازم نعترف بها أنو هذ النوع بالوقت يقلقك يعني ماتلقاش راحتك معاه لازم الإنسان يعرف وقت واش يقصر ويضحك ووقت واش يسكت لازم يكون تنويع في المزاج باش الطرف الأخر مايكرهش ومايملش وكل إنسان عندو مزاج خاص يكون فيه مع الوقت والتنوع في المزاج هذا يخليك تتعامل مع كل الحالات
ربي يحفظك وربي ينورك الموضوع زاد بهاء وإشراقا بمرورك دمتي بألف خير وهناء إن شاء الله ​

 

[abidou 20081]

انا نكره في الراجل اللي تصرفاتو كيما المرا وحاسب روحو حاجة كبيرة وزيد على ذلك الخيانة والكذب والعكسي

تحية طيبة وعطرة أختي العزيزة لحن الذكريات

واش نقولك على هذ النوع من الرجال ولي في الحقيقة مايتسموش رجال وهما بعاد بزاف على صفة الرجولة ربي خلق الذكر وخلق الأنثى لكن هو حب يرجع روحو أنثى دراع وهذ أصلا منين يكون مع إمرأة ماتعرف روحها لا راهي مع رجل ولا راهي مع صاحبتها ممكن هو يشوف في روحو حاجا لكن المجتمع يشوف فيه حاجا أخرى الله غالب عقليتو هذا وين وصلاتو
الخيانة والكذب كيما يقولو عرت لخصايل هذي وصفة قبيحة مع الأسف البعض حبو دراع يرجعوها قفازة
لكن الخيانة تبقى خيانة والكذب يبقى كذب مهما حاولو يبدلولهم المصطلح تاعهم والعكسي هذي مافهمتهاش وإذا تقصدي لي يعاكس البنات بزاف نقولك كيف كيف عندو مرض في قلبو وضعيف شخصية
ربي يحفظك وربي يخليك ويعطيك ماتتمني دمتي بألف خير وهناء إن شاء الله ​

 

[Mr Lonely]

تحية طيبة أخي العزيز mr lonely


والله ياخويا لعزيز هذ الزوج صفات بالرغم من أنهم تكررو كثيرا بالموضوع
بصح لازم يتكررو ويتعاودو في كل مرة على خاطرش أقبح وأسوأ الصفات هذي هي
الكذب والخيانة وهما لي فسدو الكجتمع كامل ويكفي عقاب الله فيهم
لأن الكذب والخيانة حوايج ماشي ساهلين وكاين البعض يستهان بيهم ويحسبهم
قفازة لكن الكذب والخيانة بعاد على لقفازة بزاف وعمرهم مارايحين يكونو قفازة
ولا شطارة وهذ الكلمة الكذابين والخائنيين يصبرو رواحهم بها
ربي ينورك خويا كي ما نورت الموضوع وربي يعطيك ماتتمنى دمت بألف خير وهناء إن شاء الله​

*

اولا شكرا اخي العزيز و الله غير قتلتني بالقدر ما لقيت ما نقول
و نتمنى انك في تمام الصحة و العافية و نحن كمسلمين يجب المحاولة
لايقاف هذه الصفات السئية و البداية تكون من الفرد الى المجتمع
و ان شاء الله ربي يهدينا اجمعين
و تقب مرور اخي الكريم​