رانا محتاجة مساعدة .....طلعولي المورال

[sourire2010]

السلام عليكم
نشاء الله تكونوا بخير

حابيت نحكي معاكم يا خاوتي
راني في حالة نفسية صعيبة بزاف
علابالي بلي راني غلطت mais ......
المهم الكل عندو قلب و راكم علابالكم واش معنتها واحد يحب من قلبو
انا كانت عندي علاقة مع شاب و كان هو الحب الأول في حياتي
و هدي العلاقة دامت 5 سنوات وليت نحبو بزاف
اكتشفت بلي عندو صاحبتو من أربع سنوات يعني كان معانا في زوج؟؟؟؟؟
كي واجهتو قالي ماكان حتى وحدة غير انتيا و أنا على نيتي أمنتو....
و عرفت بلي عندو 061 و دايرها num favoris اهنا خلاص جرحني بزاف ...و هذا طيلة الأربع سنوات اللي كان معاها...
و مازال يقولي نحبك
أنا خلاص قررت نحبس العلاقة و بدلت ال num التاعي باش ما يزيدش يعيطلي...
mais راني في حالة صعيبة بزاف اتخيلو 5 سنوات و انا نحبو ما قدرتش نتخيل بلي هو الي كان يبين روحو زعمة رجلة دارلي حاجة كيما هادي و اللي راهي تحرق فيا الخيانة ..
انا راح نوكل عليه ربي .. لاخاطر قد ما نحكيلكم ما نيش حنفرغ واش كاين في قلبي
راني محتاجة شخص قدامي نحكيلو لأنو واحد من اللي نعرفهم ما علابالو بالحكاية...
علابالي طولت عليكم مي راني حابة كلمة منكم طلعلي المورال شوية

و شكرا على قراءة موضوعي

 

[[ايمآن]]

5 سنين؟؟؟ اسمحيلي مش قليلة
نقلك هو مش راجل نتاع الصح ومليح كي قطعتي معاه لازم
تفوقي لروحك ذركة وخلاص هو اللي خان هو اللي غالط وادعي ربي يفتحها عليك
على بالي صعيبة بصح معليش حاولي انساي وبعدي على كل حاجة تخصو
ومتنسايش الدعااااااء
وربي معاك والله نتاع الصح راني حاسة بك بصح مكانش وش ديري غير حاولي برك
تحيتي
​

 

[* تسنيم *]

السلام عليكم
ختي لعزيزة حنا رانا هنا كاشما تحتاجي ولا تفرغي قلبك رانا نسمعولك بلا مزيتنا
شوفي حبيبتي صح 5سنين بزاف بصح مادامك خانك انا نقلك مايستاهلكش راهو مداير زوج في نفس الوقت راكي درتي حاجة مليحة كي بدلتي نومرو تاعك
وانشاء الله ربي يبعتلك واحد خير منو وهو راهو مايلقاش زيك
ماتعمري راسك وما توجعي قلبك خليه من وراك وكملي طريقك
و راكي تباني واعية وكرامتك راهي غالية ..ربي يجيب يلي فيه الخير

 

[kilwa]

نقلك كلمة تطلع المورال امممممممممممممممممممممممم............:music_whistling::laugh::w00t:

 

[ريم غريس]

شوفي حنونة نقولك حاجة كيما خلاك خليه شوفي حياتك ما تبقايش أسيرة الماضي
دخلي هادي في راسك أنسايه أنسايه أنسايه ما يستاهلكش أنت فحلة ومرا
ألف شاب يتمناك ما تسمعيش بيه خلاص
وكيما قلتي راكي تحبيه ما قدرتيش تنسايه نعطيك نصيحة ما تفكريش فيه إطلاقا
وإنشاءالله يا لعزيزة تاعي يرزقك ربي بولد لحلال إلي يجي يطرق في بابك باه يخطبك
وتتهناي خلااااااااااااااص من هاد الهم
ربي يفرج كربتك اختي
وإدا احتجتي كاش حاجة راني هنا نعاونك بكل شيء انشاءالله
تحياتي لك
أختك ريم

 

[على النيف نموت]

أختي، من المعلوم أنّه صعب جدا على الإنتسان أن ينسى شخصا كان يعتبره حياته، و كام قد وضع عليه كلّ آماله، لكن الحياة مستمرّة، و حياة المرء لا يمكن أن ترتبط بشخص خلقه اللّه مثله
قد تعانين طوالا و لكن في نهاية المطاف ستنسين....و احمدي الله أنّك عرفته الآن على حقيقته،
اسألي نفسك سؤالا و احدا ماذا لو كنت قد ارتبطت به رسميا، ماذا لو كنتما تزوجتما ، و أصبح لكما أولاد........
اعلمي أنّ حالك الآن أفضل....و سيعوّضك الله بما هو أفضل لك انشاء الله​

 

[hamlaoui5]

دنيا هذه كلش يبقى فيها ذكريات

وجاي نهار لي تنساي فيه .ننصحك باه تزربي الفيلم وتنساي ومتقليليش منقدرش...........حطيه بلي هاجر.مات .....اي حاجة تشبه للحوايج هذوا .تنساي فاسيلمون ومتزديش تعاودي وسناي مكتوبك خير​

 

[المقنين]

لمرا ديرها بيدها اوبعدهى تقول خدعني او يا لغلطناة انشاء الله تكونو فهمتوني

 

[sourire2010]

و الله راني مستعدة باش ننسى و لكن الصدمة كانت قوية بزاف
المهم أشكر الجميع على المرور الطيب و تحياتي لكم
و الله راكم خففتو عليا بزاف
ماعدا "المقنين" نقولو ما يهمنيش رايك §§§

 

[بنت قسنطينة]

هذي هي الدنيا اختي
صوابع اليدين ماشي كيف كيف
كيما كاين المليح كاين الدوني
حاولي تنسايه و صدقيني راح تقدري
على خاطر خانك ... و هذا سبب يخليك تنحيه من حياتك خلاص
صدقيني راني حاسة بيك و بكل كلمة كتبتيها ...
ربي يرزقك بإنسان احسن منه ... لانك تستاهل من هو احسن و احسن منه
و ربي يجيب الخير اختي​

 

[سمسوم]

يا الأخت الراجل ما تملاش عينو وحدة ولا زوج

صدقيني صاحبك هادا لوكان تتلاقى معاه وحدة أخرى و تصحكلوا في وجهو

ادعي بالربح عليكم في زوج

ربي خير كيما يقول الشاوي

ربي غنهنا​

 

[SIRINE_ANNABA]

الاخت ربي ينحي ويفرج عليك ضيقتك
لكن عندي سؤال انت كي كيفاه ما فقتيش بيه ربع سنين وهو مع واحدة اخرى ! وانت ما فقتيش باينة فيك نية ياااااااااااااااسر والله ننصح تنسيه وما تبكيش عليه خلاه روح كملي حياتك والله والو ما يستاهل في الدنيا هذه تبكي وتضيعي عليه وقتك
ننصحك روحي احرقي لجنوب افريقيا ولا انغولا وعيشي حياتك وجيبي فيها واحد كحلوش باهي مكرة فيه هههههههه اني نضحك فيك برك
ايه الفحلة ما تقعديش تبكي على الاطلال واحد كيما هذا او ربي يخرج فيه بالطول والعرض ويجي نهار وتسمع بيه
VIE TA VIE

​

 

[bom]

نقلك حاجة ختي الي بدلك بالفول بدليه بقشوروا​

 

[amira51]

عادي انساي
صح ضيعتى 5 سنين مي مش مشكل
احسن من حاجه اكبر
فهمتينى​

 

[وردة جزائرية فواحة]

السلام عليكم

اختي واش تحبيني نقولك والله تأثرت لحالك بزاف...بصح هذي هي غلطتنا حنا البنات نزربو نحطو ثقتنا في الرجال و ننجرفو ورا كلامهم الحلو...5 سنين بزاااااف ولكن لعل فيها خير بالاك ربي حبك كي نجاك من واحد سافل كيفو.....ربي يرزقك بولد الحلال اللي يعرف قدرك....اااااااااااااامين يا رب​

 

[السلطانة]

اختي عزيزتي انا حقا حاسة بيك
حاولي تنسايه علابالي 5سنين ماش لعبة والحب لي من القلب كيف كيف واصعب حاجة هي الخيانة
نتمنى تخرجي من الحالة هادي بسرعة يارب انشالله تلقاي لي يعوضك وينسيك فيه

 

[moussasoft]

راح نقولك أختي حاجة راكي غالطة من أول مرة كفاش تكشي مع واحد ماتعرفيش عنه حتى حاجة ديري في بالك صعيبة الواحد يسلم في حبه لواحد أخر
نصيحتي لك أنك تبعدي عن الحب والقصص الحادة إلي ضربتها تقتل تبعي طريق ربي خيرلك ولما يجيك واحد ترضين دينة وخلقه تزوجي وحبيه كيما درتي أول مرة
حب صعيب وطيح مع واحدين ربي عطيهم الزهر باش يعيشوا هاك الجوا تاع الحب

​

 

[ميمي الجزائريه]

شوفي ختي الله يكون في عونك بصح هدا ماشي راجل انا عندي معا واحد 6 سنين دورك راه راجلي كي كنت نمشي معاه خدعني ( انا تان خدعتو ) بصح علبالك واش درتلو راحت لدار طفله و هدرت لباباها و شكتيتلو بباها راه يحوس علا راجلي في الحومه من هداك نهار مزادش هدر معا واحده بصح دورك خلاصه لا كونفيونس

 

[**@sami@**]

الذيب عمرو ما يتربى ...................... و الفاهم يفهم.
​

 

[sourire2010]

نشكركم كامل على الردود و الله من قلبي بلا مجاملات راكم نحيتو عليا بزاف ...ربي يصبرني من هادي الصدمة

و ألف شكر مرة أخرى