هل حدث لك مرة

[امل الغد]

هل حصل مرة و ان كرهتم المنطقة التي تسكنونها فانا منذ صغري لا احب منطقتي و كرهي لها يزيد يوما بعد يوم لا ادري ما السبب و لكن ما اعرفه هو انني اتمنى الرحيل منها فقط.

 

[mir@cle]

الكره يكون في وقت قصير محدد وفي لحظة غضب
نكرهو المنطقة والولاية والجزائر وافريقيا والعالم
بعدها كل شي يرجع كيما كان
أي واحد يحن لمسقط رأسو
​

 

[nessrina]

هدا غريب جدا .... احم احم شحال عندي ماهدرتش بالفصحة المهم شوفي ختي بلاك كاش عفسة ماعجباتكش في البلاصة لي تسكني فيها مالا كرهتي كلشي فيها حاولي كيفاش تنحي هادي الفكرة من راسك انا نحب البلاصة لي نسكن فيها بزاف parce que عشت وتربيت فيها طولت عليك مرسي موضوع جميل

 

[امل الغد]

على المرور نورتو

 

[بنـ MaPa ـت]

ana tani mais khatrat nekraha 3la djal el nas li y3ichou fiha​

 

[largo19]

راكي كارهة البلاصة لي تسكني فيها على خاطر ما شفتيش البلايص لخرين !!!!!! امالا أحمدي ربي ... لوكان تشوفي شي بلايص تتشوكاي... هههه
و نقلك الرضى بما أعطاك الله خير لك .. شكرا

 

[azzedine02]

لالالالالالالالالالالالا تحيا منطقتي

 

[Im here for ever]

يجوز وقت نكرها ونديقوتي اومبعد نولي لاباس بيا تقعد حومتي وولاد حومة المهابل نحبهم ونعزهم
وانتي اختي كرهتيها على جال ظروف مي كي تتحل امورك تولي تحبيها surtout ادا تربيتي فيها وكبرتي لتم

 

[kano88]

أكل قادرة تجينا نوبة كره للمنطقة نتاعنا
سيرتو أنا .... هههه
بصح تخيلي روحك رحلتي لمنطقة أخرى ...
و الله متلقاي روحك ... و راح تتوحشي المنطقة نتاعك
أنا كنت رايح نخلي بلادي بصح بعد تفكير طويل ... منقدرش نتحمل الغربة
و زاد حبي لبلادي و لبريكة بالرغم من أني كنت نكره بريكة ....
و ربي يكون في العون​

 

[souhila_95]

نحب ولايتي بصح ما نحبش البلاصة اللي رانا ساكنين فيها فيها غير قلة التربية والاخلاق لذا نحوس في اقرب وقت ممكن نخرج من جدها

 

[Rochdi.dz]

مليحة الكره أنا مرة كريت دار الثم عجبتني

و علاه ترحلي من الكرهة نتاعك

أقعدي فيها و الله غير فور
​

 

[غفرانك ربي]

ههههه والله غير راكم في نعمة حبيبتي هذا اللي يقلك ربي يعطي اللحم للي ماعندوش سنان....

 

[juddy abbot]

لبلاصة لي ساكنا فيها صراحة منحبهاش مي كي نبعد عليها نتوحشها بزاااف كاين حوايج والفناهم مالقري ديفوا حوايج يقلقو مي والفناهم حتا ماش ملاح والفناهم ايا سيدي جارنا ينوض على 6 تاع الصباح يريح قدام بابو و يغني هه جارتنا عجوزا ملي نخرج نلقاها برا و وقت القايلا توجور تهر في دارها هه جيرانا الرجال توجور مجمعين في وحد الشوكة لولاد برا ديما يلعبو ملي نطل نلقاهم متخبيين فالجاردا تاعنا يلعبو غميضة يعني حوايج والفناهم
يعطيك الصحة ختي هه

 

[الرومنسي الجاد]

مام أنا ونكرها واحــد الكره قــد البحــر . . منشمهاش خلاص . . تقول راني ساكن في مقبرة و العيباد تاعها . . واش نحكي وواش نخلي . . يالطيفــ منهم . . و عنهم واحــد العينين . . يا لطيفــ . .
نشوفو كاش مرقيــ نرقو رواحنــا . . أذا تعرفو كاش مرقي أتاصلو بيا . .
ماغسي عالموضوع . .
​

 

[نهلة21]

انا حومتى لى نسكنو فيها لباس عليها الحاجة لى ما تعجبنيش فيها جيرانا لى ما قبلينها مش عباد تحسيهم كأنهم كلاب واحدهم واحدهم يرمو لحجر ع الباب ويهربو قداش لمرة بابا يقولنا كرهولى عيشتى هدا الناس نبدل االسكنة ع جالهم وكى تشكى بيهم لوالديهم يقوللك ولادنا متربين وما يحبوش لى يقيسهم مى الحاجة لى تعجبنى فيها جيرانا خرين ناس ملاح يقدرونا ويحترمونا وهى تانى حومة هايلة

 

[joubrane]

منكدبش عليك احسن بلاصة
ومنتمناش نبعد منها
في السونتر فيل واش يخصني
​

 

[مفآهيمـ الخجل]

لالا جامي حسيت هاكا

ديجا ما نقدرش نعيش في بلاصة غير لي راني عايشة فيها
​

 

[مرام التيبازية]

سلام اختي شكرا على الموضوع ايه راني معاك بصح ماشي دايما كي نتقلقوا ولا نبغوا نرحلوا منها بصح كي تبعدي عليها تما اشوفي والله نموت على حومتي ونبغي بزاف بزاف ولاد وبنات حومتي ربي يخليهم ويحفظهم وكاين البعض ربي يهديهم.
شكرا على الموضوع مرة ثانية.

 

[lamia-constantine]

للاسف الشديد انا تاني منحبش البلاصة اللي راني ساكنة فيها
ما فيها حتى حاجة تصلح غير اللي يشغل بيك يالاطييييف
المهم راني صابرة ههه​

 

[nina bonoise]

لالا في وقت غضب برك نولي نهدر وش يخرج من فمي
نكره الولاية و المنطقة و الدزاير كاملة
مبعد ساعة ساعتين يرجع كلش نورمال ههههههههه