الطبخ ..... الزواج ...

[اسماء16]

السلام عليكم ورحمة لله وبركاته

موضوعي اليوم هو ...

الفتاة التي لا تجيد الطبخ..

هل يصلح ان تكون زوجة؟

اطرح سؤالي على الفتيات المقبلات على الزواج.
واريد ايضا راي المتزوجلت ان وجد هناك متزوجات في اللمة حتى نستفيد من تجربتهم.

والى الرجل ..سي سيد

هل تقبل ان تكون شريكة حياتك لا تجيد الطبخ؟
لا اضن كيما يقولو ناس بكري/لا حبيتي تدي واش تحبي من راجل عمريلو كرشو هه/
وهل ستقول الزمان كفيل ان تتعلم ام ان لك طلبات اخرى في صدد هذا الموضوع

ارجو منكم ان تعلقو على الموضوع بكل روح رياضية
اختكم اسماء ​

 

[missa_1]

اه اختي انا منيش متزوج بصح نقلك انتي علاه مقلق مع الزواج عيشي حياتك ومبعد مع الوقت تتعلمي كلش

 

[روعة الأخلاق]

السلام عليكم
اكيد يجب على الفتاة تعلم كل اعمال المنزل من طبخ و غيره لان مصيرها مهما كانت بيت زوجها الذي ستخدمه و ترعا ابناءها
و اظن انه لا يوجد فتاة لا تجيد الطبخ اطلاقا !!!
و ان كانت كذلك ستتعلم في بيت زوجها و هذا الذي لا يتقبل معظم الازواج
لذا الحل الأمثل هو تعلمها الطبخ في بيت والدها​

 

[iméne09]

لافيريتي ختي كفاش ماتعرفش طيب وتحوس تتزوج مالا غير تقعد عند يماها تعاود ديرلها ستاج طياب وممباعد تخمم في زواج بارسكو في دار لعجوزة مراحش ترحمها كما يماها ولا تعلمها تعشي بتبهدايل وهدرة وتقطاع تاع عجوزة لي مايخلاصش ويلزم تكون قد المسؤولية تاع الزواج ماشي تحوس غير على راجل وكي تتزوج مراحش تاكل الحب اوبليجي تكسل يديها وطيب على روحها صينو من سمانة اللولة تولي دارهم مطلقة
يعطيك الصحة اسومة موضوع44444444444​

 

[nada242008]

اللي ما تعرفش تتعلم وينو المشكل
كيما تعلمت القراية في المدارس تتعلم الطياب في الكوزينة

 

[shahrazad]

لازم تكون على الاقل تعرف شوية
و مع الوقت و التجربة تتعلمن بيان
مكاش منها تروح تتزوج و هي ماتعرف فيها والوhmy:
مي دوك نقولك الصح رجال ماهمش كيما بكري يشرطو لمرا الي تعرف طيب
مرسي على الطرح ​

 

[BARCA232]

السلام عليكم اسماء
والله موضوع يضرب في الصميم
والله صح مشكلة كبير سيرتو بنات تاع اليوم
والله مايعرفو حاجة
غير القلي واللسان حار
واش ندير بيها نزوق بيها الدار
والله من مواصفات شريكة حياتي تكون مثل الوالدة
مرة تاع الدار تعرف كل شيء
حتى ولو كانت شابة واش دير بيها
مادام راك عايش وسط العائلة
لاعليك مغرف وسط المغارف
ماتبانش زعما كي يجو عندك ضياف تقوم هي بالواجب ماشكيتش
الحالة صعيبة
نظن الواحد رايح يقعد بلا زواج
صحيت اسماء موضوعك شباب

 

[اسماء16]

اه اختي انا منيش متزوج بصح نقلك انتي علاه مقلق مع الزواج عيشي حياتك ومبعد مع الوقت تتعلمي كلش

ههههههه وحدك ختي مي لازم سكسلي يديك شوية ولا حبيتي تحوزلك لعجوز المهم اسعدني تواجدك تحياتي لكي نورتي
​

 

[اسماء16]

السلام عليكم اسماء
والله موضوع يضرب في الصميم
والله صح مشكلة كبير سيرتو بنات تاع اليوم
والله مايعرفو حاجة
غير القلي واللسان حار
واش ندير بيها نزوق بيها الدار
والله من مواصفات شريكة حياتي تكون مثل الوالدة
مرة تاع الدار تعرف كل شيء
حتى ولو كانت شابة واش دير بيها
مادام راك عايش وسط العائلة
لاعليك مغرف وسط المغارف
ماتبانش زعما كي يجو عندك ضياف تقوم هي بالواجب ماشكيتش
الحالة صعيبة
نظن الواحد رايح يقعد بلا زواج
صحيت اسماء موضوعك شباب

هههههه شحال حبيت تقعد بلا زوج مزوج مزوج مي اعرف برك تخير بنات دوكاااا يعرفو يطيبو لحاجة ساهلى برك
على العموم محمد نورت الصفحة تحياتي لك على المشاركة الرائعة
​

 

[اسماء16]

لافيريتي ختي كفاش ماتعرفش طيب وتحوس تتزوج مالا غير تقعد عند يماها تعاود ديرلها ستاج طياب وممباعد تخمم في زواج بارسكو في دار لعجوزة مراحش ترحمها كما يماها ولا تعلمها تعشي بتبهدايل وهدرة وتقطاع تاع عجوزة لي مايخلاصش ويلزم تكون قد المسؤولية تاع الزواج ماشي تحوس غير على راجل وكي تتزوج مراحش تاكل الحب اوبليجي تكسل يديها وطيب على روحها صينو من سمانة اللولة تولي دارهم مطلقة

يعطيك الصحة اسومة موضوع44444444444​

ولله عندك الحق اخت امونة يعطيك صحة على مرورك الاكثر من رائع نورتي وتحرمينا من طلتك

 

[اسماء16]

اللي ما تعرفش تتعلم وينو المشكل
كيما تعلمت القراية في المدارس تتعلم الطياب في الكوزينة

شكراااا ولله كلامك في القمة صح مكاش الي يزيد معلم اسعدني جدا مرورك تحياتي

 

[im£ne]

البنت تطول ولا تقصر تمشي لبيت زوجها
مالا تتعلم خيرها
و حتى واحد مزاد متعلم
بشوية و مع الوقت تتعلم البنت

 

[اسماء16]

شكرااااا اخت دارين على مرورك الرائع في الموضوع تحياتي​

 

[غرور انثى17]

 

[messikimo]

أنا بالنسبة ليا معليش يلا كانت نينـــــــــــــــــــا متعرفش تطيّب الطبخ ساهل وفي خاطرها نتعلم الطبخ المهم ترضى عليا بررررررررك
لأني نمووووووووووووت فيها
​

 

[اسماء16]

أنا بالنسبة ليا معليش يلا كانت نينـــــــــــــــــــا متعرفش تطيّب الطبخ ساهل وفي خاطرها نتعلم الطبخ المهم ترضى عليا بررررررررك

لأني نمووووووووووووت فيها​

ههههههههه واووووووووووووو اعتراف خطير وين راكي ينينا عندك وحد زهررررررررر وحدة معندها منو ولله انشاء لله من كل قلبي نينا تكون من نصيبك
تحياتي لك اسعدني مروركط اخي​

 

[anissa 13]

اختي نعطيك رأيي الشخصي انا عن نفسي الفتاة اللي ماتعرفش تطبخ ماتصلحش كزوجة حتى زوجها وأهلو يكرهو منها انا يبانلي الطبخ حاجة مهمة فالحياة الزوجية لانو معظم الرجال كي تكون نساهم يعرفو يطبخو لدرجة فائقة نشوفوهم يحبوهم بزاف. شكرا اختي

 

[اسماء16]

اختي نعطيك رأيي الشخصي انا عن نفسي الفتاة اللي ماتعرفش تطبخ ماتصلحش كزوجة حتى زوجها وأهلو يكرهو منها انا يبانلي الطبخ حاجة مهمة فالحياة الزوجية لانو معظم الرجال كي تكون نساهم يعرفو يطبخو لدرجة فائقة نشوفوهم يحبوهم بزاف. شكرا اختي

شكرااا اختي على مرورك الرائع واكيد رائيك على العين وراس تحياتي نورتي​

 

[هــــيلدا]

:crying::crying::crying: وعلاه راني مغبنة هاد 15 يوم في الكوزينة

قالك عندك 19 سنة ومتعرفيش تطيبي وين رايحة
الفايدة راني وليت شاطرة
المرة للولة نحرق والثانية نص نص والثالتة تجي بنينة:angel_not:

حبوبة من رايي لازم الوحدة تكون تعرف تطيب هذا شرط
بصح كلشي يجي حبة حبة وحدة مزادت متعلمة

ايا بنات اللمة نبر عليكم روحو وين كان الطبخ ديرو سطاج والله سمانة تخرجو تطيبو فوور
راهم عندنا نساء فحلات لهيت ربي يبارك عليهم:001_wub:
​

 

[hind*alg-]

طريق لي تدي لقلب الرجل كرشووووووو
كي تقتلو بشر واش يدير بيهاااااااااااااااا

ادا كانت متعرفش طيب يسماك ماشي مرااااا