ياخي طفلة معقدة ياخي...........................

[MiSs Sisi StyLe]

السلاام عليكم و رحمة الله و بركاته
وشراكم..................و كيفها حوالكم
ان شاء الله مليحة
انا اليوم باغية نحكي على ظاهرة ولات منتشرة عنا بزاف
و هي كي نشوفو طفلة ملتزمة و ما تخالطش الذكور نقولو عليها
بلي معقدة و ما تتحملش و مسوسة ...........................
انا قبل نهارين كنت واقفة مع 2 ذراري يقرو معايا
تلفتو لوحدة الطفلة دائما تخالط البنات و ما تدورش بالذراري خلاص مام الي يقرو معاها
قال الطفل لصاحبو شوف شوف هاديك
الطفلة انا ما نحملهاش خلاص
معقدة بزاف و قلبو لاخر انا ثاني زيك بعد
ما لقيت وش نقلو و لا نرد عليه

في بالكم واش هو الجواب الي قادرين نقولوه لوحايد زي هكا

ملاحظة ( الموضوع مفتوح للنقااش و ابداء الاراء)
دمتم بود..........

 

[missa_1]

ياو هاذي هي الدنيا كل واحد لاهي بخوه معليها قعدنا تحت رجلين بعضانا البعض واحد ما فطن

 

[** غزال الصحراء **]

حكينا عليها القضية هاذي بزاف في اللمة

واش رايح نقولك دير واش دير ما تسلكش من لعرب

كون تجبد روحها على الذراري يسموها معقدة , كون تداصرهم يسموها فالسة و منحرفة ...إلخ .

 

[touti_dz]

واش تحبي هوما عندهم الطفلة كي تعود ترونكيل تسمى معقدة
ولازم البنات الكل يجيو يحكيو معاهم

 

[إشراقات]

وعليكم السلام ورحمة الله وبركاته :

مررت بنفس موقفك اختي ...وتيقنت بلي ارضاء الناس غاية لا تدرك ...

اذا ما خالطيهمش يقولوا معقدة واذا خالطيهم يقولوا فيك كلام ما يسواش ...

الفايدة هي ارضاء الله تعالى ...

انا لم اعد اسعى لغير رضااااك

وكما قيــــــــل:

وليتك تحلو والحياة مريرة ..وليتك ترضى والانام غضاب

ويا ليت الذي بيني وبينك عامر ..وبيني وبين العالمين خراب .

اذا صح منك الود فالكل هين ..وكل الذي فوق التراب تراب ...

 

[بنـ MaPa ـت]

هادي جياحة ماحبتش تحكي ماشي بالسيف.....مرسي...تحياتي..​

 

[SOUHA]

واش نقولك واش تحبي لولاد عندهم زوج وجوه

 

[نسمات]

هادا سموه الانحلال الاخلاقي وليس التفتح على الاخر
يقولو معقدة ولا مهبولة المهم نعمل واش يعجبني انا ماشي واش يعجب الناس
يعطيك الصحة على الموضوع​

 

[MiSs Sisi StyLe]

اجوبتكم كلها منطقية و معبرة عن الموقف
و اتمنى انو هادي الظاهرة تتلاشى بسرعة و الا رايحين
نولو عايشين في غابة حقيقية
مشكورين على المرور العطر..........

 

[sahiko hamza]

فيها وعليها
مي ماتعرف واش كاين في الباطن تاعها
​

 

[MiSs Sisi StyLe]

فيها وعليها

مي ماتعرف واش كاين في الباطن تاعها​

هادي عندك فيها الحق
لو كان ما تخالطهاش ما تعرفش شكون هي و من اي معدن و ماهي طبيعتها
مشكور على المرور العطر

 

[nina bonoise]

اي كاينة منها الكل يقولوها

 

[نور الصباح الجزائرية]

و هوم واش دخلهم كل واحد يدير واش يخرج عليه

 

[Elif DZ]

كل واحد حر مع من يتكلمـ أو يتحدث و لن نستطيع إجبار أي شخص تغيير قناعتهـ
صراحة أنا معقدة أيضا إن كانت هاتهـ الفتاة معقدة
فأنا لا أخالط الذكور و منذ يومين لأجل كلمت شابا يدرس معي أصبح الناس كلهم ملتفتين إلينا لا اعرف لماذا ؟
إن ألسن الناس لا ترحمـ لهذا أرى أن هاتهـ الفتاة محقة
و لكل واحد حرية التصرف
​

 

[nermina]

إرضاء الناس غاية لا تدرك حنونتي..خليهم يحكو واش يحبو المهم انو الواحد يكون راضـــــي على روحو

 

[أية2009]

نورمال ختي مشي جديدة راهو كل واحد لاتي بخوه والصح يجيب ربي

 

[ivanov]

هوما اللي معقدين ، لوكان جات عندو أختو ويشوفها ، تهدر غير مع واحد زميلها ، واللا تسقسي فيه ، يولي ياكلها ، ونهارها مايفوتش ، بنات الناس نورمال ، واختك حرام، هذا هو النفاق

 

[Anissa_vanissa]

او فرق بين طفلة معقدة ووحدة حاكمة قدرها

 

[azzedine02]

يا جماعة كيفاه نشارك بمواضيع من فضلكم