عاونوني يما راح ادير عملية

HWK4ALGERIA

:: عضو بارز ::
أحباب اللمة
إنضم
30 مارس 2010
المشاركات
1,473
نقاط التفاعل
2
النقاط
37
العمر
14
السلام وعليكم واش احوالكم لا باس الحمد لله
اليوم حبيت نسقسيكم وحد السؤال مهم:
يا هل ترى لوكان ايجيك واحد متعرفوش ويقولك راني نحتاج دراهم وانا راهي لمرا في السبيطار والا الطفلة راهي Gراف رايحة اتموت والا راني انا ومرتي وولادي اومبان من الدرهم ونحتاج دراهم باش نركب بيهم والا نحتاج لحليب للطفلة واش ادير ؟ تعيلو الدراهم والا تخمم والا تقوللو ربي ينوب والا كيفاش؟ معليش انا مانصعبهالكمش بزاف اسمعو حكايتي باش تعرفو الجواب بسهولة.
وحد النهار في رمضان اللي فات سبحان الله كنت قاعد فوق الكرسي في الحانوت تاعي وممبعد جاني التخمام في دماغي علاش ما نتصدقش بواش كتب ربي وهاذا رمضان وعواشير... فجأة دخل واحد السيد محترم في صيفتو لابس امليح تقول اعليه كاش كونترول.... المهم بعد التحية والسلام سقساني على وحد لا فامي طبعا مانعرفهاش وقالي بللي واحد يخدم امعاه في سوناطراك يسكن في النواحي هاذو وقاللي بللي راه يحتاجو في موضوع مهم قلتلو مانعرفوش، قالي لا اله الا الله محمد رسول الله قلتلو انا صلى الله عليه وسلم قاللي انا كنت مدي لعجوز لعند الطبيب وهي دايرة اوبيراسيون والجرح تاعها مفتوح والطوموبيل حبستلي ديتها عند الايليكتريسيانم عاودلها بياسة في الديمارور تاعها كي قلتلو شحال حقها قالي 460 الف والنا هاز تحتي غير 260 الف كي قلتلو درك انروح انجيبلك الباقي بدا يكفر يسب امالا خليت امي عند وحد الحانوت في حالة وجيت انحوس على صاحبي، طبعا انا سبقتلو قبل مايقوللي هو سلفني قلتلو هاك 200 الف وروح اقضي صوالحك قاللي راهم سلف وراني نردهملك المهم خرج من الحانوت دخل عندي وحد السيد جارنا وقاللي شكون هذاك وواش جا ايدير عندك طبعا انا استغربت على الفضول تاع جاري قلتلو علاش راك اتسقسي قاللي السيد هذاك راه ادالي 400 الف عندها عامين ودارلي قالب بللي الطوموبيل تاعو راهي حابسة ....الخ نفس القالب:scared: اتخلعت وهو راح يجري موراه لقاه ركب في الg9 حكم طاكسي وراح يجري موراها حتى حبس الg9 وهبط السي معطلهم حكمو صاحبي وبدا معاه في حل اربط حتى عطالو ال 200 تاعي وال 400 تاعو وحكالو على ظروفو القاسية واداه حتى للدار حن عليه صاحبي واعطالو واش كتب ربي، المهم من يومها ماعدت انأمن في حتى طلاب، جاوني من بعدو عينات بزاف بنات ونسا ومساطيش وانا ديما في نفس الجواب ماعنديش الله غالب.
هاذي هي الحكاية وما خفي كان أعظم حللو عينيكم امليح يا خاوتي لعزاز راه لامان ما كانش.
ظرك انعاود انسقسيكم ، لو كان يجي لعند كاش واحد منكم واحد والا وحدة وتقوللكم راهي يما مريضة بالسرطان اللهم عافينا او رايحا ادير عملية تعطوها الدراهم وهي يمكن اتكون ايسكرو.؟
شكرا لكم عليى الردود مسبقا.
 
اخي كان محتاج من محتاج

وانا صاريلي موقف،، ،،
ولو يتكرر معايا السيناريو هذا للي صرالك راح نمد وعينيا مغمضين
حتا ولو كان ايسكرو
علا خاطر نتا مديت بنيتك
وربي يجازيك
وهو راح يحاسبو__
كي تمد راح تتحسبلك صدقة علاش مديش وهو راح تتحسبلو ذنوب علا واش دار__

وللي دالك خبالك//

دمت بود
وربي يفرج كربة كل مؤمن.
 
آخر تعديل:
الحق لوكان يجيني واحد محتاج ويكون عندي الدراهم نمدلو بدون تفكير انو يكذب ولا لا
لانو حتى لوكان كان يكذب ربي راح يعطيني اجري على حساب النية
 
ربي انوب اعليك ان شاء الله هذا منخسر معاه كان اطوعهم معادتش تفرا الديكلاري فايت
 
فكرتني في قصة صراتلي
مرة جيت فايتة لقيت واحد حكمني هو مايشوفش
حسبتو قالي فوتيني على الطريق
وكان واحد ثم يبيع البانان
قالي الراجل نحب كيلو بنان قلتلو
مدلو كيلو قالي راهو ماعندوش دراهم
يخلص معليش خلصت عليه
مبعد كي مشيت قلت يا بابا واش راني حابسة
نتاع الصح كيفاه هو عما وشاف البنان
وفاق بلي راني فايتة عليه بارالي الطريق
مبعد قلت ايا انا على نيتي خرجتها
صدقة وهو بينو وبين مولاه
 
بصراحة الكل جاوب بلي يمدو وربي هو اللي يجازي على حساب النية ولكن انا نقوللكم بلي كاين ناس محتاجة راهي اولى بالمساعدة وهذي الظاهرة هي اللي خلات الشعب يخاف باه يمد لواحد ميعرفوش خاطرش كثر الخداع
لوكان جيت كيما انت نقولي يلاه نروح معاك وراح نوقف معاك ومايخصك والو
 
اخي كان محتاج من محتاج

وانا صاريلي موقف،، ،،
ولو يتكرر معايا السيناريو هذا للي صرالك راح نمد وعينيا مغمضين
حتا ولو كان ايسكرو
علا خاطر نتا مديت بنيتك
وربي يجازيك
وهو راح يحاسبو__
كي تمد راح تتحسبلك صدقة علاش مديش وهو راح تتحسبلو ذنوب علا واش دار__

وللي دالك خبالك//

دمت بود
وربي يفرج كربة كل مؤمن.
مي انا من طبعي انحي من روحي وانمد ونتمنى انو الانسان اللي مديتلو يستفيد فعلا بالسوارد ماش يطلعلي اسكرو.
 
فكرتني في قصة صراتلي

مرة جيت فايتة لقيت واحد حكمني هو مايشوفش
حسبتو قالي فوتيني على الطريق
وكان واحد ثم يبيع البانان
قالي الراجل نحب كيلو بنان قلتلو
مدلو كيلو قالي راهو ماعندوش دراهم
يخلص معليش خلصت عليه
مبعد كي مشيت قلت يا بابا واش راني حابسة
نتاع الصح كيفاه هو عما وشاف البنان
وفاق بلي راني فايتة عليه بارالي الطريق
مبعد قلت ايا انا على نيتي خرجتها

صدقة وهو بينو وبين مولاه
وغاضك الحال والا لا.؟
 
بصراحة الكل جاوب بلي يمدو وربي هو اللي يجازي على حساب النية ولكن انا نقوللكم بلي كاين ناس محتاجة راهي اولى بالمساعدة وهذي الظاهرة هي اللي خلات الشعب يخاف باه يمد لواحد ميعرفوش خاطرش كثر الخداع
لوكان جيت كيما انت نقولي يلاه نروح معاك وراح نوقف معاك ومايخصك والو
هكاك قادر ايوللي فيه دg الموس لأنو الاسكرو قادر ايدير كلش، وربي يقدر الخير
شكرا.
 
ربي انوب اعليك ان شاء الله هذا منخسر معاه كان اطوعهم معادتش تفرا الديكلاري فايت
صح الواحد مام يحب يعاون لازم مايضرش روحو.
شكرا
 
الحق لوكان يجيني واحد محتاج ويكون عندي الدراهم نمدلو بدون تفكير انو يكذب ولا لا
لانو حتى لوكان كان يكذب ربي راح يعطيني اجري على حساب النية
ربي يكثر من مثايلك، مي ان شاء الله ماتتلاقايش بالاشكال اللي تبروفيتي وتتحايل على الناس، لانك اذا تكوني في يوم من الايام ضحية لاحد الاشكال هاذي راح تتبدل العقلية تاعك.
شكرا
 

السلام عليكم
اممممممممممممم صح كاين منها
مي كيما قال واحد غمض عينيك وخليها لرب العالمين
وهي عالم بكل شي
شكرا
ربي يوفقك
 
يا خويا ضكا ماوليناش نفرقو بين المحتاج تع الصح و الكذابين اللي يحبو يبروفيتيو على حساب قلوب واحدخرين المهم اللي نقدرو عليه نعاونوهم بيه و كل واحد يتحاسب عند مولاه .. كيما حنا شعال من خطرة يجيو لينا نسا و يجيبو معاهم اوغدونونس زعما يماهم مريضة و معندهمش باش يشرولها الدوا حتى ولاتلهم عادة كل شهرين يجو و يجيبو معاهم هاذيك لوغدونونس القديمة ودايما فيها حكاية وحدة تع يماهم ... و انا على حساب تخمامي المحتاج تع الصح مايمدش يدو و الله اعلم
 
السلام عليكم
اممممممممممممم صح كاين منها
مي كيما قال واحد غمض عينيك وخليها لرب العالمين
وهي عالم بكل شي
شكرا

ربي يوفقك
سامحني يا خويا فؤاد كي تحب تتصدق كاين بزاف المحتاجين سواءا في العائلة والا في الجيران فهمتني.؟
شكرا
 
يا خويا ضكا ماوليناش نفرقو بين المحتاج تع الصح و الكذابين اللي يحبو يبروفيتيو على حساب قلوب واحدخرين المهم اللي نقدرو عليه نعاونوهم بيه و كل واحد يتحاسب عند مولاه .. كيما حنا شعال من خطرة يجيو لينا نسا و يجيبو معاهم اوغدونونس زعما يماهم مريضة و معندهمش باش يشرولها الدوا حتى ولاتلهم عادة كل شهرين يجو و يجيبو معاهم هاذيك لوغدونونس القديمة ودايما فيها حكاية وحدة تع يماهم ... و انا على حساب تخمامي المحتاج تع الصح مايمدش يدو و الله اعلم
المهم خلاصة القول الثيقة راهي ماكانش ومن الغباء انو الواحد يطيش دراهمو في التراب ويقول صدقة، آ خويا انا حبيت نتصدق انروح الجامع والا انروح لكاش عايلة من المحتاجين، وماكانش واحد ماعندوش جار والا اثنين محتاجين، اما اللي جاء وحكا وبكى فهذاك راهي التخصو العفة ووجهو مقصدر حاشاكم، واسمحولي على الاطالة.
شكرا.
 
باسم الله

اذا جات او جا اي شخص يبان اصلا عليه انو محتاج او مش محتاج وانا عندي في هذاك الوقت نعطيه ما

كانش حتى مشكل







 
واش نقولك خويا
عباد فسدت وطيحت بقدرها على جال الدراهم
بصح كاين ربي
واش نقولك صدق غيل على اللي تعرفو من الجيران والاهل ولا كاش انسان مسيكين
 
باسم الله​


اذا جات او جا اي شخص يبان اصلا عليه انو محتاج او مش محتاج وانا عندي في هذاك الوقت نعطيه ما​

كانش حتى مشكل​
على بالك بللي كاين طلابات يدرو في السوق والا قاعدين وحاطين لوردونونص تاع الدوا شحال يدو صرف لجماعة الترونسبور ولحوانت، أكثر من 300 ألف في النهار؟؟:scared:
 
واش نقولك خويا
عباد فسدت وطيحت بقدرها على جال الدراهم
بصح كاين ربي
واش نقولك صدق غيل على اللي تعرفو من الجيران والاهل ولا كاش انسان مسيكين
هذاك هو حلها يعطيك الصحة.
 
هههههههههههههههههههههه مع احترامي هذا محتال و ما أكثر محتاليين

خويا كي تحب تصدق أنت روح تبحث و تتحرى و اجرك على الله أبحث عن الفقراء و محتاجيين حقيقيين فهم لا يطلبون و يستحون و انت روح لبيوتهم و سلمهم الأمانة

و كل شخص يطلب لا تعطيه شيء حتى ولو رأيته يموت جوع لانه يكذب


انا أيضا كنت في الحانوت جاء ليا واحد يتكلم فرنسية و قال لي امي في مستشفى في حالة خطرة و احنا جينا من مكان بعيد و راني جيعانين و ام راهي في موت و معندناش حتى واش نشري والو

اعطيته 60 دينار فقط و قلت له روح تربح


و بعد عام رجع هو هو تكلم فرنسية و قال لي امي في مستشفى في حالة خطرة و احنا جينا من مكان بعيد و راني جيعانين و ام راهي في موت و معندناش حتى واش نشري والو


ههههههههههههههههه قالت له امك هذه لا تموت
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top