ما تمرمدش بنت الناس يا خويا

[** غزال الصحراء **]

يعطيك الصحة خويا

لكن ما تنساش تاني النساء اللي يمرمدوا رالرجالة

ماشي الرجالة اقول اشباه الرجال


​

ياحسراه مانيش ناسيهم خيو كون نبدا نحكي على هاذوك اني ما نحبسش

انا برك بغيت نحكي على بني جنسي كأول مسؤولين و قادرين يديرو المنكر في لبنات

و لبنات أغلبهم بلاعطيات هاذا شي معلوم .

 

[** غزال الصحراء **]

1-زوالي متزوج مرة و مسكنها في قيطون : صحا في هاذي حبيت نحكي معاك خويا

أنت ماكش قادر تصون روحك , و بالاك عشى ليلة ما عندكش

تروح تزيد تجيب بنت الناس و تمرمدها معاك و ما تنساش بلي رايحين تجيبو ذراري

واش رايحين ياكلو ؟ حابهم ياكلوك أنت ؟


منوافقكش في النقطه هاذي بويسك كاين لي بخير عليه وتزوج لقا روحو في قيطون
اذا درنا في بالنا هاذي لحسابات منتحركوش نبقاو عند نقطة 0
وزيد لو كل واحد يكون نواي لحلال ومن بعدا يتراجع بويسك ميقدرش يعيشها مليح جابلي ربي واحد ما يتحرك
الانسان اذا شاف روحو يقدر عليها يجيبها ويعشو مع بعض حتا ولو تمرمدو شويا بلاك يفرج عليهم ربي كيما يقلك المرا تجي بخيرها
اسف خويا مي انا نعرف ان الانسان ينوى ويتكل علا ربي ويقدم ماشي يقلك نعيشها في قيطون وانا حاصل في روحي وما تدري بلاك بعد الزواج يطرح ربي البركه
سلام اخي موشوع رائع

يا بلال هاذي الهدرة راني دايرها في الحسبان , و نزيد نعاود قلت

(( عشى ليلة ما عندكش )) مانيش نحكي على الزوالي العادي

خطراش الناس قاع راهم زواولى أنا نعرف واحد رايح يتزوج هاذا الصيف

و الله دورو ما يسعى , لادار لا دوار لا خدمة , و يقولي يفتحها ربي

يعني متكل على دارهم وخلاص هاذاك راك توافقو على حسابك ؟

قولي لمرا تجيه بخيرها ثاني .

 

[** غزال الصحراء **]

بارك الله فيك بلبل

يعني اذا انا بدراهمي و تزوجت مي من بعد طاحت بيا هل معناها راني مرمدت بنت الناس ؟؟؟

او هل من الأفضل اني نطلقها ؟؟؟

يا غزال خويا كاين وحد المثل يقول اللي يبغيني يبغيني بـــ..........

و هنا يكمن معنى الزواج اني نكون مع الطرف الأخر في السراء و الضراء

ماشي غير كي يكونوا معاه الدراهم

و كي يخلاصو نقولو هاو هاو

يعطيك الصحة اخي مرة اخرى والله موضوع في القمة


​

يا خويا شوف بنات لحلال لي يرضو بلقليل كاين بزاف

مي كيما قلت للأخت قبلك كاين لي يجيب وحدة تحبو و تضحي معاه وين بغا هو

أيا يسكنها في بيوت قريب تريب كيما تاع عنابة لابلازارم

أيا و تريب عليهم الدار و يموت هو و المرا تاعو واش تقول فيها هاذي ؟

 

[** غزال الصحراء **]

-- وراء كل إمرأة محطمة رجل --
هادي كاينة .....يعطيك الصحة

و ما تنسيش وراء كل جبرية كاين حلاب (( اني غير نضحك برك ))

مرسي على المرور .

 

[** غزال الصحراء **]

السلام عليكم
ان شاء الله راكم بخير
اهلا بيك خويا هشام ومواضيعك الهايلة
عندك الحق قاع وش قلت ربي يهدي
ومام البنات فيهم الغالطات اذا ما قلناش هما السبة
والرجال جاتهم على القوسطو
ربي يحفظنا
تحيتي

​

كلام رزين كالعادة يا خولة , مرسي عليك منورة الصفحات .

 

[** غزال الصحراء **]

موضوع رااااائع اخي الكريم بارك الله فيك
حتى الفتاة لا يجب ان تسترخص نفسها

بالطبع لا يجب أن تجعل نفسها سلعة رخيصة , شكرا على المرور الرائع .

 

[** غزال الصحراء **]

موضوع مهمّ يعطيك الصّحة خويآ

ربّي يهدي الجميع

و يسهل لهم أمور الدين و الدنيآ

امين يا ربي ,, شكرا على المرور الرائع أختي الكريمة هدى .

 

[** غزال الصحراء **]

وي يا غزال هادا هو لي رانا نشوفو فه المشاكل لي راهي صايرة غير لي تقولك ماراهش معيشني كيما الناس
علاه ديتيه يا ختي مادام على بالك بظروفو المادية هي تقول دار ليسونسيال نتتهنى برك بصح ماعلى بالهمش في زوج بلي الزواج ماراهوش غير الدار راهو مسؤولية كبيرة وزيد الاولاد ومعيشتهم
هادا هو الواقع تاع كعبرو مد للاعور كل واحد يمسح الموس في خوه ربي يهديهم برك
ويعطيك الصحة على الخاطرة ديالك
​

هاذي هي كلام من ذهب يا مروة

المرة دايمن كي تليح روحها مع كاش راجل , تقول مادام داني رايح يسلك الحالة

و مستحيل مش رايحة نتغبن و مبعد في الواقع يضهرلها العكس وتندم على واش دارت

هاذا هو الشي لي خلاني نقول للراجل ( ما تمرمدش بنت الناس )

خطراش هي قابلة في كل الأحوال ( إذا كانت تحبك )

و بقى دورك أنت وجد روحك و ما تدخلش غير هاكاك .

 

[la_fleur_de_joie]

merci خويا على هذا الجوهر اللي نطقت بيه..بصح يا خويا حبيت نقولك حاجة انو دروك حتى البنات ولاو يلعبوا ماشي غير الولاد-ماشي كاملين علاخاطرش كاين المتاصلين- مرات والله يلا الولد يروح ضحية تاع البنات ..ورانا نشوفو بعينينا... الجريمة ولات عند الجنسين
ربي يهدينا ويهدي الجميع ان شاءالله...

 

[احلى لمة]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[imado]

يعطيك الصحة خويا على الموضوع بصح ماش الناس أكل كيف كيف انا واحد من الناس نقدر بالمرأة لأنها أولا اختي وأمي وفي المستقبل راح تكون ابنتي ان شاء الله لذا لازم الواحد يقدر بالجنس اللطيف وهوما أيضا من جهتهم يقدرو الراجل لكي يكون الاحترام متبادل والشعور نفسو ويعيشو حياة هنيئة ....سلام أخي

 

[** غزال الصحراء **]

والله يا غزال الصحرا راك جبتها قدقد
في وقتنا المهم الراجل يقضي شغلو والله يسهل على الطفلة
قليل اللي تلقاه يخمم في بنات الناس
المهم ربي يهدي ويستر وقتنا هادا
​

و الله هاذي هي يا عفاف

هو يقولك نتزوج و من بعد ربي يفتحها كيما قالو أغلب اللي مرو في الموضوع

مي الزواج ماهوش ليلة وحدة الزواج راهو دهر كامل .

 

[** غزال الصحراء **]

صح عندك الحق ..
في هاذ الدنيآ قليل وين تلقى واحد يتعامل مع الحياة بتخطيط وتفكير محكم ..
الناسـ أصنآفـ تقدر تلقى المليح بالدوني
تشوف مثلا واحد يلعب ببنآت الناسـ لعب !!
وحاسب روحو ميمشيش على الارض ..
ويخدع البنآت بزوج كلمآت عسل
ويقلهآ اتزوجي بيآ ونحطكـ أميرة في الدار،، انتي اطلبي بركـ !!
نهآر الي يجيبهآ يمرمدهآ معآه ويا ويلهآ إذا كشمآ هدرتـ
ومدخلوش فيهآ ادبر رآسهآ ..
وحتى البنآت الله يهديهمـ ،، ولاو غير الي مغلطش فيهمـ

سلمـتـ الايآدي هشآمـ
مميز بكيفية طرحكـ
بموآضيع في الصميمـ ~
..*_*..
​

و الله صح كلام رزين و زاد النص في الموضوع

و أنا نشوف النوع هاذا الخداع أرحم من النوع لي ماهوش عارف صلاحو

يعني هاذا عارف بلي رايح يديها و يطمعها بالكذب

و مبعد يبان بلي ماكاين والو و يمرمدها .. مي لي قلت عليهم أنا واحد الناس ماهمش

عارفين كوعها من بوعها يقولك نتزوج و مبعد ساهل , هو ماهوش عارف يسير روحو

يزيد يجيب بنت الناس معاه ,,, مادام ماراكش واجد مازال خليها في عز بوها خير

مرسي ريحانة و الله ردك من أروع الردود .

 

[** غزال الصحراء **]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

-- واش بيك ؟

 

[NAOMA]

يعطيك الصحة خويا راني معاك في كل كلمة قلتها ....................انت ديما معانا و تحامي علينا ..........هاذي فيها إن
ربي يحفظك شكرا

 

[** غزال الصحراء **]

الدعوة راهي غير ماشية وتصعاب
على الراجل والمراة في زوج​

و الله صح شكرا على المرور .

 

[** غزال الصحراء **]

يعطيك الصحة خويا راني معاك في كل كلمة قلتها ....................انت ديما معانا و تحامي علينا ..........هاذي فيها إن
ربي يحفظك شكرا

شكرا على المرور يا نعومة منورة الموضوع + رانا مع الحق وين ما يكون .

 

[** غزال الصحراء **]

بارك الله فيك موضوع شباب و يعبر على حقيقة الرجال اللي راهو دايهم زهو الدنيا و ان شاء الله توصل رسالتك لكل واحد

مرسي عليك يا مينا , معليش ما تعمميش على قاع الرجال

خطراش لكل إنسان سواء كان رجل أو مرأة مساوءه

و ما كتبت موضوعي هذا إلا تفادي للخطأو و توريط بنات الناس .

 

[** غزال الصحراء **]

عندك الحق خويا في هذيك الهدرة
بارك الله فيك​

و فيك بركة منال منورة الموضوع .

 

[** غزال الصحراء **]

وعليكم السلام ورحمة الله تعالى وبركاته
والله يا خويا يعطيك الصحة
كلامك صح
وكامل على علم بيه مي (...) لا حياة لمن تنادي
...ربي يسقم الاحوال ويهدي الناس
ان شاء الله...

*دائما مواضيعك قمة*
دائم التألق ان شاء الله
...تحياتي ليك
سلام...!​

مرسي عليك , و دائما ردودك رائعة

منورة الموضوع و الله .