ما تمرمدش بنت الناس يا خويا

[** غزال الصحراء **]

والله عندك الحق في كل كلمة قلتها
بصح نحب نقولك بلي كاين منهم
لي ترجع هيا تلعب بيهم ومايش محوسة عليهم
تالمو تقاست من واحد برك

يعني كما تدين تدان
​

وي صح يا نجاة و هاذي نعتبرها مريضة نفسيا

و اللي طاح في يدها راح في ربي يخلف .

 

[** غزال الصحراء **]

صح ياخويا غزال عندك الحق يتزوجوا ويجيبوا ولاد يحيروا من بعد منين يوكلوهم ويسكنوهم ولات العقلية تع جيب وارمي

واش تحب تدير ياخويا هههه

صحيت غزال مواضيعك كي العادة فوووووور وبزور

صحيتي أمورة شفتي كيفاش ؟ هاذي هي تزوج و حصل

أنا نقول لي حب يتزوج في هاذ لبلاد لازمو بودجي و يا ربي .

 

[** غزال الصحراء **]

معاك ياالأخ في جميع النقاط عدا الاولى لانو الزوجة تاني رضات بالوضعية و والديها كيف كيف هذي مسؤولية مشتركة بيناتهم و شكرا على الموضوع

بيان سور هي ترضى و والديها ثاني , مي الراجل لي حب يمرمد بنات الناس غالط

حتى و إذا رضات هي ...هذا إذا كان شهم و يحب يعيش براص مرفوع .

 

[** غزال الصحراء **]

كلامك غالط خويا وحاجة ماعجبتني منو
:closedeyes::closedeyes:

و ردك غالط و حاجة ما عجبتني منو .

 

[** غزال الصحراء **]

السلام عليكم

مشاكل الدنيا هادي لي ما يخممش راهي تديه

كلام صحيح , صحيت حبيبو .

 

[** غزال الصحراء **]

ايه يا خوى اشكال و انواع و فى رايي غياب الدين يدير كلش

و الله هاذي هي يا نور , كل ما بعدنا على الدين بعدنا على الصح ووقعنا في المغالط .

 

[** غزال الصحراء **]

يعطيك الصحة خويا على الموضوع بصح ماش الناس أكل كيف كيف انا واحد من الناس نقدر بالمرأة لأنها أولا اختي وأمي وفي المستقبل راح تكون ابنتي ان شاء الله لذا لازم الواحد يقدر بالجنس اللطيف وهوما أيضا من جهتهم يقدرو الراجل لكي يكون الاحترام متبادل والشعور نفسو ويعيشو حياة هنيئة ....سلام أخي

علابالي عماد , و وربي يكثر من مثالك و نتمناو كل واحد مقبل على الزواج

تكون عندو نضرة شاملة كيما تاعك

مرسي .

 

[** غزال الصحراء **]

1-زوالي متزوج مرة و مسكنها في قيطون : صحا في هاذي حبيت نحكي معاك خويا

أنت ماكش قادر تصون روحك , و بالاك عشى ليلة ما عندكش

تروح تزيد تجيب بنت الناس و تمرمدها معاك و ما تنساش بلي رايحين تجيبو ذراري

واش رايحين ياكلو ؟ حابهم ياكلوك أنت ؟

من جيهة لبنات ما لزمش يكونو مزيرين بزاف ماشي راح يسكنك في شاطو

و يكون يتشبه لديكابريو و عندو صوارد بيلغايتس ,, أرضو بلي جابهالكم ربي

و دايمن قدرو ضروف لي يتقدملكم .

هنا كل واحد وظروفو
ونورمالمو العبد يخدم على روحو
درك في وقتنا حاكم الدار مكالي الحيط ويقول معنديش
اضرب ذراعك تاكل لمسقي
​

2- قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟

بالاك طيح مع وحدة تحبك صح , و أنت كالعادة موالف بالعب و الطرافيك

عندك لبنات كي الدخان , تتكيفهم و كي تفض منهم الفايدة تطفيهم برجليك

أيا كي ديرها بهاذي البنت ما علابالكش دعاويها شحال واعرة

و قادرة ما تتسقملكش حياتك كاملة

هنا كان تهدر الدهر الحالة ماهيش رايحة تتعدل
بنات الناس حلال واختو حرام
المشكل انو الانسان تاع درك يتبع شهوات الدنيا
بلا ما يخمم ومقعدش فيها مراهقة لانو رجالة بسلامتهم وما فاقوش لعمارهم
وثان في هاذ الحالة الطفلة تدي جزء من العتاب

​

3- ختك ختك يا موسطاش : شايف اليوم الطفل الأكبر الله الله ولا شيغيفارا في الدار

ختو كلمة زوج يعطيها بكف , غابنها غبنة شينة ... و لا يا كي يلقاها مع واحد اااه خلات

نقولك نصيحتي ليك ختك يليق تصاحبها + تعسها و تصونها خطراش شرفها هو شعفك

مي ماشي تدمرها ,,, هي كي تلقاك - هتلر - في الدار و مالقاش اللي يعوض عليها

بيان سور رايحة تخرج تفركت على الشهامة في بلاصة واحد أخرى

و قداه من مرة طيح في ذئاب بشرية

خلاص هدرت بزاف و مانيش حاب نكمل الفئات لخرين خطراش معروفين و ما يفضوش

و حبيت نقول ما تخليوهمش يقولو علينا -- وراء كل إمرأة محطمة رجل --

اما هنا انا نحمد ربي ونشكرو
عندي اخ كللي صديق ليا ماشي خويا لدرجة متتصورهاش
ممكن كي عدنا قراب في السن
وممكن على حساب التربية:music_whistling:
والذراري انواع كل واحد وكيفاه
مي انا نظن السبب تاع هاذ العقلية
انو خايف تدير اختو كيما وحدة من اللي يمشيو معاه
​

نتمنى الميساج لحقلكم

فيلامان .

ميساجك لحق وربي يهدي الجميــع
merci ليك يعطيك الصحة
​

ما عندي ما نزيد على كلامك ميمي , مميزة كالعادة .

 

[روعة الأخلاق]

​

السلام عليكم
مرة اخرى تضرب لنا موعدا مع التميز
معك حق يا أخي
و هذا كله نابع من مشاكل مؤصلة في المجتمع الجزائري
اولها عدم التوفيق في اختيار الزوج او الزوجة
حاجة اخرى الدولة تاعنا ميتة يعني نورمالمون تساعد الازواج الجدد الزاولية في المساكن الصغيرة يعني على قدهم
حنا رانا نشوفو غير الاهتمام بلي ماتش و المهرجانات و التمسخير و الشعب راقد في سبات
مالا
حكاية معندكش متتزوجش تاني منوافقش عليها
يعني هو لازم يخدم و يتعب مش خلاص حاكم الحيط نموت اعزب
و لا الفحل لي يجيب مرا تخدم و هو يريح في الدار و يدي الشهرية
و الله عيب على بعضهم
موفق اخي
بارك الله فيك[​

/FONT]

​

 

[sallyqueen]

والله غير عندك الصح سيرتو في القضية تاع الاخ اللي لازم يصاحب اختو
انا وأخي هكدا الحمد لله يحكيلي كلش ونحكيلو كلش والبنت كي تلقا الحب والحنانه في دارهم ماتروحش تحوس عليهم برا
وحبيت نعارضك في موضوع الزاوالي
الوحدة كي تقبل تتزوج بواحد زاوالي كيما قلت تكون عارفة الوضع تاعو تسما ماتطلبش حاجة مايقدرش عليها والرزق ربي يجيبو وحتى واحد مايتدخل فيه ياسيدي كون يجيبوا 20 ولد كل واحد فيهم رزقو راه مكتوبلو قبل ما يتزاد
وشكرا على الموضوع الرائع ​

 

[** غزال الصحراء **]

والله غير عندك الصح سيرتو في القضية تاع الاخ اللي لازم يصاحب اختو
انا وأخي هكدا الحمد لله يحكيلي كلش ونحكيلو كلش والبنت كي تلقا الحب والحنانه في دارهم ماتروحش تحوس عليهم برا
وحبيت نعارضك في موضوع الزاوالي
الوحدة كي تقبل تتزوج بواحد زاوالي كيما قلت تكون عارفة الوضع تاعو تسما ماتطلبش حاجة مايقدرش عليها والرزق ربي يجيبو وحتى واحد مايتدخل فيه ياسيدي كون يجيبوا 20 ولد كل واحد فيهم رزقو راه مكتوبلو قبل ما يتزاد
وشكرا على الموضوع الرائع ​

مليح كي راكي مصاحبة خوك و الله قليل وين نلقوها في لاسوسيتي تاعنا

أنا شخصيا شايف صحابي و الله يشوف أختو تحسب شاف جن

و مبعد كي دير كاش حاجة يلومها و بالاك حتى يضربها //

النقطة الثانية راني جاوبت عليها في ردود سابقين أرجو الإطلاع

شكرا على المرور منورة الموضوع .

 

[maya31]

- قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟

بالاك طيح مع وحدة تحبك صح , و أنت كالعادة موالف بالعب و الطرافيك

عندك لبنات كي الدخان , تتكيفهم و كي تفض منهم الفايدة تطفيهم برجليك

أيا كي ديرها بهاذي البنت ما علابالكش دعاويها شحال واعرة

و قادرة ما تتسقملكش حياتك كاملة

حبيت نفهم برك هادا الي يدير هكدا ما عندوش شغل و لا ما عندوش حاجة وخدخرا ايديرها و لا حاسب روحو بوقوص يعني كامل لبنات كي يشوفوه يحبوه
هشام هدا واحد يجيبله ربي بنت تلعب بيه كيما يلعب ببنات ناس

و هادي انتع لبنات ساهلين هشام راك غالط هاديك بكري درك كاين بنات الي هوما يلعبو بولاد الناس


ايا في لامان

 

[** غزال الصحراء **]

​

السلام عليكم
مرة اخرى تضرب لنا موعدا مع التميز
معك حق يا أخي
و هذا كله نابع من مشاكل مؤصلة في المجتمع الجزائري
اولها عدم التوفيق في اختيار الزوج او الزوجة
حاجة اخرى الدولة تاعنا ميتة يعني نورمالمون تساعد الازواج الجدد الزاولية في المساكن الصغيرة يعني على قدهم
حنا رانا نشوفو غير الاهتمام بلي ماتش و المهرجانات و التمسخير و الشعب راقد في سبات
مالا
حكاية معندكش متتزوجش تاني منوافقش عليها
يعني هو لازم يخدم و يتعب مش خلاص حاكم الحيط نموت اعزب
و لا الفحل لي يجيب مرا تخدم و هو يريح في الدار و يدي الشهرية
و الله عيب على بعضهم
موفق اخي
بارك الله فيك[​

/font]

​

روعة مرورك يا روعة الأخلاق كالعادة

ليس لي ما أضيفه على كلامك , دولتنا دولة الرقص و المهرجانات و الإحتفالات

و لا يهمها حال الشعب المسكين و خاصة قضية الزواج

و لو فكرنا بمنطق هم لم يوفروا له العمل

كيف سيوفرون له ضروف الزواج ؟ يعني الأمور مرتبطة مع بعضها

حتى المنازل التي توزعها الدولة على الشباب أصبحت -- بن عميس --

أي تقسم دون أن تظهر قائمتها و أنا أشبه جزائرنا بالبقرة الحلوب للأسف .

 

[Manar19]

اول مرة والحمد لله....لقيت موضوع يحكي على الرجال بكل صراحة وبكل موضوعية......سوا برا ولا هنا نلقاو غير المواضيع للي يقولك فيها....لبنات هوما للي يوصلو رواحهم....لبنات هوما للي مش متربيات....يستهلو....و و و....كي شغل العيب ولحرام غير على لبنات والرجال ملائكة....وللا مرفوع عنهم القلم....ماعلابالهمش بللي الطفلة كائن حي قادر يغلط.....وزيد كائن ضعيف....يمشي ورا مشاعرو
المهم نرجعو لموضوعك غزال....درك عندو اين شومبر في الدار يقولك نتزوج....يجيب بنت الناس ويعيشها في لاميزار....ويقولك لبنات ماديات...ويكره حياتو ويكرها هي تاني....الراجل للي قولت عليه قيس.....كي يطيح في وحدة رابحة دعاوي الوالدين....وتدعيه...سي سور يسلك....وميبعدش ويحبس.....وكما قولت الموضوع طويل....ربي يهدينا ويتممنا بعقولنا......وشكرااااا

 

[** غزال الصحراء **]

حبيت نفهم برك هادا الي يدير هكدا ما عندوش شغل و لا ما عندوش حاجة وخدخرا ايديرها و لا حاسب روحو بوقوص يعني كامل لبنات كي يشوفوه يحبوه
هشام هدا واحد يجيبله ربي بنت تلعب بيه كيما يلعب ببنات ناس

و هادي انتع لبنات ساهلين هشام راك غالط هاديك بكري درك كاين بنات الي هوما يلعبو بولاد الناس


ايا في لامان

لا كاين و كاين , مي و الله الأغلبية ساهلين

اللي تجيه في راصو وحدة يجيبها

علابالي بلي كاين لي يلعبو باذراري و الهدرة هاذيك

مي و الله الطفل هو لي يقدر يدير الضربة الصحيحة كيما يقولو

المهم ربي يحفضك محجوبة + هاذي غيبة .

 

[امورة المنتدى]

صحيتي أمورة شفتي كيفاش ؟ هاذي هي تزوج و حصل

أنا نقول لي حب يتزوج في هاذ لبلاد لازمو بودجي و يا ربي .

هههههههههه يتسما واحد ماحيتزوج والنسا يبوروا فالدار :surrender: هههههههههه

 

[** غزال الصحراء **]

اول مرة والحمد لله....لقيت موضوع يحكي على الرجال بكل صراحة وبكل موضوعية......سوا برا ولا هنا نلقاو غير المواضيع للي يقولك فيها....لبنات هوما للي يوصلو رواحهم....لبنات هوما للي مش متربيات....يستهلو....و و و....كي شغل العيب ولحرام غير على لبنات والرجال ملائكة....وللا مرفوع عنهم القلم....ماعلابالهمش بللي الطفلة كائن حي قادر يغلط.....وزيد كائن ضعيف....يمشي ورا مشاعرو
المهم نرجعو لموضوعك غزال....درك عندو اين شومبر في الدار يقولك نتزوج....يجيب بنت الناس ويعيشها في لاميزار....ويقولك لبنات ماديات...ويكره حياتو ويكرها هي تاني....الراجل للي قولت عليه قيس.....كي يطيح في وحدة رابحة دعاوي الوالدين....وتدعيه...سي سور يسلك....وميبعدش ويحبس.....وكما قولت الموضوع طويل....ربي يهدينا ويتممنا بعقولنا......وشكرااااا

و الله يا منار هاذا واش قصدت في الموضوع بالظبط حرفيا

الكثير خالفني في رأي , و الحمد لله راكي فهمتيني و جبتيها قد قد

أنا راني مقدر ضروف كل واحد

و الزواج نصف الدين بصح ماشي مليح ثاني تغيس قبل ما تقيس

مرسي عليك مرورك منور الموضوع .

 

[** غزال الصحراء **]

هههههههههه يتسما واحد ماحيتزوج والنسا يبوروا فالدار :surrender: هههههههههه

لا ما تخافيش كاين لي عندهم الشكارة مازال كاين الخير :santa_1:

 

[THE GNAWIE]

بارك الله فيك خويا غزال
موضوع قمة
و كلمات موزونة
و كيما قلت انت انشاء الله يلحق الميساج برك
شكرا خيو​

 

[مغرورة بأنوثـتي]

عندك الحق ياغزال
انا وحدة من الناس درت لمان في واحد وكنت ضحية من بين الف ضحية في هاد الزمان
فهو من جماعة قيس وكليكة ليلى
واللي راهم يقولو باللي الطفلة هي اللي غالطة انا نقوللهم ماكاش الشجرة اللي ما يهزهاش الريح
والمراة بطبعها ضعيفة وتضعف اكثر قدام الراجل


الله يعطيك الصحة عالموضوع