ميديثي و ثلج ما يتقابلوش ^^...

الصحافية الساخرة

:: عضو بارز ::
أحباب اللمة
إنضم
5 جانفي 2017
المشاركات
3,482
نقاط التفاعل
8,102
النقاط
946
العمر
28
محل الإقامة
Jijel
الجنس
أنثى

السلام عليكم و رحمة الله و بركاته

جيت مرة اخرى , الله غالب وصلتني هدرة معوجة لوذنيا فتح فمي و طوال لساني و تخلّط مخي
no-no-crazy-rabbit-emoticon.gif
"ها ما

راهمش كبار" اخويا @habchisalaheddin هههه

الشعب الجزايري اذخل للروووس هياااااا "نحن قادموون" (هوما أنا نقعد هنا ههه) و يصنع هذا الشعار ديقة للبنات

الجزائريات
boohoo-crazy-rabbit-emoticon.gif
, شوف بلي بعض العقول معمرة بالفيد , تحكم غير ساتيليث تاع الزين و العين الزرقا

و الدرررررراهم , بعدوووووو الشاب الجزائري سيقلع الى روسيا "الشقروات في انتظاره "

بلعقل خنونتك تهربهم "مجواعين و ملهوفين " و يقولك "شكون حنا" ؟ يا ولدي ماكش عارف شكون

أنت و تحوس تصنع شخصيتك خارج بلادك ؟

ما زال عايش مع باباك و تاكل من ذرعه و تقولي تخدم "لافنير فبلاد الناس ؟

فهّم روحك واش تكون قبل ؟ الزين خلعهم و المخ و العلم اللي عندهم مخلعهمش ؟ صح اليوم تأكدت بلي

ناكلوا غير القشور و اللب داوه "اللي طايرين علينا , هاربين علينا و فايقين بزااااااف علينا "

واش رافدة الجزائر عقول و لا صحون ؟ (الا من رحم ربي )

ارعش يا مواطن , الشقرا تاع 60 سنة تستنى فيك (18 و لا 25 سنة احلم متديكش انت , طبعا تحب وليد

بلادها " ومننساوش السهرات و الزنقات و العرى , (قولي الاسلام تاعنا كيفاه ولا ؟ يحيروا فيكم لاكان

مسلمين صح الدين ومتعرفوا منو والو , وعازمين يدخلوا بنات الروس للاسلام نخاف هوما يخرجوكم من

الاسلام وتولوا تشطحوا فالملاهي وتصرفو دراهمكم على الشراب والنسا "وفالاخر تقولك الروسية باي باي")


بوون نروح لحاجة خلاف أهم بعيدا عن الشقروات (باش هكا متقولوش غيورة هههه)

حنا هنا يصب شوية ثلج واحد ميخرج من الدار ويرقدوا حتى تخرج الشمس
dreaming-onion-head-emoticon.gif
(بحال الحنش ههههه)

المشكل دوك وين ؟ البلاصة اللي رايحين ليها فشرق روسيا "سيبيريا" فالشتا توصل درجة الحرارة فيها

60 تحت الصفر
noooo-onion-head-emoticon.gif
تسما ما تقدر تخرج متقدر ترقد هخخههخ بؤبؤ العين يجمد ههه

وتان بلاصة نائية منعزلة (هبط المورال ههه ) تلقى والوووو حتى الناس شبه منعدمة تما ههههه


واش تديروا فيها ؟

أوكي تحلوا أزمة الروس وتصرفوا العملة تاعكم تما وهي تعمر

مفهمتش العقل وين راه وواش يخدم فالفيد ؟ وبلاد بحال الروس تخليك تدخلها بفففف لالالا جامي

عندها فايدة برك , واونبليس ماشي فتحت ابوابها كامل , تدور غير فبلاصة وحدة هههه "سيبيريا"

البرد , منعزلة وواحد ما يدخلها , والو مافيها , تسما كي شغل خرفان تعمر بيكم المنطقة هذيك وتصحى شوية

evil-smile-onion-head-emoticon.gif
وحلم تدور فبلايص خلالاف ممنوع
pointing-onion-head-emoticon.gif
غير تم برك هههه تجمدوا مع البردوات

قولي "ميديثي و ثلج يتقابلوا ؟
hehe-onion-head-emoticon.gif



والأخيرة كامل نقول : بلي الروس هي البلد الوحيد اللي مساندة "بشار الحجر" اللي يقتل فاخواتكم بسوريا

يعني نورمالمو "الجزايريين " يعرفوا االنيف وو فكيفاه يبوسوا علام الروس و يهبطوا علام بلادهم ؟

وكيفاه نساهم خير من نساءنا ؟ تقبل رخس و خماج أجنبية و متقبلش بنت بلادك خاطر تشرط بزااف ؟

واش اللي خير ؟

يا عجبا , نسمح فبلادي شابة وواسعة على جال بلاصة متشبه لوالو وخالية و الميزيرية فيها كتر

واش تديروا تما ؟

هنا كناري معرفتش تربيه و تدير مستقبل تاعك فبلاصة بحال هذيك ؟


نرجع لواش قالوا ناس بكري هههه @أم منيــــــر اقوالهم موزونة تليق لعباد هذوما قالوا " فمك قد الحبل


وذرعك قد الطبل" هههههههههههه يعني فيهم غير الهدرة والخدمة واالوا


وهذي من عندي جلفاوية
pretty-onion-head-emoticon.gif
هيهيهي

اللي شاطر شاطر ماشي حتى يروح ليطرونجي باش يولي باهر



victory-sign-leaf-emoticon.gif
سلاااااااااااااااااااااااااااااااااااااااااااااااااااام






 
سلام فاطيمة
ها اختي قوليلي عايرناهم ما فهمو معنينا عليهم ما فهمو قوليلي الشقراوات خلاصو عليهم الرجال هناك راهم يستنو غير فليجون نتاعنا اللي هنا خبزة ما يروحش يشريها ليماه وبدراهمها هذو ينطبق عليهم نتاع في دار اما نعاسة وفي دار الناس رقاصة اما سوجي نتاع الاسلام غير يخلوه ترونكيل الصلاة ما يصلوش الجامع قدام الدار ما يدخلوهش ويروحو يدخلو الروسيات للاسلام وهوما خارجين منو مرات نقول هذو وقت الغدا راهم يخرجو يرعاو حتى الخروف وعندو فالراس
يا اختي انا من عندي غير يرثخو وبلاك هوما سباب نحسنا حنا نشرطو عندنا كرامة معززات مكرمات في ديارنا ما نرخصو رواحنا لحتى راجل مهما كانت جنسيتو انا هوماخليهم يذلو رواحهم
ويا ربي يجيبوهم كونجلي مناك حجر حجر ههههه ليقلاسو ههههه
مساكن راحين كامل يجراو للروس هههه
مالك راه فالمطار هههه
اسمعي راهم يغيضو مساكن انا رجعو يغيضوني ما تهدريش عليهم خليهم يروحو يجو سمان ومكربعين كيما خرفان سيبيريا. ههههههههه
 
السلام عليكم

روسيا منحت تأشيرة لمقاطعة فلاديفوستوك المنعزلة التي تقع في أقصى الشرق يحدها من الشمال الدببة القطبية و تحتها

كوريا الشمالية يعني يريدون تعمير هذه المنطقة بالناس لكارهين حياتهم التعيسة ، لا يوجد شيء يفرح في هذا البلد الذي

فيه بطالة مرتفعة ودخل فردي منخفض زائد العنصرية حتى هم يعانون صعوبة الحياة فكثير من الروس يهاجرون إلى أوروبا كي

يحسنوا مستواهم المعيشي بالمختصر هذا كله حلم في حلم لا طائل منه

هم فقط يحبون بلدان الكفار هاهي أندونيسيا بدون تأشيرة اقتصادها متقدم حتى نساءهم يحبون التعدد للكثرة العنوسة

جيل فارغ لا يعرف حقيقة الواقع لأن عقله غسل بالأفلام و الخرطي يظن أن الغرب بلاد الأحلام

 
السلام عليكم ورحمة الله تعالى وبركاته
بارك الله فيكي اختي فاطيمة مميزة كالعادة
وكالعادة انا اخر من يعلم ههههههههههههه​

السلام عليكم

روسيا منحت تأشيرة لمقاطعة فلاديفوستوك المنعزلة التي تقع في أقصى الشرق يحدها من الشمال الدببة القطبية و تحتها

كوريا الشمالية يعني يريدون تعمير هذه المنطقة بالناس لكارهين حياتهم التعيسة ، لا يوجد شيء يفرح في هذا البلد الذي

فيه بطالة مرتفعة ودخل فردي منخفض زائد العنصرية حتى هم يعانون صعوبة الحياة فكثير من الروس يهاجرون إلى أوروبا كي

يحسنوا مستواهم المعيشي بالمختصر هذا كله حلم في حلم لا طائل منه

هم فقط يحبون بلدان الكفار هاهي أندونيسيا بدون تأشيرة اقتصادها متقدم حتى نساءهم يحبون التعدد للكثرة العنوسة

جيل فارغ لا يعرف حقيقة الواقع لأن عقله غسل بالأفلام و الخرطي يظن أن الغرب بلاد الأحلام


بارك الله فيك وجزاك كل خير وجعل كل حرف خطته يمناك في موازين حسناتك ان شاء الله يارب
الاخ الكريم كفى ووفى ماشاء الله

ارجو تقبل مروري تحياتي احترامي وتقديري
في امان الله وحفظه​
 
hadi la russie bark et encor l pole nord mich mm pas plassa mliha w darou had الضجة kamel
mala koun la norvege wala suede kifeh!!
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top