ما تمرمدش بنت الناس يا خويا

** غزال الصحراء **

:: عضو بارز ::
أحباب اللمة
إنضم
19 جويلية 2007
المشاركات
10,901
نقاط التفاعل
164
النقاط
319
العمر
32
محل الإقامة
العدم
الجنس
ذكر
images

السلام عليكم و رحمة الله تعالى و بركاته

راني نشوف بلي ليوم قلوب الرجالة ولات باردة و لا ماعلاباليش

ما وليناش نشوفو النيف و الشهامة و الصمود في المواقف و الكلمة و... و

و من حوايج اللي تخفاو مع الخرابيش هاذو هي تعامل الرجل من الجنس الاخر

نحكي على أول فئة :

1-زوالي متزوج مرة و مسكنها في قيطون : صحا في هاذي حبيت نحكي معاك خويا

أنت ماكش قادر تصون روحك , و بالاك عشى ليلة ما عندكش

تروح تزيد تجيب بنت الناس و تمرمدها معاك و ما تنساش بلي رايحين تجيبو ذراري

واش رايحين ياكلو ؟ حابهم ياكلوك أنت ؟

من جيهة لبنات ما لزمش يكونو مزيرين بزاف ماشي راح يسكنك في شاطو

و يكون يتشبه لديكابريو و عندو صوارد بيلغايتس ,, أرضو بلي جابهالكم ربي

و دايمن قدرو ضروف لي يتقدملكم .

2- قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟

بالاك طيح مع وحدة تحبك صح , و أنت كالعادة موالف بالعب و الطرافيك

عندك لبنات كي الدخان , تتكيفهم و كي تفض منهم الفايدة تطفيهم برجليك

أيا كي ديرها بهاذي البنت ما علابالكش دعاويها شحال واعرة

و قادرة ما تتسقملكش حياتك كاملة

3- ختك ختك يا موسطاش : شايف اليوم الطفل الأكبر الله الله ولا شيغيفارا في الدار

ختو كلمة زوج يعطيها بكف , غابنها غبنة شينة ... و لا يا كي يلقاها مع واحد اااه خلات

نقولك نصيحتي ليك ختك يليق تصاحبها + تعسها و تصونها خطراش شرفها هو شعفك

مي ماشي تدمرها ,,, هي كي تلقاك - هتلر - في الدار و مالقاش اللي يعوض عليها

بيان سور رايحة تخرج تفركت على الشهامة في بلاصة واحد أخرى

و قداه من مرة طيح في ذئاب بشرية

خلاص هدرت بزاف و مانيش حاب نكمل الفئات لخرين خطراش معروفين و ما يفضوش

و حبيت نقول ما تخليوهمش يقولو علينا -- وراء كل إمرأة محطمة رجل --

نتمنى الميساج لحقلكم

فيلامان .
 
آخر تعديل:
وعليكم السلام
قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟ بصح هي لي وصلت روحها تستاهل وهادا لي كيما هك

انشالله يطيحو ربي في عرة لبنات باش يخلص حق لي لعب بيهم
شكرا على الموضوع ربي يهدي شبابنا
 
وي خويا غزال راني معاك في كل كلمة قلتها بصح في حاجة برك تحيرت
وهي هذاك الفقير ولا ازوالي اللي ماعندوش.. مش غلطة اذا تزوج بارسكو في بالي الرزق من عند ربي
واصلا هي اكيد تكون عارفة حالتو قبل ماتديه صح ولا لا
واش رايك
 
وعليكم السلام
قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟ بصح هي لي وصلت روحها تستاهل وهادا لي كيما هك

انشالله يطيحو ربي في عرة لبنات باش يخلص حق لي لعب بيهم
شكرا على الموضوع ربي يهدي شبابنا

شوفي عائشة كنت عارف بلي رايح يكون فيها رد يقول بلي لبنات يوصلو رواحهم

و كنت متسنيه
مي ماشي كأول رد راكي بكرتي ..

المهم أنا نقولهالك و مع كل إحتراماتي نتوما لبنات ساهلين


و ماكانش طفلة ما طيحش لواحد

أيا هنا تبقى العفسة في ضمير الرجل إذا كان رجل بمعنى الكلمة


مش رايح يغبن بنت الناس .
 
شوفي عائشة كنت عارف بلي رايح يكون فيها رد يقول بلي لبنات يوصلو رواحهم

و كنت متسنيه مي ماشي كأول رد راكي بكرتي ..

المهم أنا نقولهالك و مع كل إحتراماتي نتوما لبنات ساهلين

و ماكانش طفلة ما طيحش لواحد

أيا هنا تبقى العفسة في ضمير الرجل إذا كان رجل بمعنى الكلمة

مش رايح يغبن بنت الناس .
انا نقول بلي 90 بالمئة الغلطة نتاع اطفلة اللي تثيق في الراجل
واذا طاحت في واحد عندو ضمير اي عندها الزهر
بصح اولا واخر غلطتها
 
الذيب اذا تعرضت عليه
نعجة تايهة
وهي ليوصلت روحها
راح ياكلها
بصح كون عرفت هذيك النعجة
كيفاه تمشي كون راها مرفوعة الراس
راني حبيت نوضح بالمثال برك
وبربي ان شاء الله
راهي وصلت الفكرة
تحياتي
 


السلام عليكم و رحمة الله تعالى و بركاته

راني نشوف بلي ليوم قلوب الرجالة ولات باردة و لا ماعلاباليش

ما وليناش نشوفو النيف و الشهامة و الصمود في المواقف و الكلمة و... و

و من حوايج اللي تخفاو مع الخرابيش هاذو هي تعامل الرجل من الجنس الاخر

نحكي على أول فئة :

1-زوالي متزوج مرة و مسكنها في قيطون : صحا في هاذي حبيت نحكي معاك خويا

أنت ماكش قادر تصون روحك , و بالاك عشى ليلة ما عندكش

تروح تزيد تجيب بنت الناس و تمرمدها معاك و ما تنساش بلي رايحين تجيبو ذراري

واش رايحين ياكلو ؟ حابهم ياكلوك أنت ؟

من جيهة لبنات ما لزمش يكونو مزيرين بزاف ماشي راح يسكنك في شاطو

و يكون يتشبه لديكابريو و عندو صوارد بيلغايتس ,, أرضو بلي جابهالكم ربي

و دايمن قدرو ضروف لي يتقدملكم .

2- قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟

بالاك طيح مع وحدة تحبك صح , و أنت كالعادة موالف بالعب و الطرافيك

عندك لبنات كي الدخان , تتكيفهم و كي تفض منهم الفايدة تطفيهم برجليك

أيا كي ديرها بهاذي البنت ما علابالكش دعاويها شحال واعرة

و قادرة ما تتسقملكش حياتك كاملة

3- ختك ختك يا موسطاش : شايف اليوم الطفل الأكبر الله الله ولا شيغيفارا في الدار

ختو كلمة زوج يعطيها بكف , غابنها غبنة شينة ... و لا يا كي يلقاها مع واحد اااه خلات

نقولك نصيحتي ليك ختك يليق تصاحبها + تعسها و تصونها خطراش شرفها هو شعفك

مي ماشي تدمرها ,,, هي كي تلقاك - هتلر - في الدار و مالقاش اللي يعوض عليها

بيان سور رايحة تخرج تفركت على الشهامة في بلاصة واحد أخرى

و قداه من مرة طيح في ذئاب بشرية

خلاص هدرت بزاف و مانيش حاب نكمل الفئات لخرين خطراش معروفين و ما يفضوش

و حبيت نقول ما تخليوهمش يقولو علينا -- وراء كل إمرأة محطمة رجل --

نتمنى الميساج لحقلكم

فيلامان .
كلام جميل ومحبوك تقول خارج من عند شيخ الشيوخ، ربي يكبرك بعقلك، ويحفظك ورانا gاع فخورين بيك واصل على نفس المسار الفكري والخلقي وماتخيبش الثيقة اللي رانا دايرينها فيك، الى الامام يا غزال، وفي أوت الجاي نقترح أعليك اتغير غسمك إلى " الأروي" لأنو أعز وأكبر وأقوى من الغزال "
شكرا.:fish:
 
وي خويا غزال راني معاك في كل كلمة قلتها بصح في حاجة برك تحيرت
وهي هذاك الفقير ولا ازوالي اللي ماعندوش.. مش غلطة اذا تزوج بارسكو في بالي الرزق من عند ربي
واصلا هي اكيد تكون عارفة حالتو قبل ماتديه صح ولا لا
واش رايك

ايه أنيسة راني داير الهدرة هاذي في الحسبان , على هاكا قلت في الموضوع

-- ماهوش لاقي عشى ليلة -- و قلت ثاني لبنات لازم يساعفو حال الزوالي

مي الراجل لازم يدير حساباتو و ما يطيش روحو غير هاكاك

الزوالي ماشي معناه مش قادر على الزواج على الأقل يسلكها

هاذا راني معاه و يتزوج نورمال .. مي أنا نعرف واحد بدون ذكر الأسماء

تزوج وحدة و سكنو في دار رايحة فيها و شادة غير هاكاك

و رابت عليهم و مات هو وياها .. و على كلمتك -- هي تكون عارفة بضروفو --

نقولك بلي كاين بنات يحبو كثر من الازم كيما نقولو الحب الأعمى غير يجيها تقبل بيه

لا بغى عندو تقشيرة , مي هو ماهوش فاهم و لا هي فاهمة !!

كلش يبان بعد مدة من الزواج

و يعرفو بلي الغلطة اللي داروها هي ليلة اللي قررو يدونو زوجين

الإنسان يوجد روحو مليح و ينوي لحلال ضربة وحدة هاذا هو رأي .
 

السلام عليكم
اهلا هشوم
موضوع مميز وفي المستوى
وهذا لراه صاري هذا الوقت
االاولاد نساو خواتهم ويعلبو ببنات الناس وكي يلقة ختو تعمل هكذا يجيفها اوا وانت واش راك دير
او حلال عليك وحرام عليها
والحديث كبير

ربي يعافينا ويصلح الجميع

شكرا خويا هشام
ربي يجازيك ويعافيك
 
بارك الله فيك أخي هشام على الموضوع الهادف
يقال أن المرأة أمانة الله تعالى في الأرض....
والرسول عليه صلاة وسلام قال ( اتقوا الله في الضعيفين ) ويقصد بهما المرأة واليتيم
 
ايه أنيسة راني داير الهدرة هاذي في الحسبان , على هاكا قلت في الموضوع

-- ماهوش لاقي عشى ليلة -- و قلت ثاني لبنات لازم يساعفو حال الزوالي

مي الراجل لازم يدير حساباتو و ما يطيش روحو غير هاكاك

الزوالي ماشي معناه مش قادر على الزواج على الأقل يسلكها

هاذا راني معاه و يتزوج نورمال .. مي أنا نعرف واحد بدون ذكر الأسماء

تزوج وحدة و سكنو في دار رايحة فيها و شادة غير هاكاك

و رابت عليهم و مات هو وياها .. و على كلمتك -- هي تكون عارفة بضروفو --

نقولك بلي كاين بنات يحبو كثر من الازم كيما نقولو الحب الأعمى غير يجيها تقبل بيه

لا بغى عندو تقشيرة , مي هو ماهوش فاهم و لا هي فاهمة !!

كلش يبان بعد مدة من الزواج

و يعرفو بلي الغلطة اللي داروها هي ليلة اللي قررو يدونو زوجين

الإنسان يوجد روحو مليح و ينوي لحلال ضربة وحدة هاذا هو رأي .
هكا صح اقنعتني :heh:
ميرسي على الموضوع الرائع
 
انا نقول بلي 90 بالمئة الغلطة نتاع اطفلة اللي تثيق في الراجل
واذا طاحت في واحد عندو ضمير اي عندها الزهر
بصح اولا واخر غلطتها

لا لا , الغلطة ماشي في الثقة تاعها فيه مي في غدرو لثقتها

الثقة من مكارم الأخلاق في نضري , كي نولي نثيق في واحد يعني مصفي قلبي من جيهتو

و ماشي معاه بالنية و هاذا يعطيني موقف إجابي , مي اللي خان الثقة هو اللي غلط

ماشي اللي ثاق .

 
آخر تعديل:
الذيب اذا تعرضت عليه
نعجة تايهة
وهي ليوصلت روحها
راح ياكلها
بصح كون عرفت هذيك النعجة
كيفاه تمشي كون راها مرفوعة الراس
راني حبيت نوضح بالمثال برك
وبربي ان شاء الله
راهي وصلت الفكرة
تحياتي

وصلت الفكرة مليح , مي خلي نقولو الذيب ما يليقلوش نعجة مسكينة

مي يليقلو ذيبة ياكلها و تاكلو .
 

السلام عليكم
اهلا هشوم
موضوع مميز وفي المستوى
وهذا لراه صاري هذا الوقت
االاولاد نساو خواتهم ويعلبو ببنات الناس وكي يلقة ختو تعمل هكذا يجيفها اوا وانت واش راك دير
او حلال عليك وحرام عليها
والحديث كبير

ربي يعافينا ويصلح الجميع

شكرا خويا هشام
ربي يجازيك ويعافيك

صحيت فوفو حبيبي , هاذي هي و الله

راني شايف واحد لعباد في بالي , نكتب في الموضوع وصورتهم تبان

ربي يلطف و خلاص الزمان ولى غدار و البنت لازم تكون حيلية و لا راحت .
 
هكا صح اقنعتني :heh:
ميرسي على الموضوع الرائع

أيا بيان , مشكورة على تفاعلك في الموضوع و نقائك البناء

سلام .
 
بارك الله فيك أخي هشام على الموضوع الهادف
يقال أن المرأة أمانة الله تعالى في الأرض....
والرسول عليه صلاة وسلام قال ( اتقوا الله في الضعيفين ) ويقصد بهما المرأة واليتيم

صلى الله عليه و سلم , و ما وراء لسانه إلا حكمة للذين يعلمون

شكرا يا نوال على التدخل البناء .
 
وصلت الفكرة مليح , مي خلي نقولو الذيب ما يليقلوش نعجة مسكينة

مي يليقلو ذيبة ياكلها و تاكلو .
لاه كشمة شفت ذيب ياكل ذيبة
وزيد النعجة وش داها لهذاك الذيب
علبالي بلي هو ثاني راه يحوس
مي كي يلقى نعجة فحلة والله ما طيرلوا
بصح ضك يا اخي
الواقع مر وكلش يحصلوه في الذيب
وهوبرئ برائته من دم يوسف
انا كيراني نهدر هكذا
منيش ندافع عليه
بالعكس اخي
كاين وكاين
ربي يسترنا برك
وهذه القضية
راها انتشرت بزاف في وسط مجتمعنا
ندعيو برك باه ربي يبصرنا بعيوبنا
ومشكور اخى على الطرح الرائع
اضن انك وضعت يدك على جرح عميق
بوركت
تحياتي
 
آخر تعديل:
كلام جميل ومحبوك تقول خارج من عند شيخ الشيوخ، ربي يكبرك بعقلك، ويحفظك ورانا gاع فخورين بيك واصل على نفس المسار الفكري والخلقي وماتخيبش الثيقة اللي رانا دايرينها فيك، الى الامام يا غزال، وفي أوت الجاي نقترح أعليك اتغير غسمك إلى " الأروي" لأنو أعز وأكبر وأقوى من الغزال "
شكرا.:fish:

الله يجازيك يا محمد شهادتك تاج على رأسي و كلامك فخر لي

بخصوص تغيير الإسم لا معليش رانا أروى من ضرك مي متواضع دايرها غزال ههه

(( بدى يتشيكر )) .
 
موضوع مليح يا ترى الرجال يفكروا كيما انت ولالا؟
لي عودة....تصبح على خير.
 
الطفلة اللى تكون ماشية صح و تعرف روحها واش تسوى
و اللى شايدة روحها يا لوكان يجى توم كروز ما طيحش قدامه
دونك المشكل راهو فى لبنات
اللى ما توصلش روحها واحد ما يدنالها
و لى ساهلة فى اليدين و زوج كلمات تتبلعط و الريح اللى يجى يديها هاديك راح تندم على حياتها كومبلى
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top