ماراكش من مستوانا باه نعطولك الطفلة

HWK4ALGERIA

:: عضو بارز ::
أحباب اللمة
إنضم
30 مارس 2010
المشاركات
1,473
نقاط التفاعل
2
النقاط
37
العمر
14
السلام وعليكم واش راكم لاباس؟ الحمد لله.
انا اليوم راح نحكيلكم وحد الحكاية حقيقية، على كل حال الموضوع راني كتبت فيه من قبل،،،، وتوتسويت درك تعرفوه.:fish:
منطولش اعليكم، حكاية صرات هنا في الجزائر (مكلاه نذكرو الولاية) المهم كان وحد لمرفه (ميلياردير، ماش اللعب) عايش مع المشاريع والعمارات والكماين، المهم ربي عاطيه من خيرو وكان مازال شاب صغير ومش متزوج، أيا وجا نهارو اللي يحب فيه :heh:،،، شاف وحد الطلابة تطلب هي وامها وباباها المهم عايلة هايلة، عجباتو وعاد كل يوم يوت من قدامهم ويتصدق اعليهم زعمة على جال باش يشوفها، حبها طلبها من باباها ثمة في السوق، وقالو اطلبو واش اتحبو وديرلكم دار وحوانت وشي مايخصكم المهم تقبلو اتزوجوهالي،،،، طبعا كنز وطاح من السما، واش كان الرد في رايكم؟؟؟؟ رفضو وبشدة، اتصدم المخلوق :scared: وما فهم فيها والو، بقا ملح باه يعرف السبب، قالولو انت مش من مقامنا:tears: قالهم نرفعكم المقامي، قالولو لا لا عمرك ماراح تنسى بللي رانا كنا طلابين وتبقى اتعايرنا، قاللهم واشي هو المطلو مني؟ قالولو نحي الكوستيم تاعك ونعطولك لبسة مقطعة وريح تطلب معانا على الأقل عام والا عامين، ماه انولو كيف كيف وواحد ما يعاير واحد، طبعا قبل بدون تردد (الحب ال‘عمى)، وكومونسا معاهم في الميتي وخلا الجمل بما حمل، وولاو اماليه وصحابو كي يلقاوه يسقسوه ويبقاو مستغربين فيه اهبل المهم مادار اهمية لحتى واحد اية كملت المدة اللي تفاهمو اعليها وخلاص ولى واحد من العائلة تاع الطلابين، وكلا ملحهم، وصايي قبلو بيه، واتزوج وما هي الا يومين او ثلاث، بوبعد ما فرحو اهلو واصحابو على استعادة المرفه الى سابق عهدو وللكوستيم تاعو ، رجع ولبس لمشرمg وخرج الصباح بكري وراح يطلب كيما والف اتشوكاو فيه الناس وحتى امالين الطفلة اللي لبسة النظيف وبطلو الصنعة تاع الطلبة وكي جاو يقولولو خلاص ياخي الطفلة وعطيناهالك قاللهم الحكاية ولات حكاية ولف وخدمة امليحة وفيها امصيريفة الخير والبركة ومافيهاش لا ضرائب ولا كنترول ولا كونتابل ولا يديك ولا يجيبك، وبالفعل بقى يطلب حتى مات، وهاذ الحكاية واقعية، وماهيش الوحيدة في مجتمع ايحير وكل شي فيه ممكن وانا شخصيا نعرف بزاف عينات من ناس امرفهين وعايشين بالطلبة.
هاذي هي الحكاية وربي يعاونكم وتبقاو على خير.:wink:
 
اسف على التأخر في المراقبة , تم إعتماد الموضوع .
 
مجتمع يحير توقع كل شيئ الله يعطينا شهادة العقل بارك الله فيك يا خويا واش دير
 
صح عندوا الحق ونا راك خدمتهالي ذك انقلبها طلبى بلاك اتخرج اعليا شكرا اخي على الفكرة الرائعة
 
والله عادي هاته الظواهر اليوم في مجتمعنا
ماعادت تقلقني هذه الحوايج
ربي يجيب الخير
شكرا على الموضوع

 
فعلا مجتمع يحير
وما خفي أعظم
 
مجتمع يحير توقع كل شيئ الله يعطينا شهادة العقل بارك الله فيك يا خويا واش دير
وفيك بارك الله.
 
صح عندوا الحق ونا راك خدمتهالي ذك انقلبها طلبى بلاك اتخرج اعليا شكرا اخي على الفكرة الرائعة
إذا بانولك هاذوك الدراهم حلال. :closedeyes:
 
والله عادي هاته الظواهر اليوم في مجتمعنا

ماعادت تقلقني هذه الحوايج
ربي يجيب الخير
شكرا على الموضوع
شكرا على مرورك الطيب.
 
ربي يجيب الخير
للي والف حاجة عمرو مينحيها//
 
مجتمعنا يحير الله يجيب الخير مع شوية تاع عقل
 
و الله غير تشوف العجب حتى الواحد يولي يقول انحي النية و خلااااااااااااااااااااااااااااااااص
الله يهدي ما خلق واحد اللقمة مصابهاش و وحداخر يعمر في شكارتو
 
شككككككككككككككككككككككككككككككككككككككككككككككراااااااااااااااااا​
 
لهاذ الدرجة ...والله حسيتها حكاية خيالية ..غريب جداااا
بصح كي قلت شفت نماذج و قلت بلي الحكاية صح نقولك نو كومنت ربي يهدي برك
 
و الله غير تشوف العجب حتى الواحد يولي يقول انحي النية و خلااااااااااااااااااااااااااااااااص
الله يهدي ما خلق واحد اللقمة مصابهاش و وحداخر يعمر في شكارتو
الطمع يولد الضبعة كيما يقولو ما ربح ماخلا غيرو يربح
شكرا
 
شككككككككككككككككككككككككككككككككككككككككككككككراااااااااااااااااا​
العفوووووووووووووو:surrender:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top