واشمن وقت رانا فيه

rouka

:: عضو منتسِب ::
إنضم
8 أفريل 2010
المشاركات
22
نقاط التفاعل
0
النقاط
2
السلام عليكم
و الله أثر في واحدل الموقف جلدي تشوك منوا تعرفوا صراتليواحدل الحكاية و على الصدفة إلي لقيتها المهم ما نطولش بالكلام
خرجت اليوم وركبت في البيص و كانت أول مرة وقيلا نركب فيها البيص و يا العجب الرجال كامل قاعدين و النسا واقفين المهم هذا الشي نقولو عليه لاباس المهم كل واحد يلحق للبلاسة إلي راه رايحلها و حنا راكبين ركبت معانا واحدل العجوزة كبيرة بزاف في السن و رافدة معاها بزاف حوايج و كانت حالتها تصعاب على ليهودي و ما كانش إلي فيه النخوة و بيهم قاع الوجه الصحيح كل واحد قعد إشوف في خوه وواحد ما فيه الخير صاحا هاذي عقبت وسكتنا ومن بعد جينا في دورة و المسكينة طاحت ما قدرتش تشد روحها و طاحو حوايجها في هاذيك البيص ولات المرا تعيط حوايجي حوايجي و ما كانش إلي تحرك ولا ناض و خلالها بلاصو
يخي نسا الجزاير نسا وعليهم الكلمة ناضت مرا وحبست الشوفور و هبطتها و حبستلهاطاكسي وأداتها و كي راحت المرا و خلاص خلاص قال واحد منهاذوك معناها الرجال كون ما داتهاش هاذيك المرا كون أنا ديتها
المهم عرفت بلي هاذي الظاهرة ماشية عند كامل المناطق نتاع الجزاير و وشنهي السبة ماعلاباليش
أنا كيم رحت في هاذي الصيف لسوريا واحدل القدر واحدل الإحترام و قلت و تبهيت بلي حنا في الجزاير عندنا أكثر من هاك أتريها الحية00000
واش رايكم في هذ الجيل و هذا المجتمع إلي راه رايح و يهبط لتحت
 
كاين ناس من ناس على حساب لمدينة لي راكي فيها
 
رانا في زمان لغاشي الراشي
وانا عدت نشوف فيها حاجه نورمال
وبلمفروض قبل ماتركب يشوفلها ريسوفور
بلاصه!! ويخي عادو مايخلوش ني واحد واقف فـ قانون لمرور جديد هاد؟
المهم
ربي يهدينا وخلااص
 
لا حول ولا قوة الا بالله مى اهنا عندنا يقدرو المرة تى و لو كان بنت كى تطلع الرجال يخلو بلايصهم هاذ الظاهرة كنت نشوفها سعات برك كى كنت نقرى فى الجامعة مى هنا الحمد لله مزال رحمة ربي كاينة
 
نعيب الزمان والعيب فينا ..وماللزمان منعيب سوان
...ما تتحيريش ولكن ماتحسبيش الرجال كل هكذاك ...شكراا
 
ينقصنا فن التعامل يا أختي وهو ما قد وجدتيه في الشعوب الأخرى
 
هاذي الظاهرة ماكانش عندنا فالغرب وجامي شفتها أصلا
وجامي تلقى راجل قاعد ورا واقفة حتى ولو كانت صغيرة
وفالصح نورمالمو ماكانش الواقف يلزم كلهم قاعدين
وهذي المشكل اللي راك عليه مش شرط الشعب يحلو بل وزارة النقل تفرضو
بارك الله فيك خويا على موضوعك لأنو يستهل التوقف عنده
بالتوفيق ليك
 
شكرا ليكم خاوتي على الرد مي و الله العظيم حنا شتا في الشرق ولا في الغرب ولا في الصحرا كاين بزاف هاذي الظاهرة خصوصا عندنا حنا في الجزائر أو بالأحرى في الوسط العربي و ما نقولش كامل الناس هاك بالعكس في أي بلاصا في هاذي الدنيا دايما إكون كاين الزين و الشين لكن الخسارة أنوا الناس الشينة دايما تغطي على المليحة
المهم شكرا ليكم على الإهتمام و المرور
 
السلام عليكم
على حسب حكايتك البيس للرجال فقط؟؟؟؟؟؟؟؟؟
يعني كل الرجال جالسين والنسا واقفين
صح راني معاك لازم الراجل يحترمو الكبيرة ويخلوها تجلس
بصح
ماراهوش معيار
وأعلاه غير الراجل ممكن وعادي المرأة تقوم
وضف الحوايج اللي قلتي عليهم وأين المشكل لماذا لم تساعديها انت
وصحيتو راه
عندكم الرجلة ووقفت ليها تاكسي
يا اختي لازم نولوا للواقع
صح كاين اللي ماعندوش ضمير امرأة كبيرة في السن يقوم تجلس عليها
وزيد والله تحشم في البيس خاصة من الجانب النسوي
والفاهم يفهم

 
أقفز تعيش ...
 
رانا في زمان ايحير ختي
الرجولة راحت ..و النخوة راحت ..و الاحترام راح

ما ابقى والوووووووووو
لازم انعاودو نفلاشيو الجيل هذا
ربي يهدينا وخلااص
 
كاين وكاين ...يعني أنا جامي شفتها الحمدولله ...ديما الشباب يحتارمو الكبار والنسا .....
ربي يهديهم
 
الله اكبر واشي هذا ويني الرجلة والله راحت خلاص
 
السلام عليكم
لا حنا جامي صارت عندنا هذا الموقف واصلا عندنا كتدخل مرة ينض الرجل ويخلها تقعد
بصح على حساب عندكم راهي كارثة ميخلش عجوز تقعد لا حول ولا قوة الا بالله
شكرا على الموضوع خيتو مرسي
 
mazal danya bkhiiiiiiiiiiiiiiiiiiir
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top