ظاهرة البرابول والشباب الجزائري المراهق

hicham500

:: عضو مُتميز ::
إنضم
16 أوت 2008
المشاركات
901
نقاط التفاعل
33
النقاط
37
محل الإقامة
M'sila
السلام عليكم

اهلا بكل الاعضاء والعضوات والاعضاء لي دايرين رواحهم عضوات :sneaky2:


حبيت اليوم نهدروا شوية في موضوع تاع البارابول والشباب الجزائري

وبصفة خاصة الشباب المراهق ، انعم ايه الديجيتال (الدجال)هذا راه فسد

الشباب وبسبتوا انتشرت بزاف ظواهر صح كانت كاينة بصح ماشي بهذا

الحجم لي رانا نشوفوه في وقتنا هذا يا خاوتي كنت البارح نمشي في الحي

عديت على بنات صغار في عمر الزهور كيما يقولوا يا ربي 9 سنين ولا قل

يقولوا بحبك ومنيش عارف الهدرة تاع المسلسلات ووحدة تقولها انا هذيك

ولخرى انا هذيك :yahoo:صح في هذيك اللحظة ضحكت ومشيت بصح

بديت نتفكر كنت صغير وحتى البنات الي في عمري في هذاك الوقت ولا الذكور

ماكانوش هكذاك تبدلوا خلاص اولاد هذا الجيل شغل ولاو كثر من عمارهم في العقلية

ولا منيش عارف وزيد الي تدوخك ترجعوا الصرف لوكان تهدر مع طفل ولا طفلة

صغيرة خلات عليك يغسلك نورمال انا نشفا كنت صغير كي يهدروا

معانا لي كبار علينا نحشموا ومنرجعوش الهدرة خلاص ضرك يعافروك نورمال:glare:

هذي فئة الاطفال ضرك نشوفوا فشة المراهقين والشباب

طبعا انا نحكي على روحي وعلى تجربتي في الوقت لي بدات فيه مرحلة المراهقة تاعي

يعني في عمر 13.5 كان البارابول والتيليفزيون عزيز قليل لي دايرو

ومكنتش نتفرج المسلسلات والبرامج تاع ضرك لي يديروهم في mbc 4

ولا mbc max ...

وحتى في المتوسطة ولا الثانوية مكانتش هذي الظاهرة تاع الصداقات بين الجنسين

كاينة بالحجم الي راه اليوم نشوفوا فيه ساعات انا نحبس من مخي

كي نشوف الشباب تاع المتوسطات في عمر الزهور وجايين للدنيا

تلقاهم عايشين في الاوهام تاع العشق والغرام وناسيين قرايتهم

قدامنا متوسطة مكانش يوم منلقاش بنات وشباب مفحتين من القراية

ودايرين جولات استطلاعية :music_whistling:

عندي ايامات حكمت شاب من هذي الفئة قدام الدار :sneaky2:

درت معاه اللونكات قعدت نسقسي فيه علاه راك دير في هذا الشيئ

قالي نحبها ؟ قتلوا ومباعد رايح تتزوجها ؟ قالي ايه

قتلوا بصح راكم مازلتوا صغار ؟ قالي كي نكبروا ؟

قتلوا باش تتزوجوا قتلوا لازمكم تقراو ومباعد كي تكبروا وتتخرجوا

ساهل الحال ؟سكت

وانا ضربت النح ومباعد قتلوا علاه راك مزرطي من القراية

قالي جيت متاخر مخلاونيش ندخل ؟

قتلوا وهي تاني جات متاخرة ولا مع بعضاكم ؟


قالي جينا متاخرين مع بعض . :music_whistling:

قتلوا نسقسيك سؤال برك وجاوب بصراحة قالي واش هوا

قتلوا قولي برك كي تعودوا تمشيو واش راكم تحكيو ، يعني واش الحكايات هذي لي

تحرقوا القراية على جالها؟

هنا الطفل مسكين حشم ووبدا يضحك محبتش نكثر عليه وطلقتوا روح

غاضني مسكين :closedeyes:

يعني هنا تشوف بلي الجيل هذا راه مأثر عليه بزاف النيميريك

عندي خويا في الدار منين ندخل نلقاه يتفرج في mbc4

والماكس غير فتاع الافلام تاع المراهقة :busted_red:


شباب في هذا العمر راهم في وقت حساس الي يبنيو فيه شخصيتهم

وزيدلهم هذي المؤثرات ميبقا فيهم والو

الي عندو اضافة او انتقاد او رأي في الموضوع تاع

اثر النيميريك على الشاب المراهق يتفضل مشكور

وشكرا لكم







 
شباب اليوم خربتلهم من كل الجهات البرابول و النت و البورتابل ربي يستر الا من رحم ربك كلهم حيديهم الواد
 
هادي الساعة راها الامسلسلات التركية هي الي مجنتهم
عندي اختي صغيرة دي فوا تقلي كلمات انا مازلت ما نعرفهمش
ربي يهديهم البرابول جننهم
مشكور اخي موضوعك هايل و مثير
 
شباب اليوم خربتلهم من كل الجهات البرابول و النت و البورتابل ربي يستر الا من رحم ربك كلهم حيديهم الواد
 
السلام عليكم خويا هشام
دكرتني بالبرابول تاع زمان
انا نشفى اول يوم كي قالو راهم رايحيم يجيبو البرابول
أنا قلت هادو يوكلونا والحاجة اللي نطلبوها يمدوهالنا
ايا ماتعرف والو
وكان الواحد كي يحب يتفرج يقولك خوك الكبير ماتتفرجش
وادا حبيت تتفرج يكوديلك القناة ويشفرهالك
يخليلك غير تاع الرسوم المتحركة
ولا الدين
اليوم مع التطور المكلوب
واللي فهمنا الغرب بالمقلوب
ولات البنت تبات وحدها وعندها التيلي والبرابول وزيد القنوات الاباحية
وكي باغي يجي خويا هشام هدا الجيل
والله فاسد الا من رحم ربي
ربي يهدينا ويهدي الجميع
شكرا لك على الموضوع القيم

 
إهيه
المسلسلات تاع الترك راهم دايرين الرالي في كلا الجنسين " ذكور و إناث "
المهم الحمد لله لربي مبعدني عليهم
و مشكورة على الموضوع
" شاهية مرة وحداخرة قولي بلي الموضوع طول باه نلبس سيرفات ههههههههه ياجريت معاه ماشي قريتو ههههههههههه "
مشكووووووووووورة على الموضوع
وتقبلي مروري
 
احنا كي كنا صغار يجي خوك ولاّ اختك اكثر منك
يقولك نوضلي نتفرج متقدرش تقولو منوضش
اما درك قريب يضربك والمشكل مينوضش
في خاطر كاش مسلسل

روح اضرب طلة ع المدرسة الابتدائية
رجع فيها العجب اكثر من الليسي
والسبب واش يتعرض في التيلي


عندي خويا في الدار منين ندخل نلقاه يتفرج في mbc4

والماكس غير فتاع الافلام تاع المراهقة

نفس الشيء في دارنا مع ولد عمي الصغير
مي احنا في دارنا نشفرو القنوات ويرجع يحلهم
معاه متسلكش

ربي يهدينا برك

merci خويا هشام موضوع fort




 
هههههههه والله موضوع فور

مي وش تحب عايشين فيلمات هندو والاتراك
 
تمت الموافقة على الموضوع .

شكرا لك خويا هشام على اعتماد الموضوع
icon6.gif
شباب اليوم خربتلهم من كل الجهات البرابول و النت و البورتابل ربي يستر الا من رحم ربك كلهم حيديهم الواد

عندك الحق هذي هي ضريبة العولمة والتطور التكنولوجي
اكيد بلي فيها ايجابيات وفيها سلبيات بصح لازم الشباب هذا
يعرف كيفاه يدي الايجابيات اكثر ويدير الموحال باش ينقص ولا يبعد
نهائيا على السلبيات وربي يسترنا اجمعين طبيعة الانسان هي التقلب
والتغير ربي يثبت عبادوا ان شاء الله
هادي الساعة راها الامسلسلات التركية هي الي مجنتهم
عندي اختي صغيرة دي فوا تقلي كلمات انا مازلت ما نعرفهمش
ربي يهديهم البرابول جننهم
مشكور اخي موضوعك هايل و مثير

ماشي غير مسلسلات تركية برك راه كل يوم افلام وبرامج جديدة
وقنوات تاع شطيح ورديح وغناء ....الخ
هذا الجيل الي كبر مع هذي التكنولوجيا مسمينو جيل النيميريك
انا نشفا نهار شرينا الديمو انالوجيك اول مرة كنت يا ربي 12 سنة
وكان في هذاك الوقت قليل لي دايرينو كنت نخاف باش نهز التيليكومند
ضرك الجيل تاع ضرك تلقاه الديمو حافظلو العفايس تاعو كامل
شكرا على مرورك اختي الكريمة

 
السلام عليكم خويا هشام

دكرتني بالبرابول تاع زمان
انا نشفى اول يوم كي قالو راهم رايحيم يجيبو البرابول
أنا قلت هادو يوكلونا والحاجة اللي نطلبوها يمدوهالنا
ايا ماتعرف والو
وكان الواحد كي يحب يتفرج يقولك خوك الكبير ماتتفرجش
وادا حبيت تتفرج يكوديلك القناة ويشفرهالك
يخليلك غير تاع الرسوم المتحركة
ولا الدين
اليوم مع التطور المكلوب
واللي فهمنا الغرب بالمقلوب
ولات البنت تبات وحدها وعندها التيلي والبرابول وزيد القنوات الاباحية
وكي باغي يجي خويا هشام هدا الجيل
والله فاسد الا من رحم ربي
ربي يهدينا ويهدي الجميع
شكرا لك على الموضوع القيم
وعليكم السلام اهلا خويا محمد
راك تشوف خويا محمد والله غير تحير
تبدلت العقليات وعندك نقطة مهمة راك اشرت ليها وهي
الرقابة العائلية عادت مكانش خلاص
نشفا انا كنت صغير كان التيليفيزيون ممنوع فوق التسعة تاع الليل
غير القراية يعطيهم الصحة الوالدين في هدي النقطة
بصح ضرك كيما قلت ولات الدنيا سايبة وكل واحد يدير رايو
شكرا خويا محمد على المرور الكريم تحياتي لك
إهيه
المسلسلات تاع الترك راهم دايرين الرالي في كلا الجنسين " ذكور و إناث "
المهم الحمد لله لربي مبعدني عليهم
و مشكور على الموضوع
" شاهية مرة وحداخرة قولي بلي الموضوع طول باه نلبس سيرفات ههههههههه ياجريت معاه ماشي قريتو ههههههههههه "
مشكووووووووووور على الموضوع
وتقبل مروري

ههههههه راكم غير مركزين على المسلسلات تاع الترك
منيش عارف علاه المشكل راه النيل سات معمر بانواع من ارذل القنوات
والحمدلله انا راني مسوبريمي نصهم بصح مفهمتش علاش راك ملح بلي راني طفلة ههههه:music_whistling:
راني صححت في الاقتباس sans smir
راني علابالي كي جريت مع الموضوع مركزتش مع الاسم ههههههه
تحياتي ليك خويا الشلفي وشكرا على المرور
 
احنا كي كنا صغار يجي خوك ولاّ اختك اكثر منك

يقولك نوضلي نتفرج متقدرش تقولو منوضش
اما درك قريب يضربك والمشكل مينوضش
في خاطر كاش مسلسل
روح اضرب طلة ع المدرسة الابتدائية
رجع فيها العجب اكثر من الليسي
والسبب واش يتعرض في التيلي
نفس الشيء في دارنا مع ولد عمي الصغير
مي احنا في دارنا نشفرو القنوات ويرجع يحلهم
معاه متسلكش
ربي يهدينا برك
merci خويا هشام موضوع fort
ههههههه فكرتيني في التفراج تاع الدالة عندي ختي صغيرة في عمرها 8 سنين
كي تحكم التيليفيزيون ارواح نتي ونوضيها وفي الليل لازم تتفرج كونان باش ترقد
تولي الدار اكل تتفرج معاها ذراع ههههه
مشكل تاع الصح ومع الكبارا شوية اي هدرة خرى
اي تولي في عفارات كيما قلتي والمشكل تاع ولد عمك لازم تسوبريميو القنوات
مش تشفروهم وتزيدو تبدلوا المودباس تاع الديمو هذا الحل المليح
بصح لاعاد يخلط في الانترنت ومداسر الميليو تاع الديموات يقدر
يرجع المود باس الاصلي تاع الديمو وتولوا كلي مدرتو والو
مشكورة اختي على المرور المميز وعلى الاضافة تحياتي لك


هههههههه والله موضوع فور
مي وش تحب عايشين فيلمات هندو والاتراك

كي يكونوا عايشين الدور برك معليهش
المشكل راهم والو يمثلوا فيهم في رواحهم عادو كاينين افلام ترك وهندوا في الشارع
هذي هيا المشكلة وشكرا لمرورك اختي الكريمة تحياتي لك
 
دك اني رايحة نتفرج المسلسل بدا مبعد شوي راني نرجع ونرد رد مليح
 
هههههه راني نتمسخر برك انا راني نعاود الحلقات الكل بالخميس والجمعة هههههههه
 
نشفى زمان كنا نجتمعو كامل في دار وحدة وتفرجو كيفكيف اما الان ولى كل واحد وحدو ويتفرج وحدو
نظن لازم الاهل يوعيو ولادهم بنوعية الافلام اللي يشاهدوها يعني يليق يفهموه وعلاه ميتفرجش هاذي ويتفرج هاذي لانو الطفل بطبعو فظولي ويعود يحوس يعرف علاه هذي الاشياء ممنوعة ويسقسي صحابو ومتعلرف فيمن يطيح وكاين قنوات ميليقش أصلا نخليوها في القائمة
 





ظرنا في قلوبنا هادو الثلاثة
سيرتو جماعة السيااام راهم فسدووووووها
من ولات بنات ف المتوسطة 15 سنة فاقدة العذرية
فسلام على الدنيا
يعطيك الصحة خويا شهبندر التجار
عندك الحق منيش عارف وين رانا رايحين
راهي قاعدة الحالة غير تخلا وربي يستر
بارك الله فيك خويا على المرور الكريم
دك اني رايحة نتفرج المسلسل بدا مبعد شوي راني نرجع ونرد رد مليح

هههههه راني نتمسخر برك انا راني نعاود الحلقات الكل بالخميس والجمعة هههههههه
icon10.gif
هايلة هدي تسمى متصبريش لازم تعاويهم الكل هههه
واش نقولك كل واحد يعرف صلاحو المهم لي يعود يتفرج
يعرف واش راه يتفرج وميتبعش برك ولا يحاول يقلد هذا مكان
شكرا لمرورك اختي الكريمة

نشفى زمان كنا نجتمعو كامل في دار وحدة وتفرجو كيفكيف اما الان ولى كل واحد وحدو ويتفرج وحدو
نظن لازم الاهل يوعيو ولادهم بنوعية الافلام اللي يشاهدوها يعني يليق يفهموه وعلاه ميتفرجش هاذي ويتفرج هاذي لانو الطفل بطبعو فظولي ويعود يحوس يعرف علاه هذي الاشياء ممنوعة ويسقسي صحابو ومتعلرف فيمن يطيح وكاين قنوات ميليقش أصلا نخليوها في القائمة
المشكل ضرك منيش عارف انا شغل
نقصت هديك الوحدة تاع العائلات
عاد كل واحد يتعشا وحدو يتفرج وحدو يريح وحدو
راحت هديك البنة صح تاع العايلة كي تعود ملمومة نشوفوها غير في رمضان
وهدي سبب في واش راه صاير وعندك الحق في نقطة وجوب تدخل الاهل
لانو لو خلاو المجال مفتوح يتسمى راهم يشجعوا في هذاك الشيئ
بارك الله فيك اختي على الاضافة وشكرا لمرورك الكريم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top