يا معشر المهابل :santa_1:
هذا خطاب من ولد بلاد لولاد بلادو لمهابل لي ماراهم فاهمين والو حسب الشووووفة:music_whistling:
ليك انت لي تضل مقابل الليسي تتشمس تسنى في حبيبة القلب وانت يالي
راك من بيس لبيس تبسبس وتشر قريب تعمي عينيك من لخزير
ليك انت يالي الدورو لي تصوروا يروح بيتزا و قازوز :closedeyes:
ليك انت يا لمبحر يا لي مخك مسكر
كون غير تجي ريح وترفدكم كيما الغبرة يا لمساكن
دحمان الحراشي قال في زمانو النسا في عامين ينسوك الصيام والصلاة
و في هاد الزمان معاهم تنسى كلش في سمانة تولي مطروش فتخمامك
تولي عندك طريق وحدة تعييك
وليت تقلب بصاحبك على جال مدامة على جال فاشة
بالاك بالاك الحب ينسيك في والديك برك يا لمغبون
يا وليد بلادي راك غايضني على بالي بيك معمر راسك مالغري في فعايلك تغيبها للذيب
هي راهي تقرى وانت دير فلحساب وين تقعد ومنين تروح ؟
انت جيعان حق قارو ماعندكش كون تقلك ارواح اديني بمليون والله ما تقدم
امالا علاش راك محرحر و تضيع في وقتك ؟ :wink:
قلبك مات و مازال دير في لكلون و لاعبها كونغ ستار
الله يهديك
همك يبكي و تضحك في وحدة غدوة تتخرج وتولي تخدم تقلك مانيش قدك
ياحبيبي راني خايف غدوة تدفن روحك كي تتكاكا :surrender:
عجب و حيرة ليجون في هاد لبلاد قلبوهم يخموا كي لهوايش
ماهوش عاجبني الحال انا كي نشوف في واحد 24 سنة ومازال رافد تيليفون و يتبسم
انا قلت ندبر عليك شويا و نفكرك
الحب دركا راهو يذل الراجل :heh:
هاذي دعوة باش تفتح مخك و تنقص من الجياحة
لافيريتي انا وجعني قلبي و حبيت نفرغ شويا