قطع الطريق ظاهرة اكتسحت مدننا مؤخرا .

الموضوع في 'منتدى واش راك تهدر' نشر بواسطة أبـFARIDـوفيصل, ‏25 أفريل 2010.

  1. أبـFARIDـوفيصل

    أبـFARIDـوفيصل :: عضو شرفي ::

    تاريخ التسجيل:
    ‏1 أوت 2008
    المشاركات:
    6,407
    الإعجابات المتلقاة:
    1,126
    نقاط الجوائز:
    351
    الجنس:
    ذكر
    [​IMG]


    السلام عليكم

    اليوم حبيت نتكلم على ظاهرة لطالما ازعجتني ولابد انها ازعجت الكثيرين
    ولطالما اطلعتلي الغاز والدم
    [​IMG]
    هذه الظاهرة هي قطع الطريق
    :busted_red:

    ماشي قطع الطريق من ممر الراجلين
    :scared:


    قطع الطريق او الرصيف من هاذي المظاهر المقلقة والحقيقة احيانا اتمنى نكون شرطي اللي نلقاه غالق الطريق نهزو نرميه في الحبس 24 ساعة ونطيح ليه بالفلاقة حتى يكره يخرج للشارع .

    [​IMG]
    من المظاهر الكارثية واللي هي اصلا عدم تحضر ورعونة ولا مبالاة وبزاف من المرات تفرعين ربي يحفظنا واياكم .


    تمشي في الرصيف تلقى جماعة الخضرة حاط الكرويلة ولا الشريطة نتاعو والوسخ والذبان ماكلها تتحتم انك تمشي في وسط الطريق والسيارات والازدحام هذا اذا كنت وحدك منحكيش يكون معاك العائلة ولا امك او اولادك .


    وفي اخر النهار جبيبنا يسوق الالكرويلة نتاعو ويخلي انواع الحشرات والفضلات مرمية

    وتقول لوكان نحكمو نوكلهالو ومن بعد يقدر يروح .
    [​IMG]

    ايضا احاب المحلات تلقاه مستأجر محل 1م×1م وعامل الشارع كامل حانوت ومخزن وخاصة خاصة جماعة الميكانيك والطولي تشوف المحل تلقى ياربي يهز مفتاح وكريك وتورنوفيس

    [​IMG]
    وفي الشارع انواع السيارات تقول معرض دولي وهنا تكثر الحوادث لانو اللي جاي في الطريق ميفيقش كيفاش يخرجلو ولد او شخص من وراء سيارة مركونة على الجنب .


    وخلينا من باقي المحلات تصيبو حاط صنادق ومعلق الالبسة على طول الشارع طولا وعرضا وارتفاعا حتى انك متقدرش تشوف قدامك ميترة .والمصيبة معلق ملابس داخلية للنساء تحشم وانت تمشي مع واحد مقادرو .


    ايضا كاين عباد متحلالوش القعدة الا في وسط الشارع تلقاه حاط كرسي ومجمع مع صحابو واللي يجي يفوت ميصيبش منضيق الشارع وربما امراة تحشم لازم تبدل الشارع رغم انو الحشمة مبقاتش الا القليل الا نساء نتاع الزمان والله متصيب تفوت المسكينة وتروح تحوط للشارع الثاني .


    ايضا ركن السيارات كل واحد حاب يستقهوى لازم سيارتو ايضا تستقهوى معاه تلقاه راكن السيارة على فم المقهى ولا في منحنى شارع ولا في شارع شعبي ضيق ياربي يفوت حمار حاشاكم .

    [​IMG]
    اسمحلنا زومبريرو أنت متحضر عليه

    وكاين اللي يركن السيارة في وسط الزحام راه شايف الشارع ميحملش زوج سيارات هو ولا علابالو المهم يشوف لروحو والناس تطيح في بير .


    كاين ناس تقعد في الرصيف تصيب حديقة ولا مقاهي على طول الشارع ولكن هو لا لا يجلس في الرصيف ويجي صاحبو يجلس بحذاه ويزيد الثالث وهكذا يعملو حائط صد لضربة مخالفة .

    [​IMG]

    رونالدوينو ومانعرف يقدر يفوت بيناتهم .
    عيب عليكم نوضو خلو الناس تمشي براحتها
    يقلك كاين الطريق واسعة
    ياعبد كاين اختراع اسمو رصيف الراجلين والطريق وانت راك في قاعد في رصيف الراجلين نوض اقعد في الطريق يديك كاميون ان شاء الله تلصق في الروض

    كاين في المساجد انا عقلي يطير من بلاصتو لما يخرجو الرجال من المسجد تحلالهم في التجمع امام باب خروج النساء حتى النساء يبقاو ساعة حتى يقدرو يخرجو والمصيبة تلقى الامام معاهم .


    منحكيش على الاعراس وليكورتاج نتاع السيارات لانو اللي يتزوج ويعمل عرس لازم الحي والشارع كامل يتوقف عن الحركة حتى تخرج لالة العروسة

    يقلك واش يخرج العروسة من دار باباها واحنا نقولو واش يفوت الناس من قدام دار باباها

    كاين اللي يبني في المنزل او يزين في الواجهة لما يزين الواجهة والبيت الطريق كلاها البحر وتبقى فضلات البناء والتراب والحديد مرمية في الرصيف وكانو لا شيء حاصل .

    كاين قطع الطريق من طرف البلدية وعمال البلدية كل يوم يتم حفر حفرة مانيش عارف علاش بلاك يفوتو في الوقت ولا يتراهنو على كنز علي بابا واللصوص الاربعين
    البلدية تحفر وتخلي الحفرة الى اجل غير مسمى حتى انو يسقط فيها بمعدل كل يوم 3 اشخاص .
    [​IMG]

    كاين قطع الطريق من طرف المتسولين والمشردين كذلك ينصب الخيمة في وسط الشارع والرصيف ويتكسل وتبدى تفوح انواع الروائح وحاشاكم يعمل كل شيء في مكانو وميتحركش
    والسلطات تخليه ربما يعتبروه ثروة للبلاد لا تقدر بثمن او مكان سياحي او نصب تذكاري يذكرنا بالرهج والغم والهم
    [​IMG]

    كاين مقاولين يفتح قلب الطريق ويخرج مصورها ومن بعد ما يضهر عليه حتى خبر ويخلي الناس تعاني وتسوفري

    [​IMG]

    كاين كذلك اللي يرمي الاوساخ في الرصيف وفي الطريق والله شفتها بعيني

    رغم انو كاين صندوق القمامة
    [​IMG]

    يخرج صاحبنا بزوج شاصيات او بوسات ويرميهم في الشارع ويتوجه للمسجد باه يصلي في ذاك الحال كالراجل .
    اليس النظافة من الايمان
    [​IMG]

    بحالك الصلاة تقبل لانو الصلاة تنهى عن الفحشاء والمنكر
    ورمي الاوساخ اكبر منكر


    اخواني هذه الظواهر غير حضارية خلونا من الحضارة
    نقولو غير اسلامية اولى
    يعني عندنا في الدين باب حق الطريق

    عن أبي سعيد الخدري رضي عنه قال : قال رسول الله صلي الله عليه وسلم " إياكم والجلوس في الطرقات . قالوا يا رسول الله مالنا من مجالسنا بد نتحدث فيها ؟ قال : فإذا أبيتم إلا المجلس فأعطوالطريق حقه . قالوا وما حق الطريق يا رسول الله ؟ قال : غض البصر و كف الأذي و رد السلام والأمر بالمعروف والنهي عن المنكر " .

    وخير ختامها مسك حديث نبينا الاعظم صلوات الله وسلامه عليه
    -------------

     
  2. ISMA.dz

    ISMA.dz :: عضو متألق ::

    تاريخ التسجيل:
    ‏9 سبتمبر 2009
    المشاركات:
    3,650
    الإعجابات المتلقاة:
    663
    نقاط الجوائز:
    171
    الجنس:
    أنثى
    هههههههههه والله عندك الحق خويا فريد خاطر عندنا الغاشي يزاف الله يبارك والضيق والشوماج مالقاو مايديرو يتجمعو فالطريق والجهل زاد عليهم واش نديرو لازم نحكمو كل واحد ونفهموه هههههه
    ربي يستر هذا ماكان
     
  3. naim_biskra

    naim_biskra :: عضو مُشارك ::

    تاريخ التسجيل:
    ‏30 نوفمبر 2009
    المشاركات:
    194
    الإعجابات المتلقاة:
    2
    نقاط الجوائز:
    0
    موضوع في القمة شكرا اخي
     
  4. nina bonoise

    nina bonoise :: عضو متألق ::

    تاريخ التسجيل:
    ‏8 أوت 2009
    المشاركات:
    3,838
    الإعجابات المتلقاة:
    41
    نقاط الجوائز:
    0
    عيش تشوف
    و حكاية المحلات معندنا منزيدو نهدرو
    و الاوساخ المرمية يا لطيف تقول معندناش النظفون
    على العموم كرتيا نظيف كون تروح للبلايص الاخرى تحير
    و القعدات في نص الطريق تكره العبد كل مرة نلقا جماعة متلمين لازم عليا نقطع الكريق باه نعدي
    شكرا على الموضوع المميز
     
  5. TOUTA32

    TOUTA32 :: عضو مُشارك ::

    تاريخ التسجيل:
    ‏7 فيفري 2009
    المشاركات:
    213
    الإعجابات المتلقاة:
    0
    نقاط الجوائز:
    0

    بارك الله فيك خويا وجعلها في ميزان حسناتك وانشاء الله يسمعو منك لي راه يدير في اي حاجة ملي ذكرتهم
     
  6. انتصار*

    انتصار* :: عضوية محظورة ::

    تاريخ التسجيل:
    ‏31 ماي 2009
    المشاركات:
    982
    الإعجابات المتلقاة:
    1
    نقاط الجوائز:
    0
    علابالك وين راه الحل انحو الرصيف خلاص ويرقمو الشعب ولي يتوقف من دون سبب يعطوه بروسي ...هكذا تتعمر خزينة الدولة .وتتوسع اعلينا وعلى صحاب الشكارة
     
  7. دولة

    دولة :: عضو منتسِب ::

    تاريخ التسجيل:
    ‏6 أفريل 2010
    المشاركات:
    36
    الإعجابات المتلقاة:
    0
    نقاط الجوائز:
    0
    ربي يقدر الخير
     
  8. Bob Marley

    Bob Marley :: عضو مُتميز ::

    تاريخ التسجيل:
    ‏14 أوت 2009
    المشاركات:
    908
    الإعجابات المتلقاة:
    0
    نقاط الجوائز:
    0
    هدي بلادنا فيه خير الجديد
    الله غالب شعب خلق في الفوضى ويحب الفوضى ويموت في الفوضى
    العالم الثالث
     
  9. touti_dz

    touti_dz :: عضو مُتميز ::

    تاريخ التسجيل:
    ‏1 أفريل 2010
    المشاركات:
    638
    الإعجابات المتلقاة:
    1
    نقاط الجوائز:
    0
    واش تقولو علينا حنا الللي نعودو رايحين نقراو نلقاو النفايات والاوساخ في وجوهنا على صباح ربي
    ولا الحفر اللي مدايرينهم في نص الطريق كل مرة تطيح واحدة من صحاباتي في حفرة غير انا اللي متحطتش فيهم سترني ربي
     
  10. أفراح الجزائر

    أفراح الجزائر :: عضو مُتميز ::

    تاريخ التسجيل:
    ‏27 نوفمبر 2009
    المشاركات:
    1,460
    الإعجابات المتلقاة:
    6
    نقاط الجوائز:
    37

    وعلاش مازالو كاين رصيف في بلادنا ؟؟؟؟؟؟؟؟؟؟؟؟؟؟؟؟
    على الصباح كي نخرج من الدار يقابلني (محل جرنا) حيط تاع صناديق القازوز و الماء واش نقولك مطلعو تقول باتيمات :surrender:...ونزيد نتمشى شويا يخبطني صباط لراس:busted_red: باسكو سي فلان صاحب محل الصبابط معلق الصبابط في الرصيف والله تحتار في الطريقة لي معلقهم بيها :music_whistling: ...ومنبعد تعدي على عمارة تلقى الوسخ مطيش في الطريق وحداه السلات لي حطتهم البلدية باش المواطن يرمي فيهم الأوساخ (فارغين :sneaky2:) يعني المواطن الجزائري ديما يطبق المقولة (خالف تنعرف ).ونزيد نتمشى نلقى القهوة وهنا الكارثة ياك نتهنو منهم في الشتا :yahoo:لكن في هذا الوقت أرواح أنت شوف الطوابل والكراسا كلشي في الرصيف أنا مع الصباح نحسبو حاب ينظف القهوة :closedeyes:
    لكن لعشيا كي نرجع نلقى الشعب مكبر القعدة :mellow:هههه والله تحير يتقهو و يتفرجو في الناس طالعة وهابطة :u_pc:...ايمالي أوبليجي عليك تتمشاي في الطريق ونتي وزهرك في الطومبيل أو الحفرة لي راح تجيب أجلك :tears::surrender:
     
  11. أبـFARIDـوفيصل

    أبـFARIDـوفيصل :: عضو شرفي ::

    تاريخ التسجيل:
    ‏1 أوت 2008
    المشاركات:
    6,407
    الإعجابات المتلقاة:
    1,126
    نقاط الجوائز:
    351
    الجنس:
    ذكر

    اماطة الاذى عندها اجر كبير ومعنى كبير

    اماطة الاذى حجر او جماد ممكن

    فماذا لو كان الاذى انسان بعقل وحواس .

    هنا تدخل النصيحة والدعوة بالموعظة الحسنة .

    بارك الله فيك
     
  12. DARINE05

    DARINE05 :: عضو متألق ::

    تاريخ التسجيل:
    ‏11 أفريل 2010
    المشاركات:
    4,868
    الإعجابات المتلقاة:
    77
    نقاط الجوائز:
    0
    ههههههههههههه والله موضوع هايل
     
  13. boubakeur081

    boubakeur081 :: عضو مُشارك ::

    تاريخ التسجيل:
    ‏11 أكتوبر 2009
    المشاركات:
    110
    الإعجابات المتلقاة:
    0
    نقاط الجوائز:
    0
    هههههههههه والله عندك الحق خويا فريد خاطر عندنا الغاشي يزاف الله يبارك والضيق والشوماج مالقاو مايديرو يتجمعو فالطريق والجهل زاد عليهم واش نديرو لازم نحكمو كل واحد ونفهموه هههههه
    ربي يستر هذا ماكان
     
  14. saw_v7

    saw_v7 :: عضو مُتميز ::

    تاريخ التسجيل:
    ‏16 أفريل 2010
    المشاركات:
    821
    الإعجابات المتلقاة:
    7
    نقاط الجوائز:
    17
    ايه صح والله عندك حق
    هذه ظاهرة تقلق
    وطلع السكر
    ربي يهدينا برك
    شكرا لك اخي
    تحياتي
     
  15. أبـFARIDـوفيصل

    أبـFARIDـوفيصل :: عضو شرفي ::

    تاريخ التسجيل:
    ‏1 أوت 2008
    المشاركات:
    6,407
    الإعجابات المتلقاة:
    1,126
    نقاط الجوائز:
    351
    الجنس:
    ذكر
    --------------------
     
  16. أم ياسمينdz

    أم ياسمينdz :: أمينة اللمة الجزائرية :: طاقم الإدارة

    تاريخ التسجيل:
    ‏19 سبتمبر 2009
    المشاركات:
    44,243
    الإعجابات المتلقاة:
    56,586
    نقاط الجوائز:
    671
    الجنس:
    أنثى
    الإقامة:
    من الشرق
    شكرا على الموضوع اخي الفاضل
    الحالة راها تعيف في بلادنا
    ينصبو السلع في الرصيف وانت تمشي على الطريق
    الله غالب عقلية مارشاريار
     
  17. iméne09

    iméne09 :: عضو بارز ::

    تاريخ التسجيل:
    ‏6 ديسمبر 2008
    المشاركات:
    6,468
    الإعجابات المتلقاة:
    1,384
    نقاط الجوائز:
    351



    قطع الطريق او الرصيف من هاذي المظاهر المقلقة والحقيقة احيانا اتمنى نكون شرطي اللي نلقاه غالق الطريق نهزو نرميه في الحبس 24 ساعة ونطيح ليه بالفلاقة حتى يكره يخرج للشارع .
    حاجة لي تحير في بلادنا جامي نتمشاو على تريتوار تلقى ناس كامل تمشي في طريق وهوما لي راهم دايرين سيركيلاسيون وكون تهدر تلصق وتحصل معاهم



    تمشي في الرصيف تلقى جماعة الخضرة حاط الكرويلة ولا الشريطة نتاعو والوسخ والذبان ماكلها تتحتم انك تمشي في وسط الطريق والسيارات والازدحام هذا اذا كنت وحدك منحكيش يكون معاك العائلة ولا امك او اولادك .
    وفي اخر النهار جبيبنا يسوق الالكرويلة نتاعو ويخلي انواع الحشرات والفضلات مرمية
    وتقول لوكان نحكمو نوكلهالو ومن بعد يقدر يروح .
    هدي راهي شايعة كترتها في ليمارشي ماكلة تتشمس وتتحرق وهوما مزال يبيع فيها ومانحكوش على سردين غيرا تبدلت لاكولار ديالو وزيد هم الطرق ضيقين ويحطو خضرة ديالو ويجمعو ناس عليه وماتقدرش حتى تجوز


    ايضا احاب المحلات تلقاه مستأجر محل 1م×1م وعامل الشارع كامل حانوت ومخزن وخاصة خاصة جماعة الميكانيك والطولي تشوف المحل تلقى ياربي يهز مفتاح وكريك وتورنوفيس
    هدي عقلية بيريمي حاكم بلاسة كبيرة على حانوت ديالو وادا هدرت معاه يسمعك مالا يرضيك ومايفهمو مايندبو

    وفي الشارع انواع السيارات تقول معرض دولي وهنا تكثر الحوادث لانو اللي جاي في الطريق ميفيقش كيفاش يخرجلو ولد او شخص من وراء سيارة مركونة على الجنب .
    هدي بارسكو طرق ضيقين ويزيدو حوانت بسلعتهم وناس تمشي في طريق كفاش مايصراش اكسيدون لعوج كامل في بلادنا وين تجي تشوف تلقاها مهرودة
    وخلينا من باقي المحلات تصيبو حاط صنادق ومعلق الالبسة على طول الشارع طولا وعرضا وارتفاعا حتى انك متقدرش تشوف قدامك ميترة .والمصيبة معلق ملابس داخلية للنساء تحشم وانت تمشي مع واحد مقادرو .
    ههههههههههههههه هدي كل مانجوز نخبط راسي على كاس لبسة تجي تجوز في تريتوار تلقى اللبسة وصبابط داولك بلاستك وتمشي في طريق تلقى طنوبيلات كما درنا حرنا

    ايضا كاين عباد متحلالوش القعدة الا في وسط الشارع تلقاه حاط كرسي ومجمع مع صحابو واللي يجي يفوت ميصيبش منضيق الشارع وربما امراة تحشم لازم تبدل الشارع رغم انو الحشمة مبقاتش الا القليل الا نساء نتاع الزمان والله متصيب تفوت المسكينة وتروح تحوط للشارع الثاني .
    هههههههههههههههه حلاوتها القصرة في طريق ماجاتش غير على رجال تلقى تان النسا مجمع مع كاش مرا وتقصر وتسلم وتضحك :yahoo:

    ايضا ركن السيارات كل واحد حاب يستقهوى لازم سيارتو ايضا تستقهوى معاه تلقاه راكن السيارة على فم المقهى ولا في منحنى شارع ولا في شارع شعبي ضيق ياربي يفوت حمار حاشاكم .

    على هديك تقدمنا بزاااااااااااف حتى باش يسطاسيوني مايعرفوش ولايغلقلك طريق يصراو ديما ديبروبلام عليها


    وكاين اللي يركن السيارة في وسط الزحام راه شايف الشارع ميحملش زوج سيارات هو ولا علابالو المهم يشوف لروحو والناس تطيح في بير .

    الفهامة بزاف يخمم غير في روحو ويعجبط الحال يسطاسيوني طنوبيل ويروح مايوليش وتبقى سيركيلاسيون دايرا حالة وكي يجي يقلعها كيشغل ماصرا والو

    كاين ناس تقعد في الرصيف تصيب حديقة ولا مقاهي على طول الشارع ولكن هو لا لا يجلس في الرصيف ويجي صاحبو يجلس بحذاه ويزيد الثالث وهكذا يعملو حائط صد لضربة مخالفة .
    رونالدوينو ومانعرف يقدر يفوت بيناتهم .
    عيب عليكم نوضو خلو الناس تمشي براحتها
    يقلك كاين الطريق واسعة
    ههههههههههههههه وتكمل القصرة بقعدة هايلة ومراحش ينوضو ينساو رواحهم ولي ماعجبوش الحال مايجوزش نرمال

    كاين في المساجد انا عقلي يطير من بلاصتو لما يخرجو الرجال من المسجد تحلالهم في التجمع امام باب خروج النساء حتى النساء يبقاو ساعة حتى يقدرو يخرجو والمصيبة تلقى الامام معاهم .
    ههههههههههههههههه هدي قاتلهم ارقدو زعما خرجو من جامع ويحوسو على نسا ياخي حالة ياخي الله يهدي ماخلق

    منحكيش على الاعراس وليكورتاج نتاع السيارات لانو اللي يتزوج ويعمل عرس لازم الحي والشارع كامل يتوقف عن الحركة حتى تخرج لالة العروسة
    يقلك واش يخرج العروسة من دار باباها واحنا نقولو واش يفوت الناس من قدام دار باباها
    يلزم ناس كامل يحبسو على جال هو داير عرس ويقطع الطريق نرمال ومكانش لي يهدر معاه

    كاين اللي يبني في المنزل او يزين في الواجهة لما يزين الواجهة والبيت الطريق كلاها البحر وتبقى فضلات البناء والتراب والحديد مرمية في الرصيف وكانو لا شيء حاصل .
    بارسكو موسخ ومراهش متربي يخمم غير في بيتو منقي ومن برا خليها تخلا ويزيدو يبنيو ويدو من تريتوار يديرو جاردان ولعباد خليهم مايجوزوش

    كاين قطع الطريق من طرف البلدية وعمال البلدية كل يوم يتم حفر حفرة مانيش عارف علاش بلاك يفوتو في الوقت ولا يتراهنو على كنز علي بابا واللصوص الاربعين
    البلدية تحفر وتخلي الحفرة الى اجل غير مسمى حتى انو يسقط فيها بمعدل كل يوم 3 اشخاص .
    حاجة لي تحير يخدمو طريق زين بgودرو وممباعد تقولك الحكومة حابةة تدخللكم الغاز ويدخلوه ويخلوها حفرة يخسرو في طريق مي والله مراح يزيدو يسقمو حكومة تان معوجة ماجاتش غير في الشعب


    كاين قطع الطريق من طرف المتسولين والمشردين كذلك ينصب الخيمة في وسط الشارع والرصيف ويتكسل وتبدى تفوح انواع الروائح وحاشاكم يعمل كل شيء في مكانو وميتحركش
    والسلطات تخليه ربما يعتبروه ثروة للبلاد لا تقدر بثمن او مكان سياحي او نصب تذكاري يذكرنا بالرهج والغم والهم
    ههههههههههههههههه هدي بلا مانعلقو عليها راهي قراف كي نضلو نهدرو بلادنا ماتتسقمش تبدا هكدا بارسكو شعبها مزال ماقاستوش ريحة التقدم

    كاين كذلك اللي يرمي الاوساخ في الرصيف وفي الطريق والله شفتها بعيني

    رغم انو كاين صندوق القمامة
    يموتو على الوسخ والحاجة لمليحة يقيسو وسخهم من بالكون باش مايعياوش وين تسد تلقاها مغلوقة حاشاك بزبل


    يخرج صاحبنا بزوج شاصيات او بوسات ويرميهم في الشارع ويتوجه للمسجد باه يصلي في ذاك الحال كالراجل .
    اليس النظافة من الايمان



    زعما رايح يصلي الله يبارك وسخ رافد وسخ مع من تهدر لا حياة لمن تنادي لي موالف عادة مايبطلها
    الله يهدي ماخلق :music_whistling:
    يعطيك الصحة عمو فريد موضوع في القمة
    اسمحلي طولت بزاااااااااااااف قلبي راه معمر منهم :busted_red:
     
  18. shahrazad

    shahrazad :: عضو شرفي ::

    تاريخ التسجيل:
    ‏10 مارس 2009
    المشاركات:
    4,264
    الإعجابات المتلقاة:
    11,022
    نقاط الجوائز:
    191
    آآآآه يا بلادي
    ماكاش الحضارة
    معدناش ثقــافة تاع النظافة والنظام
    تلقى حتى مراا تسيق غير قدام دارها وتقيس لكنيس قدام الجيران
    يعني المهم عندها دارها راهي نقية !!!!
    مايفكروش فالمجتمع ككل
    كي معدناش هاد العقلية امالا لازم على الدولة تدخل
    ودير قوانين وطبقها
    ماشي تبقى حبر على ورق !!
    كيــما كل حاجا عندنا
    :heh:
    ربــي يصلح الاحوال
    والاحوال باه تتصلح لازم كل واحد يبدا بنفسو :glare:
    بارك الله فيــك على الطرح القيم
     
  19. أبـFARIDـوفيصل

    أبـFARIDـوفيصل :: عضو شرفي ::

    تاريخ التسجيل:
    ‏1 أوت 2008
    المشاركات:
    6,407
    الإعجابات المتلقاة:
    1,126
    نقاط الجوائز:
    351
    الجنس:
    ذكر

    ماشاء الله رد في القمة ويبرد القلب يعني نقاش وتشريح الموضوع بطريقة مثالية

    ياالهي نريد ردود مثل هذه ولو مرة في العام .
    كاين اعضاء كذلك عندهم نفس الطريقة بارك الله فيهم
     
  20. أبـFARIDـوفيصل

    أبـFARIDـوفيصل :: عضو شرفي ::

    تاريخ التسجيل:
    ‏1 أوت 2008
    المشاركات:
    6,407
    الإعجابات المتلقاة:
    1,126
    نقاط الجوائز:
    351
    الجنس:
    ذكر
    لمن لم يطلع على الموضوع .من جديد .
     

مشاركة هذه الصفحة