ارحم ولادك

[Rahal Oualid]

السلام عليكم و رحمة الله و بركاته

موضوعي بستايل جديد و حصري

بسم الله

:santa_1: : هذا عبد الرحمان

:heh: : عبلة زوجتو

:mellow: : هذا جمال

:smile: : هذا خليل

****


***

**
*

:santa_1: : وش طيبتي اليوم يا مرا

:heh: : اممممم المقرونة تاع البارح

:santa_1: : هذيك المقرونة لمحروقة ؟ تاع لبارح ؟

:heh: : ايه

:santa_1: : و علاه عليك تقتلي فينا بشر هكذ

:heh: : وش بيك يا راجل ياو راك مجبت والو باه نطيب

:santa_1: : كيفاه ؟ ياو بارح جبتلك نص رطل تاع بطاطة و ربع دجاجة

:heh: : ياو خلاصو مش لبارح قتلي راني ساخف على شويا
دجاج .. درنها في لفطور

:santa_1: : وقتاش تخلاصي و نتهنى منك
طاااخ دف ..

:santa_1: : وين رهم الدراري ؟

:crying_1: : أوواااااااا معلاباليش

:santa_1: : خليل جمال ارواحو

:mellow: :smile: : أهلاا بابا

:santa_1: : جمال خدمة اليوم

:no_no: : لالا بابا معنديش مصروف طرنسبور

:santa_1: : كيفاه ؟ انا عطيك من شهر 20 ألف
تاع طرونسبور تاعك وين دير في الدراهم
طااااخ دااااف بووووم دف

:tears: : أوووااااا وعلاه تضرب فيا بابا يا علابالك راني لازم
نفطر لبر و تطرونسبور ألي روتور ياو 20 الف مدير والو

:santa_1: : آيا بلع فمك و روح و انت خليل قرية ليوم

:surrender: : يا ربي استر و فوتها سلامات

:crying: : ياك علابالك قالي الأستاذ عيط باباك معنديش كتاب

:santa_1: : قتلك دبر كتاب من عند جيران و الا من عند صحابك

:du_nno: : يا بابا رهم يقراو بيهم اليوم

:santa_1: : كيفاه ينعلـ .. يا حمار .. يا ...
دف طااااخ دش

:santa_1: : وش هذا الدار يا ربي حبين تقتلوني
واحد ما يخدم واحد ما يقرأ و لخرى تقتل فينا بشر


****


:wink: : الساحر اي الكاتب

وش رايكم في هذا الراجل المربي المسؤول
يقصر في حق العايلتو و من بعد يحاسب فيهم
و يزد يضربهم :closedeyes:

:wink: : / ارحمو من في الأرض يرحمكم من في السماء /
/ و كلم رايرع و كلم مسؤول عن رعيته /

:ax_flw: : دمت سااالمين

​

 

[** غزال الصحراء **]

تم الإعتماد //

 

[DARINE05]

ههههههههههههههههههههههههههه
مرسي خويا على الموضوع والله والدين كيما هذو
يلتيف منهم يزيدو على والدهم

 

[بنـ MaPa ـت]

هادا بخيل فايت الحدود او مرتو حابسة فالهبطة ماشي خير لوكان ترخي فيه بدربة تغاشيه......مرسي و الله يكون في عون الناس لي كيما هاكدا...........آميـــن...........​

 

[Anissa_vanissa]

ربي يكون في عون العايلات لي كيما هكا
تلقا الراجل بخيل ومن فوقها يزيد يحاسبهم
موضوع good
والستايل روعة

 

[exe]

ههههههههههههه
الحمد لله معدناش اب كي هذا و الله عايشين في نعمة ربي
​

 

[iméne09]

واش هدا اب ولا خلي كفاش مايصرفش على عايلتو مالا وعلاش اتزوج وبلاهم بيه وهكدا راه مقصر بزاف في حق عايلتو راهي واجبة عليه النفقة على عايلتو لازم على الاب هو لي يصرف هدا واش حثنا عليه القران لقوله تعالى (لينفق ذو سعة من سعته ومن قدر عليه رزقه فلينفق مما اتاه الله) مي صح تلقى ناس كما هكدا مانعرف مشحاحين ويعزو دراهم على رواحهم وعلى ولادهم مي كما يقولو دراهم المشحاح ياكلهم المرتاح مالا علاش مايصرفش على ولادو ويرفه روحو سي ميو
يعطيك الصحة خو ع الطرح الرائع ​

 

[N@riM@N]

كـــــاينه يالساحر خويا وكاينـ لكــــــــــــــــتثر من هكـــ
بخــــــــلاء حتى النخاع والبخل يمشي في دمهم ياو واشي فايدة البخـــل ؟
الله يكون في عون الناس لي كيما هاكدا
مرسي ع الموضوع​

 

[sahiko hamza]

ونهار المونديال وش يديرلهم ؟؟
​

 

[fufa22]

الحمد لله على نعمت الوالدين
​

 

[yacino1993]

ايه الحمدلله بياتنا مش هكدا ربي يعينهم خليل وجمال

 

[Rahal Oualid]

ههههههههههههههههههههههههههه
مرسي خويا على الموضوع والله والدين كيما هذو
يلتيف منهم يزيدو على والدهم

وش تجبي ختي السي عبد الرحمان :santa_1:
يلعبها رجلة و يفهمش في الرجلة
نورتي :wink:
​

 

[Rahal Oualid]

هادا بخيل فايت الحدود او مرتو حابسة فالهبطة ماشي خير لوكان ترخي فيه بدربة تغاشيه......مرسي و الله يكون في عون الناس لي كيما هاكدا...........آميـــن...........​

هههه مرتو :surrender: رافعة راية الإستسلام :heh:
نورتي اختي :wink:
​

 

[Rahal Oualid]

ربي يكون في عون العايلات لي كيما هكا

تلقا الراجل بخيل ومن فوقها يزيد يحاسبهم
موضوع good
والستايل روعة

اللهم آمين .
و ربي يسترنا
نورتي ختي :wink:
​

 

[Rahal Oualid]

ههههههههههههه
الحمد لله معدناش اب كي هذا و الله عايشين في نعمة ربي
​

ربي نعمك ان شاء الله
و ربي ينعم على لي رهم يعانو
شرفت خويا :wink:
​

 

[Rahal Oualid]

واش هدا اب ولا خلي كفاش مايصرفش على عايلتو مالا وعلاش اتزوج وبلاهم بيه وهكدا راه مقصر بزاف في حق عايلتو راهي واجبة عليه النفقة على عايلتو لازم على الاب هو لي يصرف هدا واش حثنا عليه القران لقوله تعالى (لينفق ذو سعة من سعته ومن قدر عليه رزقه فلينفق مما اتاه الله) مي صح تلقى ناس كما هكدا مانعرف مشحاحين ويعزو دراهم على رواحهم وعلى ولادهم مي كما يقولو دراهم المشحاح ياكلهم المرتاح مالا علاش مايصرفش على ولادو ويرفه روحو سي ميو
يعطيك الصحة خو ع الطرح الرائع ​

كلامك عين العقل الله خليك
و ربي يهدي عبادو
:wink: نورتي ختي
​

 

[Rahal Oualid]

كـــــاينه يالساحر خويا وكاينـ لكــــــــــــــــتثر من هكـــ
بخــــــــلاء حتى النخاع والبخل يمشي في دمهم ياو واشي فايدة البخـــل ؟
الله يكون في عون الناس لي كيما هاكدا
مرسي ع الموضوع​

وش تحبي البخل خير من ولادو :mellow:
ربي يهدي و خلاص
نورتي ختي :wink:
​

 

[Rahal Oualid]

ونهار المونديال وش يديرلهم ؟؟
​

:u_pc: التفراج لا
:yahoo: لعياط لا
:music_whistling: التصفار لا


:no_1: ربي يهدي الف شكر خو
​

 

[Rahal Oualid]

الحمد لله على نعمت الوالدين
​

شفت كيفاه لازم نحمدو ربي على هذي النعمة
زيد ندعو لي راهم مغبونين
ألف شكر يا غالي :wink:
​

 

[Rahal Oualid]

ايه الحمدلله بياتنا مش هكدا ربي يعينهم خليل وجمال

أحمد ربي و زيد و أدعلي بالفرج على الناسات
لي راهي تعاني
:wink: ألف شكر خو
​