استفسار

[نسيم الربيع]

السلام عليكم بنات حواء ان شاء الله تكونو كامل لاباس بيكم حابه نسقسيكم اللي موالفه تخدم الرجينه فالدار تعطيني وصفتها بدقه لاني حوست فالمنتديات ولقيت وصفات جربتهم بصح ماطلعتليش وشكرا

 

[fati mosta]

و علاش اختى متشريهاش حبيت نعاونك بصح و الله معلبالى انا نشريها واجدة

 

[نسيم الربيع]

مام انا نشريها ختي مي مرات منبغيش نخرج نقول نخدمها فالدار وصاي مارسي عليك

 

[dana1993]

ماما تعرف تخدمها ههه مي ماعلاباليش كفاه اشريها خير واجدة

 

[fanouse]

انا نخدمها في الدار بصح مرات تصلح و مرات تجي شوية شوية .
شوفي تجيبي فنجان تاع القهوة معمر بالسكر و مبعد تزيدي نفس الكمية ماء و مبعد تجيبي مغرف تاع القهوة حجم صغير خطراش كاين لي يجيو شوية كبار شب بصح ما تكونش معمرة بزاف و تحطيهم فوق النار . في الاول تكون نار عالية حتى يغليو و مبعد تنقصي و ترديها نار هادئة و تخلي الخليط حتى يحمار و يعود لونه زي الكراميل راكي تعرفي كيما لون الرجينة لي نشريوها من برة . و تقدري تهزيها من فوق النار و تجربي تصبي فوق البوطاجي شوية و استنايها تبرد و جربيها لكان عجبتك طفي النار و فرغيها فوق شكارة تاع النيلون موضوعة على الارض حتى تبرد و قسميها اجزاء صغار باه تسهل عليك استعمالها و لكان جاتك ما زالت مطلوقة خليها تزيد شوية فوق النار
المهم مع ليام رايحة توالفي بيها و تعودي تخدميها في دقيقة
وعندي وصفة اخرى بالقارص في بلاصة الشب بصح مازال مجربتهاش .تجيبي كاس سكر و كاس ماء و تعصري معاهم نصف حبة قارس و مبعد تبعي الخطوات السابقة في التحضير

نتمنى نكون فدتك و كي تجربي الوصفة ردي عليا لكان صلحتلك

 

[fanouse]

نسيت نقولك لكان احتجتي اي استفسار راني راني واجدة

 

[نسيم الربيع]

ماما تعرف تخدمها ههه مي ماعلاباليش كفاه اشريها خير واجدة

خلي نتعلمو باه كي نعياو واش نديرو نتفننو فيها ولا كي منبغيش نخرج نخدمها وحدي صحيتي عالمرور

 

[نسيم الربيع]

انا نخدمها في الدار بصح مرات تصلح و مرات تجي شوية شوية .
شوفي تجيبي فنجان تاع القهوة معمر بالسكر و مبعد تزيدي نفس الكمية ماء و مبعد تجيبي مغرف تاع القهوة حجم صغير خطراش كاين لي يجيو شوية كبار شب بصح ما تكونش معمرة بزاف و تحطيهم فوق النار . في الاول تكون نار عالية حتى يغليو و مبعد تنقصي و ترديها نار هادئة و تخلي الخليط حتى يحمار و يعود لونه زي الكراميل راكي تعرفي كيما لون الرجينة لي نشريوها من برة . و تقدري تهزيها من فوق النار و تجربي تصبي فوق البوطاجي شوية و استنايها تبرد و جربيها لكان عجبتك طفي النار و فرغيها فوق شكارة تاع النيلون موضوعة على الارض حتى تبرد و قسميها اجزاء صغار باه تسهل عليك استعمالها و لكان جاتك ما زالت مطلوقة خليها تزيد شوية فوق النار
المهم مع ليام رايحة توالفي بيها و تعودي تخدميها في دقيقة
وعندي وصفة اخرى بالقارص في بلاصة الشب بصح مازال مجربتهاش .تجيبي كاس سكر و كاس ماء و تعصري معاهم نصف حبة قارس و مبعد تبعي الخطوات السابقة في التحضير

نتمنى نكون فدتك و كي تجربي الوصفة ردي عليا لكان صلحتلك

شكرا اختي ربي يحفظك بارك الله فيك على المساعده وراني نجربهم في زوج ان شاء الله ونردلك بالخبر شكرا مرة اخرى

 

[نسيم الربيع]

نسيت نقولك لكان احتجتي اي استفسار راني راني واجدة

مارسي ختي لعزيزه ربي يحفظك ونتيا تاني كاشما تحتاجي راني هنا يلا قدرت نعاونك علاه لالا ... بارك الله فيك ... سلام

 

[nada242008]

6 مغارف سكر + 3 مغارف ماء + 3 مغارف عصير ليمون
تخلطيهم وتحطيهم على نار هادئة حتان يتغير لونها بصح ماتخليهاش حتان تولي كراميل :wink:
وكي توجد حطيها فوق غلاف بلاستيكي كيما الغلاف تاع اللحظة وخليها تبرد
ان شاء الله نكون افدتك

 

[نسيم الربيع]

6 مغارف سكر + 3 مغارف ماء + 3 مغارف عصير ليمون
تخلطيهم وتحطيهم على نار هادئة حتان يتغير لونها بصح ماتخليهاش حتان تولي كراميل :wink:
وكي توجد حطيها فوق غلاف بلاستيكي كيما الغلاف تاع اللحظة وخليها تبرد
ان شاء الله نكون افدتك

مارسي ربي يحفظك بارك الله فيك على المساعده راح نجربها وشكرا مرة اخرى

 

[نسيم الربيع]

للي حابه تخدمها الطريقه تاع الاخت ندى سليمه راني جربتها وصلحت شكرا مره اخرى ختي