حياك الله اخي حسام
حياك الله ( يخي هكذا يقولو اول مرة يقولوهالي حسيتها تاع خليج وانا خاطيني)
واهلا وسهلا بك
وبيك اهلا وسهلا ومرحبا
لنبدا بالاسئلة
على بركة الله
* ما هي الذكرى الجميلة في حياتك ؟
نهار ربحت الباك وشفت دمعة الفرحة في عين امي يوم ما ننساهش طول عمري
* ما هي الذكرى المؤلمة التى مرت عليك وما يزال حسام يذكرها دائما ؟
يوم ما تغدرت في طفلة كنت نحبها
* ما هو الشيء الذي تخاف منه ؟
كيف ما قلت للاخ تاع مقبيل
اني ندير ذنوب ونخاف نموت وهوما في رقبتي
ولا نكون سبب في دمعة اي انسان عزيز عليا
* ما هو المقرىء الذى تحب الاستماع له؟
العجمي
*هل انت راضى عن نفسك ؟
الحمد لله
علبالي الكمال لله سبحانه وتعالى
مي الحمد الله جامي لحقت واحد سواءا هنا ولا في الحياة الواقعية
يعني خاطي شر الناس
* لو عاد بك الزمان إلى الوراء ماذا تريد ان تشطب من حياتك؟
قصتي مع الطفلة لي قلتلك عليها
* ما هو اصعب موقف مريت به فى حياتك؟
العام الاول كي فوت الباك وما ربحتوش وجيرانا اماتهم يفرحو وانا يما تبكي ما قدرتش نروح للدار
* هل فعلت شىء وندمت عليه؟
ما نظنش خاطر كل ضربة في الراس تزيد فهامة ومهما صرا رايح تكون ربحت تجربة وخبرة في حياتك ولي مازال
* بصراحه شديدة ما رأيك فى شباب اليوم؟
ماش غير شباب اليوم
كي بكري كي ضرك
كي البارح كي اليوم فيه الصالح وفيهم الطالح وكل واح مسؤول على روحو وتصرفاتو
* لمن تهب إبتسامتك دائما؟
للجميع فالابتسامة في وجه اخيك صدقة
* اخى الكريم مارأيك فى الزهور ؟ وهل اهديت احد زهور سابقا؟ وهل اهديت إليك زهور؟ ما هى افضل الزهور إليك؟
صراحة خاطيني الزهور وجامي هديتهم ولا هداولي زهور
شيكولا سناسل خواتم صح الزهور لالا ما نبغيش
والراي تاعي حاجة مليحة الزهور
مي صدقيني كاين حوايج في الدنيا تتقدم ما خيرمنهم يكفي انك تضحك في وجه خوك وتنحيلي على قلبو رايحة تكون تسوى حقول تاع زهور
* واخيرا
قلم وورقه بين يديك ماذا سوف تكتب فيها من كلمات ولمن؟
لفتاة تسكن قلبي
لن احبك كاول مرة او كاخر مرة بل ساحبك اكثر من الف مرة
ارجو ان لا اكون قد اثقلت عليك
لا بالعكس
فى امان الله وحفظه
ولكي بالمثل
