وعلاش تحب تبيبي بزززززززززاف ؟؟؟؟

[mina009]

انا نموت على البيب عندي نومرو واحد فالكونتاكت نحب نبيبيلو يلزم مايغلطش هو ما يجي يبيبيلي حتا نسبقو ... ههههه

 

[أحلام البليدية]

انا ما نبيبيش بزااااااااف الي تبيبيلي نعاودلها و كي يسماطو عليا نسماط معاهم.. مي بابا كلما نستحقو نبيبيلو هو الي يعاودلي وقيل جامي عيطتلو ههههههه
يعطيك الصحة

 

[حسان2010]

انا نعيط نكره عفست البيباج

 

[سجل أنا جزائري]

نبيبي برك نهار يكون ما عنديش دراهم

ساعات برك وين نبيبي كي ما نلقى وش ندير ههه

مرسي
​

 

[السلطانة]

وعليكم السلام
نبيpي ل صحاباتي برك
غير للبنات تسمى علابالي قاعدين باه يرجعولي

 

[sara csc]

ana a khouya jamais ma nbipi nbahdal b rohi n3ayt tole w khlass w cè bon bassah nmout 3la li ybipili w nahkam 3liiih hhhhhhh

 

[عفاف الجزائرية]

انا الوقت اللي نفطن فيه نبيبي
مي دي فوا نخلع الناس حبابي يقول خلات علاه بيبات في هذا الوقت
والصباح يغسلوني
يعني موالفة
​

 

[dana1993]

السلام عليكم
هه البيب ايه كيما دك ليفاكونس حباباتي منشوفهمش كامل كل وحدة من بلاد نبيبيلهم بلي راكم فالبال
وهوما كيفكيف
معنديش لي يدديرونجيني بزاف بالبيب واذا كان حتى انا عندي رونفوا دابال
باركك الله​

 

[tear of angel]

انا منحبش ليستوار نتاع البيباج

 

[الخيزران]

ما عنديش حق البيp

 

[abdou23]

عندي الهامر تيعي قاتلي كل ما تتفكرني بيبيلي أيا بعد يومين اكتشفت أني ما نتفكرهاش خلاص و صرا اللي صرا و هذا دليل على أني نكره البيباج و الناس اللي تبيبي
سلام

 

[aMiNa-K]

السلام عليكم
جني و جن هاد الظاهرة سورتو كي يبيبيو بالماسكي :busted_red:.. نورمالمون البيباج غير وين الله غالب .. تسحق كاش واحد اورجون و مايكونش عندك الكريدي بيبيلو و هو يعاود .. بصح الشعب تاعنا لالا .. يحكم الريبيرتوار كامل و يبيبي :glare:

مافياش العقلية تاع البيباج .. نسحق نهدر في التلفون نعيط ديركت
و كي نديورنجا من البيباج ندير الرونفوا دابال و نطيش التلفون فكاش تشخنة في الدار هيهيهييييي

​

 

[@نور البيضية@]

دوماج معنديش بورتابل لينا وحديي باش نهبل بالبيب بصح غير نتاع ماما حاجة باينة نبيبي منه
نموت في البيب

 

[JSK 14 CH]

هادا هو الجزايري بطبعوا كاين فينا المارق وكاين المليح وكاين وكاين الناس معادن

 

[ايمي03]

انا مرات نبغي نبيبي بصح مرات كي يكترو نبلع البورتاطل