يحبوك وقت الي يحبو

[aidouch]

السلام عليكم خوتي واش راكم ؟

إن شاء الله بألف خيــ ــــ ــــر

كيما قريتو في العنوان اليوم راني جاي نحكي على هاذوك الناس

اللي يجونا غير كي يولو يحتاجونا , و الله واحد الناس

راني موجوع منهم بزاف مي ما نحبش نفلق في الوجه //

جامي يسقسي عليك , و كي يولي عندو فيك صلاح

اللي تتلاقاه في الطريق يقولك راه يحوس عليك فلان ... جامي عيطلك في التيليفون

و كي يولي يحتاجك تلقى 100000 أpال أونابسونس

جامي جاك لدار و كي يولي مخصوص يجي يطبطب عليك الباب

بلا حشمة لا والو يجيك بجهو صحيح و مقشر...

و الله أنا نحشم واحد بالاك نحس بروحي مقصر

من جيهتو ما نروحلوش في وقت صلاحي

لي ما عرفتوش في وقت الهناء لواش نعرفو في وقت الشدة ..

صح اللي راني معاه صافي و صاحبي و متفكرو ديما و متفكرني هو ثاني

معليش نوقف معاه و يوقف معايا

و ما غلطش اللي قال ( الصديق في وقت الضيق )

راني بلعاني درت سطر تحت كلمة الصديق

يعني إذا ما كنتش أنا أصلا صديق ليك علاش تجيني في وقت الضيق ؟

مي الله غالب حنا قلوبنا بيضاء و ما نردو حتى واحد

ما علاباليش كي شغل حشمة و لا بالاك هاكا والدينا رباونا

ايه رانا بير بلا غطى اللي جا يشرب منو مي قليل لي يستاهل حتى يفوت من قدامو

و المشكلة الvيس هاذا لحقنا هنايا للمة , ناس جامي يسقسو علينا

و كي تولي في صلاحهم يجوك يجرو ديرنا هاذي و هاذي

مي معليش الدنيا بلوجوه و لاخرة بلفعال

ايا بالسلامة
اختكم الي
تهدر بالنية الصافية
aidouch
​

 

[DARINE05]

هذي ساعات تكون فينا مي ماشي ديما ولالا

 

[aidouch]

هاذي هيا لو تنتبه نتا تاني تلقي روحك كاين ناس متتفكرهمش وكي تحتاجهم تروح ليهم
الامر طبيعي يعني علاه نعرفو في كل وقت ولا كي نحتاجو راني نرروح ليه كيما هو كي يحتاجني يجيني
الهموم كثرة والمعيشه صعابة وشكون لي يتفكر صحابو ولا يلقي الوقت حتي روح ليهم
انا من رايي الامر طبيعي الازمنه تغيرت

يعطيك الصحة اخي الكريم
بلال على وجهة نضرك الي فادتنا
بصح انا نقول صح نحبو صوالحنا
كيا يقولك المؤمن يبدا بروحو
مي لواحد ما لزمش يديباسي ليليميت
نورت خويا
تشرفت بمرورك الكريم

​

 

[°~Kenza_02~°]

ايه يا اختي كي يحتاجوك يعرفوك وكي يكملو صلاحهم السلام ما يقولوهش
ربي يبعدهم علينا برك
مشكوورة
​

 

[aidouch]

هذي ساعات تكون فينا مي ماشي ديما ولالا

مشكورة اختي دارين نورتي الموضوع
بصح انا ليراهو ضارني كاينين
اليمايحشموش
و يبينولك بلي يضحكو معاك على صلاحهم و 1 foi
ديرلهم واش يحبو صباح الخير ما يقولوهالكش
نورتي..
​

 

[zagane]

السلام عليكم
المصالح هي سيدة الموقف اليوم

 

[aidouch]

السلام عليكم
المصالح هي سيدة الموقف اليوم

وي هذا واش رانا نشوفو فيه اليوم
الله يهدينا
​

 

[adel-mz]

واش تحبي ختو هادا طبع فاسد في بعض البشرية ،رانا قاع نعانيو منها
السلام ميقولهاش مي كي يعودو صوالحو يحوس عليك بالشمعة .ودير عليك لالارت وكي تقضيلو طبعا هادي من التربية على الحشمة نتاعنا يصد والله ماتشوفيه ،كان هنا وراح
مارسي الاخت

 

[aidouch]

واش تحبي ختو هادا طبع فاسد في بعض البشرية ،رانا قاع نعانيو منها
السلام ميقولهاش مي كي يعودو صوالحو يحوس عليك بالشمعة .ودير عليك لالارت وكي تقضيلو طبعا هادي من التربية على الحشمة نتاعنا يصد والله ماتشوفيه ،كان هنا وراح
مارسي الاخت

و الله عندك الحق خويا عادل
الدنا بالصوالح و الفايدة
ربي يهديهم و يبعدنا على الناس اللي يبروفيتيو
نورت​

 

[مروة 95]

صحيتي اختي
نجيبها من لخر كيما يقولو
أنا ليجاست هادوما نهبل منهم
و تالمون تلقاهم غير هوما سيرتو العام هادا
شفتها بالزايد و نضن بالزايــد عند لبنات
تلقاها تشوفك بسيف لاتقلك صبح الخير نهار صلاحها تولي تمووت عليك
و تدخل في الموضوع طول بلا مقدمات و بعد ماتقضي صلاحها أك تعرفي لا تعرفك لا جامي شافاتك عاديت انا نحيت من القااموس تاعي وحدة الكلمة كانت تدور تم يقولولها
صداقة . شكراااااااااا على موضوعك حطيتي يدك على الجرح
سلامووووو ​

 

[nassim007]

كاينة هدي


يحتاج غير ف صلاحو بففف

شكراا على موضوع


​

 

[Anoucha asma]

سلام الحمد لله والله لعندك الحق mé هد هي الدنيا و هد حال الناس فهاد الوقت ...................نقولو ربي يهديهم ان شاء الله

 

[عاصى]

شكرا اختاه على الموضوع الهـــــــــــــــــــــــــــــــــــــــــادف

 

[kiki96]

جي يوم لي نطيحو في موقف كيما هذا
وقولي ما قلتهاش

 

[نجمة رجاص]

i oui haiya danya