مصيبة .......بنات اليوم هن امهات الغد

[MR-REDOUANE]

السلام عليكم نتمنى تكونوا لاباس و ديما زاهيين مع الخضرة
الحاجة الاولى اللي راني متأكد منها راني نقولهالكم بعد الردود
حبيت نحكي على الامهات تاع البارح و اليوم و غدوة
تاع البارح حكاولنا عليهم وين كانت لمرا هي الـماشينة لاvي عند الواد وتجيب الما من البير كانوا يغسلوا الصوف و يغزلوه و ينسجوا الزربية.....يطحنوا القمح ... يعجنوا الكسرة يطيبوا..يربوا الذراري بالعشرة و الـ15 و يحيطوا بيديهم مرة شفت في دوكيمونتار النسا تاع التوارق هوما اللي ينصبوا الخيمة و يحفروا البير و في بلاد لقبايل يخدمو الطواجن و يجنو الزيتون و مانحكوش على البطلات كيما لالا فاطمة نسومر و المجاهدات
اليوم كاين اللي مزالت شادة ببعض التقاليد و كاينة اللي لازمتلها ماشينة لا vي و الميكسور و الباتور و الريفريجيراتور و اللكويزينيار و اللاv vيسال و الميكرو اوند ...ووو اللي قالتلهم اسكتوا خدامة في الدار يسمى هذا الكل عبز يسيل لازمتلهم وحدة تعبز هذوا النسا تاع اليوم عقلية مسلسلات

المصيبة هي غدوة ...بنات اليوم اللي رايحين يكونوا غدوة امهات باه نوضحلكم الفكرة نحكيلكم حكاية وحدة راحت تخطب لوليدها قالت لنسيبتها بنتك واش تعرف اتدير قالتلها تعرف كلش تلعب الفوتبال و تدير الجيم تسوق اللوطو و تدير كذا و كذا...المهم كي كملت قالتلها و وليدك واش يعرف يدير قالتلها لعجوز المسكينة ...يعرف يطبخ يدير الميناج و كلشي كل اصبع بصنعة شفتوا كيفاه الدنيا اتقلبت

و الحاجة اللي راني متأكد منها نقولها درك مانعرف ايلا نصبح حي ولا ميت اول ماترد طفلة تقول ياسيدي انا نعرف نطبخ وشكون اللي قالك مانعرفش الور انا ثاني نقلكم...ايييييييه علابالي بيكم :music_whistling: انا ثاني نعرف نطبخ و ندير الميناج
ملحوظة للمشرف. اطلقنا الموضوع اليوم و الشكر مسبقا
​

 

[السلطانة]

وعليكم السلام
حرام عليك دير الزووم
ولي عينيه عيانيين زيماه يقرا الموضوع
لي عودة للنقاش

 

[قَطٌر❀ الٌنَـدَى]

موضوع عندك فيه الحق بصح مش كامل لبنات هكا متعممش بصح انا نقولوك الصح انا خاطيني طياب بصح مش لدرجة حابسة قادرة نتعلم
علي العموم شكرا علي الموضوع

 

[Sârsoùra L'mkàlChà]

خويا حراام عليك
الحسااسية تع عينيا راني نشوف كلش فلوو زدت كملت عليا بهاد الخط الدوودة
--------
ماعليش نجاوب على حساب العنوان
نقلك ماشي النسا كاامل كيف كيف
و كيما عمتي قبل ما تتزوج كانت حاجة ما اديرها لا طياب لا واالو
ذك ارواح نتا و شوفها كيفااش ولات
في فرانسا و الشخشوخة ما تخطيهاش

ســــــلام
​

 

[406_nassim]

صح الاخت بصح مشي قع لبنات مي والله عيش توشف انا قلبي رهو معمر كي نتشوف هدو الصوالح بزاف

 

[بنـ MaPa ـت]

اولا: دوك ماكانش المرة لي تقبل تسكن في پلاسة وين تغسل الهيدورة والصوف اوتخبز...او مام دوك راه التطور كل شي پروفيسيونال او خلاصو مابقاش الناس لي هكدا..
ثانيا: ماكانش لي تقبل جيب من 4 للفوق (تقول قانون ولازم يطبقوه)..
ثالتا: نشالله ربي يهديهم كااااااامل..
رابعا: شكرا على الموضوع القيم
سلاااااااام..​

 

[406_nassim]

خويا حراام عليك

الحسااسية تع عينيا راني نشوف كلش فلوو زدت كملت عليا بهاد الخط الدوودة
--------
ماعليش نجاوب على حساب العنوان
نقلك ماشي النسا كاامل كيف كيف
و كيما عمتي قبل ما تتزوج كانت حاجة ما اديرها لا طياب لا واالو
ذك ارواح نتا و شوفها كيفااش ولات
في فرانسا و الشخشوخة ما تخطيهاش​

ســــــلام​

شحال متحبوش الحقيقة مي والله صح هدو قع امهات كثر فيهم الطمع مي مشي قع البنات كاين لتخاف ربي يك حنا الشباب رنا نشوف بزاف وقلبنا رهم معمرين بزاف

 

[406_nassim]

اولا: دوك ماكانش المرة لي تقبل تسكن في پلاسة وين تغسل الهيدورة والصوف اوتخبز...او مام دوك راه التطور كل شي پروفيسيونال او خلاصو مابقاش الناس لي هكدا..

ثانيا: ماكانش لي تقبل جيب من 4 للفوق (تقول قانون ولازم يطبقوه)..
ثالتا: نشالله ربي يهديهم كااااااامل..
رابعا: شكرا على الموضوع القيم

سلاااااااام..​

حنا دوكا قلوبنا رهم معمرين بزاف انا وحد قلبي رهو معمر بزاف مزيا يا ربي عندي الاخت وحدا متزوج وكان عندي بزاف لبنات وكان دوكا رني نبكي ولا كاش حجا والله وش نقلك لنقلهالك بلاك نقيصك وانا منحبش نجرح الاني انا انسان حساس بزاف

 

[MATADOR007]

عندك فيه الحق بصح مش كامل لبنات

 

[Mr mino]

راهم بدلوها

" بنات ليوم هن فنانات الغد "

تبالي هكا اصح

يعطيك الصحة خويا

​

 

[iméne09]

بون كلام صحيح لافيريتي في كل دار تلقى هدو لي يسهلو لحياة كلشي عبز يسيل علاش ما نطوروش مابقيناش كما نسا تاع زمان مي ماشي كامل نسا مايعرفوش يطيبو غير مgرضات اليدين ولي شبعو دراهم برك لي يجيبو خدامة اما الباقي والله تلقاهم يتفننو في الطياب وكاين بنات اعطيلهم لميكرو ولاتيلي وحبة بطاطا مايعرفوش يقليوها وهدي راجعة من ام هي لي ماتعلمش بنتها من صغرها ومخليتها مالا غير مكان لاه تجمع خو مزال كاين الخير في لبنات
يعطيك الصحة خو ع الموضوع لهايل ​

 

[Sârsoùra L'mkàlChà]

راهم بدلوها

" بنات ليوم هن فنانات الغد "

تبالي هكا اصح

يعطيك الصحة خويا

​

بعيـــد الشر
ياا خويا كي تقول ها قول كاين و كااين
ما تعممهااش :busted_red::busted_red:
​

 

[Mr mino]

بعيـــد الشر

ياا خويا كي تقول ها قول كاين و كااين
ما تعممهااش :busted_red::busted_red:​

راني على لبنات اللي كيما الطفلة اللي في

التوقيع تاعك

بنات الاصل اللي كيما انت ماحكيتش عليهم

معليش خيتي ربي يجيبلك اللي فيه الخير ويبعد

عليك كل شر

​

 

[mina009]

انا بكل صراحة عندي صةالح نعرف نديرهم بصح الطبخ شوية شوية يعني نقدر نقول منعرفش بصح قبل منتزوجش حتى نتعلم مليح و نشرف روحي و والديا

 

[ĜąМę ǒVĕŗ]

نورمال .... رانا 2010

بكري هاديك لوفات كو حاطوها في دي كومنتار هههههههه​

 

[MR-REDOUANE]

وعليكم السلام
حرام عليك دير الزووم
ولي عينيه عيانيين زيماه يقرا الموضوع
لي عودة للنقاش

راني كبرت الخط...و في انتظار عودتك
​

موضوع عندك فيه الحق بصح مش كامل لبنات هكا متعممش بصح انا نقولوك الصح انا خاطيني طياب بصح مش لدرجة حابسة قادرة نتعلم
علي العموم شكرا علي الموضوع

علابالي باللي ماركمش كامل كيف كيف بصح قليل اللي تصلح ..بصح مادام راكي رايحة تتعلمي نحوك منهم و انا مارانيش نحكي على الطبخ برك..راني نحكي على خروج المرأة باه تدير السبور و الجيم ...نحكي على لمرا اللي تدير خدامة فهمتيني يا الاخت الكريمة
و شكرا على مرورك الجميل و ردك الاجمل
​

خويا حراام عليك
الحسااسية تع عينيا راني نشوف كلش فلوو زدت كملت عليا بهاد الخط الدوودة
--------
ماعليش نجاوب على حساب العنوان
نقلك ماشي النسا كاامل كيف كيف
و كيما عمتي قبل ما تتزوج كانت حاجة ما اديرها لا طياب لا واالو
ذك ارواح نتا و شوفها كيفااش ولات
في فرانسا و الشخشوخة ما تخطيهاش

ســــــلام
​

راني كبرت الخط
وشكرا على المرور الجميل و الرد الاجمل
​

صح الاخت بصح مشي قع لبنات مي والله عيش توشف انا قلبي رهو معمر كي نتشوف هدو الصوالح بزاف

راك تديفوندي عليهم....و انا مارانيش ناطاكي فيهم رانا نحكو برك
وشكرا على المرور الجميل و الرد الاجمل
​

اولا: دوك ماكانش المرة لي تقبل تسكن في پلاسة وين تغسل الهيدورة والصوف اوتخبز...او مام دوك راه التطور كل شي پروفيسيونال او خلاصو مابقاش الناس لي هكدا..
فكرتيني في الهيدورة
ثانيا: ماكانش لي تقبل جيب من 4 للفوق (تقول قانون ولازم يطبقوه)..
هذا اذا ماقالتش نتبناو واحد مانجيبش راها تفسد لا بوتي تاعي
زعمة انجلينا جولي
ثالتا: نشالله ربي يهديهم كااااااامل..
اللهم آمين
رابعا: شكرا على الموضوع القيم
الشكر ليك على الاضافة الجميلة و المرور الاجمل
سلاااااااام..​

عندك فيه الحق بصح مش كامل لبنات

وشكرا على المرور الجميل و الرد الاجمل
​

 

[بنـ MaPa ـت]

الله يسلمك​

 

[فراشة الايمان]

مش صباعك الكل كيف بعضهم ..........

 

[fahima m]

الصراحة ماشفت والو الكتيبة صغيرة ههههههه وتفنينت باه نركز على الكتيبة كبرها شوي يرحم بوك​

 

[جزائرية حتى الموت]

امهات الغد ان شاء الله

تعرف اطيب + تسوق اللوطو + تخدم برا وداخل البيت +تعجن الكسرة+تسيبورتي ليكيب ناسيونال+لافريم

شاخصها ام الغد