انا شابة ابلغ 15 ومشكلتي متل البنات الصغار متلي

[عليا 23]

السلام عليكم ورحمة الله تعالى وبركاته
انا اسمي سلوى وعمري 15 سنة
انا مراهقة وصغيرة جدا في هده الحياة
مشكلتي بصراحة مشكلة شبابية في متل سني
انا اظن انني صغيرة
مشواري صغير جدا وانا لا اعرف شئ في الحياة
كل حياتي للدراسة
والشغل وبس
في فترة المدرسة كنت مشغولة جدا
وصدفة ما اواجه شاب يلاحقني
ويتكلم معي كثيرا ويحاول الدخول
في حوار معي
ويلفت الانظار وصدفة ما هدا الشاب تكلمت معه بالنيت
وتطورت العلاقة وطبعا
اهلي يعلمون انني اتكلم مع هدا الصديق
الدي هو زميلي
وهو جد متفوق
معدلاته كبيرة فهو الرابع في المدرسة
وعلى هدا انا اعجبتني قوته بالعلم وتربيته
وهو دائما ينصحني كاخ
ودائما يردد متخالطيش البنات والدكورة
وانتبهي للقراية برك
وخلي خوك هو صديقك
وعائلتك
ولكن الصدمة
انه طلب مني رقم الهاتف
وانا لا اعرف مادا ارد
او مادا اتصرف لان على حسب علمي انه اخ
او صديق لا اكثر
انا الان في حيار
واظن انني صغيرة جدا على هدا الشي
هاتف ونيت
ودائما اقول ان في الاول كانت صداقة واخوة
يمكن لما اتكلم معه كثيرا يصبح حب او شيئ اخر
انا اقول دائما ان في هدا التصرافات
اخون اهلي مع انهم يعلمون انني اتكلم معه
ويقولون لي الشرف ان تتكلمي مع هدا الشخص المتفوق
وان تكتسبي منه مع انني دائما اشك
وشعوري بالخوف الدي لا يتركني
انصحوني هل اكلمه او لا
وهل اتواصل معه كصديق او مادا افعل







​

 

[قَطٌر❀ الٌنَـدَى]

والله معلبالي اختي وش نقولك بصح جابلي ربي مراهقة فترة وتعدي ومتعطيلوش النيميرو باسكو رايحة تندمي صديقني انا مريت بتجربة تشبه لهذي مع الوقت تعرفي وش نقول ربي يفرج عليك

 

[sam11]

بنتي انصحك ان تهتمي بدراستك فقط وهدا اظن زميلك وردك عليه بالنسة لرقم الهاتف

اخبريه انو ماشي لازم ياخده لانكم مع بعض في المدرسة واهتمي اكثر بدراستك فقط انتي

مازلتي صغيرة على الامور هادي والطريق قدامك طويل نصيحتي ليك اهتمي بدراستك فقط

 

[Ŝĥåĥĭйëž Ïķřăмơǖ]

ya okhti ygoulek sadak tweli hob ana rah 3andi 19ans raha 3andi khibra; ga3 fotna 3la hadik trigue yakhti matmidilehch num wmen ba3d tendmi okhti hadi lhaja tkhosek wnti khami m3a rohek ga3 lingolohlek matjiche kima tkhami nti wm3a 3aklek madirich haja apré tendmi 3liha madirich kima ana ya khti lah yerdi 3lik wnchalah nkoun gotlek klam 3awnek chwia tkabali morori °°hayet°°​

 

[عليا 23]

انا اصلا مهتمة بدراستي
ومنحبش الاشياء هادي
والا مكنتش قلقت لهدي الدرجة وكان على النيميرو انا معطيتوش
فقط اخدت تيعو على امل نهار اوخر نعطيهولو
وزيد انا نخاف من هده القصص
بدايتها صداقة واخوة واخرتها كيما نعرفو الكل
كاين بزاف بنات مرو بنفس الشي
وانا نخاف لنمر كيفهم ونعرف انو بدايتها تكون بالنيمروات وشكرا

 

[عليا 23]

راني نعرف انو قاري ومتربي ياسر
بصح دائما انا نخاف ادا نتخدع
بالمظاهر
خاطر في جيلنا ناس يكونو عاقلين وهوما شواطن
يعني نحب نعرف هل نحكي معاه ولالا
او نقطع العلاقة نهائيا

 

[الميزان]

السلام عليكم
اختي تبانلي نتي راكي حاسة بلي هو ماراهش يشوف فيك كأخت فقط بل اكتر هادا علاه راكي متخوفة
هادا علاه ماكان علاه تمدي النيمرو لحقاش كيما هاك تورطي روحك فعلاقة ماتقدريش تخرجي منها
وتبانلي تخوفك في محله

 

[*ليديا*]

حنونة راكي انت قلتيها راكي صغيرة ومراهقة 15 سنة
في رايي يبقى أخ خير وسقسي المجرب والكبير عليك
عجبتيني بزاف راكي شاركيتينا قصتك وتعجبيني أكثر تخدمي بالنصائح
والبورتابل يجيب غير المشاكل ولو كان تحكي معاه بالبورتابل ممكن يجي وقت تندمي وتقول آه لو كان غير بقينا أصدقاء
ربي يوفقك ان شاء الله وخليني نسمع اخبارك
​

 

[عليا 23]

انا بكري كنت نحس انو منبانلوش اخت
وزيد ساعات نكدب احساسي ونحب نعطيلو فرص
بصح جوبونس انو انا ما راح نناسبو ولا هو يناسبني
ادا راهو يظن انو يقدر يخلي علاقات الحب ما بيناتنا
وزيد مشها تربية تيعي الي نحب في السن هدا
انا نحاول اني نحكي معاه كاخ وزميل وادا يشوف فيا شي تاني
انا الي راح نوقف العلاقة الي بيناتنا

 

[شيخ أمين]

أنت صغيرة ولكي مستقبل زاهر
ودراستكي هي الأساس وخاصة في هذا السن الصعب الذين يحدث فيه انحراف
وهذه من بين الأسباب الانحراف
لاتفكري في هذا الأمر هو يهدد حياتكي
أنت داخلة في طريق صعب وشاق وعواقبه وخيمة
عليا تنديمن على ذلك
ربي ويفقك

 

[عليا 23]

يا جماعة الكل جامع على ان هدا الشي خطا وخطا كبير جدا ادا استمريت عليه
ولكن كيف اتصرف الان
اهل اقطع العلاقة ولا اتكلم معه نهائيا بدون سلام
او اتكلم معه وكيف اواصل الحديث
مع العلم انه يحكي لي على عائلته وكل اسراره
ولنا حلم مشترك وهو الطب
وكل هواياتنا مشتركة انا نيتي صافية
واراه كاخ
ولكن انا اخاف من شباب هده الايام
ولهدا اريد النصيحة كيف ساواصل وكيف اتصرف معه

 

[* تسنيم *]

السلام عليكم
ختي مازالك صغيرة خليك من هاذ لحوايج تلهاي بالقرايتك مكالاه تعمري راسك وما تبعيش لهدرة تاع لبنات وقبل ماديري اي خطوة خمي مليح للمبعد وربي يحفظك خلي روحك عزيزة وتقيلة راكي صغيرة
هذي نصيحتي ليك وربي يقدم لي فيه الخير

 

[salma2010]

اختى الغالية برايي الشخصي ابتعدى تماما عن هذا الطريق مازلتى صغيرة على هاد الشئ اللذى يبدا دائما باسم الصداقة ثم........ثم.......وطريق طويل وراكى تسمعى القصص والحكايات بمجتمعنا برايي ابتعدى تماما وهذا افضل واصح

 

[°ضياء القمر°]

اييييييييييييه 15 سنة داركم مخليينك تكونكتي و عندك نيميرو تاني !!!!!!!!
اختي مازالك طفلة صغيرة اقراي و العبي و خليك من التخمام هدا

انا كي كنت قدك الدراري اللي يقراو معايا كانت الشحنة بيناتنا و كامل نتنافسو شكون اللي يجي اللول
و زيدي بالزيالدة كامل زرقتهم واحد ماتجرأ يدنى ليا ههههههه
الحب ماكنتش كامل نسمع بيه

 

[mir@cle]

وهو دائما ينصحني كاخ
ودائما يردد متخالطيش البنات والدكورة
وانتبهي للقراية برك
​

طبقي نصيحتو وأبداي بيه
​

 

[عليا 23]

ضياء احنا المنافسة عندنا وانا اول وحدة نتنافس
ومنبهة لقرايتي بزاف
وقبل ما اعرف هدا الشخص وايضا انا دماغي فيها قليل من الحكم
والا لم اكن انتبه لهدا الخطا من اولو اليس كدلك او انا ابالغ

 

[عاشقة الايمان]

آي ختي نقولك ماتعمديلوش النيميرو والله تندمي

 

[°ضياء القمر°]

خلاص امالا خلي حدود بينك و بينو ماتداصريهش بزاف
راهو يقرا معاك ماعندك ماتديري بصح ماتدصريهش بزاف يعني تقصري معاه في النت و في المسيد تبداوها بسبة القرايا حتى تعشو في دصارة وحدخرة

احسن حل اللي قالك عليه الاخ mir@cle
النصيحة اللي قالهالك ابدايها بيه هههههه

 

[الخيزران]

15 سنة عندك موبيل ؟؟؟
اذا خذيتي رايي قولي ليماك ياخي علابالها بصديقك قوليلها راه يقولي اعطيني تلفون وشوفي رايها
ماماك تمضغك وما تسرطكش يعني ما تبلعكش

 

[عليا 23]

يا اخي كاين ناس شويا مش صوا في الهدرة
يعني انا اهلي مربييين على الصراحة
وزيد مش على القفلة والحسرة
عاطييين الحرية
وطبعا نعرف الحدود
وادا منعرفهاش مكنتش قلقت من التلفون مع اني معطيتوش ولا حكيت معاه بمواضيع مش مليحة وشكرا ليك ....