السلام عليكم خاوتي وخوتاتي
واش راكم أن شاء الله تكونوا ملااااااااااح , انا من جهتي مانيش مليحة
راح نحكيلكم حكاية راهي صاريتلي و معرفتش واش ندير قلت نفرغلكم قلبي
ياسيدي كنت gاعدة مع بنت عمي نحكو و نضحكو ماخصنا والو , فجأة يصوني
بورطابلي خزرت فيه نلقى رقم غريب من خارج الجزائر قلت انا شكون هذا
خليتو هكاك قلت دورك يحبس مبغااااش يحبس , gعــــــد يصوني ويعاود
وكي قلقت منو درتو silence وخليتو ووووووو , فات هذاك النهار و الصباح
كي نوضت نلقى بورطابلي معمر بالباااااال (هذاك الرقم ) ياسيدي روحت صحصحت
غسلت وجهي شربت قهوتي و قضيت شغلاتي و مبعد قولت نروح نطلق البورطابل
يصوني بالاك يعيطولي حبباتي , هيا مالا طلقتو انا خرجت من الغرفة ماااانبا
5 دقايق وبدات الرنات رحت نشوف لقيتو نفس الرقم قلت والله نرد نشوف هذا
اللي راه من يومين وهو يعيط , رديت قلت الووووووووووووووووووووووووو
قالي الو وتكلم نلقاها لهجة زي خلاااااااف تركية دهشــــــــت
قوتلو واش تحب انا مافهمت والو من كلامو , ايا مالا بالعربي لمكسر
نتاعهم قالي هااااااابب اتعرف عليك قوتلو انا مانيش حابة نتعرف قالي
ليش انت gضبااااااان مني كوبيت عليه و خليتو
ومن هذاك اليوم لحد الساااااعة و هو عgاااابي يصونيلي
و يبعثلي في المسجات بالتركي مافهمت كلمة منو
خاصني نروح ندير دورة في اللغة التركية باه نفهم واش راه
يكتب راه يسب و لا يشكر العلم لله .
اسمحولي طولت عليكم هيا قولولي واش ندير . .
انا راني مافهمت والو
سلاااااام
