قالي كي ختي ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
ابليس ياخي علابالكم كي يوسوس الإنسان يجيه من باب الشر وإدا ماقدرلوش
يجيه من الباب تاع الخير
مثلا للطفلة يقلو راهي كي ختك راهي هكدا وراهي هكدا باه مايحسش بلي راهو في لحرام ...
وهاذ الفكرة راهو كي خويا وراهي كي ختي كثرت بزااااااف على لسان ليجان تاعنا...
مرة كنت نمشي ولقيت واحد كبير مع وحدة صغيرة المهم ...
والله شفتني وغاضتني مسكينة ماتعرفش وهو كبير عليها بزاااااااااااف...
قلت ننصحها مسكينة ولا نروح المهم تخيلتها ختين ولا قلت انا ننصحها وواحد بعد مدة قادر ينصحلي بنتي وهيا ماشية ...
المهم حبست حكيت معاه وهي خافت بعدت شويا وقاعدة تسمع
قلتلها قربي هنا ... المهم نسيت واش قتلو قالي راهي كي ختي ... قالي الهدرة الي مانحبهاش...
قتلو ترضى لختك تخرج مع واحد وتحكي معاه في التيليفون ؟؟؟ قالي لالا
قتلو مالا ماشي كي ختك...
ختك ماترضالهاش تخرج مع واحد وتا راك خارج مع هاذي يعني ماشي كي ختك...
وقلتلها راهو مداير معاك حاجة مايحبهاش لختو ومشيت خليتهم...
.... من بعد باين قالها واش بيه هادا العبد لقديم ولمعقد وووو
مايهمنيش المهم وصلتلها فكرة ماكانش منها كي ختك
الي راهو يقول هكدا راهو يكذب هادي هدرت ابليس
خحتك راك ماتحبلهاش هاد الشيء وعلاه تحب لبنت الناس حاجة ماحبيتهاش لختك
يعني ماشي كي ختك
...
طولت عليكم بزاف والفكرة تبالي وصلت ربي يحفظكم يا لبنات​

 

[MSANTAH 48]

كلش نورمال عندنا
بصح هي تستاهل تانا
هي علاه تروح معاه

 

[sami19280]

المهم خويا نتا قمت بالواجب ومشكور عليه والباااااااقي على الطفلة تعرف مصلحتهاااااااااااا

 

[روعة الأخلاق]

السلام عليكم
بارك الله فيك اخي
و احيي فيك غيرتك على بنات جلدتك فعلا قلائل هم امثالك فمعضمنا نرى المنكرات ليل نهار و لا نحرك ساكنا
وفقك الله و سدد خطآك​

 

[la_safa]

انا وصلتني الفكرة شكرا لك
انا حبيت نقول بلي ما بقاش أمان في هاد الدنيا ولات الناس ذئاب ماش كيما يبينو
مي ربي يهدي و الحمد لله لي مازالو ناس الخير
​

 

[عبد الجبار الجزائري]

وعلاش غير من اليوم يا اخي كما تدين تدان المهم راه ولا كلش عادي في بلادي بكري كي نلقاو زوج يمشيو مع بعضاهم نطارشوهم ونتلعوهم ودك تهدر تحصل تصبح في الشرطة والدرك وخليها على ربي
واليوم عادي في بلادي مام راك ماش راضي بصح ولات مودة هو ميرضهاش لختو ويرضاها لبنت الناس راك كوراج كي هدرت او هو مدايرها كي ختو بصح هي واش داها كون ماش رضات ماش تمشي معاه ولله في خلقه شؤون

 

[dana1993]

خحتك راك ماتحبلهاش هاد الشيء وعلاه تحب لبنت الناس حاجة ماحبيتهاش لختك
يعني ماشي كي ختك

الفكرة وصلت راني معاك 100/100 و لازم توصل للذكورة تاني

كثر النورمال لي هو آنورمال في بلادنا
ربي يستر ان شاء الله
مشكور لبلاد *ماكانش*

 

[الجندية]

خويا الله يكثر من امثالك
وفعلا اللي يحبوها لبنات الناس مايرضاوهاش في اخواتاتهم
ربي يهدي والف شكـر ليك اخي
​

 

[Elif DZ]

ربي يهدي خلقهـ
هذا ما نقدر نقول
​

 

[zahra09]

يعطيك الصحة لوكان جاو كامل يخمو كيفك..............

 

[ماكانش]

كلش نورمال عندنا
بصح هي تستاهل تانا
هي علاه تروح معاه

ربي يحفظك خويا
صح مام هيا وعلاه تروح ليه
بصح مانلوموهاش بزااااااااف
راك تعرف صغيرة والناس مايرحموش​

 

[ماكانش]

المهم خويا نتا قمت بالواجب ومشكور عليه والباااااااقي على الطفلة تعرف مصلحتهاااااااااااا

هاذا ماكان خويا
والله نحب ننصح والباقي دبر راسها

 

[sams]

واش نديرو كاش حل لقيناه باش يتوعاو
ربي يهدي كل واحد

 

[sams]

ياريت نكون ختك نتمناو يكون عندنا اخ كيما نت
معرفتش واش نقولك
يعطيك الصحة نشالله يفهموا

 

[قالمية ونصف]

يمكن يكونوا كاينين لكيما الخاوة ويمكن لا
كل واحد وحسب نيتوا

 

[MR-REDOUANE]

بدون مجاملة خويا بارك الله فيك و ربي ان شاء الله يقدك ديما للخير
لوكان كاين عباد كيما انت نولي نديرو في موضوع آخر
شكرا
​

 

[ماكانش]

السلام عليكم

بارك الله فيك اخي
و احيي فيك غيرتك على بنات جلدتك فعلا قلائل هم امثالك فمعضمنا نرى المنكرات ليل نهار و لا نحرك ساكنا

وفقك الله و سدد خطآك​

وعليكم السلام ورحمة الله وبركاته
امين ياختي
نسأل الله التوفيق والسداد والثبات
والله مادرنا والو لازم نديرو هكدا
شكرا لكم على مروركم العطر​

 

[STAR ALGERIE]

"ختك راك ماتحبلهاش هاد الشيء وعلاه تحب لبنت الناس حاجة ماحبيتهاش لختك"
بارك الله فيك أخي على الموضوع وعلى وش درت وش تحب ربي خلق وفرق
لوكان كل وحدة تكسر راسها شويّا وتخمم فهد الجملة لوكان ما لحقش الوقت وين رانا
ربي يهدي ما خلق ويبعد كل ضر عن عبادو
تقبل مروري
سلام
​

 

[سماح4]

بارك الله فيك وربي يعطيك على قد نيتك ، وكيما قلت بلاك ربي يحميلك بنت ولا اختك بسبب هذا ....
أما عن هذي الفكرة تاكد بلي كامل لي يقولو كي اختي وكي خويا بينهم وبين رواحهم عارفين بلي مكاش منها بصح يصبروا رواحتيهم ويحاولو مايحسوش بالذنب بصح عارفين بلي حرام ربي يهدي شبابنا كامل.

 

[مانوشكا]

خويا راك في القمة كون جاو ناس كامل كيفك و الله ما نوصلو للشىء لي رانا نشوفو فيه بارك الله فيك