طفل وطفلة

[@@simo@@]

بسم الله الرحمان الرحيم

احنا من دون شك عايشين في الدنيا

طفلة وطفل راجل ومرا

هدي حاجة باينة


وولينا في كل بلاصة طفلة وطفل

في الخدمة ..في القراية ..في bus ..في المطاعم..في المكتبات

المهم في كل بلاصة

هيه واش فيها نورمال

وبسبب هدا الاختلاط في كل بلاصة

ولات كاينة صداقات بين الطفلة والطفل

نقولك هدا او كيما خويا ولا هدي الطفلة كيما ختي

ضكا نتوما قولولي انتوم في رايكم


اسكو تقدر تكون كاينة صداقة بين طفل وطفلة؟وتكون صداقة بريئة؟وتكون صح كيما ختي وخويا؟


وانتوما في رايكم هدي حاجة مليحة ولاحاجة مارgا

سلام​

 

[Jagwar]

مرسى على الموضوع الخفيف الحلو اختى​

و الله واش راح نقولك
أنا وحدة كى نقوللها اختى يعنى رانى نقصد معنى الاخوة تاع الصح
يسمى ما فيهاش شوائب العلاقة هاذى
طبعا كل واحد و تفكيرو ، على خاطر كاين لى يحبو يبروفيتو من الكلمة هاذى باش يتقربو من البنت و لا العكس على أساس باش يحكى معاها فى حوايج اخرين و لا يحب يغازلها و لا يحب يتقرب منها
و الهدرة هاذى أختى رايحة تعرفيها و تقتنعى بيها فى المستقبل هنا فى المنتدى و يجى نهار و تتفكرى هدرتى هاذى
ما تغركش بزاف كلمة أختى .
كاين لى يستاهل يقولك اختى نورمال
و كاين لى يقولك اختى و يستاهل عليها كلمة لخوى يحكمك .​

مرسى عليك اختى
دمتى متألقة​

 

[etoo14]

الله غالب ما نقدرش نهدر سامحيني ختي مانيش قاعد درك

 

[etoo14]

ومشكورة اختي على الموضوع

 

[الجوهرة الضائعة]

السلام عليكم ورحمة الله وبركاته
تقدر تكون صداقة بين طفلة وطفل
انا شخصيا كي نقولك بلي هاد العبد صديق نكون نقصدها بكل ماتحمل الكلمة من معاني
وشكرا على الموضوع

 

[يسرى 2008]

نشكؤك على الموضوع الخفيف ومليح
والله انا من راي كاين صداقات بريئة صح تكون في معنى الاخوة
بصح مش كيف خوك تاع الصح مهما صار ميتمنالكش الخير كي اختك يعني ميفكرش فيك بتفكير زايد برك هدا عندنا كي خوك وزراهم ميطولوش الحكايات هادم
وكاين صداقات زعما او خوك و هو مش شايفك كي اختو يعني يلعب فيها باش يوصل الي حاب
يعني في الدنيا هادي انا نقول انو خوك هو خوك تاع الدار الي تربا معاك والي عندكم نفس الدم والي يخاف عليك ويربيك لا اكثر ولا اقل والصداقات الي كيف خويا اي مدومش

 

[abdelmalek88]

في الحقيقة كاينة كلمة صداقة بين الطفل والطفلة مي وحدين غاشي يبروفيتو هاد الكلمة لحوايج واحد اخرين يبدا بكلمة اختي ومنيش عارف باه يكمل ​

 

[@@simo@@]

مرسى على الموضوع الخفيف الحلو اختى​

و الله واش راح نقولك
أنا وحدة كى نقوللها اختى يعنى رانى نقصد معنى الاخوة تاع الصح
يسمى ما فيهاش شوائب العلاقة هاذى
طبعا كل واحد و تفكيرو ، على خاطر كاين لى يحبو يبروفيتو من الكلمة هاذى باش يتقربو من البنت و لا العكس على أساس باش يحكى معاها فى حوايج اخرين و لا يحب يغازلها و لا يحب يتقرب منها
و الهدرة هاذى أختى رايحة تعرفيها و تقتنعى بيها فى المستقبل هنا فى المنتدى و يجى نهار و تتفكرى هدرتى هاذى
ما تغركش بزاف كلمة أختى .
كاين لى يستاهل يقولك اختى نورمال
و كاين لى يقولك اختى و يستاهل عليها كلمة لخوى يحكمك .​

مرسى عليك اختى

دمتى متألقة​

مرسي خويا

صح كلش في الدنيا على حساب النية

لاكان عادت النية صافية كلش مليح

لاكان عادت النية ماش مليحة لثم تتبدل الهدرة​

 

[@@simo@@]

الله غالب ما نقدرش نهدر سامحيني ختي مانيش قاعد درك

كي تقعد مالا ارجع

مرسي خويا​

 

[@@simo@@]

نشكؤك على الموضوع الخفيف ومليح
والله انا من راي كاين صداقات بريئة صح تكون في معنى الاخوة
بصح مش كيف خوك تاع الصح مهما صار ميتمنالكش الخير كي اختك يعني ميفكرش فيك بتفكير زايد برك هدا عندنا كي خوك وزراهم ميطولوش الحكايات هادم
وكاين صداقات زعما او خوك و هو مش شايفك كي اختو يعني يلعب فيها باش يوصل الي حاب
يعني في الدنيا هادي انا نقول انو خوك هو خوك تاع الدار الي تربا معاك والي عندكم نفس الدم والي يخاف عليك ويربيك لا اكثر ولا اقل والصداقات الي كيف خويا اي مدومش

ممكن في بعض الاحيان

بصح كي تعود في حدود الاحترام والله ماتخافي

مرسي ختي​

 

[@@simo@@]

السلام عليكم ورحمة الله وبركاته
تقدر تكون صداقة بين طفلة وطفل
انا شخصيا كي نقولك بلي هاد العبد صديق نكون نقصدها بكل ماتحمل الكلمة من معاني
وشكرا على الموضوع

شكرا ختي على المرور​

 

[@@simo@@]

في الحقيقة كاينة كلمة صداقة بين الطفل والطفلة مي وحدين غاشي يبروفيتو هاد الكلمة لحوايج واحد اخرين يبدا بكلمة اختي ومنيش عارف باه يكمل ​

يعني كلش على حساب نية الطرفين

مرسي خويا

​

 

[ήaήa~:)]

والله ياختي ديفوا تلقاي طفلة و ولد ديزامي و اخوة تاع الصح .. بالاك هيا مع طفلة كيما هيا ماتفهمهاش كيما يفهمها لامي ديالها و العكس.. سيبوخسا انا نقول بلي الصداقة بين لبنات ولولاد كاينة ميبصح قليلة بزاف و كيما قالوا لي قبلي كاينين بزاف ديجون يستغلوا كلمة ختي و خويا باش يلحقوا لواش راهم حابين

وميرسي على السوجي ^^​

 

[@@simo@@]

والله ياختي ديفوا تلقاي طفلة و ولد ديزامي و اخوة تاع الصح .. بالاك هيا مع طفلة كيما هيا ماتفهمهاش كيما يفهمها لامي ديالها و العكس.. سيبوخسا انا نقول بلي الصداقة بين لبنات ولولاد كاينة ميبصح قليلة بزاف و كيما قالوا لي قبلي كاينين بزاف ديجون يستغلوا كلمة ختي و خويا باش يلحقوا لواش راهم حابين​

وميرسي على السوجي ^^​

صح كي طيحي في واحد صافي مي 1 في الاف

مرسي ختي​

 

[NICHA03]

سلام اختي انا نظن انو كاينة صداقة بين الطفلة و الطفل و تكوون صداقة تاع اخوة بصح ليفهم لكلمة اختي هذاك هو ليستاهل تقوليلو خويا ماشي او يقلك اختي و من وراك او يهدر فيك

 

[@@simo@@]

سلام اختي انا نظن انو كاينة صداقة بين الطفلة و الطفل و تكوون صداقة تاع اخوة بصح ليفهم لكلمة اختي هذاك هو ليستاهل تقوليلو خويا ماشي او يقلك اختي و من وراك او يهدر فيك

هدا هو المشكل وينو لي يقدر كلمة ختي قليل

مرسي ختي​

 

[abdou23]

ممكن تكون صداقات في النت لأن الطرفين بعاد على بعض بصح في الواقع مستحيل لأن الراجل و المرا بيناتهم دائما مطامع اللي ما يقدروش يسيطرو عليها وهذه هي الحكمة من تحريم الإختلاط

 

[رجاء*ريمة]

والله في راي نتاعي ماكانش صداقة قادرة نتي تحطيه كي خوك و هو ايشوفك حاجة اخرى:scared::scared: و العكس شكرا على الموضوع

 

[المتفائلة_91]

ماكانش منها ماناش في لوروب

 

[@@simo@@]

ممكن تكون صداقات في النت لأن الطرفين بعاد على بعض بصح في الواقع مستحيل لأن الراجل و المرا بيناتهم دائما مطامع اللي ما يقدروش يسيطرو عليها وهذه هي الحكمة من تحريم الإختلاط

شكرا خويا على رايك

وانا نضن بلي نأيدو بزاف​

والله في راي نتاعي ماكانش صداقة قادرة نتي تحطيه كي خوك و هو ايشوفك حاجة اخرى:scared::scared: و العكس شكرا على الموضوع

مرسي ختي وهدي تصرا بزاف​

ماكانش منها ماناش في لوروب

مرسي ختي واحنا مسلمين

اعطيك الصحة​