عرض خدمة

[أم أريج]

ربي يحطهملك في ميزان حسناتك

 

[امنة2]

شكرا لك اختي على اهتمامك

 

[nissma34]

شكرا لك اختي على اهتمامك

بلا مزيا اختي ربي يخفظك

 

[nissma34]

جميعها هايل عجبنب قاطو لفيه أورونج في صورة أولى
أنا عملت طلية قداه من مره ومتخرجليش كيما لي في الصورة
عندك قاطو المكسرات
يعطيك الصحة أختي

الحلوى لي عجباتك عزيزتي هي حلوى جديدة وسهلة وما طيبش وهي تاع اعراس ومناسبات

اليك المقادير
02 كيلات غبرة اللوز
01 كيلة سكر رطب
سيرو( السكر العادي والماء تحطيهم فوق النار يعقدو شوية )
للحشو
علبة بيمو
50 غ شكولا ذائبة
20 غ حلوة الترك
50 غ لوز مرحي
50 غ جوز مرحي
50 غ جوز هند
جولي
نخلط اللوز مع السكر ونجمع بالسيرو نحصل على عجينة
نخلط جميع مواد الحشو ونجمع بلا جولي نحصل على حشو متماسك
نحل عجينة اللوز فوق سطح مرشوش بالسكر رطب ونقطع اشكال بطابع خاص
ونحل كذلك الحشو ونقطع نفس الشكل ونلصق طبقتين من عجينة اللوز وطبقة في الوسط تاع حشو وتزين من الفوق بزهرة من عجينة اللوز كما في الصورة زهرة بنيو اخرى اصغر بيضاء مع حبة فضية اما الديكور لي عجبك تهزي ريشة وتغطسيها في الملون البرتقالي وترسمي الحواف باللون ارونج

وهذا هو الطابع المستعمل

 

[أم أريج]

الحلوى لي عجباتك عزيزتي هي حلوى جديدة وسهلة وما طيبش وهي تاع اعراس ومناسبات

اليك المقادير
02 كيلات غبرة اللوز
01 كيلة سكر رطب
سيرو( السكر العادي والماء تحطيهم فوق النار يعقدو شوية )
للحشو
علبة بيمو
50 غ شكولا ذائبة
20 غ حلوة الترك
50 غ لوز مرحي
50 غ جوز مرحي
50 غ جوز هند
جولي
نخلط اللوز مع السكر ونجمع بالسيرو نحصل على عجينة
نخلط جميع مواد الحشو ونجمع بلا جولي نحصل على حشو متماسك
نحل عجينة اللوز فوق سطح مرشوش بالسكر رطب ونقطع اشكال بطابع خاص
ونحل كذلك الحشو ونقطع نفس الشكل ونلصق طبقتين من عجينة اللوز وطبقة في الوسط تاع حشو وتزين من الفوق بزهرة من عجينة اللوز كما في الصورة زهرة بنيو اخرى اصغر بيضاء مع حبة فضية اما الديكور لي عجبك تهزي ريشة وتغطسيها في الملون البرتقالي وترسمي الحواف باللون ارونج

وهذا هو الطابع المستعمل

يعطيك الصحة وزيديي وريلي متبخليش علي أختي

 

[شيماء2]

https://www.4algeria.com/upload//uploads/images/4algeria.com-93960bdc91.jpg
ربي يوفقك في مشواره ان شاء الله
ممكن تساعديني وتقوليلي كيفاش تتخدم الحلو اليي في الصورة
شكلها مربع و فيها هادوك الشرائط ميرسي​

 

[nissma34]

https://www.4algeria.com/upload//uploads/images/4algeria.com-93960bdc91.jpg

ربي يوفقك في مشواره ان شاء الله
ممكن تساعديني وتقوليلي كيفاش تتخدم الحلو اليي في الصورة

شكلها مربع و فيها هادوك الشرائط ميرسي​

شكرا سوف اشرح لك كيفية صنعها مع المقادير

 

[nissma34]

اعلمكم ان اتشرف بالعضوة sasafed ان تشاركني في تلبيت طلباتكم
واتشرف باي واحدة تريد المشاركة لكن ارجوا ان تكون كل الخدمات المقدمة مجربة

 

[أم أريج]

عندي وصفات بزاف مجربة و أي شئ أنا مستعدة نساعدك أنا نحب نستطلع على كل ماهو جديد

 

[امير الجزائر]

شكرااااااااااا كيتر على وصفا

 

[MIMICHA1977]

مشاء الله عليك و نهنيك على الخبرة ديالك اختي نسمة و انا من محبي و هواة صنع الحلويات و راني حابة نتعلم من عندك ياريت تقبليني عندك

*شفت مرة حلوى فى عرس حلوى مصنوعة بالقولب السلكون مزينة بطريقة رائعة بالشكولاطة اذا كان عندك شي وصفات خاصة بيك ياريت تكتبهالي












و كدلك عندي مشكل مع شكولاطة الميزان مش دائما تنجح معايا كي نذوبها

و ساعات تولي تسكر و حلوى يجي شكلها بشع ياريت عندك كاشي حيلة تخليها تنجح معايا دائما

تحياتي

 

[Djazaire-El-Ghalia]

:ax_flw::sheer:Ya3tik 1000 3afia oukhti Nissma 3la elmoussa3ada Hafidaki elmawla doumti

 

[أم أريج]

أنا عملت بقوالب سلكون شحال من مرة وجي نتيجة روعه

اهم الخطوات التركيز على نوع الشكولاته المستخدمه لا نستخدم الجلاكسي لانه من الشكولاتات التى لاتتحمل الحراره بسبب الزبده والكريمه والحليب المضاف اليها لذلك لانستخدمها في التغليف ممكن تضاف في الحشوه
نستخدم الشكولاته الخام لانها تتحمل الحراره بسبب ان نسبه الكاكاو فيها 75%
ونستخدم الشكولاته النصف محلاه ايضا
اصابع التوكس

2لوح شكولاته خام مذوبه في حمام مائي
علبه نسله مطبوخه وهي مغلقه في الماء لمده 3 ساعات حتى اصبحت مثل الكرمل ممكن تعملي توفي ثقيل مثل المهلبيه
بسكويت صغير قاسي
قوالب مستطيله

الطريقه:

نسكب قليل من الشكولاته الخام في القالب ونضعه في الثلاجه
نضيف القليل من التوفي وقطعه من البسكوت ثم طبقه اخرى من الشكولاته الخام
نضعها في الثلاجه لتجمد

تقدم في اوراق البلاسيه

ملاحظات

الحليب النسله تحطينه في قدر فيه ماء وتتركينه يغلي لمده 3 ساعات على نار هادئه
البسكويت اصابع نوع قاسي اهم شي الانواع كثيره في السوبر ماركت
القوالب في محلات الاواني المنزليه

بخصوص اللمعه تعتمد على نوع الشكولاته الخام المستخدمه وممكن تحطي ملعقه صغيره زبده على الشكولاته لما تذوبينها في حمام مائي
البسكويت المستخدم ممكن تعملينه في البيت
كاس دقيق
ربع كاس سكر بودره
وربع كاس زبده لينه
تعجنينها مثل الفتات وتحطي عليها صفار بيضه وتعجنيها اذا احتاجت مااء تحطي ماء بارد ملعقه ملعقه بس وتتركيها في الثلاجه وتشكلينها اصابع صغيره وتحطينها في الفرن


كور الباونتي

الحشوه:

2 كاس جوز هند
علبه قشطه
ربع كاس سكر بودره
ربع كاس حليب بودره

للتغطيه:

شكولاته خام مذوبه في حمام مائي

الطريقه:

نعجن الحشوه مع بعض ثم نكوره

نغطسها بالشكولاته المذوبه

نتركها تبرد في الثلاجه ونقدمها في ورق البلاسيه

هذا شكلها من الداخل
قوالب الشكولاته بالبندق

المقادير

130 جرام شكولاته خام
90 جرام شكولاته بالحليب ممكن تحطين الجلاكسي
كوب بندق مجروش

الطريقه:

نذوب الشكولاته الخام والشكولاته بالحليب في حمام مائي

نضيف لها البندق المجروش

نصبها في القوالب

قالب شكل اخر

نتركها في الثلاجه تبرد

قوالب الشكولاته بالكريمه

المقادير:

لوح شكولاته خام مذوب في حمام مائي
كريمه شانتيه او دريم ويب
قطع فراوله

الطريقه:

ندهن قراطيس البلاسيه بالشكولاته الخام الي ذوبناها

نتركها في الثلاجه تبرد

ننزع القراطيس

تصبح بالشكل هذا

نحشيها بالكريمه ونزينها بالفراوله

 

[أم أريج]

أختي نسمة أسمحيلي جاوبتها في بلاستك

 

[nissma34]

أختي نسمة أسمحيلي جاوبتها في بلاستك

ماكانش مشكل حنونة رانا كامل في خدمة المنتدى وهذا الركن
شرط فقط ان تكون مجربة فقط

 

[nissma34]

يجب احتيار شكولا قلاصاج نوعية مليحة تاع علب احسن من تاع الميزان
نذوب الشكولا على حمام مريم +قليل من الحليب ساخن متحطيش البارد +ملعقة كاكاو صغيرة قطرات زيت ان كانت الكمية صغيرة تقلاصي بها الحلوى تاعك
عند بعض الافكار وهايلة موادها متوفرة في سوقنا
1-نحضر شكولا اساسية
02 علب شكولا سوداء embasadeur
01 علبة كريم فرايش
نحط الكريم فرايش فوق النار نضيف الشكولا السوداء ونخلط راسح نحصل على كريمة هايلة.
بعض الافكار:
*نخلط كريمة المحصل عليها مع تشكيلة من المكسرات محمصة في الفرن ونضعها في مول السليكون وتوضع في الثلاجة.نستعمل هذا النوع

*نضع طبقة من كريمة الشكولا في مول سليكون طبقة من خليط (جوز هند ومعجون تعجنيهم مليح ) ونزيد طبقة من الكريمة لي يخدمنها ونخطهم في الثلاجة يبردوا.
*نخلط الكريمة مع فواكهه محلاة تباع داخل علب حديد تصفى من السيرو تاعها وتستعمل ونضعها في مول السليكون ونحطها تبرد.
*قوفريط مرحي +قليل من الزبدة ونجمع بالمعجون نحصل على خليط نوزعه في مول السليكون ولما يبرد ينزع ويغطس في الشكولا ويزين اما بالمكسرات او القوفريط او حتى تقدير تبرشي الشكولا يابسة في براشة البصل .
*نرحي بيمو بالشكولا مع الكوكاو ونضيف حلوة الترك ونجمع بالزبدة ونضع الخليط في مول السليكون لما يبرد يغطس في الشكولا البيضاء و نرسم خطوط بالشكولا السوداء
كما نستعمل هذه النوعية من لي مول في عدة استعمالات كالكيك mini keak
عجينة الكيك او المادلين

وهادي تمدلك كيك بشكل وردات رائع

 

[nissma34]

اليك الاخت اريج والى كل العضوات
حلوى بالمكسرات
للعجينة
* 250 غرام زبدة
* 175 غرام سكر رطب
* 500 غرام فرينة
* ملعقة قهوة خميرة
* بيضتان
* فاني
للحشو
nutella
للتزيين
تشكيلة من المكسرات حبات كاملة (جوز -لوز-بيستاش-نوى دو كاجو)
nappage
لماع غذائي
نخدم الزبدة مع السكر +البيض+الفاني و الفرينة والخميرة نحصل على عجينة نتركها ترتاح
نحضر سنيوات مربعة تدهن بالزبدة ونضع فيها العجينة تثقب قليلا
نتركها ترتاح في الثلاجة
تطهى في فرن 150 درجة
تملء بملعقة nutelle وتزيين
بالمكسرات وتدهن من الفوق ب NAPPAGE يجي شكلها كالزجاج رائعة حقا
سوف اكتب لك هذا المساء حلوى تاع لتاي رائعة لالعجينة المورقة التركية المورقة والمكسرات واشياء اخرى

 

[أم أريج]

حبيبتي سامحيني هذه طريقة عملتها مرا بنتلا مرة بنيسلي أعطني كيفية أخرى أسمحيلي تعبتك وياريت ميكونش في لكسات تاع لحديد

 

[nissma34]

حبيبتي سامحيني هذه طريقة عملتها مرا بنتلا مرة بنيسلي أعطني كيفية أخرى أسمحيلي تعبتك وياريت ميكونش في لكسات تاع لحديد

حلوى ب la pate a filo
تحضير العجينة
04 كيلات فرينة
01 كيلة مارغارين
فاني
صفار بيضة
ماء زهر
الحشو
03 كيلات لوز
كيلة سكر
ماء زهر
مبشور ليمون
للتزيين
عسل +مائ زهر
بيستاش مرحي
نحضر العجينة نخلط الفرينة مع المارغارين نخلط جيدا +الفاني +صفار بيضة لكمية صغيرة طبعا
ونلم العجينة بماء زهر نتركها ترتاح في كيس بلاستيكي
نحضر الحشو نرحي اللوز مع السكر +مبشور الليمون+ونجمع بماء زهر
نحل العجينة في الماكنة رقم 04 ثم 08 نحل عدة طبقات ثم نحط 07 طبقات بين كل طبقة ندير النشاءاو المايزينة.ونرق العجينة بالحلال نقطع مربعات وندهن ببياض البيض ونحط الحشو في الوسط ونحاول نطلع الاطراف الاربعة الى الوسط يبقى الحسو يبان غير شوية تطهى وتعسل وتزيين بالبيستاش خشن في الوسط
وهادي ثاني حلوى روعة ساهلة

وهادي حلوى ساهلة جدا
نوقة اللوز​

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 34 كيلوبايت.

500 لوز اوكوكاو
300 غ سكر عادي
100 غ مارغرين
1/2 ملعقة فاني
مبشور ليمون
1/2 كاس حليب
ملون غذائي وردى
عجينة لوز
في كسرونة فوق النار نضع الحليب مع السكر كي يذوب السكر اضيفي المارغرين +اللوز المرحي+الفاني+مبشور الليمون +قطرات ملون وحركي جيدا حتى تصبح ثقيلة ولا تلتصق بالكسرونة ضعيها فوق سطح واتركيها تبرد اعجنيها قليلا
وحليها سميكة واقطعي دوائر
اقطعي وردات من عجينة اللوز بيضاء وردي والصغيرة بيضاء
(اقطعي بمول المارغريت كاين 3 من الكبيرة الى الصغيرة )

ادهني سطح الدائرة بالمعجون والصقي الوردة الكبيرة وفوقها المتوسطة وفي الاخيرالصغيرة وارشقي حبة فضية ورشي باللماع الغذائي وتقدم في كيسات دونتال​

زهرة الرمال *هايلة ذوقها رائع جربتها شحال من مرة​

​

4-كيلات فرينة
كيلة مارغارين
قرصة فاني
ماء زهر
للتزيين
-باكي ديول
لماع ذهبي
-مارغارين
للحشو
-3 كيلات لوز مرحي
-كيلة سكر عادي
-مبشور ليمون
4 الى 5 بيضات
عســــــــــــــــــ ل ​

نخلط الفرينة مع المارغرين جيدا +الفاني ونلم العجينة ب ماء زهر نتركها جانبا ترتاح ثم نرقها في ماكنة العجينة 4 ثم 7
نضعها في قوالب القنيدلات
نحضر الحشو نخلط اللوز مع السكر و مبشور الليمون ثم نبلل العجينة بالبيض للحصول على حشو نوع ما ليس كثيرا طبعا.
نقطع اوراق الديول الى دوائر قطر 4 سم
ثم نملئ بالحشو 3/4 المول .
ناخذ الدوائر قطر 4 سم نطوي الدائرة على 2 ثم على 2 نحصل على وردة بواسطة عود اسنان نثقب الحشو و نثبت الوردات م 4 وردات بادخلها داخل الحشو ندهنها بالمارغرين(يجب ادخال الوردات جيدا في الحشو لان الحشو رايح يطلع عند الطهي ) ثم نطهيها في فرن لمدة 20 دقيقة حتى تأخذ اللون الذهبي و فور اخراجها من الفرن نغطسها في العسل المعطر بماء الزهر و نرش قليل من اللماع الغذائى الذهبي حواف الديول.​

حلوى القطايف

​

باكي قطايف رقيقة( تاع سوريا)
شوية سمن
للحشو
250 غ لوز او كاوكاو لكن باللوز الدوق يجي خير
100 غ سكر عادي
مبشور ليمون
ماء زهر
للتزيين
حبات كاملة (نواى دكاجو-بندق )
بيستاش مرحي خشين
شربات (عسل خفيف)
نضع القطايف في صحن غامق نرشو بشوية سمن
نحضر الحشو نرحي اللوز مع السكر +مبشور الليمون ونشمخ بماء الزهر .
نجيب سنيوات ندير طبقة قطايف +ملعقة كبيرة حشو ونغطي بالقطايف ثم نضع قليل من الحشو من الفوق باه نلصق المكسرات نثبت 4 نواى دكاجو واقفين و بيناتهم بندقات 4
+ قطع صغار جدا سمن من الفوق ونطهيها في الفرن عند اخراجها تتعسل ونضع في الوسط البيستاش المرحي وتترك ليلى كاملة قبل التقديم​

 

[nissma34]

حبيبتي سامحيني هذه طريقة عملتها مرا بنتلا مرة بنيسلي أعطني كيفية أخرى أسمحيلي تعبتك وياريت ميكونش في لكسات تاع لحديد

ونكتبلك اختي انشاء الله بقلاوة بالعجينة المورقة
حلوى بالفوندو ورايحة نكتب بعض المقادير في موضوع بعض الحلويات لقدمتهم الاخت عاشقة الوردة