ومن الحب مـــــــاقتل ؟؟!!!!!

BARCA232

:: عضو بارز ::
أحباب اللمة
إنضم
2 سبتمبر 2009
المشاركات
11,729
نقاط التفاعل
521
النقاط
331
السلام عليكم ورحمة الله تعالى وبركاته
راني جيتكم اليوم بحكاية جديدة من حلقات فيلم اخوكم محمد في المستشفى
المهم البارح دينا وحد المريض ربي يشفيه وجميع المسلمين
وبحكم اننا دخلناه للأستعجالات طلب منا الطبيب الانتظار شوي
المهم رحت جبت وحدة رامي وجلست أنا وصديقي وبدينا نحكو في عجائب وغرائب الدنيا
وماهي الا لحظات حتى تبدأ قوافل المرضى تأتي من كل مكان
والله احترت وخلعني المشهد وكان حذايا بوليسي قالي واش بيك خويا جامي جيت للسبيطار
قلتله خويا والله نادر ما آتي هنا قالي أرواح نحكيلك شوي على اللي صاري هنا
حتى تجي سيارة طايرة داخلة والدونجي والتواغ والصراخ داير حالة انا قلت رسمي حادث مرور خطير جدا
ربي يجيب الخير قالي الشرطي محمد ريح خويا ماتتحركش ندير التقرير تاعي ونرجعلك
نزل من السيارة عائلة تتقدمهم بنت آية في الجمال:tears:
وهي المريضةالمهم باه مانطولش رجع الشرطي وقلتله واش بيها قالي مابيها والووووووو:music_whistling:
16 حبة تاع كاشي؟؟؟؟ من أجل صديقها او بالأحرى حبيبهاقالت ليهم غير هو ولانموت:scared:
صح عندهم الحق ومن الحب ماقتل
وأنتم وين راكم منه ولا كلنا خاطينا
ياو اذا كان يوصل الى هذا الشيء والله عيب وحرام كبيرررررر
والله واش نقول ليكم أيا راهي ليكم
واش تهدرو لعمكم محمد راه يقارع في حكايات وعجائب وغرائب الحب
لهذه الدرجة؟؟؟!!!!
الله يهدينا ونرجعو نرمو الطريق قبل فوات الكار؟؟

 
واش تهدرو لعمكم محمد راه يقارع في حكايات وعجائب وغرائب الحب
لهذه الدرجة؟؟؟!!!!

وأكثـــر ,,,,,
نعرف وحدة كانت تمشي مع واحد و كي قربت نتيجة الباك
صرات بيناتهم مشاكل االا قالها نتفارقو
راحت طيشت روحها من فوق السطح
هي ماتت كافرة و والديها مساكن كي تشوفهم عينيك يدمعو
مي اللي يغيض نهار الجنازة نتاعها الطفل اللي كانت تمشي معاه
تلاقاو معاه يمشي في الفيلاج يسمع في لغنى وماش لاتي بيها
وكي خرجت النتيجة نتاع الباك لقاوها من الأوائل


وكاينة وحدة نفس لحاكية تقريب
مي هاذ شربت دوا خاطيها وربي سترها ما ماتتش
مي السبب تافه
لقاها الوالد نتاعها في الطريق مع طفل :music_whistling:

اللي قال ومن الحب ما قتل مكذبش
مي كان غير حب صح
رجع الانتحار أبسط حاجة بالنسبة ليهم
ربي يهدينا
يعطيك الصحة خويا محمد

 
ربي يهدي لعباد هادو
انا جاتني ماهومش فاهمين الحب صح صح
je pense مهما وش حبيت ومهما وش صرا مانموتش كافرة على جالت واحد
هادو ناس ضعاف الايمان و الشخصية
واحد من نهار الاول نتع العلاقة يحط بلي قادرة تكمل و قادرة اها
مكانش حاجة مضمونة 100/100
ربي يهديهم و يهدينا ان شاء الله
علابالي طولت عليك نهدر بزاف هههههههههههههههههههه
مي الموضوع هاذا يقلقني بزززززاااااااااااااف
من الحب ما قتل
انا نفهم بلي زوج كي يحبو بعضاهم و ما يكتبش ربي بيناتهم صح يتقاسو و يتعذبو وقادر واحد فيهم يموت من العذاب مايقدرش يستحمل يعيش بلا لاخر كيما قيس مات ورى ليلى ميش قتل روحو وقال من الحب ما قتل
جاتني واحد حتى كي يحب يستعمل العقل شوي ميش يلغيه خلاص ويولي يدير حوايج كيما هادو
هذا رايي ما نعرف صحيح ولا غالط
شكرا على الموضوع و تقبل مروري
 
هذا ضعف ايمان والمشكل مايتحلش كي تسويسيدي تدخل النار من النار للنار وبيانسور اللي رايحتلها كثر ربي يهدينا اللي بغا يحب يدبر راسو كل واحد حر فروحو بصح مشي لهاذ الدرجه مارسي خويا ... سلالام
 
وحدة هربت مع صاحبها من وهرن للقالة الى تونس خطرش اهلها مقبلوش بيه يالطيف
 
ايييييييييييييييه يا خويا محمد ديما فور
بمواضيعك وش نقولك صاح كاينة منها هذو الناس لي يطيخو قلوب قلوب اي كي تعود من الطرفين معليش مي تعود من الطفلة برك والعكس صحيح متصلحش
هذو عباد نقصين في الشخصية مرسي
 
السلام عليكم ورحمة الله تعالى وبركاته
أصدق أخي القول أن الحب الطاهر موجود ولكن المجتمع ببعض قيوده خنقه وحطمه واوصل نهاياته الى ما ذكرت وافضع
لااعتقد ان كل الاحبة فاقدي الوعي والمنطق فلا يحسبون حساب الدين والواقع والقيم
متى اجتمع اثنان على حب وكانت النية الخالصة لايصاله الى بر الامان لم يقف الاهل او المجتمع في طريق تحقيق السعادة ستقولون حب طفولي هوس جنون ينتهي بعد الزواج بايام .... اقول ليس كله والاهل بحكمتهم يمكن لهم التمييز وان راوا ان ما يعيشه ابناؤهم مجرد نزوة عابرة لم لايتصرفون على النحو الصحيح لم دائما الجبر والقيد والاوامر لم لايكون الحوار الاسري لم لاياتي الواقع على نحو نصيحة ومثال يضرب بدل الفرض والتعنت
اخي المشاعر النبيلة موجودة لااقصد ان اشجع على مثل تلك الحركات لكن هو ضعف نفسي وايماني يسول للنفس التخلص والانتحار كمهرب اذا فقدت الحبيب وقد يمر بهذا الاحساس اي قلب حطم ولم يراعى شعوره
الاحتواء اخي هو الحل والاسرة هي التي عليها لعب الدور قبل ان تلوم وتحاسب تحضن وتطبطب وتنصح وتوجه ثم تشد وتقسو في مواضع تستحق ذلك

موضوع هام يمس واقعنا المرير وعجزنا امام ابسط مشاكل المراهقة وعراقيل الشباب
تقبل اخي مروري ولك مني كا التقدير والاحترام نابع من اعجاب بالطرح من جانب والانتقاء من جانب ثاني
اختم اخي بقول احبه قبل ان نكفف الدمع نمنع سقوطه
والسلام ختام
 
كلمة الحب لها معنى كبير و لهذا يجب ان نفهمه قبل الوقوع فيه
 
السلام عليكم
الله يسترنا يا خويا محمد راهم يصراو بزاف حوايج هاكا
بدل باه الواحد يتقرب من الله
بهاذ الطريقة تاع الانتحار راهم يبعدو عليه كثر وكثر
واش تحب نقولو يا محمد خويا الله يهدي كل واحد للطريق المستقيم
ويبعد علينا البلاء
يعطيك الصحة
بارك الله فيك
 
تعمدت نكتبلك يا محمد بالون الأحمر هههههههههه يقولو عليه رمز الحب
صح كيما يقولو و من الحب ماقتل نعرف وحدة شربت لاجافيل علاجال خويا بغاتو يهدر معاها ومزية ربي سترها المجنونة و بارك الله فيك في الموضوع .
 
ههههههههههههههه عيش تسمع عيش شوف يما حكاتنا على صحبتها تزوجت ووكانت تحب واحد ومن بعد رفدت الحمل مع راجلها اي مرة تلاقات بواحد كانت تحبوا تخيلوا هي حامل وحبت تهرب معاه مزية هو رفض
 
هذا حب مجنون

أمي حكاتلي على وحدة هربت مع الشاب اللي حبتو ، وبعد شهور اتصلو
بعايلتها وقالولهم أرواحو لبنتكم راها في السبيطار وكيما راحو لقاوها في
حالة مزرية من الضرب تاع راجلها اللي هربت معاه ورمات عايلتها على جالو
وبعد ما خرجت من السبطار ما طولتش وماتت لانها مرضت بمرض القلب
 
كاين منها بزاف يا خويا محمد
وبلاك تلقى كتر من هاك
ربي ستر وخلاص مع هاد الناس ليخمو هاكا
مشكور
 
أصدق أخي القول أن الحب الطاهر موجود ولكن المجتمع ببعض قيوده خنقه وحطمه واوصل نهاياته الى

ما ذكرت وافضع

شكراااا على الموضوع المميز
 


وأكثـــر ,,,,,
نعرف وحدة كانت تمشي مع واحد و كي قربت نتيجة الباك
صرات بيناتهم مشاكل االا قالها نتفارقو
راحت طيشت روحها من فوق السطح
هي ماتت كافرة

الحكم لله

و والديها مساكن كي تشوفهم عينيك يدمعو
مي اللي يغيض نهار الجنازة نتاعها الطفل اللي كانت تمشي معاه
تلاقاو معاه يمشي في الفيلاج يسمع في لغنى وماش لاتي بيها
وكي خرجت النتيجة نتاع الباك لقاوها من الأوائل


وكاينة وحدة نفس لحاكية تقريب
مي هاذ شربت دوا خاطيها وربي سترها ما ماتتش
مي السبب تافه
لقاها الوالد نتاعها في الطريق مع طفل :music_whistling:

اللي قال ومن الحب ما قتل مكذبش
مي كان غير حب صح
رجع الانتحار أبسط حاجة بالنسبة ليهم
ربي يهدينا
يعطيك الصحة خويا محمد

والله هذه هي المشكلة تعطيه أغلى ماتملك وفي الأخير والفله مايهمه حاجة منها
شكرا لك أختي بارك الله فيك

 
الحب اعور خويا الموح

ومرات يولي مايشوفش خلاص


 
الحب اعور خويا الموح

ومرات يولي مايشوفش خلاص


أعور راه دار عملية جراحية ولى يشوف
واه خويا ومن الحب ماقتل عس روحك
شكرا لك

 
أعور راه دار عملية جراحية ولى يشوف
واه خويا ومن الحب ماقتل عس روحك
شكرا لك



خوك حارز روحوا مليح من جيهة الحب

غير ماتحيرش

كاين زوج حوايج برك يتحبوا

حب الله

حب الوطن

 
خوك حارز روحوا مليح من جيهة الحب

غير ماتحيرش

كاين زوج حوايج برك يتحبوا

حب الله

حب الوطن

والله أمينو من حيث الحب في الحب الصادق والذي يكلل بالزواج
بصح حب اليوم ماشكيتش غير الشكيل والمبني على المصالح
وزيد الكاشي والانتحار علجال واحد والله مايستاهل
شكرا لك
الحمد لله زير السنتورة هكذا

 
يا خويا راهو صاري العجب في بنات الوقت
وهدو البنات قادرين يديرو كلش
الله يسترنا برك وانا ميشرفنيش ندي وحدة باش تقتل روحها حتى ولو كان علاجاليـــــــــــ

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top