ادخل تشوف وش سمعت قوليلي وين عايشين

يسرى 2008

:: عضو بارز ::
أحباب اللمة
إنضم
24 جانفي 2008
المشاركات
3,919
نقاط التفاعل
10
النقاط
157
السلام عليكم ورحمة الله تعالى وبركاته
ايا وش راكم سافا
اني بدلت اللون باسكو كاين ناس قالولي الاخضر عمانا
ايا سامحوني او جاكم الروز
المهم
ايا تعرفو يسرى وحكاياتها الشبابية الله غالب استحملو باسكو او راسي مازال قاعد يدور وين سمعت الحكاية
على الساعة 5 قد قد ايا خرجت باش نروح نشري حاجا للدار وانا ماشية لقيت بنات نعرفهم ايا رحت سلمت عليهم وش راكي توحشتك .....
قالتلي وش قاعدة تعملي يا وحد المكبوتة والمحبوسة في الديال قلتلها وش تقصدي
قاتلي اختي يسرى وشبيكي قديمة شوي اخرجي روحي للبورفال للبحر
روحي اخرجي شوي ونسهرو سهلة مليحة ونعيط ليليجان الي يقراو معانا على الساعة 12 نروحو نورمال
قلتلها انعم
قالتلي ايه وش فيها الصيف او فض و هاو جا رمضان
قلتلها لا اختي خليتك السهرات ليك انا على روحي نسهر حتى 12 تاع الليل ونطلع للدار عندي 3 خواتاتي يعطيوني كل واحد 12 كف قالتلي ياه نندب عايشة في الزمان تاع بكري
قلتلها الله غالب الزهر
يخي مشيت وراني مازلت على اعصابي نلقا طفلة هادي زعما بنت معلمة في السيام وتدي معدلات فووور 19
قلتلها وش راكي وووو
قالتلي اني نسنا في صحيبي او فلان تعرفيه قلتلها وي بيانسير نعرفو
ايه قالتلي او جاي من العلمة راح درب دورة التم
وقالي اني معدي عليك نتوانسو شوي
قالتلي الحق كل يوم يبعتلي ميساج ونحكيو في النيت
قالتلي اني خايفة ليشوفني حبيبي درك
قلتلها انعم لاه هدا مشو حبيبك قاتلي لا او كي خويا و انتيمي برك
قلتلها الله يبارك
ورحت ياه ربي
اني خرجت وجبت معايا عجائب الدنيا يعني منعرف انا عايشة في عالم صح التعقيد ولا هادي دنيا
قاتلي عندي انتيمي نطرح سؤال برك وش وضعية خوكم كي يعرف عندكم انتيم
ياك احنا يقولولنا لا انتيم ني والو احكي معاه نورمال من باب الزمالة وفي وقت القراية ونورمال اضحكو التم باقي القراية ماكان والو
منعرف وش اللقطات الي خرجولنا بيها هادي انتيمي وحبيبي
والطفلة هادي عمرها 14 سنة اقل مني
مالا كي تعمل 18 وش تعمل هادي
وش نقلكم يخي وصل المجتمع تيعنا لهدا الشي
صداقة وحب وزمالة
ربي يهدي مي وش تعليقكم انتم
 
جيل مجلجل .................راني حرت في هاد الجيل
 
هههههههههه السماح يا اختي انا هي لي قتلك على اللون الاخضر
هههههههههه والله ضحكت من قلبي
الروز خير
المهم
يا اختي هذا تخلف وليس تقدم
معليش اختي كملي عيشتك هكذا خيرلك
والله يهدي هدا الجيل
شكرا
 
هههههههههه السماح يا اختي انا هي لي قتلك على اللون الاخضر
هههههههههه والله ضحكت من قلبي
الروز خير
المهم
يا اختي هذا تخلف وليس تقدم
معليش اختي كملي عيشتك هكذا خيرلك
والله يهدي هدا الجيل
شكرا



  1. هههههه نسيت من كترة ما قالولهالي
  2. مشكورة على الرد
 
بزاف عليهم والله
كل يوم راهم يخرجولنا بقصص و روايات
وينا يتسقمو و ينهداو
تحياتي
 
شفتي اختي
ربي يهدي وش نقول
 
الله يهديهم .. و الله يا ختي غير يحبس راسك و ما تعرفي واش تقولي
و في التالي يخرجوك انتي الي معقدة و عايشة معيشة بكري
على هاد الحالة ..يا محلاها معيشة بكري

تقبلي مروري
 
ياختي انت شفتي قليل وهذا مش من التقدم وين رايحين نوليو للعصر الحجري يعني الدنيا مخلطة
وربي يهدي من خلق
 
هذي هي الدنيا عزيزتي
واللي متمشيش على gـوسطوهم يسميوها معقدة
ربي يهدينا
وميرسي ليك
+ يعجبني اللون الأخضر خير هههه

 
ولاو في وحد التقدم ربي يستر(قصدي تاخر) برك هاذي عندها 14 سنة عندها انتيم تاعها و حبيبها ههههههههههههه خلي حنا نبقاو حاكمين الدار و قاعدين خير من كاش حاجة ربي يهديهم و يهدينا معاهم
 
ايه لغوز مليح
واش نقولك يا اختي والله الوقت لي عدنا فيه ان نورمال خلاص
يحسبو في رواحهم بتقدمو وهوما راجعين للور
معلباليش كيفاش يخلوهم دارهم
نخرج على 12 هاكاك باش كي نرجع يخرجوني من الدار يقولولي ارجعي منين جيتي ديجا انا نحشم
نخرج في هاد الوقت
اي شكرا على الموضوع وربي يهدينا
 
جيل المستقبل ههههههه
 
ياخي سمير هنا و ياخي ناس مايخافوش ربي

تر يا وعدي مازال مسمعتش بانتيمي هادي بصح عجبتني لوكان اوموا قالت صديق و زايدة خايفة من حبيبها روحي يا الشبيبه روحي **نندب حناكي كيما يقولو لعجايز**

الله يهدي ما خلق

تحياتي

 
ربي يهديهم
كي نقرا ولا يحكولي كيما هكدا قصص حالة اكتئاب تحكمني نولي غير نفكر كيفاه و كيفاه و كيفاه
على كل انت راكي فور اختي و الي قالك معقدة اعرفي الي هو المعقد الكبير
+
روحي يا الدزاير بالسلامة ،،​
 
اييييه وش نقولو
المهم انا قلبي راهو معمر بزاف
شكرا على ردكم
 
نور انت يسحتوك
وانا يعطيولي ب 12 كفوف
3 خواتاتي 12
احسبيها انت وجهي
يتقشر ههه
ايا مشكورة على الرد
 
السلام عليكم واش نقولك ختي يقلك التطور لحد الان ماشفت حتى صاروخ طالع من الجزائر
حنا نرفدو غير فضلات الغرب
 
نتيا الي معقدة يما وقديمة
ههههههه
نمزح برك
سبحان الله وين رانا رايحين بهاد لحكايات
ربي يستر برك
وين راهم والديهم
أنا نحير كيفاه تقدر تخرج عريانة قدام باباها ...
كيفاه تروحلو على 12 تاع الليل ...
والله راسي يحبس صح صح
 
هويلي ويلي من هذا الجيل
انا في عمري 20 سنة وعاد قريب نولي استاذ وعاد قريب نعرس ثانيوراني شايب من راسي ونابت في وجهي الشعر
ونخاف نروح على 12 تاع الليل
لوكان نروح على 12 تاع الليل يحاوزني الوالد تاعي من الدار
يالطيف ربي يسترنا

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top