الي عندو رحمه في قلبو يدبر عليا؟؟؟

جزائرية مكاش كيفي

:: عضو مُتميز ::
إنضم
16 مارس 2010
المشاركات
791
نقاط التفاعل
15
النقاط
17
السلام عليكم يا حبابي

واش راكم ان شاء الله قاع راكو ملاح ماشي كيما أنا

خلاص مقدرتش نزيد نحمل كتر حبيت نفرغ قلبي و أتمنى نلقى الي يسمعني و يعاوني


بلا ما أنطول ندخل في صلب الموضوع ديراكت

أنا نحب واحد بزاااااااف لدرجه متقدروش تتصوروها و عندي 4 سنين و انا نحبو بصح هو معلبالوش بلي نحبو :crying: و هاد الموضوع كتبتو عليه:باش تفهمو الحكايه مليح


https://www.4algeria.com/vb/showthread.php?t=240962


بصح المشكل الكبير مراهوش هنا المشكل هو انه تقدمولي بزاف شباب باش يخطبوني و رفضتهم علاجالو الله غالب منقدرش نتصور روحي مع واحد غيرو


و دوك جى خطبني واحد أوخر تاني معندي ما أنقول فيه أي وحده تتمناه معرفتش نقبل بيه أو لا؟؟؟؟؟معرفتش واش ندير
راني حايره و تايهه و.....

قولولي برك دبرو عليا واش ندير لو كنتم في محلي واش أديرو؟؟؟؟

كرهت حياتي و بسبب المشاكل فقدت كتير من وزني الرقاد نسيتو

الله يخليكم رأيكم يهمني بزاااااااااااف


في انتضار ردودكم و أرائكم على أحر من الجمر

لا تحرموني....




*** دمتم بخييييييييير***
 
آخر تعديل:
السلام عليكم اختي
بعض المرات يكون حبك لشخص ما ضياع لعمرك ولاناس قد تندمينين عليهم طول عمرك
لهدا فكري مليح هل هو يفكر فيك هل يستاهل التفكير فيه
مادا بعد
فكري
اختي مليح
ادا فيه الخير ربي يجيبو ان شاء الله
وادا ما فيهش الخير يبعدو عليك
اختى من قلبي فكري في نفسك وما تخليش لعواطفك تطغى عليك حتى تلقاي نفسك وحيدة
فكرى بعقلك مليح مادا اريد وكيف نعيش والي متى هدا التفكير فيه
ربي يفتح عليك
 
هو معلبليش ادى كان يبادرني نفس الشعور أو لا ؟؟؟

أميين يارب ربي يخليك لنا حنونتي أشكرك على رأيك الله يسطرك
 
وعليكم السلام
اختى اتصلى بى شاب لى تحبيه بش يتقدم يخطبك
ولا محبش
صلاة استخارة
وتوكلى على ربى
 
ختي ديري علية قبلي بهذا الانسان خمي بعقلك ماشي بقلبك
 
وعليكم السلام
اختى اتصلى بى شاب لى تحبيه بش يتقدم يخطبك
ولا محبش
صلاة استخارة
وتوكلى على ربى

أسمحلي خويا العزيز واعره شويا منقدرش نتصل بيه نحشم بزااف + نطيح من قيمتي

:ax_flw:أشكرك على رأيك الله يسطرك:ax_flw:

 
آخر تعديل:
اختى صحتك اهم في هاد الدنيا ادا انتى ماهتمتيش بصحتك شكون راح يهتمك بيك انا راح ننصحك شئ مهم هاد الشاب لي راكى تحبيه ادا كان هو يحبك ويحبك تكونى زوجة ليه يتقدم ليك ولو حتى يلوح ليك الكلمة عل الاقل تبقي مضمونة ليه انا نقولك مضيعيش مستقبلك وشوفي حياتك مع هاد اللي جاء الاخير والاحسن شئ صلاة الاستخارة راح تبين كل شئ واطلبي فيها ربي ادا كان مليح يقربو ليك وادا كان ماشى مليح ربي يبعدو عليك وربي يقدم لي فيه الخير
 
اختي نقولكـ حاجة هذا اللي انتي تحبيه اذا كان هو يحب صح كان تقدمكـ...مالا نقولكـ حاجة انسيه و امضي في حياتكـ لانك تضيعينهــآ هدرآآ...شوفي مصلحتكــ و اهتمي بصحتكـ و ادعي ربي يرزق الرجل الصالح ....موفقهـ باذن الله
 
صرحي بحبك ليه اذا جاء وخطبك صح وصلاح واذا ماجاش اقبلي بهذا يبان لا باس بيه من وصفك.
 
انا في رايي صارحيه بحبك
وقوليلو...هادي ما فيهااش حشمة خلي قلبك هو لي يتكلم
وانت تعرفي مولاك ادا قبل ولالا
كلشي يان ملامح الوجه عمرها ويلا تكذب
ويلا شفتيه يتهرب ومحبش
ما عليك غير تنسااي وتقبلي بلي خطبك
ونتمنااالك حياااة سعيدة وهنيئة
وشكراا على تفريغ همومك لعلك ترتاحين قليلا
 
شوفي اختي هدا الانسان لو كان جاء يبادلك نفس الشعور ولو قليلا كان هو جاء وعمل الخطو ة الاولى

صح ولا لا ونظن انو مش انتي راح تقوليلو بلي تحبيه مهما كنتي متعلقة بيه ودرجة حبك ليه انتي طفلة

وما يلزمش تقوليلو بلي تحبيه وزيد متقملك واحد ما عندك ما تقولي فيه ما تضيعيش فرصة ارتباط بشخص

مليح علجال وهم في راسك وحتى لو كان مش وهم هادي حاجة مافيها حتى امل خمي بعقلك قبل قلبك وصلي

استخارة وان شاء الله تلقاي الحل وربي يوفقك ويعطيك ما تتمني
 
نقلك روحي تزوجي وأنسايه . ربي يكون في عونك.
 
إدا هادا ماعلابالوش وماشي راح يخطبك ولا حاجة كيما هكدا
راكي في الشك
مالا أقبلي بهاد الإنسان واقبلي بالحاجة المظمونة وماتحميش في المشكوك
ودرك تولي تموووووووتي عليه
 
نقولك كيفاش ديرى روحى صرحيه بلى تبغيه وحكيله لفى قلبك نرماااااان ما فيها والو وادا محبش روحى تزوجى قدام متكبرى ههههههههه الله يجيب الخير
 
أختي ننصحك بصلات الإستخارة ولي فيها خير ربي يقربها ولي فيها شر ربي يبعدها
 
انا نشوف راكي تحبي في الخيال والوهم
اذا بقيتي هكذا تموتي وانت في الخيال
عيشي في الواقع ذا كان هذا الشخص
مهتم بك ولو قليلا راهو تكلم معاك ولا جا خطبك
باين ماهوش مهتم وماعلابالوش بيك
نهار الي تشوفيه تزوج راكي تفيقي
اذن اقبلي هذا الي جا خطبك والا رايحة تندمي عليه
.
.
.
آسفة اذ جرحك كلامي
لكن هذا رأيي الخاص

ربي يسعدك ويهنيك
تقبلي مروري
 
الله يكون في عونك ختي انا كنت في مثل حالتك نقولو منقولوش لكن استخرت ربي ولقيت انو مايلبقش بيا الحمد لله اني لقيت لناساني فيه
 
ربي يكون في العون

كلشي مكاتيب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top