قالي اني نحبك وانا تاني ادخلو اعطيوني رايكم

يسرى 2008

:: عضو بارز ::
أحباب اللمة
إنضم
24 جانفي 2008
المشاركات
3,919
نقاط التفاعل
10
النقاط
157
السلام عليكم
انا اليوم كنت قلقانة في الدار عندي بزاااف مخرجتش


منطولش عليكم مالا خويا ربي يخليه ليا الراجل تاع الدار قلتلو يا حبيبي يا راجل الدار يا خويا اني قلقت من الدار صحاباتي الكل خرجو غير انا
بعد الحاح مني وبعد بكاء خليها للربي ههه
قالي ايا روحي البسي وايا نخرجك دورة على البحر
ايا فرحت ورحت نخرج معاه كاش كيفها
منطولش عليكم واحنا في الطريق وحطا وراكم تعرفو عنابة
يجي صحيب خويا وهو جارنا بكري كي كنا صغار نلعبو مع بعضانا
يحكيلو على طفلة بكري كنا نعرفوها تلعب معانا
الطفلة هادي في عمرها 15 سنة
تخرج مع الدراري ومن طفل لطفل
تروح للجامع غير باش تحب وتعشق
لا قراية ني والو
غير اي عاشقة برك ومن كترة التربية تيعها تروح تحكي للخويا ولصحابو يعني صحابها تاع بكري باسكو احنا جيران وفامي وحدا بصح مش توصل الوقاحة اني نحكي مع جماعة تاع دكورة وقدامهم خويا بلي راني نحب واحد ونخرج معاه ومجاتش غير هكا
الطفلة هادي تخرج مع 10
المهم احنا ماشيين قالو صحيب خويا
يا خويا الطفلة هادي مشها راح تتطول وتولي في الشارع وينهم ماليها وينو خوها
احنا جيرانها وصحاب الطفولة ايا خلينا نتلمو ونروحو نحكيو مع خوها ولا باباها انا جيران
وهي كي اختي قالو كان جات اختي والله غير ندربها كل يوم
قالو وش هدا تقعد من طفل لطفل وتحكي في النيت حتى 1 تاع الليل
ومامبا تعاون في امها
وش نقولكم والطفلة هادي تعتبر صحبتي صح منحبهاش بزاف مي ديما ديما
والله غير حشمت حتى مبعد قالو شوف اختي سلاف يعني انا ههه هاي قدها ومتربية قالو خويا اييييي والله كان جات يسرى هكا نقتلها بالدرب كل يوم تدي تراحة مني ههه ايا قلتلو حسابك في الدار ههه
لا علينا والله غير رحت مع خويا وكي رجعت عرفت بلي خويا راجل
انا خويا عمرو 15 قدي
ويخمم هكا قال انا مازلنا صغار لازم ننتبهو لقرايتنا وبدا ينصح فيها
وش نقلكم فرحت كي سمعت خويا وصحابو لصغار يحكيو هكا
مع اننا 15 سنة مي تقافتنا كبيرة ومنحبوش لولاد الناس الشر
انا برك نحب نقول للبنات عندكم لا تحبو في السن هدا انتم تديوها على نيتكم وهو يحبني
هدا مش صحيح وزيد علاه تخلي خوك ولا باباك يحشم بيك والناس تتحاكا عليك الشرف كبييير لازم نحافظو عليه
ودرك او يلعبو بيكم ومبعد يروح يفكر فيها وحدة اخرى وهاي ماشية والخاسر هو احنا
مام تاع الليسي مازلتو صغار كملو الليسي وروحو للجامعة والله غير اليوم خديت درس كبير انو كيفاه الدكورة عندهم 100 وجه
متلا لاكليك هادي جيراني ومنهم خويا قداه من مرة نسمعهم يقولو اني حاب الطفلة هاديك ووو
بصح كي جا الصح ولاو ينصحوني باسكو انا خواتات يعني الدكورة يرضاوها للولاد الناس وميحبوهاش لولادهم
انا خويا متلا كان يلقاني مع طفل هكا والله غير يقتلني وادا انا لقيتو يقلي وانت وش دخلك
الراجل مهما كان اناني عندكم يا بنات
لازم تعرفو وش تعملو انا نصيحتي ليكم وياريت تقبلوها قبل ما يفوت الاوان

 
Monkeys-in-wedding-ceremony-6234199.jpg
 
ميرسي فوتو مليحة جوبونس انت هادي والمادام ههه
 
عندك الحق أختي في وش قلتي
هذا الطريق ما تخرجش .. كنتي صغيرة فالليسي ولا الجامعة
طريق المشية و الخرجات ما هيش طريق
كي تكبري و توصلي سن الزواج لي حبك يجي يخطبك
ما يديرونجيكش بالمشية تع الذر
شكرا أختى على ثقافتك و تربيتك نتي و أخوك
الله يستركم
شكرا على الموضوع .. ننتظر جديدك
تقبلي مروري
 
ميرسي فوتو مليحة جوبونس انت هادي والمادام ههه
:shiny:اهاااااااااااااااااااا مدامتي خير منهااااااااا:shiny:
 
وعليكم السلام يسرى اهلا
لابسيف بدلتي اللون لي تكتبي بيه ههه هيا قلت نكتب بيه انا اليوم
ايه لي جان واعرين ولي متحكمش روحها تتطفر فيها تلقى روحها
كالريشة في مهب الريح
شكرا على الموضوع ياابنة عنابة تقبلي مروري
 
شكرا على العموم

حاجة باينة بلا ماتقوليها
 
شكرا جزيلا يسرى موضوع هايل وعبرة مليحة ايه عندك الحق مازلنا صغار نتهلاو في قرايتنا خير من المشاكل والهم تاع المشيات والخرجات وكي نكبرو هذاك هوا الصح انا يا ختي تربيت على كلمة المكتوب يجي للدار مانقلقش راسي
 
الله غالب هدي الدنيا انا شخصيا نحب لبنات تاع 15 و14 و 16 يواتوني وصاحبتي عندها 14 بصح نتعامل معاها في حدود نسايسها على خاطر دوك صغيرة بصح غدوة تكبر نلقاها وتلقاني .
 
ناسـ بكريـ يقولو
الليـ متربيـ منـ عند ربيـ
متعمريشـ راسكـ بناسـ كيما هكذا
قرايتكـ ثمّـ قرايتكـ
ولعبـ الصغار خليهـ بعيد عليكـ
لأنو بجيـ النهار الليـ تندميـ
ميرسيـ ليكـ

 
مشكورين على الرد منورين الصفحة تقبلو مروري
 
صحيتي
وانشاء لله لعباد يولو يفكروو كيفك
 
يعطيك الصحة وربي يحفظلك وخيك
 
عندك الحق حنونة
راكي تعرفي صلاحك كملي هاكدا
اتهلاي في قرايتك ومبعد كي تكبري كلش ساهل
تحياتي
 
الله غالب هدي الدنيا انا شخصيا نحب لبنات تاع 15 و14 و 16 يواتوني وصاحبتي عندها 14 بصح نتعامل معاها في حدود نسايسها على خاطر دوك صغيرة بصح غدوة تكبر نلقاها وتلقاني .
هااااااااه.....................جاااا لكلام الدونجي...........
على جيهت ربي قولي تكيفاش تحب ملايكا صغيرة كيما هدي وكيفاش عطاك قلبك تهدر معاها اصل:eek:i-o:
عبالك انا نجي نهدر مع وحدا مولات 15 سنة في الحب تقابلني بنتي لوكان نعرس نجيب وحدا قدها ولا اكتر منها شوي
يا ودي جامي شفت فيل عشق في فار راه يموت هداك الفار من عشق الفيل
ههههههههههههههههههه
والله العظيم حتي انتا
اتقي الله في نفسك يا صديقي راو عيب الكلام
:eek:_o::showoff::eek:_o:
 
الله يحفظك نتيا وخوك
ويكملك في عقلك
ويعني شكون هوما جيل المستقبل
 
انا الحق ماعجبنيش عنوان الموضوع ومارانيش راح نقراه
 
اممممممممممم صغيرة وتعرف تعشق وزيد مدايرة10 كامل الله يبارك ويلحقهال20
المهم اختي انا ندير هكا ونطيح بروحي ونخلي الناس توصلني محال
عيش تشوف الله يهدي الجميع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top