اختكم يسرى قلبها مليااااان عالجوها

[يسرى 2008]

لا خويا انا قبل منخالطش ياسر غير البنات
وجيراني
ومش لاصقين في بعضنا مشكور على الرد منور

 

[kojak]

يا يسري واش نقلك راكي صغيرة يااااسر عليا يعني انا جدك
اكثر منك بستة سنين
نوصيك ثم نوصيك عندك لا تخوني خاوتك كيما قالولك
وزيد نوصيك تم نوصيك عندك من هدا الحب والكلام الفارغ راه خرطي في خرطي يجيب غير وجع الراس
​

 

[يسرى 2008]

وي عندك حق
وزيد كاين ناس بزاف نعرفهم جربوه وحدروني منو
ديجا انا معنديش وقت ليه بصح عندي وقت نعمل صداقات
واليامات هادم حتى الصداقات والخلطة نحيتها فكني نعيش مع ماليا وبرك

 

[اميرة 94]

والله عندك حق خويا..............و لاكي معقدة لاوالو حتى انا في نفس عمرك يعني 16 وصراتلي وحسيت بنفس ماقلتي حنا نقراو ونصحتني بنت خالي بااااي تهلي في روحك

 

[Rochdi.dz]

قلبك مليان وحابة تعالجيه

دونك نعطيك الحل

لازمك شوفي مليح تبعيني

لازم ماتغلطيش لوكان تغلطي يقسد الدواء

شوفي فلتي قلبك معمر ياك

دونك حنا نورولك الطريقة باش تفرغيه

شوفي لازمك

هيا على خير​

 

[يسرى 2008]

ههههههههههههههههه طبقت الوصفة المليحة هادي ههه
مشكورين على ردودكم
منورين في الموضوع والله

 

[DADY23]

طبعا خواتاتك ووالديك عندهم الحق لما ينصحوك
أولا: انتي بنتهم ويخافوا عليك ومادابيهم يسمعوا عليك غير الأخبار المليحة
ثانيا: أنت في بداية مرحلة المراهقة وهذه المرحلة من عمر الإنسان جد صعبة و الهواء لي يجي يديك كون ما تكونيش فايقة مع روحك وبتحذير عائلتك المتكرر هذا يساعدك على تخطي اللي يمكن يواجهك في هذا السن

عائلتك ديما تحبلك الخير تبعيهم باه ماتندميش

 

[يسرى 2008]

مشكور خويا انت تاني فدتني بهدا الرد تيعك مشكور

 

[طيف الجزائر]

:ax_flw:الله يثبتك يا أختي ويباركلك في عقلك وهذه هي زينة الحياة الدنيا وصدقيني كيما كانوا اللي قبلي يحكولك إنت الصح وأهلك الصح زاده هم أعطوك الثقة وربي من قبلهم فلا تخجليهم وخليكي دائما رافعة راسك ما دمت لم تفعلي ما يخجل ولا يجرح الحياء ولا العادات ولا الدين ولا اي شيء أنا معاك محادثة الأولاد أو التكلم معهم شيء عادي لكن بالنسبة إلي لازم الواحدة تختار بدقة وتعرف من منهم يستحق أن تكلمه لكي لا ترا فيه نهار النظرة الي انت قلتي عليهاااااااا ..........صح ولا لا ؟؟؟؟؟؟؟ على كل الله يوفقك ويحفظك ويبارك في عمرك ولا تزعلي حالك ولا ولا تغظبي هذه مشكلة عامة على كل البنات في هذه العمر والكل يمر بها فلا تقلقي المهم ان تخرجي منها بسلاااااام يا أختي تقبلي مروري وردي.....أختك ***طيف الجزائر***

 

[°~Kenza_02~°]

كنت كيما انت اختي ........عايشة حياة موسوسة
وماتخافيش فترة وتفوت برك عسي روحك مليح وبالاكي تغلطي غلطة تحطملك حياتك
وديري الحاجة الي راكي شايفتها صح ومافيهاش شبهات وتكوني راضية عليها
ومايهموكش الناس........خاطر اذا اهتميتي بكلام الناس ورايهم .....صدقيني تولي عايشة ليهم ماشي ليك
وربي يسترك
​

 

[القلب الابيض]

ختي كي تهدري معا الدكورة في الحدود كزملاء ولا اصدقاء مافيها والو بصح بالاكي تروحي الطريق تاع المشية حتا ويلا قالو عليك معقدة علاخاطر ثقة اهلك اهم من كلام الناس و انشاء الله تكوني قد الثقة

 

[عبد الرؤوف3]

شوفي اختي خواتاتك عندهم الحق يحدروك ويخافو عليك لانو الدنيا هادي

فيها العجب من حقهم يخافو عليك وينصحوك ونظن انتي قد الثقة اللي

حطوها فيك وما خيبتهمش وارضاء الناس غاية لا تدرك

 

[يسرى 2008]

والله عندكم حق
وانا اليامات هادم داخلة على تجربة كبيييرة وعمر واعر ونخاف منو
باسكو سمعت بزاف بنات راحو لطرق مش مليحة
ربي يسترنا الكل

 

[عاشق بنات حواء]

نقلو خويا اني منحبش هكا يقلي اكي معقدة انا نقولك ركي فور وهدا هو الصح لزم على البنت تحفظ شرفها ولاكن كين ناس تقدري تقولي عليهم حيونات يحب يستغلو الانسان بكلمة معقدة

 

[يسرى 2008]

هادي هي المشكلة
يعني كاين ناس ينجرحو في ساع كيفي
ويوخدو على كلام الناس
مي الحمد لله كاين ناس يقراو معايا يقولولي اكي متربية وفووور وعسي على روحك طلعولي المورال

 

[chamse121919]

ما تقلقي ماوالو هادي مرحلة تعيشها كل بنت و مادامك بنت لازم تعيشي هكا