أول حاجة : حابة نهدر على ظاهرة التعري في الأعراس .. يا لبنات مام قدام النسا مي شوي شوي .. اسمحولي مي بنات خرين يكثرو فيها .. البسو كيما يصلح مش تلبسولنا لبس الفنانات الفاجرات أعزكم الله و تقولو رانا في عرس نورمال
و الله نروحو للعراس نحشمو من النسا الكبار .. يحيرو .. أنا مانقولكمش ماتلبسوش حاجة مليح .. البسو حاشة ما هيش مفضوحة بزاف ..
و الله صح كاين منها يلبسو لبسة متصلحش كي تكوني وحدك و متتلبسش يا سيدي هاذو نقولهم ربي يهديكم
كيما قلتي بعد
آمين يا رب العالمين
ثاني حاجة : و هي دخول الرجال للأماكن وين يكونو النساء .. و يقولولك جينا نكاميريو .. يخي عرس ما فيها والو .. يا أخي في العرس ماكانش ربي ولا كيفاه ؟؟ استغفر الله .. كيفاه تحلل لروحك تدخل للنساء و تكاميري نورمال .. حاب تكاميري مد للنسا يكاميريو .. حتى هوما يعرفو .. ماهيش حاجة صعيبة لدرجة تدخل انت ..
ايه صح كاين بصح حسب اهل العرس هوما لي يتحكمو في كلشي والله في عرس ختي خويا و مدخلش كلشي من بارا لسحق حاجة يبيبي نروحلو ولا يعيط راجل مدخل الحمد لله بصح كاين لي لا احم لا دستور يقولك دارنا ولي معجبوش يقلع بصح ماهيش عقلية هاذي
ربي يصلح لحوال
هكذاك خير .. حنا ثاني فلافامي تاعنا مايدخلوش
بصح بدات تنتاشر هاذ الظاهرة
و كيما قلتي على حساب أهل العرس
ثالث حاجة : الكورتاج .. لبنات كي يجو يروحو للكورتاج .. لي بالحجاب تقلعو .. و لي ما هيش مدايرة هكذاك مليح .. و كي تقولهم كيفاه .. يقولولك يخي عرس نووورمال .. يا سبحان الله .. تحير .. كيفاه مالا .. ربي قالنا في العرس حلال تنحو الحجاب .. يعني برميسيو .. لي تحب تروح فالكورتاج تلبس حجابها .. و لي ما عجبهاش تقعد واحد ما حتمها ..
ايه هاذي بزااااااااااااااااااااااااااف تلقايها حجاب نهار الكورتاج الشعر متلوق من الفوق دوني وملتحت ميني وسلكيها نتي انا الحمد لله ملي تحجبت جامي خرجت بلا حجاب هههه ههههه و لكورتاج نروح غير اذا كان تاع الاقرب الاقرب ومع لازم واحد قريب
الله يجازيك على تصرفاتك
و ربي يهدي الباقي
و نتمنى نساهمو كامل باش نقضيو على هاذ الظاهرة
يعطيك الصحة وتستاهلي تقييم
الله يسلمك أختي .. هذا واجب علينا
شكرا على التقييم