راني خايف ....والحل.....؟؟؟؟؟

βïģ βôşş

:: عضو بارز ::
أحباب اللمة
إنضم
18 جوان 2010
المشاركات
5,138
نقاط التفاعل
1,620
النقاط
351
سلام عليكم...واش راكم يا حبابي ...راكم بخير
شوفو انا عمري تقريب 19 سنة...كي كنت نقرى اولى إبتدائي تعرفت بواحد ..صاحبتو رجعنا اكثر من الخوا....ايا روح ....بدينا نمدو فالوعود ...نبقاو معا بعض ...نقراو كيف كيف...كلش نديروه معا بعض.....ايا فاتو عامين....بدل عندنا واحد الطفل جديد ...حتا هو صاحبتو...صاحبي اللول الي تعاهدت انا وياه نبقاو صحاب..بعد خمس سنين راح ...خلاني مانعرف وعلاه....صاحبي الثاني ...قعدت انا وياه...تقريب 9 سنين....حتى هو ماطولش....ايا كي كنت نقرىثالثة متوسط والله العظيم حبيت وحدة من قلبي ...حتى هي بعد عام ...تحولو دارهم للعاصمة...لاخبر عليها...ايا تروح يام تجي يام...تعرفت على 3 دخلو قلبي وتعلقت فيهم....قعدنا معا بعض تقريب عامين..ومباعد واحد تحولو دارهم...والزوج لخرين حتا هوما راحو..اي بقيت وحدي ...من شوكة الشوكة من رود الرود...حتى تعرفت بحبيبي حليم...الي نعزو بزاف لدوركا مزال صاحبي...وتعرفت على ناس خرين ...معزتهم عندي متتصورش.....يا جماعة الخير...راني خايف اللي نحبو كل ولا نعزو يروح عليا حتي هادو اللي نعزهم راني خايف يروحولي.....الله اعلم غير انا الي يصرا فيا هاك......سلام
 
يا خويا تاع الصح ماعندكش الزهرهههه المهم ماتقلقش روحك و كيما قلت عندك هادا صاحبك لي تعزو و تاني راح تتلاقا بناس وحدوخرين صافيك ماديرش في بالك تاع لي نحبو يروح عليا كلشي بالمكتوب و بالاك ربي شاف فيها خير باش تتلاقا بصاحبك هادا ربي يوفقك سلام
 
ماتقلقش روحك بصح الحياة تعطي فرصة لصداقات جديدة
المهم ربي يخليهمك والثالثة ثابتة
 
مشي غينت قاع رانا كيفكيف حتى انا لينغزها تروح والحل هو الصبر الصبر الصبر
 
سلام ربي يصبرك و يشدلك في الي بقاو بصح هدي هي الدنيا تعاشر و تفارق لازم توالف عند 19 برك مازلت تشوف بزاف كيما هكدا
يعني باين عليك حساس قوي قلبك شوية
ايا سلاااام
و تقبل مروري
 
خويا خير الدين ماتخليش الصداقات الي درتهم في حياتك من قبل حاجة سلبية في حياتك بالعكس اذا انت لقيت صديق و جوزت معاه اوقات و ذكريات و الله غالب هاذي هي الدنيا و تفارقتو دير في بالك كاين الي ماحظاش بفرصة صداقة يعيشها
و بالنسبة انو صحابك هاذو يخليوك ماتخممش هاك خمم بشكل ايجابي و خمم في هاذ اللحظات الي راك تجوزها معاهم و خلي المستقبل على ربي

ربي يكون في العون و يحفظك لاصدقائك و يدوم صحبتكم يا رب
 
خويا صح معندكش زهر راك مونك زهر ههههه معليش هادي دنيا ديما تبعدنا على لي نبغوهم وراك لقيت غي هادو ربي يخليهملك انا الحمدو الله يا ربي عندي شيرة وقاع بصح من نهارها بعيدة منافش عليها تروح مالا انت تاني دير صحيب بعيد ويكون انتيم متخافش عليه انو تتفارقو ههه كيفي ربي يهنيك خويا
 
حالتك مثل حالتي تقريبا انا كل صديقة نديرها بعد مرور سنة او اكثر تصير اكبر عدوة ليا
 
ياخويا مهما عاشرت لابد تفارق هادي دنيا تعرف تاس

وتحبهم وتتعلق بيهم ومن بعد تفارقهم حال الدنيا

ربي ان شاء الله يحفظك وتلقى الناس اللي تعاشرهم

ويبقاو معاك
 
متقلقش روحك معليش كل واحد وكيفاش كاتبلو ربي انت اصبر حتى تلقى اصدقاء اكتر ويكونو ملاح بزاف ونتمنالك كل خير ومتدير والو فبالك انسى الهم ينساك خير الدين
 
هادي الدنيا اختي
 
خسارة ماتخافش نعيم خويا اعرف برك واش تخير هذا ماكان شوف نقلك حاجة حطها بين عينيك.....ليست القلوب حيث نكون بل القلوب حيث نحب....كي تفهم هذي العبارة والله كلشي يهون ربي معاك خويا العزيز....
 
الصح انت ما عندكش الزهر بصح ما تفقدش الامل
 
ماديرش في قلبك هكذاك سي نو تمرض.
 
صحا نقولك والديك وين راهم ولاهوما ماشي عزاز قول

وكلام واحد اوخر

خويا والله غير كيما قالك القلب الابيض ماعندكش الزهر هههههه

وانا تاني كي حالتك بصح مايدوملك غير اعمااااالك في الآخرة وفي الدنيا والديك هوما الصح
 
واش تحب هادى هى الدنيا
 
سلام.ياخويا انا جامي سراتلي عندي2 صحابات من السنة اولى ابتدائي و الحمد لله رانا الى يومنا هذا وحنا كي الخاوة وزيد تعرفنا على وحايد اوخرين والحمد لله رانا 9 كي الخاوةهههههههه وليت نحكيلك في قصة حياتي .المهم ربي يطيحك في ولاد الحلال.سلام
 
يا خويا تاع الصح ماعندكش الزهرهههه المهم ماتقلقش روحك و كيما قلت عندك هادا صاحبك لي تعزو و تاني راح تتلاقا بناس وحدوخرين صافيك ماديرش في بالك تاع لي نحبو يروح عليا كلشي بالمكتوب و بالاك ربي شاف فيها خير باش تتلاقا بصاحبك هادا ربي يوفقك سلام
شكرا لك ايها القلب الأبيض....إن شاء الله نلقاهم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top