راني حاب ندير افار ببنتي

الحالة
مغلق ولا يسمح بالمزيد من الردود.

lamou

:: عضو مُتميز ::
إنضم
5 جويلية 2008
المشاركات
969
نقاط التفاعل
5
النقاط
37
العمر
33
السلام عليكم يا ناس اللمة


ليوم راني حابة نحكيلكم علي وحدة صحبتي و ارجوا ان تتفاعلو معي :fish:

المهم هدي الطفلة كانت تجمعها علاقة غرامية مع لوس ختها (اخو زوج اختها ) ومع الايام جاء خطبها و مر علي علاقتهم 4 سنين مع العلم باباها مكانش عاجبو الطفل لانو علي قيس حالو . و هما مساكن كانو زوالية بزاف يسمى حب يزوج بنتو مع واحد عندو لكتاف باش يخرجهم من الغرقا .المهم وحد النهار ختها ادابزت مع عجوزتها كي سمع باباهاقاللها افسخي خطوبتك ولا مراكيش بنتى:tears:.مسكينة ملقاتش واش ادير و بعد اسبوع باباها جابلها عريس و تزوجت بيه.



وحد النهار كنت رايحة نشوف لافيشاش حتي تلاقيت بيها خارجة من سيارة bmw لخرة سلمت عليها و سقسيتها كيفاش راهي عايش و ادا الزواج مليح .....اخ حتي خرج وحد الراجل شايب:santa_1: من السيارة قلتلها شكون هداك ..............................قاتلي راجلي :scared::scared::scared::scared::scared::scared:

انا نخلعت يكون في عمرو 55و هي 20سنة واش هدا ?..؟


;واش رايكم في ناس كيما هذو يبيعو بناتهم علي جال المال ؟



راني عارفة بلي طولت بزاف اسمحولي
 
ياخويا الطمع يفسد الطبع
 
ناس جاهلة ...بيئة
بيها نهار اخر تحاسبوا مسكينة والله لتقيظ
واش دير حكم القوي ع الضعيف



 
نكره الي يبيع بنتو على جال صوارد
ناس فاسدة درك بنتو هادي وش رايحة تعيش مع الشايب هدا
شبابها يروح هكاك
ربي يهدي
 
يسعدني بل يشرفني ان اكون في موضوعك الرائع القيم
برك الله فيك دمت متميزا ومبدعا
مودتي وتقديري
وعظيم شكري

تقبل تحياتي لك
بيكــــــــهام
تشاو تشاو
 
هادا اب؟
ربي يصبرها
شكرا

 
آخر تعديل:
هدا واحد شرير
55 مع 20


ربي يهديه
 
كيما قالت الأخت ناس جاهلا ما تعرفش قيمة الحاجا حتى تطفر و تخسرها
ربي يهينا يا ختي
 
يا خلايا واش بيهم ناس ماعاداتش تخمم يحوسو غير المادة لجهل وين وصلنا علاش يخسرلها في حياتها تقنط روحها مع راجل قد باباها واش رايحة تعيش معاه غير لعداب هدا ماشي اب راه باعها دوك راهي لمسكينة تستنى فيه وقتاش يموت باش كاشما تورت من عندو ربي يهدي ماخلق
يعطيك الصحة خيتو ع الطرح لهايل
 
ربي يفتح عليها
والزواج راهو مكتوب اختي
كل وحد كيفاش مكتبو
 
هذا خسارة عليه حتى كلمة "أب":sneaky2:
يضحي بشباب بنتو على جال الدراهم
يخي حالة :no_1:
هذي الظاهرة منتشرة و ماش مليحة خلاص
يتسمى انت اللي عجزت عليه رايحة بنتك على حساب حياتها تديرو؟
هذا يتحصل على لقب" فاشل " خير من "أب" :busted_red:
ايا المهم واش نقولوا ...كلش ماشي
شكرا على الموضوع المهم
من رائع إلى أروع:wink:
في أمان الله
***
 
شكرا للموضوع القيم
والله حال الاهل تاع هدا الزمان زواج المصلحة ويتاجروا ببناتهم حاجة عادية والبنت لى قد حالها مسكينة ترضى وتسكت الله غالب
الله يهدي ما بقاش زمان راهي الدعوة مخلطة كامل خلوا البئر بغطاه
 
شكرا للموضوع القيم
والله حال الزواج تاع هدا الزمان زواج المصلحة والاهل صاروا يتاجروا ببناتهم حاجة عادية والبنت على قد حالها مسكينة ترضى وتسكت الله غالب
راهي الدعوة مخلطة كامل الله يهدي
 
والله انا صحبتى مولات 16 سنة تزوجت بوواحد في عمرو بلاك 35 سنة صاحب باباها واش حدير هدا يسموه زواج المصلحة
 
شكرا للموضوع

والله حال الزواج تاع هدا الزمان زواج المصلحة.... والاهل صاروا يتاجروا ببناتهم عادي جدا ....والبنت على قد حالها مسكينة ترضى وتسكت الله غالب
راهي الدعوة مخلطة كامل الله يهدي
 
قولونا قبل الطفلة واش كان رايها ؟؟؟
 
يسعدني بل يشرفني ان اكون في موضوعك الرائع القيم

برك الله فيك دمت متميزا ومبدعا
مودتي وتقديري
وعظيم شكري

تقبل تحياتي لك
بيكــــــــهام

تشاو تشاو

; فيك بارك الله و شكرا علي ردودك المميزة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top