قولولي اذا كان تصرالكم كيفي ولا لا لا

[fairy]

هذا الموضوع شحال وهو يدور في راسي الا وهو الاحساس بالوحدة قولولي اذا كان تصرالكم كيما انا خاطر راني نحس بالوحدة malgré كاين عباد بزاف في حياتي ويجيوني اوقات لي نحس بلي راني وحدي في هذا العالم قولولي اذا انتم تاني تصرالكم ولا غير انا !!!!!

 

[مروة MARWA]

اختي الاحساس بالوحدة هو اصعب شيء في الوجود
صح عندك اصدقاء ومعارف بزاف بصح باينة بلي علاقاتك معاهم سطحية بزاااف يعني ماتتشاركيش معاهم مشاعرك تحكيلهم همومك او أسرارك وهادا يخليك دايما بعيدة عليهم وتحسي بالوحدة لهدا لازم عليك تحتكي شوي مع اصدقاءك تحكي معاهم في كل شيء تتشاركو كل شيء حتى تحسي روحك جزء منهم ويروح عليك هاد الاحساس
حاولي تكوني انسانة فعالة وعندك دور في حياة اصدقاءك هادا يخليك تتغلبي على الوحدة

سلام ...
​

 

[إحسَانْ]

انا نحس بالوحدة بصح لي تقطع القلب ماكانش عباد حولي

 

[ouargly]

جامي صراتلي بالصح أنا نضن لازم تكون صريح معا روحك هذا ما كان تعلاف واش كاين

 

[مروة MARWA]

انا نحس بالوحدة بصح لي تقطع القلب ماكانش عباد حولي

خويا حنا كامل رانا معاك وادا تحتاج حاجة ماعليك غير تطلب

على الرحب والسعة
​

 

[nasser17]

تصرا بصح غـير قليل


عندي وشحال من صحابي بـصح نحس بالوحدة

اخــــ ناصر ـوك

 

[ملك اللمة]

سلام ...
انا ثاني يا ختي نحس بيها احيانا بصح كاينا حاجا ديري في بالك انهم الناس ليراهم مقربين منك لوكان يحسو بوحدتك يحاولو قدر المستطاع انهم ينحو عليك هاذيك الوحدة و حاولي تكوني اجتماعية واحكي و فظفظي شويا ما ديريش في قلبك ...خيك ملك اللمة

 

[fairy]

شكراااااااااااااا

شكرا لكم اخواني اخياتي على مروركم وعلى اعطائي نصائحكم و اراءكم شكرا جزيييييييييييييييييلا و صح فطوركم

 

[la_safa]

انا الحمد لله ما نحسش بالوحدة ربما لانو كاين الاشخاص المناسبين في حياتي و ممكن لانو انا ما نقلقش روحي و مانوسوسش روحي ومانعرف
شكرا على الموضوع
​

 

[Elif DZ]

كنت كيفك
لكن الحمد لله ربي رزقني بمن انس وحدتي
ربي يرزقك بالرفقة الصالحة
​

 

[ايمان 02]

كامل يصرالنا هكدا يا ختي
​

 

[sam11]

تصرالي بزاف نحس اني وحدي وماعندي حد

رغم انو الكل معايا

 

[الوان الربيع]

انا نحس بالوحدة بصح لي تقطع القلب ماكانش عباد حولي

 

[ISLEM BABIA]

السلام عليكم
اختي روحي شوفي طبيب نفساني

ربي يعافينااااا
هههههههههههههه.

 

[بنت الجزائر و افتخر]

انا اكثر وحده تحس بالوحده

و ما عنديش ناس حولي يعني انا وحيده بمعنى كلمة الوحده

و شكرا على الموضوع

 

[fairy]

انا اكثر وحده تحس بالوحده

و ما عنديش ناس حولي يعني انا وحيده بمعنى كلمة الوحده

و شكرا على الموضوع

ربي معاك يا اختي ولي خلق ما يضيع وشكرا على المرور

 

[meriemalgerienne]

انا منحسش بالوحدة الحمد الله بساح نتا مدخلش هاد الفكرة في راسك و اشغل روحك باش تنسا و توسوش روجك c mieux

 

[عروس الثلج]

ممكن تحس بالوحدة ولاسباب كتيرة
مثلا اسباب نفسية حزن ضيق خاطر....
وكل واحد فينا مر بهاذ الموقف نظن
وتجي فترة تحسي بيها هكا

 

[aymen habchi]

oui tassrali normalement

 

[aymen habchi]

sa3a b sa3a balakk