██████ تشوكيت من هذا الأمر كي شفته ██████

EL General

EL General

:: عضو مَلكِي ::
أوفياء اللمة
السلام عليكم و رحمة الله تعالى و بركاته


صح فطوركم جماعة الخير


حبيت نتكلم و نصرح و نقول :

اليوم دخلت لواحد لافارماسي تع الدوايات
موالف نروح له من بكري

كي دخلت اليوم العشية بش نشري واحد الدواء ...
لقيت واحد الراجل قبلي في الكونتوار
مسكين كي شفت حالته عرفته بلي راه زوالي و أيضا زدت تأكدت من أقواله و الله غير غاضني مسكين يبان لي عنده أولاده مرضى و باش يشري لهم الدواء

سمعته يقول لصاحب اللافارماسي ربي يعيشك زيد اصبر عليا غير شوي وقت برك و نخلصك

و سمعت صاحب لافارماسي يرد عليه و يقول له :
راهي 4 ordonons و ماكش مخلصهم

فهمت ديراكت لثما بلي راه مسال في 4 أوراق طبية تع دواء و هو مسكين ماهوش قادر حتى يخلص وحدة

قال له مولا لافارماسي : يا صاحبي راك طولت علينا
ازرب خلص و لا مانعطيكش الدواء

حسيت تما بالزوالي صح أنا

غاضني الحال وليت خرجت و رحت لافارماسي واحد آخر

بصح بقيت لدرك نفكر

علاه يصرا هكا في بلاد البترول و بلاد بوتفليقة ؟؟
علاه يصرا هكا في بلادنا حنا بالذات

علاه يجي واحد يخلص sur place
وواحد مايقدرش يخلص خلاص ؟؟

أحوال المجتمع ولات تبكي بزاف

............
إليكم الخط
............
​
 
توقيع EL General
راك مازال ماشفت والو شفت حوايج الله يحفظ ويستر اكثر من هاك وعندك الحق تتسائل هذه كلها سبابها الطماعين والعياذ بالله الطمع والخدمة بالمعريفة داءان منتشران عندنا بزاف بلاد الميكي وبلاد الديقوتاج والسابوتاج* وكيما يقلك اقفز تعيش* هذه سنة الحياة يعيش فيها غير الحاذق
شكرا ليك على الموضوع المميزفشيت قلبي هنا تقبل مروري
​
 
مرورك مقبول يا سوهيلة
نقاشك رائع و ماكانش أروع منو ...
​
 
توقيع EL General
الدولة دايرة بطاقات الشفاء ، بابا عنده مرض مزمن ، اختي عندها مرض مزمن ، والدواء يدو فيه كل شهر باطل
+ انا الحمد لله راني متعافية ، بصح في التسجيلات الجامعية خدمولنا بطاقات الشفاء ، يعني تدي الدواء بلاش !!
انا حرت في قصة المخلوق هاذا اون مام تو غاضني مسكين يعني ماكانش اللي يوعيه ويخملو كواغط البطاقة هاذي​
 
شكرا على المرور
بصح يجي في بالك انت الدولة تخرج و ماتدخلش ؟

شكرااا
​
 
توقيع EL General
علاه يصرا هكا في بلاد البترول
؟؟؟؟؟؟؟؟؟
ويبقى السؤال مطروحا
عييت نخمم فيها هادي والو :sadwalk:
قولي برك حاجة تصلح في دزاير
كل المجالات لازم تلقى فيهم خلل لازم حاجة ناقصة حاجة مكرفسة
مافهمتش كيفاه نتعاملو معاهم كيما نديرو ماتصلحش
ماغلطش لي قال بلاد الميكي
ومش قادرة نزيد نهدر كتر من هك راني شوي ونطرطق
***
بارك الله فيك ع الموضوع
​
 
شكرا على المرور > مروى
حيراتك بلاد البترول
رانا كامل حيرانين كي نديرو
​
 
توقيع EL General
مسكين
والله غير شفني علبالك انا زوز خواتاتي فرمسيانات ديمة يصدقو على رواحهم الدنيا راهي غدارة نهار ليك ونهار عليك
مي نسقسيك وانا فرماسي؟​
 
قال احب بلادي:
مسكين
والله غير شفني علبالك انا زوز خواتاتي فرمسيانات ديمة يصدقو على رواحهم الدنيا راهي غدارة نهار ليك ونهار عليك
مي نسقسيك وانا فرماسي؟​
إضغط للتوسيع...


شكرا على المرور ...
لافارماسي تع بوزنادة محمد
اللي في لارموط
و كي تقلقت خرجت و رحت لافارماسي
تع رجال يوسف في طريق عنابة
​
 
توقيع EL General
قال digo armando maradon:
شكرا على المرور > مروى
حيراتك بلاد البترول
رانا كامل حيرانين كي نديرو
​
إضغط للتوسيع...
حيروني الدراهم لي تجي منو واين تروح والشعب مسكين عايش في الشوارع :surrender:
***
العفو أخي
على الرحب والسعة
​
 
اي كاين بزف بحل هاد مي الله غلب الناس ولات متعرف الصح من الكذب وش نقولك ربي يرف غبن كل محتج ويقظي حاجته
​
 
هوما كي تحكي معاهم و تقول لهم
علاه كاين الفقير و الغني ؟
يقولك ربي خلق و فرق ................

و هوما القبلة تع الصلاة مايعرفوهاش منين
​
 
توقيع EL General
قال digo armando maradon:
شكرا على المرور ...

لافارماسي تع بوزنادة محمد
اللي في لارموط
و كي تقلقت خرجت و رحت لافارماسي
تع رجال يوسف في طريق عنابة​
إضغط للتوسيع...
اوكي اوكي لزوز صحاب بابا​
 
احكملي بلاستي باش مايدوهاليش :no_1:
راني نعست غدوة نجي نردلك :yahoo:​
 
الله غالب والله غير كاين ما عندهمش حتى واش ياكلو وناس ما بقتش الرحمة في قلوبهم كل واحد يخمم في حالو
 
خويا الحالة هذي ماشي غير عندنا راهي مام في دول اخرى
الله غالب كل واحد كيفاه كتبلوا ربي يعيش واحد سعيد ولاخر شقي
الحكمة نتاع ربي سبحانه
ربي يعافينا
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom