██████ تشوكيت من هذا الأمر كي شفته ██████

[عاشقة الكرة]

واش تحب خويا هاذو هوما عربنا قاتلهم غير العوج واحد يخسر في الدراهم وواحد مسكين شاتيهم
وتلقى اللي معندوش هو اللي مايشكيش الزوالي هو لي يعيش
ربي يلطف بعبادنا وببلادنا
ومشكور على الموضوع المميز اخي الغالي جزاك الله خيرا
​

 

[فراشة الايمان]

الله غالب .........

 

[EL General]

شكرا لكم على المرور

أحلى نقاش هو نقاشكم .
​

 

[بنت الصحراء08]

رد: ██████ تشوكيت من هذا الأمر كي شفته ██████

الواحد يقول الحمد لله على كل حال
​

 

[stelllo]

رد: ██████ تشوكيت من هذا الأمر كي شفته ██████

يغيضوني اللي يكون محتاج وماعندو واش يدير مسكين
يشوف ولاده جيعانيين مراض وهو مش قادر يسد جوعهم ولا يخفف المهم
وتشوفي الناس اللي تطيش ف النعمه وتروح تشريلي اغلى الماركات وما تفكرش بالفقير
انا مانقولج تحرمي روحك وربي امر ان نظهر النعمة في سورة الضحى
بصح ف النفس الوقت ماينساج الفقير ويتصدق... وربي يبارك ف رزقه

 

[Hakan]

رد: ██████ تشوكيت من هذا الأمر كي شفته ██████

اخي في الله اعلم ان الفقر لا يرتبط لا ببترول ولا ببوتفليقة فقد كان في عز الخلاافة فقرااء لكن جعلهم الله ليبتلي بهم الاغنياء
صحيح ان الدولة والنظاام قد عاثو في الخزينة العمومية فسادا لن يبقى انه يوجد اغنياء يسر الله لهم المال لخدمة الفقراء
والله يعين كل محتاااااااااااج والسلام عليكم .​

 

[بنت الـ25]

رد: ██████ تشوكيت من هذا الأمر كي شفته ██████

السلام عليكم اخي الجنرال
نسيت اسمك فكرني بيه :d
هدا والو يا اخي مزال الخير لقدام
انا مرة كنت نمشي في لابراش وتما كاين لي حاطين فاللرض يبيعو مساسك وكوبونقل ومرايات ...الخ
المهم جات وحد لمرا قاتلو اعطيني مساسك غانجو (يديرو الف فرنك)
بصح ما عنديش باش نسلك
ايماجين توصل لدرجة الف فرنك ما تسعاهاش فالجيب راهي كارثة

وانت تقول في بلاد بوتفليقة ومعرف وش
في بلاد بوتفليقة كلشي راه معريفة ورشوة

الزوالي لي راك تحكي عليه على الأغلب جامي قرا وتزوج وقت الغفلة وجاب وليدات وممبعد حاوزوه مالخدمة ولا الشركة فلست ولا ....
المعهم تتعدد الاسباب والنتيجة واحدة (بطال)
ماهوش assuré ما عندوش كيفاش باش يشري دوا وما يقدرش يقول للاولاد ما تمرضوش
للأسف المعيشة مرة وصعبة

الدولة دايرة بطاقات الشفاء ، بابا عنده مرض مزمن ، اختي عندها مرض مزمن ، والدواء يدو فيه كل شهر باطل
+ انا الحمد لله راني متعافية ، بصح في التسجيلات الجامعية خدمولنا بطاقات الشفاء ، يعني تدي الدواء بلاش !!
انا حرت في قصة المخلوق هاذا اون مام تو غاضني مسكين يعني ماكانش اللي يوعيه ويخملو كواغط البطاقة هاذي

ما تحيريش اختي المتفائلة
واحد كي يكون مش خدام بالضرورة رح يكون مش مؤمّن ما عندوش l'assurance
موحال يخدمولو كارط شفاء
باباك ولا اختك عندهم كارط شفاء لأنهم من ذوي الحقوق (مرض مزمن) يديروهالهم بالسيف
اما انتي راهي مسورياتك الدولة خاطر راكي طالبة
والخدام عند الدولة مسوري والبريفي كي يحب يسوريك تاني عندك حق ديري كارط شفاء
مي اللي ما يكونش مسوري ما يعطيوهالوش ويضطر يشري دواء بالدراهم
والدوا غالي

كاينة وحدة نعرفها مرضت مرض جلدي وعندها كارط شفاء
مي كاين دواء تع الجلد هدا تلقايه غالي وما يترونبورساش
سقاملها في 6 ملاين قاتلي لدوك مزالني نسلك فالدين تعو

يااا حي على هديك كارط تع الشفاء نهار درتها وجبتها لقيتها مش اكتيفي
داها بابا ياكتيفيهالي قالو شهرين
فالشهرين هدوك مرضت مرتين دجاويت بالدراهم
نهار اللي اكتيفاوها حبست الخدمة
وبديت في بلاصة اخرى ،، ما يجيو ياكتيفيوها حتى تزيد تفوت 3 اشهر وتدفعي وحد الورقة باش ياكتيفوها

فالـ 3 اشهر ههادو يعني ما عنديش حق نمرض ور كيفاه؟

والله يعني يجيو يديرو حاجة باش يسهلو امور يزيدو يصعبوها

بابا عندو من رمضان اللي فات ملي دفع دوسي تع كارط شفاء باش يخدموهالو لدرك مزال ما وجدتش
مااااااااااااينة انا والله كرهت من هاد الدولة كرهتتتتتتتتتتت
​