ميساج في msn

[programmeur]

السلام عليكم ورحمة الله وبركاته

اليوم حبيت نتكلم على وحدج الظاهرة اللي راحو فيها بزاف ضحايا


اليوم دخلت للايميل تاعي ماصبت والو عدا رسالة جاية من عند واحد مجهول

قلت نفتح وعلى ربي

صبتها بالفرنسية وقعدت نقرى ياعباد الله هادو الناس حاسبين بلي الناس مازالت ترقد على ودنيها

زعما هادا الميساج رسلاته أمرأة من لندن قالتلي بلي انا زوجت وحد البنادم كان مسؤول كبير في غينيا ولا مارانيش عارف
ومات و خلانا ثروة كبيرة مقدرة ب 4 ملايين أورو :yahoo:

أيا قالتلي هادي 4 ملايين كان حاطها في شركة تاع امن على شكل اسهم
وانا ماكانش علابالي

وكي مات عشت انا وولادي ميزيرية كحلة ومن بعد عرفت بلي راه ترك دراهم وروحت خرجتهم
بصح حبيت نرسل ولادي يعيشو في بلد اسلامي وعلابالي بلي انتوما مسلمين

وراني حابة نسرل ولادي يعيشو عندكم + 4 ملايين أورو:wink:

هههههههههههههههههههههههههه

وقالتلي اكتبلي اسمك وعنوانك وانا ندبر راسي هههههههههه


ومرة تانيك حليت ميساج بالانجليزية
قالولي بلي السفارة تاع جنوب افريقيا غادي ترسلك دراهم تاع واحد مات هههههههههههههه


حبيت نقوللكم يا خاوتي ونصيحة في سبيل الله
اللي يشوف ميساج كيما هدا في ايميل تاعو يحدفه
ولا يقول للي رسله مارانيش مهبول كيفك ولا يسبه ولا يدبر راسه

المهم ماديروش عليهم
لخاطرش سمعت بلي كاين ناس دارو عليهم و راهم ضحايا
وللاسف الضحايا من الجزائر


وكيما يقول المثل
القانون لا يحمي المغفلين

وشكرا لكم
​

 

[هشام ماضي]

يحبو يهفو ناس حتى انا مانتلهاش بزاف بهاد الامور على خاطر يلحقو رسائل اشكال والوان

 

[هــــيلدا]

انا قتلوني بهاد الميساجات،،
الايميل تاعي نقرا بيه، ونحلو يوميا، تقدر تقول يلحقوني 3 ، 4 في السمانة،
مرة من اثيوبيا ومرة من جنوب افريقيا ومرة من الكامرون وكل مرة واحد يحكي حكاية،
وليت منقيمهمش حتى ديراكت نسوبريميها،،

صح كاين ضحايا بزااف، طمعوهم ومشاولهم في اللعبة وراحو فيها،،
واش نقولك الطماع يبات يسالي، مالا للي طمع طفرت فيه ويستاهل

 

[حفيد هواري بومدين]

صدقني 3سنين مافتحتشmsn وقعدت فيه
الا مرة كانت امور شخصية

مانفتحوش خلاه
نخدم فايس بوك
مي كاين بزاف ناس تغرو بشي هادا نتاع ميساجات
و و و
وكاين لي يامن صح


مرسي خويا

​

 

[AWDIESL]

مليحة التوعية خطرش ماشي كامل فايقين ....كاينين الي يطمعو و كاينين اللي هادا وين بداو يعرفو الاماسان....و كيما يقولو اللي يدوق البنة مايتهنا....
​

 

[رقيقة المشاعر]

ايه عندك الحق
و المغفل يتحمل نتيجة افعالو و غباءو

 

[السلطانة]

وعليكم السلام

اييه وشكون المهبول لي يصدقهم هاذو

شكرا على التنبيه

تحياتي ​

 

[nassim007]

هههههههههههههه

غير الهف
​

 

[فراشة الايمان]

ههههههههههههههههه
شكرااااااااااااااااا على النصيحة

 

[wafa peace 2011]

الحاجة كي ماتشوفهاش عيني ماكلاه يصدقها قلبي وعقلي

 

[aMiNa-K]

ايه شفتهم شحال صامطين يا خو

و شوف الصماطة وين تلحق .. حنا يلحقونا براوات للدار و معمرين بهاد الخرطي .. جماعة مدغشقر و جنوب افريقيا
بصح بزاف اللي داهم الطمع و طاحو ضحايا​

 

[بنـ MaPa ـت]

ههههههههههههه
انا تاني صراتلي
هادي وحدة من السودان قاتلي بابا كان نائب الرئيس السابق للسودان ومات وخلالي الدراهم وكتبهملها على اسمها تصور شحال قاتلي 9.4 مليون دولار ومبعد هههه خوالها حبو يديوهملها حاوزوها للصومال وقاتلي راني في مخيم للاجئين في الصومال وزعمة كانت تبعتلي فليميساج من عند القسيس تاعهم + بعتتلي 2 فوطو نتاوعها وقاتلي مديلي نيميرو تع الكونت نتاعك باش نبعتلك الدراهم تاوعي ومبعد ابعتيلي شوية باش نجي عندك ههههه غاشاتني بالضحك انا قلت كاش وحدة من صحاباتي حبت ديرهالي
مارديت ماحوست عليها تندب جوز الوقت بيا
ننصحك ماتعمرش راسك بيهم هادوما مهابل
مرسي خويا
​

 

[انتصار*]

مدام مزالهم يبعثو في هذ الرسائل معناها مزال كاين ناس حابسين .​

 

[naGam]

الحمد لله لحد الان ماوصلتنيش رسائل من النوع هذا
وشكرا لك وبارك الله فيك على التنبيه
​

 

[الصياد.dz]

أنا المسجات تاع صحابي منيش نفتح فيهم إلا قلال
ههههههههههه
ياه ياسيدي نفتح مساج ونترفه نعمر الجيب راه فارغ ههههههه

 

[R0NALD0]

دايمن يبعثولوي هكذا ومنقيمهمش

وبعثتلي ثاني هذيك نتاع غانا

 

[TIBA BITA]

merci khoya ih ana tani yjouni f msn suprimè w syè

 

[somiasahraoia]

انا قليل وين نفتحوا ما نتلهاش قاع به

 

[كنزا]

شكرا اخي لنصيحة بصح انا كيعود ميساج بهذي الطريقة منقراهش خلاه نسبرميه طول

 

[الرومنسي الجاد]

كاينة منها بعثاتلي واحد الروجية مي بالانجليزية خخخخخخخ
طاح فيها واحد راهو ف الحبس ذرك .. زور الدراهم باش يخرج خخخخخخخخخ​