راهم قبلوني في الحان و شباب رايحة نغني و نشطح و نولي مشهورة

[هديل الربيع]

انا نحب نتفرج غير باش نضحك ههههههه نولي شادا في كرشي مالضحك...يخي تبهديل يخي.
مرسيييييييييي

ههههههههههههههههههههههه شكرا ليك يا الحنونة الصغيرة ​

 

[هديل الربيع]

يا أختي كل شي قلتيه على عيني و راسي
بصح راهي الغلطة منا احنا نتفرجو فيها و نشجعو فيهم !!!!!!!!!!!

و الله يا ختي كي تشوفي الناس راهم ضد الشي هدا و نا راني معاك من المعارضين على الشي هدا و بيني و بينك الانترنت راهي توصل كلش ​

 

[FØùfà Bïô]

والله يآإ ألحآإن وششبآإب هآإدي ..

بهدلوآ آروآحهم بآإطل ..

لو كآإن كل وحدهـ حكمت دآإرهمـ والكوزينه مآإشي خير ؟؟

ولا هآدو الأولاد يلي يعقبو في الكاسسستينق مآإشي لوكآن رآح دبر خدمه على روحو ؟؟

زيد مكاين عندهم حتى صوت .. حتى بآش نقولوآ صصصوتهمـ شبآب

ربي يهديهم ويهدي الدوله هاذا منقووول
​

 

[هديل الربيع]

لوكان زوجوهم خير ولا عونوهم على الحرقة .​

ادا عادو المشاركين هادو يحوسوا على الزواج ساهلة نديرولهم الطيليطون و يتهناو بصح منعاونهمش على الحرقة لالا راني كونتر هاد الشي ههههه شكرا ليك حبيبتي ​

 

[هديل الربيع]

لي يعرف يغني ماعليش

بصح كاين لي راح بهدل روحه تمة وجا بااااطل تمسخرو عليه حتى شبعو زعمة علاه؟؟

ألحان وشباب راهي في بلاصة الفهامة لي يحب يضحك يتفرجها

و المصيبة كيما قلتي راهو قليل وين يجي واحد اللي يكون صوتوا مليح و كامل يديروهم تمسخيرة و يضحكو عليهم كون منهم انا نروح ننتحر خير شكرا ليك على الرد ​

 

[هديل الربيع]

الحان وشباب
مي قولولي وين راهم الالحان انا راني نشوفهم يجوا يقرو الشعر
وين راهم الشباب حتى الشيوخا رهم يروحو​

يسلم هداك الفم ساعات وحايد يجيو يهدرو الغناية يردوها هدرة كون يسمعهم مول الغناية تاع الصح يعتزل و هوما زعمة مدايريين 30 سنة اللخر بصح انا نشوف مالين 40 سنة يجيو يغنيو ​

 

[هديل الربيع]

والله يآإ ألحآإن وششبآإب هآإدي ..

بهدلوآ آروآحهم بآإطل ..

لو كآإن كل وحدهـ حكمت دآإرهمـ والكوزينه مآإشي خير ؟؟

ولا هآدو الأولاد يلي يعقبو في الكاسسستينق مآإشي لوكآن رآح دبر خدمه على روحو ؟؟

زيد مكاين عندهم حتى صوت .. حتى بآش نقولوآ صصصوتهمـ شبآب

ربي يهديهم ويهدي الدوله هاذا منقووول
​

شكرا ليك على الرد و لا نشوف هدوك البنات المحجبات اللي يجوني بالخمار و تغني نعود نشوفهم دوبل قدامي تقول نخنقها يخي عباد يخي ​

 

[الصياد.dz]

معلبالكم بلي برنامج ألحان وشباب خير من عمارت الحاج لخظر ههههههه
تظحك وتزيد تظحك على وجوه هذيك لتغني لا علاقه لا علاقة بالغناء
ربي يهدينا ولا يدينا

 

[السلطانة]

وعليكم السلام ​

الحان وشباب ​

خص العمية غير لكحل
واش رايك هادا لي خلاني بلاراس
http://www.youtube.com/watch?v=-bdFOgqGKok​

واحد داير روحو معلق
ولوخر لالجيري pونامور
ويغني في نانسي عجرم :scared:

شكرا على الموضوع ​

سلامو ​

 

[Lonely Girl]

خــاه خـــاه يليق الواحد يندب بالمقلوبيـ
تيليفيزيون المهازلـ
الله لا تربحهم مالقاو مايديرو

​

 

[قالمية ونصف]

والله اتفريجة فيهم تقتل ضحك
ملي يبدا الجنيريك وانا نضحك نتفض الحصة على لفرش تاعهم
سيرتوا واحد بعد وشوي هو لي اتخير فالاخير
واديك لي قتلتني مالضحك تاع الصح ؟؟؟؟؟

 

[b.bouchra]

يخي تعرفي بلادك ماتعرفش الجديد
لقديم اتزيدلو شوية ملح او فلفل اكحل واتقول جديد
الله غالب والفنا​

 

[naGam]

اختي يسموه عار اكاديمي ماشي ستار اكاديمي
وماشي الحان وشباب أعفان وشباب
شكرا لكي على الموضوع والله ربي يهدي ماخلق
​

 

[**سارة**]

السلام عليكم ورحمة الله وبركاته
هههههه قبلوك في الحان وشياب وماقلتيليش
كون راني جيت معاك ههههه
والله عندك الحق ختي زعما عنضالهم دارو حاجة مليحة
وهوما غير يتمهبلو نورمالمو يسميوه ضحك وتبهدايل
مرسي على الموضوع يعطيك الصحة
بارك الله فيك ​

 

[بقايا إنسان]

راهم حابين يغيرولكم طباعكم وبعدوكم عن دينكم بزرنة وبندير
والي يتبعهم راه أحقر من البعير يحمل أوزاره وأوزار الغير

 

[souhila_95]

نظن بلي دولة تمهبيل وومتفاعلين مع هبالها
بصح نقلك حاجة هههههههههههههههههه
مكاش حاجة كوميدية تفرجيلها في اليتيمة
تقتلك بالضحك قد هذه الحصة ههههههه
كلما نحوس نضحك نستناها هههههههههه
يايما قليل اللي رايحين يغنو صح الاغلبية
غير يتمسخرو ميرسي على الموضوع

 

[AnGeL*dZ]

مع ألحآن وشبآب
الشعب يعشي فرحآن وزهيآن
وينسى بللي راهو جيعآن
اولآ الحآن وشبآب تآع الضحك برك
مكانش مواهب زعمة هيهيهيهي
وغير تقليد أعمـى للجمآعة اللي سابقينا في كلش
ولبنآت اللي راحو نتما كافيآت وبهدلو بوالديهم
قآلــــــــــــك مافيش حاجه تجي كده
اهذا حبيبي كده وارجع زي زمان
ياي كي غناه هذاك الطفل حسيتو أنثى ............
​

 

[amel amoula]

rabi yhdihom

 

[maya31]

لالا ما راهيش واصلة لستار اكاديمي بارسكو ستار اكاديمي هاداك اكتر من ميكس
الحان و شباب كان نورمالمو اكتشاف المواهب
الحاجة الي غلطو عليها هو انهم حبو يقلدو شرق الاوسط

هادوك زعما مواهب ماش مشروط تغلق عليهم و تخليهم عايشين في رحبة باش تشوف المواهب نتاعهم
انا نشوفها في american idole
كاين مسابقة يجو يغنو فيها ماشي مبلعين عليهم

المهم جوبونس كو الحان و شباب ما بقاش

بارسكو راه كاين رداءة بزاف واحد يكون قاعد برى يدخل يدير تجربة اداء

الحاجة الي عجبتني على الخلاف هوما فرسان القران

مي الفرق راهو واضح
فائز الحان و شباب يعطولو دراهم و دار و لوطو
و في فرسان قران سبحة و مصحف

راهم باينين الي يمولو الحان و شباب عندهم ارباح بارسكو علابالهم بلي كامل يشوفوه و كامل رايحين يخلطو باش يسمعوه


على خلاف فرسان القران الي اجرو عند ربي و هادا هو اكبر ربح
​

 

[═♥.ЈŪšť_ màn.♥═]

..
وسمها الحان و شباب ياكــ
و الله غير هاديكــ الحصـة غير خرطي في خرطي
و تبهديلــة
زعمــا بعندونــا في ستار اكاديمي
..
ياخي ضحكــ ياخي
​